ҚР ҰҚК есірткі контрабандасының кезекті ірі арнасын анықтады
Есірткі Каспий су айлағы арқылы тасымалданған
Сурет: gov.kz
Ақтау. 31 наурыз. KAZAKHSTAN TODAY - Ұлттық қауіпсіздік комитеті есірткі контрабандасына қатысы бар халықаралық есірткі синдикатының әрекетін бейтараптандырды, деп хабарлайды ҚР Ұлттық қауіпсіздік комитетінің баспасөз қызметі.
Жедел жете тексеру барысында шетелдік азаматтардың Қазақстан аумағына теңіз жолымен опиаттар мен басқа да тыйым салынған заттарды жеткізудің тұрақты арнасын ұйымдастыруға қатысы бары анықталды. Жедел қызметкерлер Каспий су айлағы арқылы есірткіні тасымалдау бағдарлары мен тәсілдерін егжей-тегжейлі айқындады. Есірткі тобының мүшелері оларды анықтауда қиындық тудырған қазіргі заманғы спутниктік навигация құралдарымен және GPS-пен жабдықталған шағын жылдам жүретін кемелерді пайдаланғаны туралы айта кету керек", - деп хабарлады ҰҚК баспасөз қызметі.
2023 жылғы 26 наурызда Маңғыстау облысында операцияның аяқталу кезеңінде ҰҚК мен "А" арнайы бөлімшесінің қызметкерлері есірткі арнасын ұйымдастырушыны және оның үш көмекшісін ұстады.
Оларды ұстау ҰҚК Шекара қызметінің катерлерімен жағалау аймағын бөгеу арқылы жүргізілді. Бақылау ұшқышсыз ұшу аппараттарын (ҰҰА) пайдалану жолымен жүзеге асырылды. Контрабандашылардың су көлігін тексеру кезінде 30 кг-дан астам апиын және 10 қаптама "метадон" психотроптық заты табылды", - деп хабарлады ҰҚК.
Осы іс бойынша материал СТБТ-да тіркелді, тергеу іс-шаралары прокуратура органдарымен өзара іс-қимылда жүргізілуде.
Бұған дейін ҰҚК ірі есірткі зертханасын жою бойынша арнайы операция жүргізгені хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда 10 мыңнан астам пәтер мен үй тұрғындары газсыз қалды
QazaqGaz Aimaq" АҚ 2025 жылғы 16 қаңтарда үшінші тараптардың кәріз құбырларын төсеу үшін жүргізген жер қазу жұмыстары барысында белгісіз тұлғалар QazaqGaz Aimaq-тың орташа қысымды жерасты газ құбырының учаскесіне зақым келтіргенін хабарлайды. Оқиға асфальт жабынын тесу кезінде жеке тұлғалардың біліктілігі жеткіліксіз әрекеттерінің нәтижесінде орын алды, деп хабарлайды QazaqGaz Aimaq.
Осыған байланысты, қазіргі уақытта "QazaqGaz Aimaq" АҚ-ның Алматы өндірістік филиалы газ құбырының зақымдалған учаскесінің авариялық-қалпына келтіру жұмыстарын жедел орындауға кірісті.
Жөндеу жұмыстарын орындау кезінде келесі объектілерге газ беру уақытша тоқтатылады:
- көпқабатты тұрғын үйлердегі 8 048 пәтер;
- жеке сектордағы 2 543 үй;
- 67 коммуналдық-тұрмыстық және өнеркәсіптік кәсіпорындар.
Қауіпсіздікті қамтамасыз ету мақсатында, біз жергілікті тұрғындардан жұмыстарды жүргізу уақытында газ крандарын жабуды және іске қосу-жөндеу іс-шаралары аяқталғанға дейін крандарды ашпауды сұраймыз.
Компания сондай-ақ инженерлік коммуникацияларға жақын кез келген жұмыс тек тиісті органдардың рұқсатымен және барлық қажетті қауіпсіздік нормалары мен стандарттарын сақтай отырып жүргізілуі тиіс екенін еске салады.
Құрметті азаматтар, күнделікті өмірде табиғи газды пайдалану кезінде қауіпсіздік шараларын сақтаудың маңыздылығын ұмытпаңыз. Газдың иісі немесе газдың ағып кетуіне күдік анықталған жағдайда, 104 нөмірі бойынша "QazaqGaz Aimaq" АҚ-ның авариялық-диспетчерлік қызметіне дереу хабарлаңыз.
Компания қауіпсіздікті қамтамасыз етудегі түсіністік пен ынтымақтастықтарыңыз үшін алғыс білдіреді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтау маңындағы ұшақтың апатқа ұшырауы - Көлік министрлігі мәлімдеме жасады
ҚР Көлік министрлігіне қарасты авиациялық оқиғаның себебін анықтау жөніндегі арнайы Комиссиясының жұмысы жалғасуда.
Алдын ала есеп жарияланғанға дейін Комиссия ресми дереккөзі жоқ ғаламторда жарияланған дерекке түсініктеме бермейді", деп мәлім етті министрлік.
Естеріңізге сала кетейік, Комиссия ҚР заңнамасының талаптарына және ИКАО-ның 13-қосымшасының талаптарына сәйкес алдын ала есеп жариялайды. Онда тергеу барысы және тергеу нәтижесінде анықталған нақты ақпарат болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Петропавл 2-ЖЭО-да апат болды
15 қаңтарда сағат 6:32-де Петропавл 2-ЖЭО-да деаэратор аймағында қоректік су жүйесіне локалды зақым келді, станцияның негізгі жабдықтарын өшіруге себеп болған, штаттық режимде автоматика іске қосылды.
Мамандар жедел зақымдануды оқшаулады және қазіргі уақытта жүйені қалпына келтірумен айналасуда.
Жеке қажеттіліктер мен жылу тасығыштың айналымы, демек, тұтастай алғанда қаланы жылумен жабдықтау зардап шеккен жоқ, бірақ жылу тасығыштың параметрлерінің қысқа мерзімді шамалы ауытқулары болуы мүмкін. Станцияның жұмыс режимі сағат 17:00-ге дейін қалпына келтіріледі", деп айтылған "СевКазЭнерго"АҚ хабарламасында.
Анықтама:
2023-2024 жылдары Петропавл 2-ЖЭО-да 6 қазандық агрегатына және 2 турбоагрегатқа күрделі жөндеу, 7 қазандық агрегатына және 6 турбоагрегатқа ағымдағы жөндеу, қосалқы жабдыққа жөндеу жүргізілді, №1 түтін мұржасы діңінің құрылыс аяқталды. Сондай-ақ 40Гкал астам жылу қуатын беру үшін №1 турбоагрегат қайта жаңартылуда. Осылайша, станция жылыту маусымының өтуіне дайын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы - Өскемен автожолында әскери техниканың қатысуымен орын алған жол-көлік оқиғасы орын алды
Алматы - Өскемен автожолында әскери техниканың қатысуымен орын алған жол-көлік оқиғасы орын алды, деп хабарлайды ҚазАвтоЖолдың баспасөз қызметінен.
2025 жылғы 15 қаңтар сағат 13:40 шамасында "Алматы-Өскемен" автожолының оңтүстік бағытының 56 шақырымында "Цзефан" автокөлігінің жүргізушісі Заречный ауылы маңындағы өтпежолдан келе жатқанда тралдан екі бірлік әскери техниканы түсіріп алды.
Нәтижесінде техника жүру бөлігіне аударылып, сүйемелдеп келе жатқан "Ssang Yong Actyon" автокөлігімен соқтығысты.
Зардап шеккендер мен қаза тапқандар жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Семейде өзенге құлап кеткен көліктегі 4 адамның біреуі құтқарылып, біреуі қаза тапты
Қазақстан ТЖМ құтқарушылары Семейде іздестіру-құтқару жұмыстарын жалғастыруда, деп хабарлайды министрліктің баспасөз қызметінен.
Бүгін таңғы сағат 06:00-де Семей қаласында, Ертіс өзенінің жанындағы Бейбітшілік аралында жеңіл автокөлікпен жүргізуші бетон қоршаумен соқтығысып, өзенге құлап кетті. Апат кезінде салонда 4 адам болған. Жолаушылардың бірі көліктен өздігінен шығып, жағаға жүзіп шықты. Оған медициналық көмек қажет болған жоқ.
Оқиға туралы хабарлама келіп түскеннен кейін бірден оқиға орнына ТЖМ қызметкерлері барып, іздестіру-құтқару жұмыстарын бастап кетті. Сағат 09:00-де іздеу тобы бір қайтыс болған адамның денесін тауып, судан алып шықты. Ол одан әрі тергеу әрекеттерін жүргізу үшін полиция органдарына берілді.
Қазіргі уақытта құтқару операциясына: 55 құтқарушы, 5 жүзу құралы, 2 ұшқышсыз ұшу аппараты, су асты іздеуге арналған эхолот, 10 техника жұмылдырылған.
Операцияны күшейту үшін қосымша Қасым Қайсенов атындағы 68303 әскери бөлімнен ҚР ТЖМ әскери қызметшілері тартылды, сондай-ақ Шығыс Қазақстан облысынан құтқару бөлімшелерінің келуі күтілуде.
ТЖМ қызметтері іздестіру-құтқару жұмыстарын тиімді аяқтау және қауіпсіздікті қамтамасыз ету үшін барлық қажетті шараларды қабылдай отырып, оқиға орнында жұмысын жалғастыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қарағанды облысында жоғалып кеткен жылқылар мұзды судың астынан табылды
Қарағанды облысында қайғылы оқиға орын алды: еркін жайылымда жүрген 47 жылқы суға батып кетті, - деп хабарлайды Polisia.kz.
Қарқаралы ауданының полициясына бір ауылдың тұрғындары өздеріне тиесілі малдың жоғалғаны туралы арызданды. Жоғалған жылқыларды іздеуге полиция қызметкерлері мен жергілікті тұрғындардан құралған еріктілер жұмылдырылды. Шамамен 10 іздестіру тобы құрылып, олар аумақты көліктермен және атпен аралады.
Іздеу шаралары Қарқаралы ауданында ғана емес, облыстың көршілес аудандары мен Павлодар облысының Баянауыл ауданында да жүргізілді. Іздеу жұмыстарының нәтижесінде жоғалған жылқылар анықталды. Көлдердің бірінен 47 жылқының өлексесі табылды. Жануарлардың иелері өз малдарын таныды.
Алдын ала болжам бойынша түнде далада жүрген табын мұз басқан көлге түсіп кеткен. Мұздың жұқалығы салдарынан жануарлар суға құлаған.
Қарағанды облысының полиция департаменті ауыл шаруашылығы жануарларының иелеріне малды бақылауда ұстаудың маңыздылығын ескертеді. Малдың қараусыз жайылуы қайғылы жағдайларға әкелуі мүмкін: жануарлар ұрлықтың, жол-көлік және басқа да оқиғалардың құрбаны болуы ықтимал.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтауда ұшақ апаты: 38 адам қаза тапты
Қазіргі уақытта оқиға орнында ұшақтың конструкцияларын бөлшектеу жұмыстары жалғасуда. Оқиға салдарын жоюға 306 адам, 101 бірлік техника, 2 әуе кемесі және 6 кинологиялық есептоп жұмылдырылды. Жұмыстарға Төтенше жағдайлар, Ішкі істер, Қорғаныс министрліктерінің, Ұлттық ұланның, мемлекеттік емес өртке қарсы қызметтің, Апаттар медицинасы орталығының, жедел медициналық көмек бригадасының және жергілікті атқарушы органдардың, сондай-ақ Әзербайжан ТЖМ қызметкерлері тартылды, деп хабарлайды ҚР ТЖМ баспасөз қызметінен.
ҚР ТЖМ Апаттар медицинасы орталығының бригадалары ұшақ апатқа ұшыраған жерде авариялық-құтқару жұмыстарын медициналық қамтамасыз етуді жалғастыруда. Апаттар медицинасы орталығының психологтары Ақтау қаласына келген туыстарына психологиялық көмек көрсетуде.
Кеше авариялық-құтқару жұмыстарын жүргізу нәтижесінде Ақтау қаласының медициналық мекемелеріне 29 адам, оның ішінде 3 кәмелетке толмаған құтқарылды және ауруханаға жатқызылды. Қаза тапқандардың 38 мәйіті табылды, олар медициналық сараптама орталығына жеткізілді, олардың ішінде 6 Қазақстан азаматы және 3 экипаж мүшесі бар. 7 адамның денесі анықталды. Сонымен қатар кеше іздеу тобының нәтижесінде ТЖМ құтқарушылары қара жәшікті тапты. Оқиға орнында тәулік бойы кезекшілік ұйымдастырылды.
Қазіргі уақытта Ақтау қаласында апаттың себептерін тергеу жөніндегі үкіметтік комиссия жұмыс істеп жатыр.
Астана қаласындағы Командалық орталықта және Маңғыстау облысының ТЖД-да жедел штабтар мен жедел желі телефондары жұмысын жалғастыруда: 8-7172-55-96-21, 8-7172-55-96-83, 8-7292-31-90-91. Жедел желі телефондарына шұғыл психологиялық көмек және ақпараттық сипаттағы 1 063 өтініш түсті.
Естеріңізге сала кетейік, кеше 25 желтоқсанда сағат 11.00-де Баку-Грозный бағытында ұшып бара жатқан Azerbaijan Airlines әуе компаниясының әуе кемесіндегі авариялық жағдай туралы ақпарат алғанан соң Ақтау қаласы әуежайының ауданына Қазақстан ТЖМ күштері мен құралдары дереу жіберілді.
Сағат 11.30-да әуежайдан 3 км жерде ұшақтың апатқа ұшырағаны туралы ақпарат түсті. Салдарынан ұшақтың фюзеляжының екі көлденең бөлікке (қиранды арасындағы қашықтық 300 м) ақауы пайда болды, содан кейін ұшқыштар кабинасының маңында өрт шықты.
Сағат 11.35-те келген құтқарушылар өртті сөндіруге кірісті, ал сағат 12.05-те өрт толығымен сөндірілді. Апат болған жердің жалпы ауданы 4 200 шаршы метрді құрады.
Ұшақтың бортында 67 жолаушы, оның ішінде 5 экипаж мүшесі болды.
Оқиға салдарын жоюға Төтенше жағдайлар, Ішкі істер, Қорғаныс министрліктерінен, Ұлттық ұланнан, мемлекеттік емес өртке қарсы қызметтінен, Апаттар медицинасы орталығынан, жедел медициналық көмек бригадасынан және жергілікті атқарушы органдардан 492 адам, 102 бірлік техника, 2 әуе кемесі және 10 кинологиялық есептоп, оның ішінде Астана қаласынан барған санитарлық борт жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ТЖМ ұшақ апатынан қаза тапқан Қазақстан азаматтарының тізімін жариялады
Ұшақ апатынан алты Қазақстан азаматы қаза тапты, деп хабарлайды ҚР Төтенше жағдайлар министрлігінің баспасөз қызметінен.
ТЖМ ақпаратына сәйкес, ұшақ апатынан қаза тапқан Қазақстан азаматтарының тізімі:
Төлесінов Сәндібек Екібайұлы, 16.11.1988 ж.т., туылған жері: Маңғыстау облысы, Жаңаөзен қаласының тұрғыны.
Жұмағұлов Бауыржан Жұмабайұлы, 30.09.1985 ж.т., туылған жері: Маңғыстау облысы, Жаңаөзен қаласының тұрғыны.
Махсудова Галина Растамбековна, 12.01.1978 ж.т., туылған жері: Маңғыстау облысы, Ақтау қаласының тұрғыны.
Шаймерденова Гаухар Жұмағатқызы, 17.07.1975 ж.т., туылған жері: Алматы қ., Астана қаласының тұрғыны.
Жұмағат Эльдар 23.08.2013 ж.т., Астана қ. тұрғыны.
Джутаева Салима Аманжолқызы, 21.02.1995 ж.т., туылған жері: Қостанай облысы, Қарағанды қаласының тұрғыны.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.