Мемлекет тұқым өндірушіге норма бойынша шығарылған тұқымдардыӊ толық құнын өтейді
Ағымдағы жылы шаруалар көктемде тұқым шаруашылығынан/тұқым сатушыдан 1 репродукциялы тұқымды немесе элиталық тұқымды еӊ төменгі норма бойынша тегін алуды көздейтін тұқым шаруашылығын субсидиялаудыӊ жаӊа тетігі іске асырылатын болады. Өз кезегінде, мемлекет тұқым өндірушіге норма бойынша шығарылған тұқымдардыӊ толық құнын өтейді.
Астана. 23 мамыр. Kazakhstan Today - Солтүстік Қазақстан облысында агроөнеркәсіп кешенін дамыту мәселелері бойынша кездесу барысында Қазақстан Республикасы Премьер-Министрініӊ орынбасары - Ауыл шаруашылығы министрі Өмірзақ Шөкеев агроөнеркәсіптік кешенде мемлекеттік саясатты іске асырудыӊ бірқатар жаӊа бағыттары мен тетіктерін атап өтті.
Ағымдағы жылы шаруалар көктемде тұқым шаруашылығынан/тұқым сатушыдан 1 репродукциялы тұқымды немесе элиталық тұқымды еӊ төменгі норма бойынша тегін алуды көздейтін тұқым шаруашылығын субсидиялаудыӊ жаӊа тетігі іске асырылатын болады. Өз кезегінде, мемлекет тұқым өндірушіге норма бойынша шығарылған тұқымдардыӊ толық құнын өтейді.
Бұл ретте шаруа күзде егінді жинап болғаннан кейін Тұқым шаруашылығын дамыту қорына тұқым құныныӊ 30% қайтаратын болады, қор қайтарылған қаражатты жинақтайды және оны аттестатталған тұқым өндірушілер үшін төменгі пайыздық мөлшерлемемен (1-2%) негізгі құралды (техника мен жабдық) сатып алу мен жаӊартуды қаржыландыруға бағыттайды. Бұл тетікті іске асыру 2021 жылға қарай 3 репродукциядан төмен емес тұқыммен 100% себуді қамтамасыз етуге мүмкіндік береді.
Минералды тыӊайтқыштарға қатысты. Ағымдағы жылғы субсидияны алуға өтінім беру және оларға төлем жүргізу электронды түрде жүзеге асырылады, яғни субсидиялау процессі толық автоматтандырылған. 446 мыӊ тонна тыӊайтқышқа, оныӊ ішінде көктемгі дала жұмыстары кезеӊіне 270 мыӊ тоннаға өтінім берді. Мамыр айыныӊ ортасында 93 мыӊ тонна тыӊайтқыш немесе өтінім берілген көлемінен 21% аграрийлерге жеткізілді.
Жиналыс барысында сүтті мал шаруашылығы мен шошқа шаруашылығы бойынша жаӊа бағдарламалар ұсынылды.
Сүтті мал шаруашылығын дамыту бағдарламасы сүт өнімдерін импорттық алмастыруға бағытталған. Жалпы алғанда жылдық мөлшерлемесі 4% құрайтын 15 жылға дейінгі мерзімге дейін қаржыландыра отырып, сүтті-тауарлы және өнеркәсіптік фермаларды құру жоспарлануда. Өндірілетін сүтке тауарлық субсидиялардыӊ орнына, инвестициялау үшін субсидияларды және несиелер мен лизинг бойынша пайыздық мөлшерлемелерді қолдау шаралары қарастырылады.
Шошқа шаруашылығын дамыту бағдарламасында Қытай мен Ресей Федерациясы нарығына ет өнімдерін экспорттауды дамытуға ерекше көӊіл бөлінеді.
Экономикалық тұрғыдан перспективалық жобаларды қолдау және дамыту шеӊберінде етті мал шаруашылығы, сүт өндірісі, қайта өӊдеуші сала бойынша зәкірлі кооперация болатын облыстыӊ бірқатар ірі өнеркәсіптік кешендерініӊ жұмысымен танысты.
Аталған шараларды іске асыру агроөнеркәсіптік кешендегі еӊбек өнімділігін және өӊделген ауыл шаруашылығы өнімдерін экспорттауды кем дегенде 2,5 есе арттыруға мүмкіндік береді.
ҚР АШМ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.