18.08.2021, 20:16 11515
Алматыға Ауғанстаннан эвакуацияланған қазақстандықтармен бірге ұшақ келді
Достарға айту
Алматы, 2021 жылғы 18 тамыз – бүгін сағат 17.00-де ҚР ӘӘК С-295 әскери-көлік ұшағы Ауғанстаннан эвакуацияланған 42 жолаушымен Алматыға сәтті қонды. Қазақстанға 25 ҚР азаматы, оның ішінде 15 ересек адам және 10 бала, сондай-ақ ҚР Елшілігінің қызметкерлері келді. Одан басқа, осы бортпен Қырғыз тарапының өтініші бойынша Қырғыз Республикасының 14 азаматы эвакуацияланды. Гуманитарлық операция ретінде осы ұшақпен ҚР Елшілігіне көмек сұрап жүгінген 1 Ресей азаматы мен 1 Литва азаматы АИР-дан шығарылды. Қазақстан Республикасы әрдайым шетелдегі өз азаматтарының мүдделері мен құқықтарын қорғайды", - делінген ҚР Қорғаныс министрлігінің баспасөз қызметінде.
Ауғанстандағы жағдай әсіресе соңғы апталарда Талибанның ірі қалаларға келуімен шиеленісе түсті. Жексенбіде бұқаралық ақпарат құралдары мен ақпарат көздері бүлікшілер барлық шекараларды басқаратынын хабарлады. Сол күні содырлар Кабулға кіріп, Президент сарайын бақылауға алғанын айтты. Ауғанстан Президенті Ашраф Ғани "қырғынның алдын алу үшін" елден кеткенін айтты. Дүйсенбіге қараған түні "Талибан" саяси кеңсесінің ресми өкілі Мұхаммед Наим Ауғанстандағы соғыс аяқталғанын және мемлекеттегі басқару формасы жақын арада нақтыланатынын айтты.
Бұған дейін хабарланғандай, Қазақстан Президенті Қасым-Жомарт Тоқаев Ауғанстандағы ахуал бойынша екі жиын өткізді. Ол бейінді ведомстволарға осы елдегі жағдайдың дамуын жан-жақты бақылауды жалғастыруды тапсырды.
Сондай-ақ, Ауғанстан Ислам Республикасындағы жағдайдың шиеленісуіне байланысты Қарулы Күштерде қырағылықты күшейту бойынша шаралар қабылданғаны хабарланды. Ең алдымен, бұл Арнайы операциялар күштерінің бөлімшелеріне, майдандық және әскери-көлік авиациясына, әуе шабуылына қарсы қорғанысқа қатысты болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
31.05.2024, 22:23 2326
Астананың білім беру ұйымдарында буллингке қарсы бағдарлама іске қосылды
Достарға айту
Астананың бес ауданында оқушыларға, ата-аналарға тегін психологиялық-консультациялық көмек көрсету кабинеттері ашылды. Бұл туралы Коммуникациялар қызметінде өткен брифингте Астана қаласы білім басқармасының басшысы Қасымхан Сенғазыев айтып берді, деп хабарлайды елорда әкімдігінің ресми сайты.
Кабинеттер Қаланың әдістемелік орталығы, "Ұстаздар үйі", №22, №54, №88 мектептер базасында құрылды.
"2024 жылдың басынан бастап 336 бала мен 377 ата-ана кеңес алды. Қазіргі уақытта қалалық психологиялық қолдау орталығын ашу жұмыстары жүргізілуде. Орталық базасында диагностикалық, түзету-дамыту, консультациялық, психопрофилактикалық қызметтер жүзеге асырылатын болады", - деді ведомство басшысы.
Қазіргі уақытта елорданың білім беру ұйымдарында буллингке қарсы бағдарлама іске асырылуда.
Ол үшін пилоттық жобаға 5 мектеп (Алматы ауданының №72 мектебі, Байқоңыр ауданының №16 мектебі, Нұра ауданының №79 мектебі, Есіл ауданының №24 мектебі, Сарыарқа ауданының №6 мектебі) енгізілді.
"Осы бағдарлама аясында қорқытудың алдын алу және азайту, буллингтің анықталған жағдайларын шешу бойынша іс-шаралар жүргізілетін болады. Сондай-ақ мұғалімдерді оқушылардың жай-күйінің дәрежесін анықтау дағдыларына оқыту жоспарланып отыр. Елорданың бес мектебінде оқушылар арасында қорқытудың алдын алу мақсатында (№ 4, 24, 25, 72, 74) пилоттық режимде Оқу-ағарту министрлігінің "ДосболLike" бағдарламасы іске асырылып жатыр", - деді Қасымхан Сенғазыев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.05.2024, 18:17 8661
Алматыда үй жануарларын чиптеу бағдарламасы басталады
Достарға айту
2024 жылы 1 маусымнан бастап Алматыда үй жануарларын (ит пен мысықты) тегін чиптеу бағдарламасы басталып, жыл соңына дейін жүргізіледі. 15000 үй жануарын чиптеу жоспарланған, деп хабарлайды Алматы қаласы әкімдігінің баспасөз қызметінен.
Бұл қызмет Алматы қаласының тұрғындары үшін қолжетімді, оны мына ветеринарлық клиникаларда жасауға болады:
1. Allvet ветеринарлық клиникасы (Әуезов ауданы)
мекенжайы: Төле би көшесі, 279 Б тел: 8 (747) 438-38-87 whatsapp арқылы жазылу керек
2. Mastino ветеринарлық клиникасы (Медеу ауданы)
мекенжайы: Есенберлин көшесі, 217 телефон: 8 (700) 327-44-89 whatsapp арқылы жазылу керек
3. Taugul Vet Boutique ветеринарлық клиникасы (Әуезов ауданы)
мекенжайы: Таугүл шағын ауданы 21 Тел: 8 (707)5413038, 8 (702)9457144 whatsapp арқылы жазылу керек
4. "Хвостики" ветеринариялық клиникасы (Наурызбай ауданы) мекенжайы: Тастыбұлақ шағын ауданы, Жандосов 54, тел: 8(708) 983-43-13, 8 (727) 385-08-35.
5. "Айболит" ветеринарлық клиникасы (Бостандық ауданы)
мекенжайы: ҚазҰАУ, Абай даңғылы, 26, тел: 8 (708) 972-02-07.
6. Dog Premium ветеринарлық клиникасы (Түрксіб ауданы)
мекенжайы: Зимняя 1А, тел: 8 (707) 277-56-19.
7. Dog Premium ветеринариялық клиникасы (Жетісу ауданы)
мекенжайы: Грибоедов 105, тел: 8 (707) 339-33-28.
8. Banzai ветеринарлық клиникасы (Наурызбай ауданы)
Сейдімбек көшесі 26 А, тел: +7 707 327 01 01
9. Ветстанция ветеринариялық клиникасы (Түрксіб ауданы)
мекенжайы: Сейфуллин даңғылы №49, тел: 8 (701) 757 77 27
Ескертпе: ветеринариялық мамандар ит пен мысықты чиптеу үшін қосымша аулаларды аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.05.2024, 18:11 8866
300-ге жуық алматылық жаңа пәтер кілтін алды
Достарға айту
Алматыда үй кезегінде тұрған халқының әлеуметтік осал тобына жататын екінші лектің 164 тұрғынына жалдамалы пәтердің кілті табысталды, деп хабарлайды Алматы қаласы әкімдігінің баспасөз қызметінен.
Естеріңізге сала кетейік, бірер күн бұрын ХӘОТ санатындағы кезекте тұрған 124 адамға пәтер кілті табысталды. 124 пәтердің 49-ы бір бөлмелі, 75-і екі бөлмелі.
Баспаналы болған жандарды Алматы қаласы Коммуналдық инфрақұрылымды дамыту басқармасы басшысының орынбасары Ғалымжан Әбдішүкірұлы құттықтап, жалдамалы пәтерлер қаланың коммуналдық тұрғын үй қорынан бөлінгенін хабарлады.
Үй кезегінде тұрған 164 адам халықтың әлеуметтік осал тобына жатады. Бұл жетім балалар, I және II топтағы мүгедектер, мүгедек балаларды тәрбиелеп отырған отбасылар, зейнеткерлер, толық емес отбасылар. Олар ай сайын пәтердің жалдау ақысын төлейді. Бір бөлмелі пәтерді жалға алу құны шамамен 10 мың теңге, екі бөлмелі пәтерге шамамен 15.000 теңге керек. Коммуналдық қызметке ай сайын ақы төлеу қажет. Бағдарламаның шарты бойынша азаматтарға пәтерді жалға беруге немесе қайта жоспарлауға тыйым салынады", - деді ол.
Пәтер кілтін алған екі баланың анасы алматылық Дариға Мақажанова өмір бойы 10 шаршы метр жатақханада әпкесімен бірге тұрған екен.
Менің екі балам бар. Қызым Аружан мүгедек. 2012 жылы мен ХҚКО-ға барып, кезекке тұрдым. Қазір әпкеммен және балаларыммен бір бөлмеде тұрамын. Өте тар, кейде арамызда түсініспестік те туады. Пәтер кілті берілгенін естігенде, жыладым, сенбедім. Бізге екі бөлмелі пәтер берілді", - деді ол.
Он жылдан астам уақыт бойы тұрғын үйге кезегінде тұрған Әлия Бежанова да пәтер кілтін алып, баспаналы болды.
Екі баламмен бірге талай жыл кезекке тұрдым. Біз қазір қала сыртында 120 мың теңгеге пәтер жалдап тұрамыз. Бізге қоңырау шалып, пәтер туралы айтқан кезде сенбедік. Басында алаяқтар деп ойладық. Көптен күткен пәтеріміз үшін Алматы қаласының әкімдігіне рахмет айтамыз! Әлі күнге дейін қуаныштан жылап жүрмін", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 13:44 13886
Алматыда жыл соңына дейін мобильділігі төмен азаматтардың пайдалануы үшін 15 мың нысан паспортталады
Достарға айту
Алматыда қала басшысы Ерболат Досаевтың тапсырмасы бойынша биыл 15 мың қалалық нысанды паспорттау және 750 нысанды мүмкіндігі шектеулі азаматтардың пайдалануына бейімдеу жоспарланған. Бұл туралы Алматы қаласының жұмыспен қамту және әлеуметтік бағдарламалар басқармасынан хабарлады.
Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар" аясында барлығы 15 мың нысанды паспорттау жоспарлануда.
Инклюзивті қала қағидаттарын енгізу және Алматының сапалы инфрақұрылымын дамыту қалалық әкімдіктің де, барлық аудандық әкімдіктердің де басты міндеті болып табылады. Паспорттау процесін автоматтандыру мақсатында қаланың ситуациялық орталығымен бірлесіп, еңбек шығындарын қысқартуға және объектілерді паспорттау мен бейімдеудің барлық кезеңдерін нақты уақыт режимінде бақылауға мүмкіндік беретін деректерді енгізу үшін мобильді нұсқа әзірленді.
Сондай-ақ, 1 900 қоғамдық көлік аялдамасы мен 11 метро станциясын паспорттау объектілерінің тізіміне қосу жоспарланған.
Сонымен қатар, биыл мүгедектігі бар 42 959 адамды әлеуметтік қызметтер порталы ("Инватакси" қызметінен басқа) арқылы 16,9 млрд.теңгеге оңалту құралдарымен және әлеуметтік қызметтермен қамтамасыз ету жоспарланған.
1 мамырға "Инватакси" тасымалдау бойынша қызмет көрсету үшін 100 машина ұсынылған. 422 адам кресло-арбалармен, 552 адам сурдоқұралдармен, 889 адам тифлоқұралдармен, 1 294 адам протездеумен және ортездеумен, 5 097 адам гигиеналық құралдармен, сөйлеу процессорларымен қамтамасыз етілген.
Санаторлық-курорттық емдеу қызметтерін1 586 алматылық, жестеу тілі маманының қызметін 827 адам, жеке көмекшіні 3 265 адам пайдаланды.
TenQogam" мүмкіндігі шектеулі адамдарды жұмысқа орналастыру орталығы" әлеуметтік жобасы одан әрі жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 13:35 14086
Алматыда Құлжа тас жолын реконструкциялау жоспарлануда
Бөлу жолағын жойып, жол бойын кеңейту арқылы әр бағытта 3 жолақ салынады
Достарға айту
Алматыда Құлжа тас жолын реконструкциялау учаскенің өткізу қабілетін 2 есеге арттырады, деп хабарлайды Алматы қаласы әкімдігінің баспасөз қызметінен.
Алматыда 4 маусымда Рысқұлов даңғылынан Бұқтырма көшесіне дейін Құлжа тас жолын қайта жаңарту басталады. Бұл жұмыс аясында жолды 4 жолақтан 6 жолаққа дейін кеңейту жоспарланған, бұл учаскенің өткізу қабілетін екі есеге арттыруға мүмкіндік береді.
Жалпы ұзындығы 2,3 км жолды қайта жаңарту көзделген. Бөлу жолағын жойып, жол бойын кеңейту арқылы әр бағытта 3 жолақ салынады. Бұл шара аумақтың өткізу қабілетін тәулігіне 40 мың автокөліктен 80 мыңға дейін арттырады.
Сонымен қатар, жол жиегіне тосқауыл қоршауын, жол бойын жарықтандыру және су бұру тіректерін орнату көзделген. Жаяу жүргіншілердің қауіпсіздігін қамтамасыз ету үшін екі жағынан ені 2-ден 3 метрге дейінгі тротуар жабдықталады.
Жол бойын қайта жаңарту жұмыстары үш кезеңге бөлінген. Бірінші кезеңде жолдың батыс жағы, екіншісі орталық бөлігі, үшіншісі шығыс жағында жұмыс істеледі. Бірақ әрбір кезеңде екі бағытта да қозғалыс шектелмейді.
Әрбір учаскедегі жұмыстың ұзақтығы шамамен бір айға созылады. Жол бойының бүкіл ені бойынша жолды таңбалау және белгілер орнату арқылы қозғалысты осы жылдың 25 тамызына дейін ашу жоспарланған.
Жұмыстың аралық қорытындысы мен қосымша ақпарат жол инфрақұрылымына арналған @AlmatyJoly Telegram арнасында, сондай-ақ Almaty.kz сайтында жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 13:31 14321
Таразда 400-ден астам оқушы есірткіге қарсы айлықты қолдады
Достарға айту
Таразда 400-ден астам оқушы есірткіге қарсы айлықты қолдады, - деп хабарлайды Polisia.kz.
Жамбыл облысында нашақорлыққа қарсы күрес айлығы барлық аудандарда мемлекеттік және үкіметтік емес құрылымдардың қатысуымен кең ауқымды профилактикалық іс-шаралардан басталды. Олар, ең алдымен, балаларға, жасөспірімдерге және жастарға бағытталған. Назарбаев зияткерлік мектебінде өткен кездесуде полицейлер оқушылармен тыйым салынған заттарды қолданудың алдын алу, салауатты өмір салтын насихаттау, өзіне саналы және жауапкершілікпен қарауды қалыптастыру, салауатты өмір салтын ұстану тақырыбында әңгімелесті. Кездесуді облыстық полиция департаменті бастығының орынбасары Нұржан Рахметуллаев ашып, жүргізді.
Сондай-ақ Тараз қаласы әкімдігінің "Жастар ресурстық орталығы" КММ директоры Абзал Есіркепов сөз сөйледі. 400-ден астам НЗМ оқушылары "Есірткіге жол жоқ!" челленджін қолдады. Кездесу барысында есірткі мен психотроптық заттарды қолданудың зияны туралы бейнероликтер көрсетілді. ПД Кинологиялық қызметінің мамандары қызметтік-іздестіру иттерімен бірге есірткіні іздеу және анықтау дағдыларын көрсетті. Оқушылар спикерлерге белсенді түрде сұрақтарын қойып жатты.
Дәстүрлі есірткі" деп аталатын заттар, психоактивті, улы заттар, алкоголь, темекі - олардың барлығы мидың жұмысына әсер етеді. Біз жас кезінен бастап салауатты әдеттерді қалыптастырудың маңыздылығын жас ұрпаққа жеткізгіміз келеді және ата-аналарды балаларына үлгі болуға шақырамыз. Есірткіге тәуелді адамның ешқандай болашағы жоқ. Бұл ой барлық кездесулерде санадан кетпейді. Сонымен қатар жасөспірімдер арасында құқықтық сауаттылықты қалыптастыруға басымдық беріледі, - деді Нұржан Рахметуллаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.05.2024, 17:11 49041
Алматыда 2025 жылдың соңына дейін барлық ескі қоқыс контейнерлері ауыстырылады
Сурет: gov.kz
Достарға айту
Алматы әкімдігі қатқыл тұрмыстық қалдықтарды жинау және шығару үшін инфрақұрылымды сапалы жаңғырту жұмыстарын жалғастыруда. 2024-2025 жылдары Алматыда ҚТҚ жинауға арналған 2905 тереңдетілген контейнерлер орнатылады. Бұл туралы Алматы әкімі Ерболат Досаев Алмалы ауданының тұрғындарымен жұмыс сапары барысындағы кездесу кезінде айтты.
"2012 жылдан бері орнатылған барлық контейнерлерді біз реконструкциялаймыз. Сонымен қатар, 516 жаңа тереңдетілген контейнер алаңы салынады, олардың жартысы ағымдағы жылдың соңына дейін пайда болады. Өздеріңіз білесіздер, агрессивті ортаның әсерінен қоқыс жәшіктерінің металы тез ескіреді. 2025 жылдың соңына дейін барлық тозған контейнерлерді түгел ауыстырамыз", - деді Ерболат Досаев.
Алматыда өткен жылдың соңында тереңдетілген қоқыс контейнерлерін орнату жұмыстары басталды. Олардың артықшылығы-герметикалы және бұралқы иттер мен құстар оларға жете алмайды. Сондай-ақ, тереңдетілген контейнерлер жағымсыз иісті таратпайды әрі эстетикалы.
"Халықаралық тәжірибеге сәйкес, біз қапшықты контейнерлерді орнатуды жоспарлап отырмыз. Қызмет көрсету тұрғысынан-қоқыс контейнерлерін жуу, санитарлық тазартуда шүберектен жасалған қапшықты контейнерлер әлдеқайда тиімді. Сонымен қатар, биыл біз 1800 еуроконтейнерді ауыстырамыз", - деді Алматы әкімі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.05.2024, 17:17 57546
Астана әкімі 4-қабатта ілініп тұрған баланы құтқарған Ақан Әкімжановпен кездесті
Сурет: gov.kz
Достарға айту
Астана қаласының әкімі Жеңіс Қасымбек Instagram парақшасында бүлдіршінді құтқарып қалған Ақан Әкімжановпен және ата-анасымен кездескені туралы жазды, деп хабарлайды елорда әкімдігнің ресми сайты.
Ақан Әкімжановпен және оның ата-анасымен кездестім. Ақан өзінің жылдамдығымен және батылдығымен ықтимал қайғылы жағдайдың алдын алды. 7-сынып оқушысы 4-қабатта ілініп тұрған кішкентай бүлдіршінді құтқарып қалды.
Ақанның ата-анасына ержүрек ұл өсіріп, лайықты тәрбие бергені үшін алғысымды білдіремін! Ақан сол сияқты оқуда да, спортта да жетістіктерге жетіп жүр! Мұғалімдері мен сыныптастары ол туралы адал дос, саналы және жауапкершілігі мол оқушы деген пікірде!
Ақанға планшет пен бір миллион теңге сыйға берілді. Сондай-ақ болашақта колледжге немесе университетке түсу кезінде де көмек көрсетеміз", - деп жазды Жеңіс Қасымбек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
31.05.2024, 13:15Тоқаев Алматы әуежайының жаңа халықаралық терминалын аралап көрді 31.05.2024, 13:32 15576Қазақстаннан Еуроодақ елдеріне ұшуға барлық шектеулер алынып тасталды31.05.2024, 13:43 15331Бектенов Алматы облысының өнеркәсіптік және көлік-логистикалық әлеуетімен танысты31.05.2024, 13:18 8686Оңтүстік астананың арнайы ХҚКО басшысының орынбасары алаяқтық деген күдікке ілінді31.05.2024, 13:27 8416Жамбыл облысының прокуратурасы 700 млн теңгеден астам бюджет қаражатының негізсіз жұмсалуын алдын алды
28.05.2024, 13:07 62211Бектенов: Біз шикізатты емес жоғары өңделген тауарларды өндіруіміз қажет28.05.2024, 12:33 59711Тоқаев әзербайжандықтарды Тәуелсіздік күнімен құттықтады28.05.2024, 12:11 59551Қазақстандағы су тасқыны: 30 мыңнан астам отбасы біржолғы төлем алды28.05.2024, 12:05 51371Қазақстанның су қоймаларына 12 млрд текше метрден астам тасқын суы жиналды29.05.2024, 13:50 50556Адам өлтіргені үшін күдікті Ресейден экстрадицияланды
02.05.2024, 16:37 124971Бакуде Түркі мәдениеті мен мұрасы қоры кеңесінің бірінші отырысы өтті02.05.2024, 16:34 121281Елімізде қаржы пирамидалары мен заңсыз ойын бизнесіне қарсы іс-қимыл жөніндегі алдын алу шаралары талқыланды02.05.2024, 12:14 121026Сенат жаңа туған нәрестеге бірден ЖСН беретін заң нормасын мақұлдады02.05.2024, 15:49 118456Туризм және спорт министрі Алматының туристік әлеуетімен танысты02.05.2024, 16:15 118251"ҚазТрансГаз Аймақ" АҚ-ның тұтынушыларына негізсіз есептелген 1,2 млрд. теңге сомасы қайтарылады