Жамбыл облысында таңқурайға бөлінген субсидияны жымқыру фактісі бойынша іс сотқа берілді
Жамбыл облысы прокуратурасының үйлестіруімен облыстық Экономикалық тергеп-тексеру департаменті таңқурайдың элиталық сортын отырғызуды субсидиялауға бөлінген бюджет қаражатын жымқырудың қылмыстық схемасын анықтады, деп хабарлайды Жамбыл облысының прокуратурасының баспасөз қызметінен.
Нәтижесінде шаруа қожалықтарының жер телімдерінде таңқурай отырғызылмағаны, көшеттер мүлдем сатып алынбағандығы анықталды.
Өздерінің қылмыстық әрекеттерімен 4 адамнан тұратын топ, 2 жыл ішінде мемлекетке 900 млн теңгеден астам шығын келтірген.
07.04.2023 жылы аталған факті бойынша Қылмыстық кодекстің 190-бабының 4-бөлігінің 2-тармағы, 216-бабының 3-бөлігі және 218-бабының 2-бөлігінің 2-тармағымен сотқа дейінгі тергеп-тексеру басталды.
Тергеу барысында барлық күдіктілер қамауға алынып, олардың жалпы құны 1,9 млрд теңге құрайтын мүлкіне тыйым салынды.
12.09.2023 жылы қылмыстық іс айыптау актісімен аяқталып, негізінен қарау үшін сотқа жолданды.
Қылмыстық-процестік кодекстің 201-бабына сәйкес өзге де мәліметтер жариялауға жатпайды.
Конституциясының 77-бабының 3-тармағының 1-тармақшасына және Қылмыстық-процестік кодекстің 19-бабының 1-бөлігіне сәйкес адам қылмыстық құқық бұзушылық жасаудағы кінәсі заңды күшіне енген сот үкімімен белгіленгенге дейін кінәсіз деп есептеледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Медициналық университет ректоры қамауға алынды
М. Оспанов атындағы Батыс Қазақстан медицина университетінің ректоры сыбайлас жемқорлық қылмысын жасады деген күдікке ілінді, деп хабарлайды ҚР Сыбайлас жемқорлыққа қарсы іс-қимыл агенттігінің баспасөз қызметінен.
Алматы облысының Сыбайлас жемқорлыққа қарсы қызметі "М. Оспанов атындағы Батыс Қазақстан медицина университеті" КЕАҚ Басқарма төрағасын әшкереледі.
Ол медициналық жабдықтарды мемлекеттік сатып алу шарттары бойынша бюджет қаражатын кедергісіз аударғаны үшін Алматы қаласының кәсіпкерінен 11,6 млн теңге көлемінде пара алған.
Соттың санкциясымен күдікті қамауға алынды.
Тергеу жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жамбыл облысының прокуратурасы 700 млн теңгеден астам бюджет қаражатының негізсіз жұмсалуын алдын алды
Қордай ауданының прокуратурасы бюджет заңнамасы саласында жүргізген талдау нәтижесі бойынша аудан әкімдігі қызметінде бұзушылықтарды анықтады, деп хабарлайды Жамбыл облысы прокуратурасының баспасөз қызметінен.
Жергілікті атқарушы орган растайтын қажетті құжаттарсыз және негіздемесіз бюджеттің шығыс бөлігіне 700 млн теңгеден астам қаражатты енгізген.
Мысалы, әкімдік шығыс бағанасына су құбыры люктерін орнатуға 67 млн теңге қаражат қарастырған.
Алайда шығыстың осы бағытының экономикалық негіздемесі айқындалмаған.
Нәтижесінде прокурорлық қадағалау актісімен 700 млн теңгеден астам бюджет қаражатының жұмсалуы алдын алынды.
Заң бұзушылықтарға жол бергені үшін 6 лауазымды тұлға тәртіптік жауапкершілікке тартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкенттің обаға қарсы күрес станциясының басшысы сотталды
Шымкенттің обаға қарсы күрес станциясының басшысы сотталды, деп хабарлайды ҚР Сыбайлас жемқорлыққ қарсы іс-қимыл агенттігінің баспасөз қызметінен.
Шымкент қаласының қылмыстық істер жөніндегі ауданаралық сотының үкімімен ҚР Денсаулық сақтау министрлігі "Шымкент обаға қарсы күрес станциясы" РММ бастығы Р. Сайлаубекұлы, "Отырар обаға қарсы күрес бөлімшесінің" РММ филиал бастығы Г. Абишова, сонымен қатар бас бухгалтері Ш. Зейілбекова мемлекеттік қызметте лауазымдарды атқаруға өмір бойына тыйым салына отырып, жалпы сомасы 48,4 млн теңге айыппұлға сотталды.
Олар жұмысқа орналасу үшін пара алғаны және бергені, сондай-ақ жалған іссапар шығындарын рәсімдеу жолымен 2 млн теңге жымқырғаны үшін кінәлі деп танылды.
Үкім заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында полицейлер вандализм жасаған күдіктіні анықтады
Сурет: polisia.kz
Ақмола облысының полицейлері Ұлы Отан соғысында қаза тапқандар мен Макинск қаласындағы интернационалды-жауынгерлерді еске алу алаңына зақым келтірген вандалдың жеке басын анықтады, - деп хабарлайды Polisia.kz.
Естеріңізге сала кетейік, Мемлекет басшысы Қасым-Жомарт Тоқаев вандализмді өте жағымсыз құбылыс деп атап, қазақстандықтарды қоғамдық мүлікті өз меншігі ретінде қорғауға шақырды. 27 мамырда Бұланды ауданының Макинск қаласында өрескел оқиға болды: белгісіз адамдар Ұлы Отан соғысында қаза тапқан және Ауғанстандағы соғыс жылдарында қаза тапқан интернационалды-жауынгерлерді еске алу алаңында орнатылған гранит плиталарын талқандады.
Полиция қызметкерлері вандализм фактісі бойынша сотқа дейінгі тергеп-тексеруді бастады және жедел-іздестіру іс-шараларын жүргізді. Оқиғаны полицейлер бей-жай қалдырмады: күшейтілген режимде аудандық полиция бөлімінің барлық жеке құрамы зиянкестерді іздеумен айналысты. Екі күн ішінде қызметкерлер пәтерлер мен үйлерді аралап, қылмыс жасалған ауданда орнатылған камера жазбаларын зерттеп, бұзақылық әрекеттерге бейім адамдарды тексерді.
Қабылданған шаралардың нәтижесінде вандалдың жеке басы анықталды. Ол Макинск қаласының 17 жастағы тұрғыны болып шықты. Қазіргі уақытта полицейлер мұндай әрекеттің себептерін анықтап, жедел-тергеу шараларын жүргізуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Прокуратура коммуналдық қызметтер бағасын заңсыз көтеруді анықтады
Сарыағаш ауданының прокуратурасы аудан аумағында коммуналдық қызметтер көрсететін "Сарыағаш Тұрмыс" МКК қызметіне талдау жүргізді, деп хабарлайды Түркістан облысының прокуратурасынан.
Талдау барысында кәсіпорынның уәкілетті органның тарифті бекіту туралы күшін жойған бұйрығын қолдану нәтижесінде 2022-2023 жылдары 51 кәсіпкер сарқынды суларды қабылдау қызметі үшін негізсіз 38 млн теңгеден астам қаржыны артық төлегені анықталды.
Сондай-ақ кәсіпорынның бұрын енгізілген уақытша өтемдік тарифті қолданбауы және ауыз сумен қамтамасыз ету қызметтері үшін тариф мөлшерін өз бетінше асыра белгілеу салдарынан 2022-2023 жылдары 14 елді мекеннің 24 025 абоненті жалпы 8 708 289 теңге қаражатты негізсіз артық төлеген.
Осылайша Кәсіпорын 24 076 тұтынушының құқықтарын бұзған.
Аталған бұзушылықтар бойынша аудан прокуратурасы аудан әкіміне және Табиғи монополияларды реттеу комитетінің Түркістан облысы бойынша департаментіне прокурорлық қадағалау актілерін енгізді, Кәсіпорын Қазақстан Республикасының әкімшілік құқық бұзушылық туралы кодексінің 164-бабының 5-бөлігі бойынша әкімшілік жауапкершілікке тартылып, 4,7 млн теңге айыппұл салынды, 2 лауазымды адам тәртіптік жауаптылыққа тартылды.
Тұтынушыларға келтірілген залал уақытша өтемдік тарифін енгізу арқылы өтелетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.