25.08.2022, 15:33 31576
Болат Назарбаевқа тиесілі жүздеген миллион долларлық жер учаскелері туралы депутат мәлімдеді
Сонымен қатар, ол 2 млн-нан астам азамат 10 сотық жер ала алмай, телміріп жүргенін атап өтті.
Достарға айту
Депутаттың айтуынша, Болат Назарбаев өткен кезеңде Қаскелең, Талғар, Түркістан облысы, Нұр-Сұлтан қалаларында коттедж қалашығы, әкімшілік ғимарат, базар салу үшін 244 гектар тұратын 59 жер телімін, объект алған.
Бұл жер телімдерінің нарықтық бағасы жүздеген миллион доллар тұрады", - деді Саиров өзінің Facebook парақшасында.
Сонымен қатар, ол, Цифрлық даму министрлігінің деректеріне сүйеніп, 2 млн-нан астам азамат 10 сотық жер ала алмай, телміріп жүргенін атап өтті.
Бұл неткен әлеуметтік әділеттілік? Конституциядағы теңдік принциптері қайда? Осындай әлеуметтік диспропорция халықтың ызасын туғызады", - деді Саиров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
04.02.2025, 13:29 12551
Құрманғазы атындағы Қазақ ұлттық консерваториясында альт музыкасына арналған концерт өтті
Достарға айту
Құрманғазы атындағы Қазақ ұлттық консерваториясында дәстүрлі альт музыкасына арналған концерт өтті, деп хабарлайды ҚР Мәдениет және ақпарат министрлігінің баспасөз қызметінен.
Іс-шара Қазақстанның танымал альтисті, профессор, "Құрмет" орденінің кавалері, Қазақстан альт мектебінің негізін қалаушы Яков Фудиманды (1934-2007) еске алуға арналды.
Кешке Я. Фудиманның шәкірттері, музыканттар және альт музыкасын сүйіп тыңдаушылар жиналды. Яков Фудиман музыка саласында мол мұра қалдырған тұлға. Сондай-ақ, ол 150-ден астам студент тәрбиелеген үлкен мектеп қалыптастырды. Олардың қатарында мәдениет саласының еңбек сіңірген қайраткерлері, халықаралық байқаулардың лауреаттары, жетекші педагогтар мен артистер бар.
Яков Фудиманды еске алу кеші - концерт қана емес, маэстроның Қазақстандағы альт өнерін дамытуға қосқан зор үлесін айшықтаған ерекше мәдени іс-шара болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
04.02.2025, 13:18 12861
Қаңтарда Шардара су қоймасына 2,6 млрд текше метр су келді
Достарға айту
Қаңтар айында Сырдария өзені арқылы Шардара су қоймасына 2,6 млрд текше метр су келді. Бұл бастапқы болжамнан 100 млн текше метрге артық. Су ресурстары және ирригация министрі Нұржан Нұржігітов Түркістан облысының тұрғындарымен кездесіп, өңірдегі ірі су шаруашылығы нысандарын аралады, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Нұржан Нұржігітов Мақтаарал ауданының Мырзакент кентінде облыс тұрғындарымен кездесу өткізді. Министр аймақты қажет су көлемімен толық қамтамасыз ету бойынша атқарылған жұмыстар туралы баяндады.
Былтыр біз көрші елдермен белсенді келіссөз жүргіздік, осының нәтижесінде еліміздің оңтүстігіндегі шаруаларды суармалы сумен толық қамтамасыз еттік. Біз "Қазсушар" мекемесінің жергілікті дихандармен жасаған келісімшарттарының қаншалықты орындалғанын мұқият тексереміз. Атап айтқанда, келісімшартсыз су беру арқылы заң бұзушылық фактілері бар-жоғын анықтаймыз. Осыған дейін облысқа министрліктің Ішкі аудит департаментінің өкілдері келген болатын. Дүйсенбіден бастап біздің мамандардан жасақталған тағы бір жұмыс тобы тексеріс бастайды", - деді Су ресурстары және ирригация министрі Нұржан Нұржігітов.
Түркістан облысының тұрғындары министрге ирригация және дренаж жүйелерін реконструкциялау, жекелеген гидротехникалық құрылыстардың жай-күйі, суармалы суды бөлу, су беру жөніндегі келісімшарт жасау, жаңа су қоймаларын салу, білікті мамандарды даярлау және шаруаларға субсидия беру жөнінде сұрақтарын қойды.
Азаматтармен кездесуден кейін Нұржан Нұржігітов Шардара су қоймасының жай-күйі мен 2023 жылы реконструкциядан өткен бөгетінің жұмысын тексерді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.02.2025, 19:52 18396
Астанада өткен демалыс күндері арнайы рейд барысында 800-ге жуық заңбұзушылық анықталды
Достарға айту
Құқық бұзушылықтарды анықтау, алдын алу және профилактикалық жұмыс жүргізу мақсатында Астананың барлық ауданында компьютерлік клубтарда, кинотеатрларда, жатақханаларда, ойын-сауық орындарында және басқа да нысандарда жаппай рейдтер жүргізілді, деп хабарлайды Астана қаласы әкімдігінің баспасөз қызметінен.
Құқықтық тәртіп" шарасын жүзеге асыру аясында қалада жергілікті рейдтік іс-шаралар өткізілді. Астана қаласының Полиция департаменті мен аудан әкімдіктерінің қызметкерлері заң бұзушылықтарды анықтау және профилактикалық жұмыстар жүргізу мақсатында компьютерлік клубтарды, кинотеатрларды, жатақханаларды, ойын-сауық және басқа да мекемелерді тексерді.
Қалада "Құқықтық тәртіп", "Қауіпсіз қала" және "Күнделікті өмір" қоғамдық іс-шараларының өткізілуіне байланысты жергілікті орындарда рейдтік іс-шаралар ұйымдастырылды. Полиция департаменті мен аудандық бөлімшелердің жеке құрамы елорданың едәуір бөлігін, оның ішінде жеке секторды, тұрғын үйлерді және т.б. аумақтарда тексерулер жүргізді. Іс-шаралар барысында елорда тұрғындары мен қонақтары арасында құқық бұзушылықтың алдын алу мақсатында түрлі шаралар жүргізілді. Операцияға арнайы жасақ - СОБР мен Ұлттық ұлан да жұмылдырылды", - деді Астана қалалық ПД Жергілікті полиция қызметінің бастығы, полиция полковнигі Ержан Әділбеков.
Рейдтік іс-шаралар барысында 800-ге жуық түрлі қоғамдық тәртіпті бұзу фактісі анықталды, оның ішінде қоғамдық орындарда алкогольдік сусындар ішу, кальян шегу, тұрғылықты жері бойынша тіркеусіз тұру, кәмелетке толмағандардың заңды өкілдерінсіз қалуы және т.б. белгілі болды.
Барлық құқық бұзушы айыппұл және қамауға алу түріндегі әкімшілік жауапкершілікке тартылды. Демалыс және мереке күндері белсенділік арта отырып, рейдтер тұрақты түрде жүргізіледі.
Айта кету керек, Астана қаласы прокуратурасының, құқық қорғау және мемлекеттік органдардың үйлестіруімен Астана қаласы әкімдігінің жанындағы әйелдер істері және отбасылық-демографиялық саясат жөніндегі комиссия мүшелерімен және аудан әкімдіктерімен бірлесіп, түнгі уақытта қала көшелері мен ойын-сауық орындарында кәмелетке толмағандарды анықтау бойынша рейдтер жалғасып жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.01.2025, 14:38 56046
Астанада кезекті ауыл шаруашылығы жәрмеңкесі 1-2 ақпанда өтеді
Достарға айту
Астанада 1-2 ақпанда кезекті қалалық ауыл шаруашылығы жәрмеңкесі өтеді, деп хабарлайды Астана қаласы әкімдігінің баспасөз қызметінен.
Жәрмеңкеде Қазақстанның түрлі өңірлерінен - Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері тікелей ұсынылатын болады. Қала тұрғындары мен қонақтары көкөністер мен жемістерді, ет, ұн, сүт өнімдерін, кондитерлік өнімдерді, табиғи шырындарды және т.б. сатып ала алады.
Іс-шара Нұрғиса Тілендиев даңғылы, 12а мекенжайы бойынша "Koktal" сауда-ойын-сауық орталығында өтеді.
Жәрмеңке әр демалыс күндері сағат 10:00-ден 22:00-ге дейін жұмыс істейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.01.2025, 17:23 64976
Жұмысшы мамандықтар жылы: елордада бос жұмыс орындары жәрмеңкесі өтті
Достарға айту
Елімізде биыл Жұмысшы мамандықтар жылы деп жарияланды. Осыған орай, Астанада бос жұмыс орындары жәрмеңкесі өтті, деп хабарлады Астана қаласы әкімдігінің баспасөз қызметінен.
Алматы ауданы әкімдігінің ұйымдастыруымен Әл-Фараби атындағы Оқушылар сарайында бос жұмыс орындарына арналған жәрмеңке өтті. Жәрмеңкеде түрлі саладағы 90 ұйымнан 2 мыңнан астам бос жұмыс орны ұсынылды.
Қоғамдағы жұмыссыздықты жою мақсатында бүгін осындай жәрмеңке ұйымдастырып отырмыз. Дәл қазір мұнда өндірістік кәсіпорындар, қызмет көрсету компаниялары және білім беру мекемелері өз ұсыныстарын таныстырып жатыр.
Сонымен қатар Joltap бағдарламасының, Жұмыспен қамту және әлеуметтік қорғау басқармасының және қаржы ұйымдарының өкілдері жұмысқа орналасу мүмкіндіктері мен әлеуметтік қолдау шаралары туралы ақпарат берді. Жәрмеңке алдағы уақытта да өз жалғасын табатын болады", - деді Алматы ауданы әкімдігінің ішкі саясат бөлімінің басшысы Айбын Айдынұлы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.01.2025, 17:14 65191
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды
Достарға айту
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды. Бұл туралы Алматы метрополитенінің Instagram парақшасында айтылған.
Жұмыс регламентіне сәйкес, алдымен берік металдан жасалған тіректер орнатылады, кейіннен оларға мықты шыныдан жасалған бөлгіштер бекітіледі.
Жұмыстарды толық аяқтау алдағы апта ішінде жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.01.2025, 12:37 67226
Елордада көктемгі су тасқынына қарсы шаралар белсенді түрде жүргізіліп жатыр
Достарға айту
Астанада су тасқынына қарсы шаралар белсенді түрде қызу жүргізіліп жатыр, деп хабарлайды Астана қаласы әкімдігінің баспасөз қызметінен. .
Қазіргі таңда Байқоңыр ауданында су тасқынына қарсы шаралар белсенді түрде қолға алынды.
Су тасқынына қарсы шаралар аясында аудан әкімдігінің және Астана қаласы Төтенше жағдайлар департаментінің қызметкерлерімен тұрғын алаптарда күшейтілген жұмыстар жалғасуда.
Оның ішінде арық-науа желілерін тазалау, қарды уақытылы шығару, сондай-ақ, жеке сектор тұрғындарына хабарламалар тарату жұмыстары жүргізілуде.
Жалпы аудан бойынша су тасқынының алдын алу шараларына 60-тан аса арнайы техника мен 30-ға жуық жұмысшы жұмылдырылды.
Қыс мезгілі басталған сәттен бастап бүгінге дейін аудан аумағынан қар полинонына 7 мың текше метрден аса қар шығарылды.
Жеке сектор тұрғындары су басу қаупінің алдын алу мақсатында өз аулаларының қарын жолдың бойына (жеке сектор аумағынан қалалық аумаққа) шығарып қоюы қажет.
Жиналған қар үйінділері арнайы техникалардың көмегімен қала сыртына шығарылатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.01.2025, 17:02 73206
Алматыда көппәтерлі үйлер мен ғимараттардың жедел сатылары жаңартылуда
Достарға айту
2011-2024 жылдар аралығында тұрғын үй-коммуналдық шаруашылықты жаңғырту бағдарламасын іске асыру нәтижесінде 2266 көппәтерлі тұрғын үй (КТҮ) қамтылды, оның ішінде 1188 үй шатырды, қасбеттерді, кіреберістерді қалпына келтіруді, сондай-ақ инженерлік желілер мен электрмен жабдықтауды жаңартуды қоса алғанда, күрделі жөндеуден өтті, деп хабарлайды Алматы қаласы әкімдігінің баспасөз қызметінен.
Сонымен қатар, 1078 үйде 2257 лифт ауыстырылды, бұл тұрғындар үшін жайлылық пен қауіпсіздікті едәуір арттырды. Бұл өзгерістер қала тұрғындарының өмір сүру сапасын едәуір жақсартуға ықпал етіп, оларды жайлы әрі қауіпсіз өмір сүру жағдайымен қамтамасыз етті.
Өткен жылы бағдарлама аясында 118 көппәтерлі тұрғын үйге күрделі жөндеу жүргізілді, сондай-ақ 54 үйде 100 бірлік лифт жабдығы ауыстырылды.
Бағдарлама ескі тұрғын үйлердің қызмет ету мерзімін ұзартуға ғана емес, сонымен қатар энергия тиімділігін арттыруға және коммуналдық қызметтердің сапасын жақсартуға бағытталған.
ТКШ жаңғыртудың мемлекеттік бағдарламасы аясында үйлердің тұрғындары жөндеу жұмыстарының барлық түрлері қарастырылған өтінім бере алады. Ол үшін сайлаушылардың 51% дауысын жинап, өтініш беру керек. Жөндеу құны коммуналдық төлемдерге кіреді және қайтарымды негізде мемлекет өтейді.
Райымбек, 245 мекенжайы бойынша жаңарту бағдарламасы аясында жөндеу жұмыстары жүргізілді, оған сылақты сұйық мәрмәрмен ауыстыру, қабырғаларды бояу, едендерді жаңарту және ескі плиткаларды ауыстыру кірді.
Жөндеу өте заманауи және сапалы болды, біз жұмыс бағдарламасына ризамыз", - деп атап өтті "245 үйдің" ОСК басқарма төрағасы Әсем Қасенова әрі командаға атқарған жұмыстары үшін алғыс білдіріп.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
05.02.2025, 09:44Түркістан облысындағы Көксарай контрреттегіші екі есе артық су жинай алады 05.02.2025, 10:26 4586ШҚО әкімі оған хат жолдаған 3-сынып оқушысымен кездесті05.02.2025, 10:35 4236Қазақстан ІІМ туристер үшін қауіпсіздік жүйесін енгізуде05.02.2025, 10:14 2171Қазақстан Ұлттық Банкі жаңа алаяқтық схема туралы ескертеді05.02.2025, 10:39 1651Акциздердің жаңа мөлшерлемесі: жанармай сатудан түскен қосымша табыстың 80% бюджетке бағытталады
30.01.2025, 18:56 120001Мемлекет басшысы АҚШ Президенті Дональд Трампқа көңіл айту жеделхатын жолдады31.01.2025, 16:58 118041"Қазақстан халқына" Қоғамдық қорын Лаззат Чинкисбаева басқарады31.01.2025, 11:27 113786Жұмыссыз қазақстандықтар кәсіптік біліктілікті тануға өтінім бере алады31.01.2025, 11:41 112996"Игі істі бөліс" республикалық флешмобы басталды31.01.2025, 12:42 112581Құрылысы 5 жыл бұрын тоқтап қалған Қызылорда су торабын жаңғырту жобасы аяқталды
24.01.2025, 16:38 133061Қазақстанда генерациялау объектілерін, жылу және электрмен жабдықтау желілерін кешенді жаңғырту жоспарлануда24.01.2025, 16:24 130331Бектенов сыртқы факторлардың ел экономикасына әсері мәселелері бойынша жұмыс кеңесін өткізді24.01.2025, 16:20 130031Астанада жеке кәсібін ашқан ерекше баласы бар аналарға арналған форум өтті23.01.2025, 19:50 127361Алматыда заңсыз салынған сауда нысандары жаппай бұзылуда09.01.2025, 17:13 1223862024 жылы Отбасының цифрлық картасы арқылы 263 мыңнан астам адамға мемлекеттік қызмет көрсетілді