Қазақстанда Омикронға байланысты жаңа шектеулер енгізілуде
Сурет: ortcom.kz
Шетелден келгендердің барлығында вакцинация мәртебесіне қарамастан, теріс ПТР тестінің міндетті түрде болуы. "Ashyq" бағдарламасы бойынша "жасыл" мәртебесі болған жағдайда ғана қызметіне рұқсат етілген объектілер тізбесі кеңейтілді",- деді ОКҚ брифингінде ҚР Премьер-Министрінің орынбасары Ералы Тоғжанов.
Оның айтуынша, өңірлердегі эпидемиологиялық жағдайға байланысты оқушыларды, студенттерді оқытуға сараланған тәсіл қолданылады. Халық көп жиналатын объектілер үшін қосымша шектеулер енгізілді.
Министр "Омикронды" қарапайым тұмау ретінде қабылдауға болмайтынын айтты.
"Омикрон" штаммының ерекшелігі – оның аса жұқпалы болуында және оны қайта жұқтыру қаупі жоғары. Таралу коэффициенті - 1:5. Ол "Дельта" нұсқасынан 70 есе жылдам таралады. Соңғы тәулікте ғана 9 700 жағдай тіркелді. Тәулік ішіндегі мұндай сырқаттанушылық көрсеткіші бүкіл пандемия кезеңінде болмаған. Соңғы айда коронавирустық инфекциямен сырқаттанушылық 20 есеге артты. Түркістан облысын қоспағанда, бүкіл ел "қызыл" аймақта орналасқан", - деді Тоғжанов.
Сырқаттанушылық деңгейі бойынша, Нұр-Сұлтан, Алматы қалалары, Атырау облысы көш бастап тұр.
Тоғжановтың айтуынша, тек мемлекеттік органдардың және қоғамның өзара жауапкершілігі ғана қауіпті вирустың таралу тізбегін тоқтата алады.
Бүгінгі таңда жалғыз дұрыс шешім — вакцинация және санитарлық нормаларды қатаң сақтау", - деді Тоғжанов.
Министр атап өткендей, көптеген азаматтарымыз оқшаулану талаптары туралы ұмытып, өзіне, отбасына, айналасындағыларға қауіп төндіреді. Бұқаралық іс-шараларды өткізуден және оларға қатысудан аулақ болу керек.
Қазір демалатын уақыт емес, аурудың шарықтау шыңы әлі алда. Егер пандемия кезеңіндегі қайғылы оқиғалардың қайталануын қаламасақ, санитарлық қызметтердің нұсқауларын қатаң сақтауымыз қажет", - деп түйіндеді Тоғжанов.
Бұған дейін білім министрлігінің өкілдері Қазақстанда оқыту эпидемиологиялық жағдайға байланысты ішінара қашықтық форматта жүргізілетінін айтқан болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ел бойынша "Таза Қазақстан" жалпыұлттық акциясының екінші онкүндігі өтіп жатыр
Ел бойынша "Таза Қазақстан" жалпыұлттық акциясының екінші онкүндігі өтіп жатыр, деп хабарлайды ҚР Мәдениет және ақпарат министрлігінің баспасөз қызметінің баспасөз қызметінен.
2025 жылғы 16-25 маусым аралығында "Таза Қазақстан" жалпыұллтық акциясы аясындағы екінші онкүндік өтуде. Бұл кезең абаттандыру, қоқыс орындарын жою, жасыл желектерді суару және күтіп-баптау барысын қоғамдық бақылау секілді мәселелерге арналады.
Игі іске Түркістан, Жамбыл, Алматы, Атырау, Ақтөбе, Жетісу облыстары мен Шымкент және Астана қалаларындағы қоғамдық кеңестердің мүшелері белсене атсалысты.
Мониторинг барысында саябақтар мен қоқыс алаңдары, тарихи-мәдени ескерткіштер қаралды. Шара аясында ғимараттар маңы тазартылып, ағаштар мен гүлдер отырғызылып, сыртқы ақтау жұмыстары жүргізілді.
Сонымен қатар Түркістан облысында аталған акция аясында "Жасыл толқын" атты бірқатар көгалдандыру және ақпараттық іс-шаралар ұйымдастырылды.
Қоғамдық бақылау нәтижесінде кеңес мүшелері санитарлық тазалықты жақсарту, абаттандыру жөнінде бірқатар ұсыныс білдірді. Атап айтқанда, рұқсатсыз қоқыс алаңын жою, бейнебақылау орнату, тұрғындармен түсіндіру жұмыстарын жүргізу, эко-бақылау топтарын құру және заңбұзушыларға шара қолдану ұсынылды.
Қоғамдық кеңес мүшелері тек ұсыныс білдіріп қана қоймай, аталған жұмыстарға өздері қатысып, қоғамға үлгі боларлық белсенді азаматтық көзқарас танытты.
ҚР Мәдениет және ақпарат министрлігінің баспасөз қызметі
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өнеркәсіп және құрылыс министрлігі инвестордың жобасын келісу кешіктірілді
Өнеркәсіп және құрылыс министрлігі инвестордың жобасын келісу кешіктірілді, деп хабарлайды ҚР Бас прокуратурасының баспасөз қызметінен.
Мемлекет басшысының тапсырмасы негізінде прокуратура органдары маңызды инвестициялық жобаларды сүйемелдеу бойынша дәйекті жұмыс жүргізуде.
Бас прокуратура мен "Kazakh Invest" ҰК" АҚ (Task Force) бірлескен жұмысы шеңберінде заманауи қару-жарақ пен әскери техниканың кешенді өндірісін ұйымдастыру жөніндегі жобаны іске асыратын отандық инвестордың проблемасы анықталды.
Атап айтқанда, Өнеркәсіп және құрылыс министрлігі заң талаптарына қайшы, инвестициялық келісім жобасы бойынша келіссөздер жүргізу жөніндегі комиссияны құру мерзімін 47 күнге (15 жұмыс күнінің орнына) дейін ұзартты.
Салалық қорытынды беру 9 жұмыс күніге кешіктірілді.
Сонымен қатар, өтінімді жалпы қарау және келісімнің негізгі шарттары туралы қорытынды дайындау мерзімдері бұзылды.
Прокуратураның қадағалау актісі бойынша жол берілген бұзушылықтар үшін Өнеркәсіп және құрылыс министрлігі департаментінің директоры тәртіптік жауапкершілікке тартылды.
Жалпы, прокурорлар елдің инвестициялық тартымдылығын жақсартуға, инвесторлардың құқықтары мен заңды мүдделерін қорғауды қамтамасыз етуге бағытталған.
Бүгінгі таңда прокурорлар 1 352 инвестордың 801 проблемалық мәселелерін шешті.
Бұл жұмыс жалғасуда және Бас прокуратура басшылығының ерекше бақылауында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.