Қазақстан мен Ресей арасында автобус бағыттары қайта жандануда
22 сәуірден бастап Омбыдан Павлодарға, Көкшетауға, Петропавлға және кері бағыттағы автобус рейстерін орындау қайта басталады.
НҰР-СҰЛТАН. 20 СӘУІР - 22 сәуірден бастап Омбыдан Павлодарға, Көкшетауға, Петропавлға және кері бағыттағы автобус рейстерін орындау қайта басталады.
"Омскоблавтотранс" АҚ Қазақстан Республикасына халықаралық маршруттарға қызмет көрсетуді жаңартады. Рейстер күн сайын орындалады", - делінген Омбы облысы үкіметінің баспасөз қызметі таратқан хабарламада.
Жол жүру құны:
- Омбыдан Павлодарға: 1400 рубль немесе 7733 теңге.
- Омбыдан Көкшетауға: 953 рубль немесе 5264 теңге.
- Омбыдан Петропавлға: 550 рубль немесе 3038 теңге.
Қазақстанға кіру үшін шекарадан өту сәтінде коронавирусқа теріс нәтижесі бар ПТР-анықтамасын ұсыну қажет.
Ресейдің Бас мемлекеттік санитарлық дәрігерінің қаулысына сәйкес Ресейге құрлықтағы өткізу пункттері арқылы кіретін ЕАЭО елдерінің, оның ішінде Қазақстанның азаматтары коронавирусқа тест тапсырмауы және тиісті сауалнаманы толтырмауы мүмкін.
Ақпарат көзі: egemen.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды. Бұл туралы Алматы метрополитенінің Instagram парақшасында айтылған.
Жұмыс регламентіне сәйкес, алдымен берік металдан жасалған тіректер орнатылады, кейіннен оларға мықты шыныдан жасалған бөлгіштер бекітіледі.
Жұмыстарды толық аяқтау алдағы апта ішінде жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада екінші ауысымдағы 0-9 сынып оқушылары қашықтан оқыту форматына ауыстырылды
Астанада ауа райының қолайсыздығына байланысты екінші ауысымдағы 0-9 сынып оқушылары қашықтан оқыту форматына ауыстырылды, деп хабарлайды Астана қаласы әкімдігінің баспасөз қызметінен.
2025 жылғы 24 қаңтар күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады", - делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.