22.11.2022, 17:31 22271
Тоқаев ҚР-ның сайланған Президенті болып танылды
Сурет: А?орда
Достарға айту
Астана. 22 қараша. KAZAKHSTAN TODAY - ҚР Орталық сайлау комитеті Президенттің кезектен тыс сайлауының қорытындыларын анықтау туралы қаулы шығарды, деп хабарлады ҚР ОСК баспасөз қызметі.
Қазақстан Республикасының Орталық сайлау комиссиясы Қаулы етеді:
- Қасым-Жомарт Кемелұлы Тоқаев Қазақстан Республикасының сайланған Президенті болып саналсын.
- Қасым-Жомарт Кемелұлы Тоқаев Қазақстан Республикасының Президенті болып тіркелсін.
- Тіркелген Қазақстан Республикасының Президентіне тиісті куәлік тапсырылсын.
- 2022 жылғы 20 қарашадағы кезектен тыс сайлауда сайланған Қазақстан Республикасының Президенті Қасым-Жомарт Кемелұлы Тоқаевтың ант беру күні 2022 жылдың 26 қараша болып айқындалсын.
- Қазақстан Республикасы Президентінің кезектен тыс сайлауының қорытындылары туралы қоса беріліп отырған хабар бұқаралық ақпарат құралдарында жариялансын.
Естеріңізге сала кетейік, ҚР Президенті лауазымына алты адам үміткер болды. ОСК-ның соңғы деректеріне сәйкес, сайлаушылардың 81,31%-ы Тоқаевқа дауыс берді. Президенттің ұлықтау рәсімі 26 қарашада өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
20.05.2024, 16:10 1
Мемлекет басшысы Түркия Ұлттық Мәжілісінің төрағасын қабылдады
Сурет: akorda
Достарға айту
Мемлекет басшысы Түркия Ұлттық Мәжілісінің төрағасы Нуман Куртулмушты қабылдады, деп хабарлайды Ақорданың баспасөз қызметінен.
Кездесуде Қазақстан мен Түркияның кеңейтілген стратегиялық серіктестігін одан әрі нығайту мәселелері талқыланды.
Мемлекет басшысы парламенттік дипломатияның әлеуетін жоғары бағалайтынын атап өтіп, Түркия Ұлттық Мәжілісі төрағасының Қазақстанға сапарының мәні зор екеніне назар аударды.
Бүгінгі кездесу Достық және ынтымақтастық туралы келісімнің 30 жылдығы қарсаңында өтіп жатыр. Мұның символдық мәні бар. Жақында ғана әріптесім Режеп беймен телефон арқылы сөйлестім. Біз үнемі хабарласып отырамыз. Сондықтан екі ел арасындағы диалог өте жақсы дамып келе жатыр. Жалпы, Түркия - Қазақстанның ең ірі бес сауда серіктесінің бірі. Сонымен қатар басты 10 инвестордың қатарына кіреді. Былтыр екіжақты сауда-саттық көлемі 6 миллиард долларға жетті. Бірақ мұнымен тоқтап қалуға болмайды. Қарым-қатынасымыздың әлеуеті өте зор. Сондықтан келешекте өзара сауда айналымы 10 миллиард долларға жететініне ешқандай күмәніміз жоқ", - деді Президент.
Өз кезегінде Нуман Куртулмуш атажұртта түрік делегациясына көрсетілген сый-құрмет үшін ризашылығын білдірді.
Қазақстан - біздің атажұртымыз әрі түркі халқына ортақ рухани тұлға Қожа Ахмет Ясауидің отаны. Біз Түркістан қаласына жол жүріп, қасиетті орындарға зиярат етеміз және Қожа Ахмет Ясауи атындағы Қазақ-Түрік халықаралық университетінде конференция өткіземіз. Қазақстан Сіздің басшылығыңызбен дамудың жаңа кезеңіне қадам басты. Еліңізде табысты саяси-экономикалық, әлеуметтік реформалар жүріп жатыр. Мұның бәрі Қазақстанның өркендеуіне оң ықпалын тигізеді деп ойлаймын. Алдағы уақытта Түркия мен Қазақстан арасындағы ынтымақтастық одан әрі нығая түсетініне сенімдімін. Екі елдің сауда, технология, өнеркәсіп, логистика, энергетика және ауыл шаруашылығы салаларындағы әлеуеті зор", - деді Түркия Ұлттық Мәжілісінің төрағасы.
Қасым-Жомарт Тоқаев пен Нуман Куртулмуш екі елдің халықаралық ұйымдар аясындағы ықпалдастығын күшейту және Түркі мемлекеттері ұйымына мүше бауырлас елдердің өзара ынтымағын нығайту жөнінде пікір алмасты. Сондай-ақ Түркия елінің басшылығымен алдағы кезеңге жоспарланған жоғары деңгейдегі кездесулер пысықталды.
Кездесу соңында Мемлекет басшысы түрік спортшылары мен делегациясы биыл қыркүйек айында Астанада өтетін V Дүниежүзілік көшпенділер ойындарына белсенді қатысатынына сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 15:19 61
Тоқаев Иран Президенті Ибрахим Раисидің қайтыс болуына байланысты көңіл айту жеделхатын жолдады
Достарға айту
Қасым-Жомарт Тоқаев Иран Президентінің қайтыс болуына байланысты көңіл айту жеделхатын жолдады, деп хабарлайды Ақорданың баспасөз қызметінен.
Мемлекет басшысы Иран Ислам Республикасының Президенті Ибрахим Раиси мен үкіметтік делегация мүшелерінің Шығыс Әзербайжан провинциясында тікұшақ апаты салдарынан қайтыс болуына байланысты Қазақстан халқының және жеке өзінің атынан осы елдің Жоғары лидері Әли Хаменеи мен Бірінші Вице-Президенті Мохаммад Мохберге және барша иран халқына көңіл айтты.
Тікұшақ апаты салдарынан Иран Ислам Республикасының Президенті Ибрахим Раиси мен оның сенімді серіктерінің қайтыс болғаны туралы суыт хабарды терең күйзеліспен қабыл алдым. Ибрахим Раиси - Иран мемлекеті мен халқының әл-ауқатын арттыруға, мүддесінің мұқалмауына, аймақтағы тұрақтылықты сақтауға өз өмірін риясыз арнаған көрнекті мемлекет қайраткері. Оның қолға алған бастамалары мен жетістіктері халықаралық қауымдастық тарапынан жоғары бағаланғаны баршаға мәлім. Қазақстандықтар Ибрахим Раисиді парасатты басшы, халықаралық деңгейдегі беделді саясаткер, екіжақты ынтымақтастықты нығайтуға зор еңбек сіңірген тұлға ретінде әрдайым есінде сақтайды. Марқұмдардың жатқан жері жайлы, топырағы торқа болсын", - деп жазылған жеделхатта.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 12:20 3391
Темір жол машинасын жасау саласында өндіріс көлемі 2,4 есеге өсті
Достарға айту
2024 жылдың бірінші тоқсанында темір жол машинасын жасау саласында өндіріс көлемі өткен жылдың сәйкес кезеңімен салыстырғанда 2,4 есеге өсті, деп хабарлайды ҚР Өнеркәсіп және құрылыс министрлігінің баспасөз қызметінен.
Ағымдағы жылдың алғашқы үш айында осы секторда 141,3 млрд теңгеге өнім өндірілген.
Өндірістің ең үлкен өсім көрсеткен негізгі түрлері: "Теміржол локомотивтері" (2,3 есе - 10 данадан 23 данаға дейін); "Теміржол вагондары, өздігінен жүрмейтін жолаушылар вагондары және өзге де арнайы мақсаттағы вагондар" (8,3 есе - 6 данадан 50 данаға дейін); "Биіктігі 60 см артық қайырмалы емес борттары бар өздігінен жүрмейтін темір жол және трамвай жүк вагондары мен платформалары (0-ден 309 данаға дейін).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 12:17 4151
Ақмола облысының прокуроры тағайындалды
Достарға айту
Қазақстан Республикасы Президентінің келісімі негізінде Бас Прокурордың 2024 жылғы 17 мамырдағы бұйрығымен аға әділет кеңесшісі Руфат Бауыржанұлы Құттықов Ақмола облысының прокуроры лауазымына тағайындалды, деп хабарлайды ҚР Бас прокуратурасының баспасөз қызметінен.
Р.Б. Құттықов еңбек жолын 2000 жылы Ақтөбе облысы Әйтеке би ауданы прокурорының көмекшісі лауазымынан бастаған.
Әр жылдары Ақтөбе облысының мамандандырылған табиғат қорғау прокуроры, Жамбыл облысы Жамбыл ауданының прокуроры, Атырау облысы Атырау қаласының прокуроры, Қарағанды облысы прокурорының бірінші орынбасары, Бас прокуратураның Жолданымдармен жұмыс және іс жүргізу департаментінің бастығы қызметтерін атқарған.
2022 жылдан бастап Маңғыстау облысының прокуроры болды.
Р.Б. Құттықов заңдылық пен құқықтық тәртіпті нығайтуға қосқан үлесі үшін "Жауынгерлік ерлігі үшін" медалімен наградталған.
Прокуратураның құрметті қызметкері.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.05.2024, 11:05 4891
Ерұлан Жамаубаев Президенттің кеңесшісі болып тағайындалды
Достарға айту
Ерұлан Жамаубаев Президенттің кеңесшісі болып тағайындалды, деп хабарлайды Ақорданың баспасөз қызметінен.
Мемлекет басшысының өкімімен Ерұлан Кенжебекұлы Жамаубаев Қазақстан Республикасы Президентінің кеңесшісі лауазымына тағайындалды", деп көрсетілген Жарлық мәтінінде.
Жамаубаев Ерұлан Кенжебекұлы 1974 жылы 25 наурызда дүниеге келген. Қазақ мемлекеттік басқару академиясын (1995), Т.Рысқұлов атындағы Қазақ Экономикалық Университеті жанындағы Халықаралық бизнес мектебін (2009) бітірген, халықаралық қаржы ұйымдарында және батыс елдерінің орталық (ұлттық) банктерінде біліктілікті арттыру (тағылымдамадан өту) курстарынан өткен.
Естеріңізге сала кетейік, 2018 жылдың қарашасынан 2019 жылдың наурызына дейін Ерұлан Жамаубаев Қазақстан Республикасы Президентінің көмекшісі болған.
Әр жылдары Президент Әкімшілігінің Әлеуметтік-экономикалық мониторинг бөлімі меңгерушісінің орынбасары, Қаржы министрі (2020 жылғы 18 мамыр, 2021 жылғы 18 қаңтар, 2022 жылғы 11 қаңтардан - 2022 жылғы 29 наурыз), ҚР Премьер-Министрінің орынбасары - Қаржы министрі (2022 жылғы 29 наурыз, 2023 жылғы 3 сәуірде қайта тағайындалды - 2024 жылғы 6 ақпан).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.05.2024, 12:47 58006
Қазақстандық музейлер қорында 4 000 000 нан астам зат сақтаулы
Қазіргі уақытта Қазақстанда 275 музей жұмыс істейді
Достарға айту
Қазақстандық музейлер қорында 4 000 000 нан астам зат сақтаулы, деп хабарлайды ҚР Мәдениет және ақпарат министрлігінің баспасөз қызметінен.
Қазіргі уақытта Қазақстанда 275 музей жұмыс істейді. Оның ішінде 16 - республикалық, 15 - музей-қорық, 244-өңірлік музей бар. Жыл сайын музейлерге келушілер саны артып келеді. Мәселен, 2024 жылдың басынан бері миллионнан астам адам мәдени нысандарға барған.
Қазақстанның алғашқы мемлекеттік музейі, еліміздегі музей ісінің қалыптасуына мұрындық болған - ҚР Орталық мемлекеттік музейі. Мұражай Орталық Азиядағы ең көне және ең ірі музейлердің бірі болып саналады. Биыл музейдің ашылғанына 104 жыл толады, ал 95 жыл бұрын музей Алматыға көшірілген.
Қазір музейде мәдени-ағарту, экспозициялық-көрме, сақтау, ғылыми-зерттеу, реставрация, коллекционерлік, есепке алу, редакциялық-баспа қызметтері бар және халықаралық ынтымақтастықты белсенді дамытып келеді.
ҚР Орталық мемлекеттік музейі қоры 273 611 сақтау бірлігін құрайды, оның 28 838-і ұлттық мәдени игілік тізіліміне енгізілген.
Айта кетейік, музей - әрқашан адамзат тарихы мен мәдени мұраның сақтаушысы, өйткені олар үлкен ғылыми-ағартушылық, білім және тәрбие беру жұмыстарын жүргізіп жатыр.
Қазақстан музейлер қорында 4 000 000-нан астам музей заты бар, олардың 360 мыңы Ұлттық мәдени игілік объектілері қатарына енген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.05.2024, 12:44 58241
Алматыда мемлекеттік қызметкер бизнесті заңсыз тексергені үшін жазаланды
Достарға айту
Алматыда мемлекеттік қызметкер бизнесті заңсыз тексергені үшін жазаланды, деп хабарлайды Алматы қаласының прокуратурасының баспасөз қызметінен.
Медеу ауданының прокуратурасына Алматы қаласы Медициналық-фармацевтикалық бақылау департаментінің заңсыз тексеру мәселесі бойынша жеке клиникалардың бірінің басшысы хабарласты.
Анықталғандай, департаментке медициналық орталықтың әрекетіне қатысты өтініш келіп түскен.
Осы өтініш негізінде бақылау органының қызметкері кәсіпкерлік субъектісін тіркеп, тексеру жүргізді.
Прокуратура өтініш білдірген азаматтың заңды атауы ұқсас мүлде басқа медициналық ұйымның әрекетіне шағымданғанын анықтады.
Осыған қарамастан медициналық орталық заңсыз тексеруден өтті.
Мемлекеттік органның әрекетінің заңсыздығын ескере отырып, тексеру актісі мен нәтижелері жойылды.
Сонымен бірге, жеке кәсіпкерлік субъектілеріне тексеру жүргізу тәртібін бұзғаны үшін кінәлі лауазымды тұлға ҚР "Әкімшілік құқық бұзушылық туралы" Кодексінің 175 баптың 1-бөлігі бойынша әкімшілік жауапкершілікке тартылып, 20 АЕК мөлшерінде айыппұл салынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.05.2024, 12:12 59331
Президент су тасқынынан зардап шеккендерді сапалы тұрғын үймен қамтамасыз етуді тапсырды
Сонымен қатар Үкімет, әкімдіктер құқық қорғау органдарымен бірлесіп, заңға сәйкес қоғамдық тәртіпті қамтамасыз етуі керек
Достарға айту
Президент Қасым-Жомарт Тоқаевқа Премьер-Министр Олжас Бектенов су тасқыны салдарын жою және табиғат апатынан зардап шеккен, ең алдымен, эвакуациялық пункттердегі азаматтарға көмек көрсету жөніндегі жұмыстар туралы баяндады, деп хабарлайды Ақорданың баспасөз қызметінен.
Мемлекет басшысы бұл бағыттағы шараларды күшейтуге, зардап шеккен тұрғындарды сапалы баспанамен қамтамасыз етуге, қалалар мен елді мекендердегі инфрақұрылымдарды жөндеуге және құрылыс жұмыстарына кірісуге қатысты тапсырма берді.
Президенттің айтуынша, жергілікті атқарушы органдардың басшылары халықпен етене әрі тиімді жұмыс істеуге міндетті. Сондай-ақ туындаған мәселелерді шешу және жұртшылықтың орынды талап-тілегін орындау жөніндегі мемлекеттік саясат пен қабылданып жатқан шараларды нақты түсіндіруге тиіс.
Сонымен қатар Үкімет, әкімдіктер құқық қорғау органдарымен бірлесіп, заңға сәйкес қоғамдық тәртіпті қамтамасыз етуі керек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
20.05.2024, 11:05Ерұлан Жамаубаев Президенттің кеңесшісі болып тағайындалды 20.05.2024, 12:17 4276Ақмола облысының прокуроры тағайындалды20.05.2024, 12:20 3516Темір жол машинасын жасау саласында өндіріс көлемі 2,4 есеге өсті20.05.2024, 11:52 1506Алматы қаласында 21 мамыр сағат 10:00-де жалпықалалық сейсмикалық жаттығу өтеді20.05.2024, 12:04 1291143 мыңнан астам адам жұмысынан айырылуына байланысты МӘСҚ-тен төлем алды
16.05.2024, 17:53 107411Мас күйінде көлік басқарғаны үшін 45 жүргізуші сотталды16.05.2024, 16:44 107221Тасқыннан зардап шеккен аймақтардағы балалар жазғы белсенді демалыспен қамтылады16.05.2024, 17:43 106151Маңғыстау облысының әкімі қызметінен босатылды17.05.2024, 11:24 87261Үкімет Риддердің жылу желілерін күрделі жөндеуге резервтен 2,4 млрд теңгеден астам қаражат бөлді17.05.2024, 12:26 85871Қазақстанда 200-ден астам отбасы су тасқынынан қираған үйлерінің орнына жаңа баспана алды
24.04.2024, 18:17 157936Елімізде су тасқынынан зардап шеккен азаматтарға қандай әлеуметтік қолдау көрсетілуде24.04.2024, 18:12 156241Бектенов Атырау облысында су басу қаупін азайту үшін қабылданып жатқан шаралардың барысын тексерді24.04.2024, 18:04 153221Тоқаев ҚХА сессиясын онлайн-форматта өткізу туралы шешім қабылдады22.04.2024, 16:42 132651Энергетикалық сектордың жер қойнауын пайдаланушыларының сатып алуларындағы қазақстандық қамту үлесі 61%-ды құрады24.04.2024, 18:19 131656Алматыда бірнеше күн бойы толассыз жаңбыр жауады