Тоқаев ҚР халықаралық шарттары туралы заңға түзетулерге қол қойды
Заң біздің ұлттық мүдделерімізді халықаралық деңгейде қорғау үшін қосымша мүмкіндіктер ұсынады.
Нұр-Сұлтан. 15 наурыз. Kazakhstan Today - Мемлекет басшысы "Қазақстан Республикасының халықаралық шарттары туралы" Қазақстан Республикасының Заңына өзгерістер мен толықтыру енгізу туралы" Қазақстан Республикасының Заңына қол қойды, деп хабарлайды Kazakhstan Today Ақорданың баспасөз қызметіне сілтеме жасап.
Естеріңізге сала кетейік, егер басқа қатысушылар өз міндеттемелерін орындамаса, заңда қарсы шаралар қабылдау, сондай-ақ халықаралық шарттардың не олардың жекелеген ережелерінің қолданылуын тоқтата тұру тәртібі айқындалады.
Заң біздің ұлттық мүдделерімізді халықаралық деңгейде қорғау үшін қосымша мүмкіндіктер ұсынады. Бұдан былай халықаралық келісімнің екінші тарапы өз міндеттемелерін орындамаған немесе тиісінше орындамаған жағдайда Қазақстан тарапынан жауапты шаралар қабылдау мүмкіндігі болады. Осы мақсатта заңда халықаралық шарттардың немесе олардың жекелеген ережелерінің орындалуын тоқтата тұру туралы нормалар көзделген", - деп хабарлады бұған дейін Сенат төрағасы Мәулен Әшімбаев.
Заңның мәтіні баспасөзде жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Үкімет Қызылорда қаласындағы ЖЭО жөндеу жұмыстарына 2,5 млрд теңгеден астам қаржы бөлді
Үкімет Қызылорда қаласындағы Оңтүстік қазандығының үш бу қазандығын реконструкциялау жобасын жүзеге асыруға 2,5 млрд теңгеден астам қаржы бөлді. Тиісті қаулыға Премьер-министр Олжас Бектенов қол қойды, деп хабарлайды Үкіметтің баспасөз қызметінен.
Атап айтқанда, қаражат Қызылорда қаласы тұрғындарын орталықтандырылған жылумен жабдықтауды 3 көзден: негізгі ЖЭО, Оңтүстік және автономды қазандықтар арқылы қамтамасыз ететін жалғыз кәсіпорын "Қызылорда жылу электр орталығы" МКК-ға бағытталады.
Қазіргі таңда Оңтүстік қазандықтың негізгі жабдықтары апатты жағдайда және резервтік қуатсыз жұмыс істеп тұр.
Оларды реконструкциялау жобасын жүзеге асыру 2024 жылы басталған, Үкімет резервінен 2,04 млрд теңге, облыстық бюджеттен 655 млн теңге бөлінген болатын. Аталған кезеңде суды химиялық тазарту қондырғыларын ауыстыру, ескі қазандықтарды бөлшектеу, сондай-ақ жаңа жабдықтар жасау үшін зауытқа өтінімдер беру бойынша жұмыстар орындалды.
Жобаның аяқталуы алдағы жылыту маусымына дайындалуға және қаланың оңтүстік бөлігі тұрғындарын: 197 көппәтерлі тұрғын үй кешенін, 73 әлеуметтік және 69 шаруашылық нысанды тұрақты жылумен қамтамасыз етуге мүмкіндік береді.
Энергетикалық және коммуналдық секторларды жаңғырту" ұлттық жобасы аясында өңірде жылу желілерін жөндеу бойынша 4 жобаны іске асыру көзделуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Қытай көлік министрлері "Нұр Жолы" Қазақстан-Қытай автокөлік өткізу бекетіннің жұмысымен танысты
Қазақстан мен Қытай көлік министрлері "Нұр Жолы" Қазақстан-Қытай автокөлік өткізу бекетіннің жұмысымен танысты, деп хабарлайды нің баспасөз қызметінен.
Шекара маңындағы инфрақұрылымды дамыту - жүк тасымалы көлемін одан әрі арттырудағы басым міндеттердің бірі. Министрлер өткізу бекетінде жүк көліктері жүргізушілерімен сөйлесіп, түйткілді мәселелерді талқылап, бекеттің өткізу қабілетін одан әрі арттыру аясында келісімге келді. Көлік ведомстволарының басшылары транзиттің үздіксіз өтуі үшін әкімшілік кедергілерді жою, шекаралық инфрақұрылымның әлеуетін арттыру, цифрландыруды дамыту сияқты бірқатар мәселені қолға алады.
Марат Қарабаев пен Лю Вэй екі министрліктің өкілдерінен тұратын арнайы тұрақты жұмыс тобын құруға келісті. Министрлердің қатысуымен болатын келесі келіссөз кезеңі бір айдан соң өтеді.
Жұмыс сапары барысында өткен шараға кеден және шекара қызметінің өкілдері де қатысты.
Естеріңізге сала кетейік, былтырдан бері Қазақстан мен Қытай рұқсат беру бланкілерін электронды форматта алмастырып келеді. Биыл екі ел 90 мың ШРБ алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жыл басынан бері есірткі жеткізілімінің 62 арнасы жойылды
Есірткі бизнесіне қарсы күресте ерекше көзге түскен қызметкерлер мемлекеттік және ведомстволық наградалармен марапатталды, деп хабарлайды ҚР Бас прокуратурасының баспасөз қызметінен.
Қазақстан Республикасының құқық қорғау және арнайы органдары есірткі қылмыстарына қарсы күрес бағытында ауқымды жүйелі жұмыс жүргізуде.
2025 жылдың өтіп кеткен кезеңінде 62 есірткі және психотроптық заттардың жеткізу арнасы тоқтатылып, 10 есірткі зертханасы жойылды, заңсыз айналымнан 3,5 тоннадан астам есірткі заттары тәркіленді.
Маңғыстау облысы, Алматы қаласы, Шымкент қаласы және Ұлытау облысы қызметкерлерінің тиімді жұмысы ерекше аталып өтті.
Аталған мысалдар күштік құрылымдардың қызметкерлерінің қағидатты және проактивті ұстанымын көрсетеді.
Атқарылған жұмыстар үшін 5 мамыр күні Мемлекет Басшысының Жарлығымен ІІМ орталық аппаратының бір қызметкері және облыстық прокуратуралардың екі басқарма басшысы (Маңғыстау және Ұлытау облыстары) Бауыржан Момышұлы атындағы ІІ дәрежелі "Айбын" орденімен, полиция департаменттерінің (Алматы және Қарағанды облыстары) екі қызметкері- "Жауынгерлік ерлігі үшін" медалімен марапатталды.
Сонымен қатар, бірқатар күш құрылымдары қызметкерлері (прокуратура органдарынан 12 қызметкер, ұлттық қауіпсіздік органдарынан 4 қызметкер, экономикалық тергеп-тексеру органдарынан 4 қызметкер және ішкі істер органдарынан 5 қызметкер) ведомстволық наградаларға ие болды.
Есірткі бизнесімен күрес жұмысы жалғасуда және құзыретті органдардың тұрақты бақылауында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.