Энергетика министрлігі жүйелі бұзушылықтарға байланысты көмірсутектер саласындағы 12 келісімшартты бұзды
Сурет: gov.kz
9 келісімшарт бойынша 1,8 млрд теңге сомаға берешек өтелді
Астана. 23 қаңтар. KAZAKHSTAN TODAY - Энергетика министрлігі жер қойнауын пайдаланушылар алған келісімшарттық міндеттемелерді орындамай ұзақ уақыт ұстайтын жер қойнауы учаскелеріне тұрақты негізде тексеру жүргізуді жалғастыруда, деп хабарлайды ҚР Энергетика министрлігінің баспасөз қызметі.
2023 жылғы 20 қаңтардағы жағдай бойынша 12 келісімшарт бұзылды, 9 келісімшарт бойынша 1,8 млрд теңге сомаға берешек өтелді, 4 келісімшарт бойынша сот органдарына бар берешекті мәжбүрлеп өндіріп алуға талап-арыздар берілді, 10 келісімшарт бойынша - жұмыс заңнамаға сәйкес жалғасуда", - деп хабарлайды ҚР Энергетика министрлігінің баспасөз қызметі.
Жүйелі бұзушылықтары бар көмірсутектер саласындағы бұрын анықталған 27 келісімшартқа бүгінгі күні жер қойнауын пайдалануға арналған 8 келісімшарт қосымша енгізілді, олар бойынша қабылданған міндеттемелердің орындалмауы анықталған.
Мемлекетке қайтарылған жер қойнауы учаскелері бұдан әрі инвестициялар тарту үшін аукционға шығарылады. 2022 жыл ішінде 2 электрондық аукцион өткізу кезінде жер қойнауын пайдалануға арналған бұрын бұзылған келісімшарттар бойынша 11 жер қойнауы учаскесі шығарылды.
Жалпы, 2022 жылғы аукциондардың қорытындысы бойынша ел бюджетіне шамамен 26,0 млрд теңге қол қою бонусы төленді (қол қою бонусын төлеудің соңғы мерзімі - 24.01.2023 жыл) және геологиялық барлауға 50,0 млрд теңгеден астам инвестициялар мәлімделді", - деп атап өтті министрлікте.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Таяу Шығыстағы жағдайдың шиеленісуіне сәйкес қазақстандық әуе компаниялары рейстерді уақытша тоқтатуда
Таяу Шығыстағы жағдайдың шиеленісуіне сәйкес қазақстандық әуе компаниялары рейстерді уақытша тоқтатуда, деп хабарлайды Қазақстан Республикасы Көлік министрлігінің баспасөз қызметінен.
2025 жылғы 24 маусым күнгі жағдай бойынша Таяу Шығыстағы әскери-саяси ахуалдың күрт шиеленісуіне байланысты бірқатар елде ресми түрде шектеулер енгізіліп, азаматтық авиацияға арналған әуе кеңістіктері жабылды. Мәжбүрлі шаралар қаруды қолдану қаупі, навигациялық жүйелердің дұрыс жұмыс істемеуі, әуе қорғанысы жүйелерінің белсенділігі және азаматтық әуе кемелерінің ұшуы үшін жоғары тәуекелдерге байланысты қабылданды.
Соңғы мәліметке сәйкес, шектеулер келесі елдерде қолданылады:
- Израиль әуе кеңістігі толық жабық;
- Иран әуе кеңістігі толық жабық (оның ішінде Парсы және Оман шығанақтары);
- Ирак, Иордания, Ливан - зымыран мен дрон шабуыл қаупіне сәйкес ұшуларды уақытша шектеу;
- Кувейт, Бахрейн, БАӘ - рейстерді шектеу және тоқтату, ішінара қақтығыс аймағына жақын маршруттарды бұғаттау.
Ірі халықаралық авиатасымалдаушылар да рейстерді уақытша тоқтатты. Олардың қатарында Air France-KLM, United, American Airlines, Japan Airlines, Air Canada
Дубай, Доха және Эр-Риядқа ұшуды тоқтатты. Qatar Airways ұшу кестесін реттейді. Etihad ресми ескерту жасады. Emirates қақтығыс аймағын айналып,
ұшуды жалғастыруда.
Осыған байланысты қазақстандық әуе компаниялары қауіпсіздікті қамтамасыз ету мақсатында Дубай мен Доха қалаларына бірқатар рейсті уақытша тоқтатты.
Демек, елімізден шетелге шықпақшы адам саны 683 болса, шетелден елге оралатын адам саны - 1051. Жалпы алғанда бұл жағдай 1 734 жолаушыға әсер етті.
Қазақстандық авиакомпаниялардың Парсы шығанағы елдеріне ұшуға бағытталған рейстерді тоқтата тұруы аймақтағы әскери-саяси жағдайдың күрт шиеленісуіне негізделген мәжбүрлі шара.
Әуе компаниялары қабылдаған шешім халықаралық тәжірибеге сәйкес қабылданды. Басты мақсат - жолаушылар мен экипаж мүшелерінің қауіпсіздігін қамтамасыз ету.
Қолданыстағы заңнамаға сәйкес жолаушылар ыстық тамақпен, қонақ үй және трансфермен қамтамасыз етілді.
Тоқтатылған немесе кейінге шегерілген рейстер бойынша жолаушылар
тегін қайта бронь қоя алады немесе әуе билеттерінің құнын толық қайтарып ала алады.
Көлік министрлігі авиакомпаниялармен бірлесіп жағдайды жіті бақылауда, қажет болған жағдайда жедел шешім қабылдап, кестені қайта қарау жұмысы жүргізіледі. Рейстер жақын арада қайта жүзеге асырала бастайды деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жоғары және жауапты миссия -Тоқаев судьяларды кәсіби мерекелерімен құттықтады
Мемлекет басшысы Қасым-Жомарт Тоқаев Судья және сот қызметкері күнімен құттықтады, деп хабарлайды Ақорданың баспасөз қызметінен.
Қуатты әрі тәуелсіз сот жүйесі құқық үстемдігін қамтамасыз ету, сондай-ақ "Заң және тәртіп" қағидатын орнықтыру ісінде шешуші рөл атқарады. Сондықтан біз осы стратегиялық маңызы бар салада жүйелі түрде реформа жүргізіп келеміз. Сот ісі жетілдіріліп, басқару үдерістері оңтайландырылып, осы салаға цифрлық технологиялар енгізіліп жатыр. 1 шілдеден бастап қылмыстық, азаматтық және әкімшілік істер жөніндегі үш дербес кассациялық сот жұмыс істей бастайды. Бұл қадам азаматтардың және бизнестің өз құқықтары мен заңды мүдделерін қорғауға арналған институционалдық мүмкіндігін едәуір аттырады. Жұртшылықтың әділдікке деген сенімі көбінесе судьялардың кәсіби біліктілігіне, кез келген істі қараған кезде ұстанымына берік болып, бейтараптық таныта алуына тікелей байланысты. Осы маңызды әрі жауапты миссия терең құқықтық білімді, заң үстемдігін үнемі бәрінен биік қоюды талап етеді", деп мәлім етті елбасы.
Ол сондай-ақ, сот қызметкерлері мен ардагерлеріне қажырлы еңбегі мен өз кәсібіне адалдығы үшін шынайы ризашылығын білдіретіндігін атап өтті.
Сіздер Әділетті Қазақстанды құру ісіне өлшеусіз үлес қоса бересіздер деп сенемін! Баршаңызға зор денсаулық, бақ-береке, толағай табыс тілеймін!", деген тілегін айтты президент.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.