Автокөлікті 15 минут ішінде рәсімдеу: Қазақстанда бірқатар мемлекеттік қызметтерді оңтайландыру жоспарлануда
Реинжиниринг азаматтар мен бизнеске қызмет көрсету уақытын бірнеше есе қысқартуға мүмкіндік береді.
Сурет: facebook/правительство для граждан
Бірінші мәселе бойынша баяндама жасаған цифрлық даму, инновациялар және аэроғарыш өнеркәсібі министрі Бағдат Мусин процестер мен мемлекеттік органдар функцияларының кешенді реинжинирингі, сондай-ақ құжат айналымы мен есептілікті қысқарту жұмыстары жүргізіліп жатқанын, ол мерзімдер мен кезеңдерді екі есеге қысқартуды көздейтінін хабарлады.
Реинжиниринг азаматтар мен бизнеске қызмет көрсету уақытын бірнеше есе қысқартуға мүмкіндік береді, жалпы мемлекеттік органдардың өзара іс-қимылын жақсартады", - деді Мусин.
Осылайша, азаматтар жиі жүгінетін бірқатар қызмет оңтайландырылды, атап айтқанда, автокөлік сатып алу (15 мин, онлайн қызметтер арқылы қайта тіркеу), ЖШС жою (1 ай), мүгедектікті белгілеу (сырттай куәландыру мүмкіндігі), пәтерді қайта жоспарлау (1 күн), еңбекке жарамсыздық парағын алу (қашықтан) және т. б. Өзгерістер жыл соңына дейін толық енгізіледі.
Дәрі-дәрмектерді әкелу және сараптау процестерін трансформациялау, азаматтарды тегін дәрі-дәрмектермен қамтамасыз ету, жер учаскелерін сатып алу және басқару, әскери есепке қашықтан қою және басқа да ұсыныстар қалыптастырылды. Бұл мемлекеттік органдармен талқылау кезеңінде тұр.
Екінші мәселені қарау барысында бүгінгі таңда азаматтар мемлекеттік деректер қорындағы қателерге байланысты әртүрлі құжаттарға түзетулер енгізіп жататыны атап өтілді.
Жағдайды өзгерту үшін мемлекеттік органдардың мәліметтерді түзетуге электрондық өтінімдерді қабылдауға сервистерді жариялап отыруы ұсынылды. Осының арқасында пайдаланушы нотариусқа немесе ХҚКО-ға бармай-ақ, уәкілетті мемлекеттік органға тікелей сауал жібере алады", - деп хабарлайды Үкімет басшысының сайты.
Күн тәртібінің үшінші мәселесін қарау кезінде қазіргі уақытта Қазақстанда 5G/IMT бесінші буындағы ұялы байланыс стандартын енгізу бойынша жұмыстар жүргізіліп жатқаны атап өтілді.
2021 жылы жеке операторларға Нұр-Сұлтан, Алматы және Шымкентте 5G технологиясын тестілеу құқығы берілді.
Жүргізілген сынақтар жақсы нәтиже көрсетті: жиілікті қамтудың тиімді аймағы – 10 шаршы км астам, жылдамдық көрсеткіші – 1,6 Гбит/с дейін, кідіріс деңгейі – 10 мс кем", - деп хабарланған сайтта.
ҚР Премьер-Министрі 5G желілері үшін жиіліктерді бөлу тетіктерін қосымша пысықтауды және жаңартылған ұсыныстарды Комиссияның қарауына қайта енгізуді тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мемлекет басшысы жаңадан тағайындалған лауазымды тұлғаларға бірқатар тапсырмалар берді
Мемлекет басшысы күштік құрылымдарға тағайындалған лауазымды тұлғаларды қабылдады, деп хабарлайды Ақорданың баспасөз қызметінен.
Президент Қасым-Жомарт Тоқаев Ұлттық қауіпсіздік комитеті төрағасының орынбасары Қанатай Далматовты, Ішкі істер министрінің бірінші орынбасары Бауыржан Әленовті және Алматы облысы полиция департаментінің бастығы Мейрам Әбікеевті қабылдады.
Кездесу барысында Мемлекет басшысы тиісті ведомстволардың жауапты қызмет бағыттары бойынша бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атырау облысында құрылыс салушы жалған шарттар бойынша 313 млн пәтер сатқан
Бірнеше құрылыс салушылар қылмыстық жауаптылыққа тартылды, деп хабарлайды Бас прокуратураның баспасөз қызметінен.
Andora Construction" ЖШС-нің директоры 2020-2023 жылдар аралығында жергілікті атқарушы органнан үлескерлердің ақшасын тартуға келісім алмай, 25 азаматқа жалған алдын-ала келісімдер жасау арқылы 313 миллион теңгеге пәтер сатқан.
23.10.2024 жылы Атырау қаласы №2 сотының үкімімен Серіктестік директоры аса ірі көлемде алаяқтық жасағаны үшін кінәлі деп танылып, 5 жылға бас бостандығынан айрылды.
Сондай-ақ, "Nazik Group" ЖШС-ніңдиректоры мен "Atameken Тұрғын Үй", "Family Town" және "Baisanat Residence" тұрғын үй кооперативінің құрылтайшысы да осыған ұқсас фактілер бойынша сотталды.
Сонымен қатар, прокурорлық қадағалау негізінде ағымдағы жылы 2 құрылыс салушы компаниялары да әкімшілік жауаптылыққа тартылып, 1 миллион теңге көлемінде айыппұл төледі.
Бұл ретте, прокуратура органдары азаматтардың үлестік құрылыс нарығындағы құқықтарының сақталуын және олардың өз пәтерлерін уақтылы алу құқықтарының бұзылуына жол бермеуді бақылауда ұстауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Талғат Қуанышев "ForteBank"АҚ Басқармасының төрағасы болып тағайындалды
ForteBank" АҚ Директорлар кеңесі бүгінгі отырыста Банк Басқармасының төрағасы Бекжан Пірматовтың өкілеттігін мерзімінен бұрын тоқтату туралы өтінішін қанағаттандырды. "ForteBank" АҚ Басқармасының жаңа төрағасы болып бұған дейін Банктің Директорлар кеңесінің құрамына кірген Талғат Қуанышев тағайындалды. Бекжан Пірматов "Верный Капитал" компаниялар тобының құрамына басқа жұмысқа ауысады, деп хабарлайды "ForteBank" АҚ баспасөз қызметінен.
Банктің мажоритарлы акционері Болат Өтемұратов өз сөзінде: "ForteBank дамуына қосқан нәтижелі үлесі үшін Бекжан Пірматовқа алғыс білдіремін. Ол басқарған 2,5 жылдың ішінде Банк нарықтағы өз орнын нығайтты, атап айтқанда банктің кредиттік қоржыны 2 еседен астам ұлғайды, ал халықаралық рейтингтері жоспарға сәйкес өсті. Forte бөлшек бизнесті ғана емес, сонымен қатар шағын және орта бизнес және корпоративтік бизнес сегменттерін дамыта отырып, өзінің әмбебап моделін сақтап келеді",- деді.
Банктің жаңа басшының тағайындалуына қатысты өз пікірін білдірген Болат Өтемұратов, "Қазіргідей күрделі макроэкономикалық және геосаяси жағдайда ForteBank барлық сын-қатерге сәтті төтеп беріп қана қоймай, дамудың жаңа кезеңіне көтерілуі үшін, Талғат Қуанышев қаржы секторындағы өзінің мол басқару тәжірибесін пайдаланатынына сенімдімін", -деді.
Талғат Қуанышевтің Қазақстанның қаржы секторында 30 жылдық жұмыс тәжірибесі бар. Ол "АТФБанк" АҚ, "Банк Kassa Nova" АҚ, "АТФ Лизинг" АҚ және "ForteBank" АҚ сияқты қаржы институттарын табысты басқарған.
Мен келешекке үлкен сеніммен қараймын және бәріміз бірлесіп ForteBank-ті дамыту жолында жаңа тараудың бетін ашатынымызға күмәнім жоқ. Біздің күш-жігеріміз озық технологияларды енгізуге, банктің қаржылық көрсеткіштерін нығайтуға және клиенттерімізге қызмет көрсету сапасын арттыруға бағытталатын болады", - деді "ForteBank" АҚ Басқарма төрағасы Талғат Қуанышев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ЕХӘҚМ мүгедектердің білім алып, жұмысқа орналасуына жағдай жасамақ
Мүгедектігі бар адамдар халықтың экономикалық жағынан ең осал топтарының бірі. Мемлекет тарапынан жұмыспен қамту шаралары қабылданғанына қарамастан, елдегі мүгедектігі бар адамдардың жұмыспен қамту деңгейі 28%-ды құрайды. Ал, Экономикалық ынтымақтастық және даму ұйымы елдерінде бұл көрсеткіш 60-70%-дан төмен емес. Көптеген кәсіпорын мүгедектігі бар адамдарды жұмысқа орналастыру квотасын сақтамайды және еңбек қауіпсіздігін қамтамасыз етпейді. Бұл туралы ҚР еңбек және халықты әлеуметтік қорғау вице-министрі Асқарбек Ертаев ОКҚ алаңында мәлімдеді.
Оның айтуынша, еңбекке жарамдылықты қалпына келтіруді, жұмысқа орналасуды немесе жаңа кәсіпке оқытуды қамтитын кәсіби еңбек оңалтуы баяу дамуда. Жұмысқа орналасудағы кедергілерге бейімделген жұмыс орындарының болмауы, тиісті білім мен тәжірибенің жеткіліксіздігі, төмен жалақы кіреді.
Мүгедектігі бар адамдарды жұмысқа орналастыру шараларын әзірлеу аясында олардың еңбек құқықтарын реттеу, сақтау және қорғау бойынша нормативтік-құқықтық база қайта қаралатын болады. Бизнеске әлеуметтік жауапкершілікті арттыру және мүгедектігі бар адамдарды жұмыспен қамтуды қамтамасыз ету үшін жұмыс берушілерге квотаны орындамаған жағдайда бюджетке өтемақы төлемдерін енгізу механизмі қарастырылуда", - деді спикер.
Мүгедектігі бар адамдар сапалы білім алуға қол жеткізуде қиындықтарға тап болып отыр. Бұл олардың жұмысқа орналасу және әлеуметтену мүмкіндіктерін шектейді. Мұғалімдердің ерекше білім алу қажеттіліктері бар балалармен жұмыс істеуге әдістемелік дайындығының жеткіліксіздігі, арнайы жағдайлар мен бейімделген оқу бағдарламаларының жоқтығы, сондай-ақ үздіксіз психологиялық-педагогикалық қолдаудың жетіспеушілігі байқалады.
Тұжырымдама жобасы аясында арнайы білім беру жүйесін жетілдіру, білім берудің барлық деңгейлерінде инклюзияны қамтамасыз етуге бағытталған кешенді шаралар қарастырылған. Білім алуға тең қолжетімділікті қамтамасыз ету шаралары шеңберінде арнайы білім беру ұйымдарында шектеулі мүмкіндіктері бар балаларға арналған ерте психологиялық-педагогикалық қолдау қызметтерін құру жоспарлануда", - деді ведомство өкілі.
Тұжырымдама жобасындағы негізгі блок кедергісіз орта құруға арналған.
Мүгедектігі бар адамдар үшін кедергісіз орта құру объектілер мен көрсетілетін қызметтердің қолжетімділігінің ұлттық стандарттарын өзектендіру және біріздендіру, оларды тіршілік әрекетінің барлық салаларына енгізу үшін тиімді шаралар мен уәждеу жағдайларын жасау жөнінде жаңа шаралар қабылдауды талап етеді.
Инфрақұрылым объектілері мен көрсетілетін қызметтердің халық үшін қолжетімділігін регламенттейтін ұлттық стандарттарды енгізу орталық мемлекеттік және жергілікті атқарушы органдардың, халыққа қызмет көрсететін ұйымдардың кедергісіз орта құру жөніндегі жұмыстарды өзектендірудің негізі болып табылады. Мемлекеттік және қоғамдық бақылау артады, оның шеңберінде барлық меншік нысанындағы объектілерді мүгедектігі бар адамдар үшін олар көрсететін қызметтердің қолжетімділігі тұрғысынан тексеру міндетті және тұрақты болады", - деді А.Ертаев.
Еңбек министрлігі Өнеркәсіп және құрылыс министрлігімен бірлесіп жергілікті атқарушы органдарға жобалау құжаттамасының инклюзивтілігін, оның ішінде мүгедектігі бар адамдарды қоса алғанда, халықтың аз қозғалатын топтары үшін объектілердің қолжетімділігі тұрғысынан қадағалауды жүзеге асыру жөніндегі құзыретті бекіту көзделеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.