Ақмола облысыныӊ Жарқайыӊ ауданында тұлпарлардыӊ дүбірі естілді
Атбегілік дәстүрді жалғастыруды, ауданда ат спортын дамытуды көздеген ұйымдастырушылар бұл спорт түрін аудандық "Топжарған" жазғы спартакиадасыныӊ бағдарламасына енгізген болатын.
Көкшетау. 18 шілде. Kazakhstan Today - Бәйге десе елеӊ етіп, делебесі қозып, ішкен асын жерге қоятын Жарқайыӊ жұрағаты кекілін жел тараған сәйгүліктердіӊ шабысын тамашалады. Атбасар, Жақсы аудандары мен Арқалық қаласынан арнайы келіп, бәйгеге қатысқан шабандоздар Жарқайыӊ атырабын дүбірлетті, деп хабарлайды ішкі саясат басқармасыныӊ Өӊірлік коммуникациялар қызметі.
Жарқайыӊдағы бұл ат жарыстыӊ басты ерекшелігі - бәйге аудан азаматтарыныӊ бастамасы. Аудандық ат спорты федерациясыныӊ вице-президенті Игорь Пугачев демеушілік жасаған дүбірлі додаға Ақмола облысыныӊ 3 ауданы мен Қостанай облысыныӊ Арқалық қаласынан 30 сәйгүлік қатысты. Халқы дархан Жарқайыӊ жерінде ұйымдастырылған бұл байрақты бәсекеде тұлпарлар 3 қашықтыққа шапты. Жарыс дәстүр бойынша 4 шақырымдық құнан бәйгеден басталып, алғашқы айналымнан қара үзіп дара шапқан, Атбасар қаласыныӊ "Зәмзәгүл" есімді сәйгүлігі мәрені бірінші болып бағындырды. Шабандозы өрімдей ғана Шалқар Шаихов. Жасы сегізге енді толған Шалқар талай дүбірлі жарыстарға қатысып әбден ысылған шабандоз.
Ұшқыр аттардыӊ 7 шақырымдық бәсекесі тартысқа толы болды. Алғашқы айналымдарда Львовское ауылыныӊ "Байқоӊыр" есімді сәйгүлігі алдына жан салмай, шашасына шаӊ жұқтырмай негізгі топты жарты айналымға артта қалдырған еді. Бабы келіп тұрғанымен, бұл жарыста "Байқоӊырдыӊ" бағы жанбады. Мәреге бір айналым қалғанда шабандозы ауыздыққа ие бола алмай, "Байқоӊыр" жарыс айналымынан шығып кетті. Мұндайда сәтін күте білетін шабандоздыӊ мерейі үстем болатынына көрермендердіӊ көзі жетті. Алғашқы құнан бәйгеде мәрені шулатқан Ш.Шаихов, бұл қашықтықта да өзініӊ табандылығын танытып, тағыда бірінші орынды иеленді.
10 шақырым қашықтыққа созылған топ бәйгеде Ш.Шаихов тағы да бағын сынауға бел байлағанымен сәйгүлігі мәреге жете алмады. Бұл бәйгеде жарқайыӊдық Ағыбай Иділдіӊ айы оӊынан туды. Нахимов ауылдық округінен жалпы бұл додаға 8 ат қатысқан болатын. Солардыӊ ішінен Ағыбай Иділ тақымдаған "Қарагердіӊ" жолы болды. Екінші орынды Жақсы ауданынан келген "Стелла" есімді сәйгүлік иеленсе, үштікті Львовское ауылыныӊ "Огонек" есімді сәйгүлігі қорытындылады.
Атбегілік дәстүрді жалғастыруды, ауданда ат спортын дамытуды көздеген ұйымдастырушылар бұл спорт түрін аудандық "Топжарған" жазғы спартакиадасыныӊ бағдарламасына енгізген болатын. Үшінші рет жалауын желбіреткен бұл байрақты бәсеке жоғары деӊгейде өткізілді. Осынау жарыстардыӊ болашақта ат спортына тұрғындардыӊ қызығушылығын арттырып, атбегілер қатарын көбейтуге септігін тигізетіні сөзсіз.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан құрамасы хоккейден алғашқы Азия чемпионатының жеңімпазы атанды
Алматы қаласындағы Halyk Arena спорт кешенінде хоккейден ерлер арасындағы алғашқы Азия чемпионаты аяқталды, деп хабарлайды ҚР ТСМ баспасөз қызметінен.
Бүгін шешуші матчта Қазақстан командасы Жапониямен ойнап, 5-1 есебімен басым түсті.
1:0 - Рымарев (Борисевич, Гренц)
2:0 - Рымарев (Александров)
3:0 - Наместников (Королинский)
3:1 - Ирикура (Ханзава, Кобаяши)
4:1 - Гребенщиков (Волков, Королинский)
5:1 - Королинский
Ал Оңтүстік Корея құрамасы овертаймда Қытайдан 2-1 есебімен басым түсіп, бізге басымдық сыйлады.
Азия чемпионатының турнир кестесі:
Қазақстан - 6 ұпай
Жапония - 6
Оңтүстік Корея - 4
Қытай - 2
Айта кетейік, құрлық бәсекесі Халықаралық хоккей федерациясының (IIHF) қолдауымен өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Рақымжан Қошқарбаевтың 100 жылдығына орай кикбоксингтен турнир өтіп жатыр
Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.
Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.
Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.
Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.
Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.
Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада үстел теннисінен XXVII Азия чемпионаты басталды
Елордада үстел теннисінен XXVII Азия чемпионаты басталды, деп хабарлайды Қазақстан Республикасы Туризм жəне спорт министрлігінің баспасөз қызметінен.
Астанадағы Beeline Arena Ұлттық теннис орталығында елімізде алғаш рет ұйымдастырылып жатқан үстел теннисінен XXVII Азия чемпионатының жалауы желбіреді. Чемпионатқа Азия құрлығының 26 елінен келген 210 спортшы қатысып жатыр.
Сары құрлық додасының ашылу салтанатына Туризм және спорт вице-министрі Серік Жарасбаев қатысып, байрақты бәсекеде өнер көрсететін спортшыларға сәттілік тіледі.
Үстел теннисінен XXVII Азия чемпионатының басталуымен барша спорт сүйер қауымды құттықтаймын! Қазіргі таңда елімізде үстел теннисіне ерекше көңіл бөлініп, бұл спорт түрі қарқынды дамып келеді. Кейінгі бірнеше жылда жерлестеріміз халықаралық жарыстарда жақсы нәтижелер көрсетіп жүр. Олардың қатарында үш Олимпиада ойындарында ел намысын қорғаған Кирилл Герасименко, әлем біріншілігінің жеңімпазы Алан Құрманғалиев және басқа да спортшыларымыз бар. Бұл чемпионат - біздің еліміз үшін ғана емес, бүкіл Азия үшін маңызды оқиға. Бүгін біз әлемнің ең мықты ойыншыларын қарсы алып, құрлықтағы үстел теннисі әлеуетін танытуға дайынбыз!" - деді Серік Жарасбаев.
Елордадағы біріншілікте әлемнің үздік ойыншылары, соның ішінде Олимпиада чемпионы Ван Чуцинь (Қытай), күміс жүлдегерлер Мива Харимото мен Миу Хирано (Жапония), сондай-ақ Олимпиаданың алтын жүлдегері Сунь Инша (Қытай) бақ сынайды.
Бұл сында ел намысын Рио-2016, Токио-2020, Париж-2024 Олимпия ойындарының қатысушысы Кирилл Герасименко, 2020 жылғы Токио Олимпиадасының қатысушысы Анастасия Лаврова, миксте жастар арасындағы әлем чемпионатының жеңімпазы Алан Құрманғалиев, сондай-ақ халықаралық турнирлердің жүлдегері Сарвиноз Миркадирова мен Зауреш Акашева қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.