Қызылордада "Бейнеу-Бозой-Шымкент" магистральдық газ құбырыныӊ Орталық диспетчерлік басқармасы жұмысын бастады
Құбыр диаметрі 1067 мм болатын газ құбырыныӊ маршруты Маӊғыстау, Ақтөбе, Қызылорда және Оӊтүстік Қазақстан облыстарыныӊ аумақтары арқылы өтеді.
Астана. 16 қараша. Kazakhstan Today - Ұлттық оператор "ҚазТрансГаз" АҚ Қызылорда қаласында "Бейнеу-Бозой-Шымкент" магистральдық газ құбыры (бұдан әрі - "ББШ" МГҚ) трассасыныӊ бойындағы Орталық диспетчерлік басқарманы (бұдан әрі - ОДБ) пайдалануға енгізді.
Орталық диспетчерлік басқарма - бұл "ББШ" МГҚ объектілерініӊ қауіпсіз әрі сенімді жұмысы үшін барлық қажетті ақпаратты жинау, өӊдеу және беру функцияларын орындайтын жоғары технологиялық, компьютерлендірілген кешен. Оныӊ функциясына нақты уақыт режимінде "ББШ" МГҚ объектілерініӊ жұмысына дистанциялық бақылауды және мониторинг жүргізуді жүзеге асыру кіреді.
"ББШ" МГҚ-да газ тасымалдауға бақылау жасау және оны басқару үшін SCADA жүйесі енгізілген болатын, ол online режимінде компрессорлық станциялардыӊ параметрлеріне бақылау жасайды және газ құбырыныӊ барлық объектілерініӊ арасындағы деректерді беруді және олармен алмасуды қамтамасыз етеді. SCADA жүйесі жетекші дүниежүзілік өндірушілердіӊ еӊ жаӊа жабдықтарымен жарақталған.
Идеттен тыс оқиғалар жағдайында және технологиялық жабдықтыӊ параметрлердіӊ шегінен шығып кеткен жағдайында, жүйе ауытқуға дереу ден қояды және аварияныӊ басымдық деӊгейіне қарай, ОДБ-ға шұғыл хабарлама береді. Бағдарламаныӊ функцияларында істен шыққан элементтерді бұғаттау, тіпті оларды өшіру мүмкіндігі бар. Егер авария әйтсе де болған болса, жедел бригада қажетті құрал-жабдықтардыӊ, қосалқы, жинақтаушы бөлшектердіӊ тізімімен, қандай оқиға болғанын алдын ала біле отырып, авария болған жерге шығады. Бұл дегеніміз жөндеу жұмыстарына аз уақыт жұмсауға және аварияны толықтай жоюға мүмкіндік береді.
Ұлттық оператор "ҚазТрансГаз" АҚ, Мемлекет басшысы бастамасымен жүзеге асырылып жатқан "Цифрлы Қазақстан" бағдарламасы аясында, инновациялық цифрлы технологияларды тәжірибе жүзінде Қазақстанныӊ газ саласында кеӊінен ендіруде.
Қазақстандықтардыӊ қауіпсіздігін қамтамасыз ету үшін автоматтандыру мен басқарудыӊ қазіргі құралдары енгізілуде. Қызылорда қаласындағы Орталық диспетчерлік басқарма "ҚазТрансГаз" АҚ компаниялар тобыныӊ Бірыӊғай диспетчерлік басқару жүйесініӊ құрамына кіреді.
Анықтамалық ретінде: "Бейнеу-Бозой-Шымкент" газ құбыры тәуелсіз Қазақстанныӊ тарихындағы еӊ ірі құбырлық жоба болып табылады және ол мемлекеттіӊ энергетикалық қауіпсіздігін арттыруда маӊызды рөлге ие. "Бейнеу-Бозой-Шымкент" МГҚ салудыӊ арқасында Қазақстан 3 маӊызды міндетті шешіп отыр - оӊтүстікке газды тұрақты жеткізуді қамтамасыз ету, еліміздіӊ бірыӊғай газ тасымалдау жүйесін құру және сыртқы нарыққа шығарылатын қазақстандық газ экспортын ұлғайту.
Құбыр диаметрі 1067 мм болатын газ құбырыныӊ маршруты Маӊғыстау, Ақтөбе, Қызылорда және Оӊтүстік Қазақстан облыстарыныӊ аумақтары арқылы өтеді.
"Бейнеу-Шымкент Газ құбыры" ЖШС Қазақстанныӊ заӊнамасына сәйкес екі мемлекеттіӊ теӊ үлестік қатысуы негізінде құрылған. Құрылтайшы болып Қазақстандық тараптан "ҚазТрансГаз" АҚ, қытай тарапынан - Trans-Asia Gas Pipeline түсіп отыр.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.