"Толық емес отбасы" санаты "Бақытты отбасы" бағдарламасынан алынып тасталды
Сурет: Depositphotos
АСТАНА. 3 ҚАЗАН - "Отбасы банк" АҚ басқарма төрағасы Ләззат Ибрагимова "Бақытты отбасы" бағдарламасынан "толық емес отбасы" санаты неге алынып тасталғанын түсіндірді.
Оның айтуынша, Қазақстанда ажырасулар саны жиілеп кеткен. Арасында жалған ажырасулар да жоқ емес. Яғни "Бақытты отбасы" бағдарламасы бойынша арзан несиеге үй алу үшін қазақстандықтар осындай қадамға баратын көрінеді.
Оның мәліметінше, Қазақстанда 2017 жылы ажырасу саны – 54 626 болса, 2018 жылы 54 797-ге дейін ұлғайған. Ал 2019 жылы тағы бес мыңға артып, 59 796-ға жеткен. Ал 2020 жылы пандемияға байланысты ажырасуға өтініштер саны 48 мыңға дейін азайса, былтыр қайта өскен.
Біздің ойымызша, жалған ажырасулардың себептерінің бірі – адамдардың кезекке тұрғысы келетіні. Егер "1-ші және 2-ші топтағы мүгедектер, мүгедектігі бар балаларды тәрбиелеп отырған отбасылар" санаттары бойынша ең қорқыныштысы мүгедектіктің өзі болса, "толық емес отбасы" бағыты бойынша ажырасқаны туралы куәлік жеткілікті", - дейді Ибрагимова орталық коммуникациялар қызметінде өткен баспасөз мәслихатында.
Сол себепті "Бақытты отбасы" бағдарламасына қатысатындар тізімінен "толық емес отбасы" алынып тасталды. Енді олар "Шаңырақ – 5-10-20" бағдарламасы бойынша ипотека ала алады.
Толық емес отбасы, олар бала тәрбиелеп отырса да, жұмыс істей алады, балаларының дені сау. Айырмашылық – сыйақы ставкасында ғана. Әр отбасы деңгейінде шамамен 30 мың теңге айырмашылық болады", - деп түсіндірді ол.
Мәселен, айтуынша, толық емес отбасы "Шаңырақ" бойынша 15 млн теңге қарыз алды делік. Алғашқы сегіз жылда ай сайын 116 500 теңге төлеп тұрады, кейін оның мөлшері 73 983 теңгеге дейін төмендейді.
Ибрагимова мемлекет, ең алдымен, мүгедектігі бар адамдарды үймен қамтуға басымдық беретінін атап өтті.
Ақпарат көзі: sputnik.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.