Тоқаев пен Смайылов Украинада болып жатқан оқиғалардың теріс әсерін азайту шараларын талқылады
Сурет: Ақорда
Мемлекет басшысына халықаралық аренадағы соңғы оқиғаларға байланысты экономиканы дамытудың дағдарысқа қарсы жоспарының негізгі қырлары таныстырылды, хабарлайды Ақорда.
Президентке қаңтар оқиғасы салдарынан зардап шеккен шағын және орта бизнес субъектілерінің шығынын өтеуге және қираған мемлекеттік нысандарды қайта қалпына келтіруге қатысты жұмыстар жайында мәлімет берілді.
Әлихан Смайылов кәсіпорындарға апаратын теміржолдарға ие табиғи монополиялар нысандарына белгіленген тарифті төмендету, өңдеу өнеркәсібі мен агроөнеркәсіп кешенін дамыту жөнінде айтты.
Қасым-Жомарт Тоқаевқа ауыл шаруашылығы тауарларын өндірушілерді субсидиялау жүйесін және кедендік әкімшілендіру ісін жетілдіру мәселелері туралы мәлімет берілді.
Сонымен қатар Премьер-Министр Маңғыстау облысын дамытудың кешенді жоспарының жүзеге асырылуы және 2022 жылға арналған республикалық бюджетті нақтылауға дайындық жұмыстары жөнінде есеп берді.
Бұған дейін хабарланғандай, президент Үкіметке халықаралық жағдайдың шиеленісуіне байланысты дағдарысқа қарсы жоспар әзірлеуді тапсырған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
"ҚазМұнайГаз" ҰК АҚ Мұнай және газ өндіру департаментінің директоры тағайындалды
Махамбет Елеусінов "ҚазМұнайГаз" ҰК АҚ Мұнай және газ өндіру департаментінің директоры болып тағайындалды, деп хабарлайды компанияның баспасөз қызметінен.
Махамбет Қайырбекұлы Елеусінов 1986 жылы туған.
Еңбек жолын 2007 жылы "Өзенмұнайгаз" АҚ-да мұнай өндіру операторы болып бастаған.
2008-2011 жж - "Қаражанбасмұнай" АҚ-да мұнай өндіру операторы, ұңғымаларды оңтайландыру жөніндегі техник.
2011-2012 жж. - "ҚазМұнайГаз" БӨ" АҚ стратегия және тұрақты даму департаментінің сарапшысы.
2012-2015 жж. - "Орал Ойл энд Газ" ЖШС өндіріс жөніндегі департаментінің өндіру инженері.
2015-2023 жж - "Қаражанбасмұнай" АҚ-да мұнай өндіру технологиялары бөлімінің 2-санатты инженері, өндірістік бөлімнің аға инженері, өндірістік бөлімінің жетекші инженері, бұрғылауды бақылау және ҰККЖ қызметінің басшысы, өндірістік-техникалық департаментінің директоры, бас директордың өндіріс жөніндегі орынбасары қызметтерін атқарды.
2023 жылдың шілде айынан бастап "Қазгермұнай" БК" ЖШС бас директорының өндіріс жөніндегі орынбасары болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қапшағай су қоймасы екінші жыл қатарынан 100% толды
Қазіргі таңда Алматы облысындағы Қапшағай су қоймасында шамамен 18,5 млрд текше метр су жиналды. Былтыр су қоймасы соңғы 10 жылда алғаш рет 100%-ға толған болатын, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Су қоймасының толуы облыстағы Ақдала және Шеңгелді суармалы алқаптарын сумен толықтай қамтуға мүмкіндік береді.
Қапшағай су қоймасы Іле өзенінің су ағынын реттеп отырады. Жыл басынан бері су қоймасынан Балқаш көліне 3,8 млрд текше метр су жіберілді. Ал былтыр осы кезеңде бұл көлем 2,9 млрд текше метр болған еді.
Судың мол берілуінің арқасында бір жылдың ішінде Балқаш көлінің деңгейі 12 сантиметрге көтеріліп, Балтық жүйесі бойынша 341,52 метрден 341,64 метрге жетті. Ал көлдегі су көлемі 2 млрд текше метрге ұлғайды.
Су ресурстары және ирригация министрлігі трансшекаралық өзендерге, соның ішінде Іле өзеніне қатысты мәселелер бойынша қытайлық әріптестерімен тұрақты байланыста. Бірлескен жұмыстың арқасында қатарынан екінші жыл бойы Алматы облысының диқандары суармалы сумен толық қамтамасыз етіліп отыр. Сонымен қатар Балқаш көлі бассейніндегі экологиялық жағдай да жақсарып келеді", - деді Балқаш-Алакөл бассейндік инспекциясының басшысы Серік Мейрамбеков.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ауыр салмақты автокөлік құралдарының қозғалысын бақылау күшейтілді
ҚР КМ автомобиль көлігі және көліктік бақылау комитеті ауыр салмақты автокөлік құралдарының қозғалысын бақылауды күшейтті. Бұл шара жолдардың мерзімінен бұрын тозуын алдын алуға және елордада жол қозғалысы қауіпсіздігін арттыру мақсатында жүзеге асуда, деп хабарлайды Қазақстан Республикасы Көлік министрлігінің баспасөз қызметінен.
Көліктік бақылау жұмысын атқару үшін 6 жылжымалы бекет пен 40-қа жуық инспектор жұмылдырылды. Көліктік бақылау инспекторлары 2025 жылғы 7 наурыздан бастап қазіргі уақытқа дейін ауыр салмақты автокөлік құралдарының қозғалысын бақылауды күшейтті. Бұл шара биылғы жылдың қыркүйегіне дейін жалғасады. Алдағы уақытта дәл осындай жұмыс еліміздің барлық өңірлерінде басталмақ.
Бақылау жұмысы жылжымалы бекеттер мен арнайы автоматтандырылған өлшеу станциялары арқылы қаланың негізгі кіреберіс жолдарында жүзеге асырылып жатыр. 1400-ден астам жүк көлігі тексеріліп, 600-ден хаттама толтырылды",- деп атап өтті мамандар.
Рұқсат етілген нормадан тыс жүк тасу жолдардың мерзімінен бұрын тозуына әкеледі. Белгіленген жүк параметрлерін қатаң сақтау қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қытай инвесторлары Абай саласындағы жобаларды жүзеге асыруға қызығушылық танытты
Бүгін облыс әкімі Берік Уәли Қытайдың Чанцзи мемлекеттік жоғары технологиялар индустриялық аймағынан келген делегация мүшелерімен кездесті. Делегация құрамында құрылыс, тау-кен өндірісі, электроника және көлік құрастыру, көпір салу бағытында жұмыс істейтін компания өкілдері болды, деп хабарлайды Абай облысының әкімдігінің баспасөз қызметінен.
Аймақ басшысы қытайлық тарапқа облыстың әлеуеті мен мүмкіндіктері туралы айтып, өңірде көлік-логистика, машина жасау, құрылыс, ауыл шаруашылығы салаларында инвестициялық жобаларды бірлесе жүзеге асыруға болатынын атап өтті.
Абай облысы тоғыз жолдың торабында тұрғандықтан көлік-логистикалық әлеуеті зор. Семей мен Аягөз қалалары аумағындағы темір жол бойында логистикалық хабтар ашуға толық мүмкіндік бар. Облыс орталығына көпір керек. Семей қаласында машина құрастыратын зауыт бар. Осы бағытта да бірлесе жұмыс істеуге болады. Жел, су энергиясын өндіретін станциялар салу мәселесі де өзекті. Өңірде өндірістік аймағымыз бар. Біз әлеуметтік нысандар мен инфрақұрылымдық жобаларды жүзеге асырғысы келетін инвесторлармен жұмыс істеуге дайынбыз. Мамыр айының ортасында Қытайға арнайы делегациямен барып, келіссөздер жүргізуді жоспарлап отырмыз" деді облыс әкімі.
Қытайлық тарап өз кезегінде Абай облысында бірлескен жобаларды жүзеге асыруға қызығушылық танытып, біріккен кәсіпорындар ашу, инфрақұрылымдық және өнеркәсіптік жобаларға инвестиция салу бойынша нақты ұсыныстар беретінін жеткізді. Айта кетейік, шет елдік компания өкілдері бұған дейін Алматы, Астана және Шымкент қалаларында бірнеше жобаны жүзеге асырған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.