Смайылов: ҚДБ жаңа өндірістерді құруды қаржыландыруға назар аударуы керек
Мемлекет басшысының тапсырмаларын орындау аясында Премьер-Министр Әлихан Смайылов «Қазақстанның Даму Банкі» АҚ қызметін реформалау мәселелері жөнінде кеңес өткізді.
Сурет: primeminister.kz
Реформалау аясында ҚДБ еліміз үшін стратегиялық және экономикалық маңызы бар, өтелу мерзімі ұзақ ауқымды әрі капиталды көп қажет ететін инвестициялық жобаларды, сондай-ақ индустриялық өндірістерді қаржыландыруға көбірек бағдарланады деп жоспарланып отыр, деп хабарлайды ҚР Үкіметінің баспасөз қызметі.
ҚДБ жаңа өндіріс орындарын құру жобаларын қаржыландыруға маңыз беруі тиіс. Қызметтің ашықтығын арттыру, бизнес-процестерді оңтайландыру мен цифрландыру және Банк қызметтерінің қолжетімділігін кеңейту жөніндегі жұмыстарды одан әрі жалғастыру қажет", - деп атап өтті ҚР Премьер-Министрі Ә. Смайылов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ПМХЗ жоспарлы алдын алу жұмыстарына байланысты 18 маусымнан бастап тоқтатылады
Павлодар мұнай-химия зауыты 2025 жылғы жоспарлы алдын алу жұмыстарына дайындалуда , деп хабарлайды ҚМГ баспасөз қызметінен.
Павлодар мұнай-химия зауыты (https://t.me/pnhzkz) (ПМХЗ, "ҚазМұнайГаз" ҰК АҚ еншілес кәсіпорны) биыл 18 маусым мен 17 шілде аралығында жоспарлы алдын алу жұмыстарын жүргізуді жоспарлап отыр.
Бұл жұмыс "Азаматтық қорғау туралы" ҚР Заңының талаптарын және өнеркәсіптік қауіпсіздікті қамтамасыз ету ережелерін сақтау үшін орындалады. Қысыммен жұмыс істейтін жабдыққа (110 бірліктен астам), сондай-ақ технологиялық құбырларға (930 бірліктен астам) міндетті техникалық куәландыру және сараптама жүргізу жоспарланған.
Жоспарлы алдын алу жұмыстары ҚР Энергетика министрлігі 2025 жылға бекіткен кестеге сәйкес жүргізілетін болады. Жоспарлы алдын алу жұмыстарына 1100-ден аса адам және мердігер ұйымдардың 107 бірлік арнайы техникасы жұмылдырылады. Қазіргі уақытта ПМХЗ 2025 жылғы жоспарлы алдын алу жұмыстарын жүргізу үшін кестеге сәйкес дайындық іс-шараларын атқарып жатыр.
ПМХЗ жоспарлы алдын алу жұмыстары кезінде ішкі нарықта жанар-жағармай материалдарының тұрақтылығын сақтау және мұнай өнімдерін жөнелтуді қамтамасыз ету үшін тауар өнімдерінің мынадай қорын жинақтауды жоспарлап отыр: бензин - 50 000 тонна, дизель отыны - 25 000 тонна, авиакеросин - 7 000 тонна. Бұл мұнай өнімдерін Энергетика министрлігінің жеткізу кестесіне сай ішкі нарыққа жөнелтіп отыратын болады.
Аталған кезеңде жүргізілетін ең ірі жұмыстардың қатарында - мұнайды бастапқы өңдеу өндірісіндегі газ компрессорлық ЦК-201 ортадан тепкіш компрессордың турбинасын күрделі жөндеу және керосинді гидротазарту қондырғысындағы катализаторды ауыстыру.
ПМХЗ-да жоспарлы алдын алу жұмыстарын жүргізу кезінде ҚазМұнайГазға қарасты басқа екі қазақстандық зауыт - Атырау және Шымкент мұнай өңдеу зауыттары - мұнай өнімдерін штаттық режимде шығаруды жалғастырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы-Петропавл авиарейсі 1 шілдеден бастап коммерциялық негізге ауыстырылады
Алматы - Петропавл бағыты бойынша субсидияланған әуе рейстерінің бағдарламасы сәтті аяқталып, рейс жүктемесі өзін-өзі ақтады. Бұл бағыт 2025 жылғы 1 шілдеден бастап коммерциялық негізде орындалады, деп хабарлайды Қазақстан Республикасы Көлік министрлігінің баспасөз қызметінен.
Билет құны бір бағытқа 30 000 теңге болды. Коммерциялық модельге көшуіне байланысты билет бағасы 15 270 теңгеден басталмақ (тариф пен сатып алу уақытына байланысты құны өзгеріп отырады).
Айта кету керек, рейстердің жиілігі сақталады. SCAT әуе компаниясы аптасына бес рет рейс орындайды, ұшу ұзақтығы - екі сағат.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сәуір айында Қазақстанда жылдық инфляция қарқын алды
Сәуірде елде жылдық инфляция жеделдеп, 10,7% (наурызда - 10,0%) болды. Жылдық инфляцияның қарқыны 18 өңірде байқалды. 1 өңірде баяулап, тағы 1 өңірде бұрынғы деңгейде сақталды, деп хабарлайды ҚР Ұлттық банкінің баспасөз қызметінен.
Жылдық инфляцияның 13,8%-дық ең жоғары мәні Астана қаласында тіркелді.
Сәуірде азық-түлік тауарларының бағасы ж/ж 8,5%-ға (наурызда - 7,6%) дейін жеделдеді. Осы топтағы тауарлардың бағасы Ақмола облысында (11,2%) айтарлықтай жоғары өсім көрсетті. Ал Қызылорда облысы мен Алматы қаласында(6,8%-дан) төмен өсім байқалды.
Сәуірде азық-түлікке жатпайтын тауарлар бағасының өсу қарқыны ж/ж 8,9%-ға (наурызда - 9,1%) дейін баяулады. Ең жоғары мән Түркістан облысында (14,8%), ең төменгі мән Павлодар облысында (5,9%) тіркелді.
Сәуірде ақылы көрсетілетін қызмет бағасы ж/ж 15,7%-ға (наурызда - 14,3%) дейін жеделдеді. Сонымен қатар, Алматы қаласында (20,0%) баға жалпы республикалық деңгейден жоғары, Павлодар облысында (8,6%) айтарлықтай төмен өсім көрсетті.
Сәуірде айлық инфляция ел бойынша 1,2% болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
БАӘ инвесторы Астана әуежайын дамытуға 500 млрд теңгеден астам қаржы салады
Terminals Holding (БАӘ) Астана әуежайын, Арнайы экономикалық аймақты және оған іргелес аумақтарды дамытуға БАӘ инвесторы Астана әуежайын дамытуға 500 млрд теңгеден астам қаржы салады, деп хабарланды әуежай сайтында.
Terminals Holding өзінің еншілес кәсіпорны Terminals Astana Airport Limited компаниясымен Астана қаласында орналасқан Нұрсұлтан Назарбаев халықаралық әуежайын сенімгерлік басқару туралы 25 жылдық инвестициялық келісім-шарт жасасқанын қуана хабарлайды. Бұл маңызды оқиға Қазақстанның негізгі көлік торабы дамуына жаңа дем беріп, оның маңызды әлеуетіне деген сенімімізді растайды.
Жолаушылар ағыны 2023 жылы жылына 7,5 миллион жолаушыдан 2024 жылы 8,3 миллион жолаушыға дейін өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодар мұнай-химия зауыты алғаш рет қысқы дизель отынын шығарады
Павлодар мұнай-химия зауыты алғаш рет қысқы дизель отынын шығарады, деп хабарлайды Қазақстан Республикасы Энергетика министрлігінің баспасөз қызметінен.
Биыл жыл соңында Павлодар мұнай-химия зауытында дизель отынын гидротазартатын қондырғыны жаңарту жұмыстары аяқталады деп жоспарланып отыр.
Бұл қондырғының ағымдағы қуаттылығын 2,3 млн тонна деңгейінде сақтай отырып, жазғы дизельмен қатар, қысқы дизель отынын да өндіруге мүмкіндік береді.
Инвестициялық жобаны "Самұрық-Қазынаның" еншілес компаниясы - "ҚазМұнайГаз" жүзеге асыруда.
Қысқы дизель отынын өндіру Қазақстанның солтүстік және шығыс өңірлерін -28℃ дейінгі аязға төзімді сапалы жанармаймен қамтамасыз етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.