Тоқаев Алматыға келді
Президенттің Алматыға келгенін растаймыз. Қаладағы жедел штаб отырысына қатысты. Сондай-ақ, қаза тапқан полиция қызметкерлерінің, әскери қызметшілердің туыстары мен жақындарымен кездесу өтті. Президент көңіл айтып, наградалар тапсырды",- деді Мемлекет басшысының баспасөз хатшысы Берік Уәли.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астанада Қазақстан халқы Ассамблеясының XXXIV сессиясы өтуде
Астанада Қазақстан халқы Ассамблеясының XXXIV сессиясы өтуде, деп хабарлайды Ақорданың баспасөз қызметінен.
Бүгінгі басқосудың тарихи мән-маңызы айрықша. Биыл Қазақстан халқы Ассамблеясының құрылғанына 30 жыл толып отыр. Баршаңызға құтты болсын!
Бұл - бүкіл Қазақстан үшін айтулы оқиға. Осы уақыт ішінде Ассамблея қоғамдағы тұрақтылық пен келісімді нығайтуға өлшеусіз үлес қосты. Еліміздегі бірлік пен теңдіктің, тұрақтылық пен тыныштықтың символына айналды. Этносаралық қатынас саласындағы теңдессіз қоғамдық институт ретінде танылды. Соның арқасында Қазақстанда бейбітшілік пен келісімнің қайталанбас үлгісі қалыптасты.
Ассамблея тарихы еліміздің егемендік жылнамасымен тығыз астасып жатыр. Ұйым 1995 жылы Қазақстанның тұңғыш Президенті Нұрсұлтан Назарбаевтың бастамасымен құрылғанын білесіздер. Бұл бастама қазақ мемлекеттілігі қалыптасып жатқан қиын кезеңде терең саяси мәнге ие болды. Консультативтік-кеңестік орган ретінде жасақталған Ассамблеяға 2007 жылы конституциялық мәртебе берілді. Ұйым жалпыұлттық бірліктің негізгі моделіне айналды.
Елімізде соңғы жылдары атқарылған ауқымды өзгерістердің арқасында Ассамблея қызметі жасампаздықтың жаңа сипатына көтерілді. Сенаттың бес депутатын Ассамблея кеңесінің ұсынысымен Президент тағайындайды. Бұл қадам заңнамалық деңгейде барлық этностың мүддесін қорғау мүмкіндігін едәуір арттырды.
Оған қоса, Қазақстан парламентаризмі тарихында алғаш рет "Бір ел - бір мүдде" атты палатааралық депутаттар тобы құрылды. Бұл топ қоғамдық келісімді нығайту мәселелерімен айналысады. Қазір мемлекеттік органдар түгел Ассамблея жұмысына атсалысады. Министрліктерден, облыс әкімдіктері мен барлық деңгейдегі мәслихаттардан бастап ауыл әкімдіктеріне дейін одан шет қалмайды", деп мәлім етті мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Біз Қазақстандағы этносаралық келісімді бұзуға бағытталған кез келген арандатушылықтың жолын кесетін боламыз - Тоқаев
ҚР Президенті Қасым-Жомарт Тоқаев Қазақстан халқы Ассамблеясының ХХХІV сессиясында сөйлеген сөзінде Елімізде Қазақстандағы этносаралық келісім мен бейбітшілікке нұқсан келтіруге бағытталған кез келген арандатушылықтар мен инсинуациялардың жолын кесетінін мәлімдеді, деп хабарлайды Ақорданың баспасөз қызметінен.
Күріш пен күрмекті, конструктивті сын мен дәлелсіз мін тағуды, көңілге тимейтін пародия мен жиіркенішті қорлауды айыра білу маңызды. Заң алдында бәрі тең. Сол себепті біз еліміздегі этносаралық келісім мен бейбітшілікке нұқсан келтіретін кез келген арандатудың жолын кесіп келеміз, бұдан әрі де қатаң тосқауыл қоямыз. Өздерін сөз еркіндігінің жақтаушысы ретінде көрсеткісі келетін кейбір құқық қорғау ұйымдарының өкілдері, блогерлер мен журналистер еліміздегі әр істен саяси, жағымсыз астар іздеп, шын мәнінде, арандатумен айналысып жүргенін айтпасқа болмайды. Бұл Қазақстаннан көшіп кетіп, шетелде жүріп халқымызға шабуыл жасайтын, тіпті, мемлекеттік органдарды бопсалайтын бұрынғы азаматтарымыздың әрекеті. Олар шет мемлекеттер берген ақшаны ақтауға жұмыс істеп жүр. Бүгінде мұны бәрі біледі. Демократияны біреудің қаржысымен орнатуға болмайды. Еліміздің әл-ауқаты, соның ішінде демократия мен сөз бостандығы үшін шетелде ешкімнің басы ауырып, балтыры сыздамайды. Оны нақты түсінген жөн", деп атап өтті мемлекет басшысы.
Жақында шетелдік үкіметтік емес ұйымдардың әрекеттері әшкереленді. Сонда олардың арам ниеті, ашкөздігі мен Қазақстанға жаны ашымайтыны анық көрінді. Сондай-ақ кейбір танымал қазақстандық грант алушылардың көлеңкелі әрекеттері де белгілі болды. Қазақстанда проблема жоқ демейміз. Әрине, басқа елдердегідей бізде де түйткілдер бар. Бірақ біз оны әлдекімдердің әдістемесімен емес, өзіміздің ұлттық мүддеміз бен заңнама аясында шешеміз. Осындай қисынды әрекеттерімізді халқымыздың басым көпшілігі мен ниеті адал халықаралық серіктестеріміз дұрыс түсінетініне сенімдімін. Идеологиялық өшпенділік - біздің дүниетанымымызға мүлде жат. Дәстүріміз бен құндылықтарымыз, болмысымыз бен өмір салтымыз ұлтымызды біртұтас тарихи-мәдени және саяси қауым ретінде біріктіріп, тұтастығын бекемдейді", деп мәлім етті президент.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркістан облысында 100-ден астам суару каналы жөнделеді
Су ресурстары және ирригация министрі Нұржан Нұржігітов "AMANAT" партиясының қоғамдық қабылдауында азаматтарды қабылдады. Ведомство басшысы онлайн форматта қазақстандықтарды толғандырған сұрақтарға жауап берді, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Түркістан облысы Отырар ауданының тұрғындары Д. Алтынбеков атындағы каналды бетондау жұмыстары мен жергілікті "Қазсушар" өндірістік учаскесіне қосымша техника бөлу мәселесін көтерді. Нұржан Нұржігітов күзде Ислам даму банкінің қолдауымен арнаны және өңірдегі басқа да су шаруашылығы объектілерін қайта жаңарту басталатынын айтты.
Түркістан облысында жалпы саны 100-ден астам арнаны жөндеуді жоспарлап отырмыз. Сонымен қатар "Қазсушар" кәсіпорнын жаңа техникамен жарақтандыру мәселесі де шешіліп жатыр. Жалпы алғанда 757 техника сатып алынады, қазірдің өзінде оның 300-ден астамы алынды. "Қазсушардың" Түркістан облыстық филиалы 135 техника алады",- деді Су ресурстары және ирригация министрі Нұржан Нұржігітов.
Алматы облысы Үңгіртас ауылдық округінің диқандары жергілікті су қоймаларынан ауыл шаруашылығы алқаптарына су жеткізетін ирригациялық арналарды тазалау және жөндеу мәселесі бойынша жүгінді. Нұржан Нұржігітов ведомство Алматы облысы Су ресурстары және ирригация басқармасының "Алматыоблсушар"кәсіпорнымен бірлесіп осы мәселені шешу жолдарын қарастыратынын мәлімдеді.
Сондай-ақ Алматы облысы Ұйғыр ауданының тұрғындары сыйымдылығы 1,2 млн текше метр болатын "Үлкен Ақсу" су қоймасын күрделі жөндеуге қатысты өтініш білдірді. Министр Ислам даму банкінің көмегімен ауданның су шаруашылығы құрылыстарына жөндеу жүргізу жоспарланып отырғанын жеткізді. Бүгінгі таңда жергілікті атқарушы органдар жобалау-сметалық құжаттаманы дайындады. Жөндеу жұмыстары 2026 жылы басталады деп күтіліп отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркияда жер сілкінісінен кейін қазақстандықтардан өтініштер түскен жоқ - СІМ
Түркияда жер сілкінісінен кейін қазақстандықтардан өтініштер түскен жоқ, деп хабарлайды ҚР СІІ баспасөз қызметінен.
Түркия билігінің ақпараты бойынша 2025 жылғы 23 сәуірде Ыстанбұл маңында магнитудасы 6,2 балл жер сілкінісі орын алып, артынан афтершоктар жалғасуда.
Қазіргі уақытта Түркия аумағындағы Қазақстан азаматтарынан Ыстанбұл қаласындағы ҚР Бас консулдығына өтініштер түскен жоқ. ҚР Сыртқы істер министрлігі Түркия билігімен және Қазақстанның Түркиядағы дипломатиялық өкілдіктерімен бірлесіп ахуалдың дамуын қадағалауда.
Ыстанбұл қаласындағы ҚР Бас консулдығының консулдық есебінде 1137 Қазақстан азаматы тіркелген.
Отандастарымызды сабырлық және қауіпсіздік шараларын сақтауға, сондай-ақ жергілікті билік органдарының нұсқауларын мүлтіксіз орындауға шақырамыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.