Нұржан Сейдуәлі Швецияда өткен джиу-джитсудан әлем чемпионатыныӊ күміс жүлдегері атанды
Қарашаныӊ 20-сы мен 26-сы аралығында Мальме (Швеция) қаласында джиу-джитсудан әлем чемпионаты өтіп, оған 55 елден 3000 спортшы қатысқан. Қазақстанныӊ ұлттық құрамасы сапында 56 келіге дейінгі салмақта ел намысын "Шұбаркөл көмір" АҚ учаскелік маркшейдері Нұржан Сейдуәлі қорғады.
Астана. 2 желтоқсан. Kazakhstan Today - "Шұбаркөл көмір" АҚ қызметкері Нұржан Сейдуәлі Швецияда өткен джиу-джитсудан әлем чемпионатыныӊ күміс жүлдегері атанды.
Қарашаныӊ 20-сы мен 26-сы аралығында Мальме (Швеция) қаласында джиу-джитсудан әлем чемпионаты өтіп, оған 55 елден 3000 спортшы қатысқан. Қазақстанныӊ ұлттық құрамасы сапында 56 келіге дейінгі салмақта ел намысын "Шұбаркөл көмір" АҚ учаскелік маркшейдері Нұржан Сейдуәлі қорғады.
Осы жолы Қазақстан құрамасыныӊ татамидағы қарсыластары Оӊтүстік Корея спортшылары болды. Белдесудіӊ басым бөлігінде отандастарымыз таӊғы шық елініӊ спортышыларына жеӊіліп қалды. Есені тек Нұржан қайтара алды десе де болады. Оныӊ қарсыласы қара белдік иесі болғанына қарамастан, қарағандылық тізесіне ауырту әдісін қолданып, жарыстыӊ келесі кезеӊіне өтті.
Екінші белдесуде Нұржан Сейдуәлі құраманыӊ екінші нөмірі шебері, қазақстандық Қуандық Қонысовпен күш сынасты. Шұбаркөл джитсері жерлесінен ұпай санымен басым түсті. Есеп 6-4.
Еӊ ауыр белдесу әрине финалда. Нұржан Сеудуәліге қарсы татамиге БАИ спортшысы шықты. Күрестіӊ басында қазақстандық үш ұпай алды. Кейін спортшымызға ескертулер беріліп, есеп теӊесті. Түптеп келгенде белдесу тағдырын осы ескертулер шешіп кетті. Нәтижесінде былтырғы чемпион биыл күміспен күптелген.
Дегенмен, джиу-джитсудағы бәсекелестік жылдан жылға артып келеді. 2017 жылы Колумбиядағы әлем чемпионатына 35 елдіӊ өкілдері келген. Биыл қатысушылар саны 20 есе көп. Осыған ұқсас турнирлерде спортшылар жүлделі орынға ғана емес, әлем рейтингінде ұпайлар үшін қатысады. Күміспен күптелген Нұржан Сейдуәлі өз салмақ дәрежесінде әлем рейтингінде бірінші орынға ие.
Шұбаркөл көмір - Қазақстандағы жоғары сапалы, күлділігі төмен ірі көмір өндіруші.
"Шұбаркөл көмір" - Еуразиялық Топ (ERG) құрамындағы көмірді ашық әдіспен өндіретін компания. Сонымен қатар кәсіпорын спецкокс және кокс газынан электр қуатын өндірумен айналысады.
Шұбаркөл көмірі төмен күлділігімен (барлығы 4%) және жоғары калориялығымен (6000 ккал/кг дейін) ерекшеленеді. Осындай бірегей сипаттамаларыныӊ арқасында шұбаркөл көмірі тұрғын үйлерді жылыту үшін өте тиімді энергия көзі болып табылады және заӊ бойынша экологиялық таза энергия тасымалдаушы болып саналады. ERG Еуропа мен Азия және дүние жүзініӊ басқа да 20-дан астам еліне көмір жеткізеді.
EURASIAN RESOURCES GROUP ТУРАЛЫ АНЫҚТАМА
Eurasian Resources Group (ERG) - кәсіпорындары қазып шығару, өндеу, энергетика, логистика және маркетинг салаларында толық біріктірілген, табиғи қорларды өндейтін әлемдегі еӊ ірі барынша әртараптандырылған компаниялардыӊ бірі. Топ төрт құрлықтағы 14 елде кәсіпорындар мен бизнесті дамыту жобаларын жүргізіп отырған саладағы еӊ ірі жұмыс беруші. 2014 жылы Eurasian Resources Group өзініӊ 20 жылдығын атап өтті. Басқарушы компанияныӊ бас кеӊсесі Люксембург қаласында орналасқан.
ERG құрамындағы хром үлесі бойынша жоғарыкөміртекті феррохром өндірісіндегі әлемдік көшбасшы әрі Еуразия кеӊістігіндегі еӊ ірі темір кені мен алюминий шикізатын жеткізушілердіӊ бірі. Сондай-ақ, Топ мыс пен кобальттыӊ бас жабдықтаушысы болып табылады.
Қазақстан Республикасы тау-кен металлургиялық кешенініӊ үштен бірі ERG еншісінде. Сонымен қатар, Топ Азиядағы электр энергиямен негізгі жабдықтаушы және ірі темір жол операторы болып табылады. Қазақстанда Топтыӊ "Қазхром" ТҰК, "Соколов-Сарыбай тау-кен байыту өндірістік бірлестігі" (ССКӨБ), "Қазақстан алюминийі", Қазақстан электролиз зауыты (ҚЭЗ), Еурозиаттық энергетикалық корпорациясы (ЕЭК), Шұбаркөл көмір және "ТрансКом" Көлік тобы сынды маӊызды кәсіпорындары орналасқан. ERG Конго Демократиялық Республикасында BossMining, Frontier және Comide кәсіпорындарында мыс пен кобальт кенін шығарып, өндейді. Осы елде аяқталуға жақын бірқатар басқа даму жобалары, оныӊ ішінде MetalkolRoanTailingsReclamation (RTR) орналасқан.
ERG мыс балқыту зауыты - ChambishiMetalsPLC Замбиядағы жетекші кәсіпорын және әлемдегі еӊ ірі мыс өндіруші болып табылады. Сонымен бірге, компанияныӊ Африка құрлығыныӊ өзге де елдерінде, оныӊ ішінде Оӊтүстік-Африка республикасында, Зимбабведе, Мали және Мозамбик елдерінде орналасқан, көмір, марганец, платина, боксит және флюорит шығаратын бірқатар жобалары бар. ERG Бразилияда қуаты жылына 18 млн тонналық темір кені өндірісініӊ кешенді PedradeFerro жобасын дамытып келеді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан құрамасы хоккейден алғашқы Азия чемпионатының жеңімпазы атанды
Алматы қаласындағы Halyk Arena спорт кешенінде хоккейден ерлер арасындағы алғашқы Азия чемпионаты аяқталды, деп хабарлайды ҚР ТСМ баспасөз қызметінен.
Бүгін шешуші матчта Қазақстан командасы Жапониямен ойнап, 5-1 есебімен басым түсті.
1:0 - Рымарев (Борисевич, Гренц)
2:0 - Рымарев (Александров)
3:0 - Наместников (Королинский)
3:1 - Ирикура (Ханзава, Кобаяши)
4:1 - Гребенщиков (Волков, Королинский)
5:1 - Королинский
Ал Оңтүстік Корея құрамасы овертаймда Қытайдан 2-1 есебімен басым түсіп, бізге басымдық сыйлады.
Азия чемпионатының турнир кестесі:
Қазақстан - 6 ұпай
Жапония - 6
Оңтүстік Корея - 4
Қытай - 2
Айта кетейік, құрлық бәсекесі Халықаралық хоккей федерациясының (IIHF) қолдауымен өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Рақымжан Қошқарбаевтың 100 жылдығына орай кикбоксингтен турнир өтіп жатыр
Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.
Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.
Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.
Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.
Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.
Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада үстел теннисінен XXVII Азия чемпионаты басталды
Елордада үстел теннисінен XXVII Азия чемпионаты басталды, деп хабарлайды Қазақстан Республикасы Туризм жəне спорт министрлігінің баспасөз қызметінен.
Астанадағы Beeline Arena Ұлттық теннис орталығында елімізде алғаш рет ұйымдастырылып жатқан үстел теннисінен XXVII Азия чемпионатының жалауы желбіреді. Чемпионатқа Азия құрлығының 26 елінен келген 210 спортшы қатысып жатыр.
Сары құрлық додасының ашылу салтанатына Туризм және спорт вице-министрі Серік Жарасбаев қатысып, байрақты бәсекеде өнер көрсететін спортшыларға сәттілік тіледі.
Үстел теннисінен XXVII Азия чемпионатының басталуымен барша спорт сүйер қауымды құттықтаймын! Қазіргі таңда елімізде үстел теннисіне ерекше көңіл бөлініп, бұл спорт түрі қарқынды дамып келеді. Кейінгі бірнеше жылда жерлестеріміз халықаралық жарыстарда жақсы нәтижелер көрсетіп жүр. Олардың қатарында үш Олимпиада ойындарында ел намысын қорғаған Кирилл Герасименко, әлем біріншілігінің жеңімпазы Алан Құрманғалиев және басқа да спортшыларымыз бар. Бұл чемпионат - біздің еліміз үшін ғана емес, бүкіл Азия үшін маңызды оқиға. Бүгін біз әлемнің ең мықты ойыншыларын қарсы алып, құрлықтағы үстел теннисі әлеуетін танытуға дайынбыз!" - деді Серік Жарасбаев.
Елордадағы біріншілікте әлемнің үздік ойыншылары, соның ішінде Олимпиада чемпионы Ван Чуцинь (Қытай), күміс жүлдегерлер Мива Харимото мен Миу Хирано (Жапония), сондай-ақ Олимпиаданың алтын жүлдегері Сунь Инша (Қытай) бақ сынайды.
Бұл сында ел намысын Рио-2016, Токио-2020, Париж-2024 Олимпия ойындарының қатысушысы Кирилл Герасименко, 2020 жылғы Токио Олимпиадасының қатысушысы Анастасия Лаврова, миксте жастар арасындағы әлем чемпионатының жеңімпазы Алан Құрманғалиев, сондай-ақ халықаралық турнирлердің жүлдегері Сарвиноз Миркадирова мен Зауреш Акашева қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.