АҚШ мемлекеттік хатшысы Израильде келіссөз жүргізіп жатыр
АҚШ пен Таяу Шығыс елдері Израильді Газа секторындағы соғыс қимылдарының қарқынын бәсеңдетуге шақырды
Энтони Блинкен Иордания, Қатар мен Сауд Арабиясындағы келіссөздерден кейін араб көшбасшыларының Газа секторын қалпына келтіру және ұзақмерзімді бейбітшілік орнату туралы ұсынысымен Тель-Авивке келді, деп хабарлайды Kazinform Euronews-ке сілтеме жасай отырып.
АҚШ пен Таяу Шығыс елдері Израильді Газа секторындағы соғыс қимылдарының қарқынын бәсеңдетуге шақырды. АҚШ Мемлекеттік хатшысы Энтони Блинкен Иордания, Қатар мен Сауд Арабиясындағы келіссөздерден кейін араб көшбасшыларының Газа секторын қалпына келтіру және ұзақмерзімді бейбітшілік орнату ұсынысымен Тель-Авивке келді.
БҰҰ бас хатшысы Антониу Гуттериш Нью-Йоркте Газа секторын қайта құру мәселесі бойынша БҰҰ аға үйлестірушісі Сигрид Кагпен кездесу өткізді. Каг бұл қызметке желтоқсанның соңында тағайындалды. Ол палестиналық анклавқа гуманитарлық көмек жеткізуге жәрдем етеді.
ЮНИСЕФ хабарлауынша, Газа секторындағы миллиондаған баланың өміріне аштық пен ауру қаупі төніп тұр. Балалар өлімі қаупі артып жатыр. 155 мың жүкті әйел де қиын жағдайда қалды.
Біз жоспарлы екпе жасау үшін 600 000 вакцина алдық. Ол балалардың өмірі мен амандығы үшін аса маңызды. Бомбалаудан аман қалған балалар екпе алмағаннан қайтыс болғанын қаламаймыз, - деді ЮНИСЕФ өкілі Маулид Варфа.
Израильдің Газа секторына соққылары салдарынан 7 қазаннан бері 20 258 адам мерт болды, тағы 53 688-і жарақат алғанын жазған едік.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
"Крокуста" болған теракт кезінде 15 жастағы жасөспірім жүзден астам адамды құтқарып қалды
Сурет: Mash
Мәскеудің Красногорск қаласындағы "Крокус сити холда" болған теракт кезінде 15 жастағы мектеп оқушысы Х.Ислам жүзден астам адамды құтқарып қалды, деп хабарлады ҚазАқпарат ТАСС ақпараттық агенттігіне сілтеме жасай отырып.
Оның мәліметінше, "Крокустың" киім ілгішінде жұмыс істеп, табыс табатын сегізінші сынып оқушысы концерт кезінде қарулы лаңкестердің дәл қасында болған. Исламның айтуынша, ол жарты сағаттай адамдардың ғимараттан шығуына көмектескен.
Дәл 23:00-де атыс басталды. Мен бірден адамдарды шығаруға жүгірдім. Өйткені қосалқы есіктердің қайда орналасқанын білетін едім. Кетіп қалсам, жүздеген адам өлетінін түсіндім. Қолымнан келгенінше біраз адамды шығарысып, үйге қайттым. Мен өзімді батыр деп санамаймын", - деді Ислам "Комсомольская правда" газетіне берген сұхбатында.
Бұған дейін хабарлағанымыздай, кеше белгісіз біреулер Мәскеудің Красногорск түбіндегі Crocus City Hall ғимаратында адамдарға оқ жаудырды. Бұл кезде "Пикник" тобының концерті басталуы керек еді.
Ресей Тергеу комитеті лаңкестік әрекетке қатысты қылмыстық іс қозғады.
Оқиға орнына мәскеулік жедел әрекет етуші жасақ мен арнайы мақсаттағы милиция отряды, сондай-ақ өрт сөндірушілер жіберілді. Crocus City Hall ғимаратына 30-дан астам облыстық және 20 жедел жәрдем бригадасы жіберілді.
Атыс басталғаны туралы мәліметтен кейін ғимаратта өрт шыққаны хабарланды.
РФ Төтенше жағдайлар министрлігінің мәліметі бойынша, өртенген аумақ 12 900 шаршы метрді құрады.
Өрт сөндірушілер адамдарды шатырдан шығарып, 100-ге жуық адамды эвакуациялады.
Мәскеу әуежайлары мен вокзалдарда қауіпсіздік шаралары күшейтілді. Барлық бұқаралық іс-шаралар тоқтатылды. Ресей Федерациясының бірнеше өңірінде төтенше жағдайға байланысты қауіпсіздік шаралары күшейтілді.
ФҚҚ Крокус Сити Холлдағы терактіге қатысты 11 адамның ұсталғанын хабарлады.
24 наурыз Ресейде ұлттық аза тұту күні болып жарияланды.
Қазақстан азаматтары үшін 8 (925) 897-71-14 телефоны бойынша сенім телефоны ашылды. ҚР Сыртқы істер министрлігі Ресейдегі терактіде қаза тапқандар мен зардап шеккендер арасында қазақстандықтар туралы ақпарат жоқ екенін хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мәскеудегі "Крокуста" болған лаңкестіктен зардап шеккендер саны 152-ге жетті
Сурет: Alexander Zemlianichenko Jr/Xinhua
РФ Төтенше жағдайлар министрлігінің Мәскеу облысы бойынша штаб-пәтерінің жаңартылған мәліметтері бойынша "Крокус сити холлдағы" теракт салдарынан зардап шеккендер саны 152-ге жетті, деп хабарлайды ҚазАқпарат ТАСС сілтеме жасай отырып.
Бұған дейін Денсаулық сақтау министрлігі 147 адам зардап шеккенін хабарлаған.
Төтенше жағдайлар министрлігінің құтқарушылары үйінділерді тазалау жұмыстарын жалғастырып жатыр. Түнде жұмысқа ауыр техникалар қосылды.
Еске сала кетсек, 22-ші наурыз күні Мәскеудің солтүстік-батысындағы "Crocus City Hall" концерт залында атыс болып, камуфляж киген адамдар бебіт тұрғындарға оқ жаудырған.
Ресейде 24 наурыз Жалпыұлттық аза тұту күні ретінде жарияланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.