Тоқаев Жамбыл облысында вакцинация барысымен танысты
Сондай-ақ Мемлекет басшысы әлеуметтік нысандарды аралап, Жамбыл облысының әкімі Бердібек Сапарбаевтың аймақтың әлеуметтік-экономикалық жағдайы туралы есебін тыңдайды.
Сапар барысында Президент иммунобиологиялық препараттар шығаратын биофармацевтикалық зауытқа барып, вакцина әзірлеу барысымен танысады. Сондай-ақ Мемлекет басшысы әлеуметтік нысандарды аралап, Жамбыл облысының әкімі Бердібек Сапарбаевтың аймақтың әлеуметтік-экономикалық жағдайы туралы есебін тыңдайды", - деді Мемлекет басшысының баспасөз хатшысы Берік Уәли.
Қазіргі уақытта қазақстандық вакцинаны шығарумен екі алаң айналысады: Алматы облысындағы "Антиген" Ғылыми-өндірістік кәсіпорны және Жамбыл облысындағы OtarBioPharm ЖШС жанындағы Биофармацевтикалық зауыт.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Катонқарағай ауданында биыл туризм саласында 5 ірі жоба іске асырылуда
Катонқарағай ауданында биыл туризм саласында 5 ірі жоба іске асырылуда, деп хабарлайды Шығыс Қазақстан облысының әкімдігінің баспасөз қызметінен.
Жұмыс сапары аясында Шығыс Қазақстан облысының әкімі Нұрымбет Сақтағанов Катонқарағай ауданы туризмді дамытуда үлкен әлеуетке ие екенін атап өтті.
Катонқарағай ауданы үшін географиялық ерекшеліктерді ескере отырып, экономиканы әртараптандыру бағытындағы негізгі басымдық - туризм. Бұл сала шағын және орта бизнесті дамытуға серпін беріп, халықты өнімді әрі жоғары табысты жұмыспен қамтамасыз етеді", - деді облыс әкімі.
Биыл Катонқарағай ауданында туризм саласында бес жоба жүзеге асырылуда:
- Ақшарбақ ауылындағы "Верх-Катунь" пантамен емдеу орталығын кеңейту;
- Аршаты ауылында "Altay Resort" курорттық кешенінің құрылысы;
- Катонқарағай ауылында "Altay Terra Resort" туристік кешенін салу;
- Ұрыл ауылында "Мұзтау" экоқонақ үйінің мейрамханасын салу;
- Топқайың ауылында "Qaton Qaragai Resort&SPA" демалыс базасын кеңейту.
Маусым айында Катонқарағай ауданында "Алтай - түркі әлемінің алтын бесігі" халықаралық музыкалық фестивалі өтті. Іс-шараға 10 мыңнан астам турист қатысты. Қатысушылардың 80%-дан астамы еліміздің басқа өңірлері мен Ресей, Түркия, Өзбекстан, Қырғызстан, Моңғолия, Түрікменстан, Әзербайжан сынды шет мемлекеттерден келген болатын.
Өткен жылы Катонқарағай ауылында жеке инвестиция есебінен "Қаратай", "Ұлназ" қонақ үйлерінің қызметі кеңейтіліп, "Баян" ғимараты қонақ үй ретінде қайта жаңғыртылды, Согорное ауылындағы жолайрықта кемпинг салынды, Белқарағай ауылындағы "Баян" пантаиен емдеу орталығы кеңейтілді.
2026 жылы "Tor’re Altay Invest" ЖШС-нің 120 орындық "Wellness Resort" санаторий-сауықтыру кешенінің құрылысын бастау жоспарлануда.
Статистикалық деректерге сәйкес, қазіргі уақытта ауданда туристерге арналған 50 орналастыру нысаны тіркелген, ал өткен жылы келушілер саны 33,5 мың адамды құрады.
Қазіргі уақытта ауданда тұрақты туристік кластер қалыптастыру мақсатында туризмді дамыту бойынша шеберлік-жоспар әзірленуде. Облыс әкімі бұл құжатты 1 қыркүйекке дейін дайындауды тапсырды. Сонымен қатар, аудан аумағындағы туристік орындар бойынша санитарлық-гигиеналық тораптар құрылысына қатысты ұсыныстарды 17 шілдеге дейін енгізуді, инвестициялық жобалар тізбесін жасап, оларды ұлттық және өңірлік пулдарға енгізу жұмысын жандандыруды, сондай-ақ инвестиция тарту ісін күшейтуді тапсырды.
Туризмді дамыту - бұл инфрақұрылым, жолдар, байланыс, қауіпсіздік, жол бойындағы сервис, тамақтану және қызмет көрсету сапасы. Біз бұл мәселелердің барлығын жүйелі түрде шешіп жатырмыз", - деп қорытындылады өңір басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атырауда 12 мыңға жуық экологиялық құқық бұзушылық анықталды
Атырауда "Таза Қазақстан" акциясы аясында 12 мыңға жуық құқық бұзушылық анықталды, - деп хабарлайды Polisia.kz.
Мемлекет басшысы Қасым-Жомарт Тоқаевтың тапсырмасына сәйкес елімізде экологиялық мәдениетті арттыру және азаматтарды табиғатты қорғауға ынталандыру мақсатында "Таза Қазақстан" ұлттық экологиялық акциясы жүзеге асырылып келеді.
Аталған акция 2024 жылғы 15 сәуірден бастап Атырау қаласы аумағында да кең көлемде қолға алынған. Сол уақыттан бері, яғни 2025 жылдың шілде айына дейін қалада санитарлық тазалықты қамтамасыз ету және құқық бұзушылықтардың алдын алу бағытында ауқымды шаралар жүргізілуде. Атырау қаласы полиция басқармасының қызметкерлері осы кезең аралығында 11 933 құқық бұзушылықты анықтады.
Аталған деректер абаттандыру қағидаларын бұзу, жасыл желектерді жою немесе бүлдіру, сондай-ақ тұрмыстық қалдықтарды белгіленбеген орындарға тастау сынды әрекеттермен байланысты. Атап айтқанда, қалалар мен елді мекендердің аумақтарын абаттандыру қағидаларын бұзу, жасыл екпелерді жою және бүлдіру бойынша 3 205 құқық бұзушылық тіркеліп, оның ішінде 2 953 тұлғаға ескерту жасалды.
Сонымен қатар ортақ пайдаланылатын орындарды ластау бойынша 8 728 құқық бұзушылық дерегі анықталып, 7 688 азаматқа жауапкершілік жүктелді. Экологиялық тәртіпті сақтау - әрбір азаматтың ортақ міндеті. Осы ретте Атырау қаласының полиция қызметкерлері жергілікті атқарушы органдар мен еріктілермен бірлесе отырып, қоғамдық орындар мен саябақтарды, көпқабатты тұрғын үйлердің аулаларын, өзен жағалауларын тұрмыстық қалдықтардан тазалап, көгалдандыру жұмыстарын ұйымдастырды.
Қоғамдық тәртіп пен қауіпсіздікті қамтамасыз етумен қатар, экологиялық ахуалға бейжай қарамай, табиғатты аялау - әрбір азаматтың, әрбір мемлекеттік қызметшінің парызы. Жыл сайынғы экологиялық бастамаларға белсенді түрде қатысып келеміз. Бұл - ұжымдық рухты нығайтып қана қоймай, өскелең ұрпаққа үлгі болатын игі дәстүр деп есептеймін. Меніңше, бұл бастама - күнделікті өмірде экологиялық жауапкершілікті арттырып, табиғатты қорғауға бағытталған маңызды ұлттық бастама, - деді Атырау қаласы полиция басқармасы жергілікті полиция қызметі бөлім бастығының орынбасары Айбол Ідрісов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыдағы № 1 балалар үйінің қатысты жанжал: көптеген наразылыққа қарамастан билік тәрбиеленушілерді Қонаевқа көшіру туралы шешім қабылдады
Алматы облысы білім басқармасы Алматы қаласындағы "Арнайы әлеуметтік қызметтерді қажет ететін балаларды қолдау өңірлік орталығы" КММ ғимаратының апатты жағдайына байланысты тәрбиеленушілерді Қонаев қаласындағы жаңа заманауи Балалар үйіне көшіру туралы шешім қабылданғанын хабарлайды.
1963 жылы салынған бұл ғимарат қазіргі таңда әрі қарай пайдалануға жарамсыз деп танылды. 2024 жылы "Астанақұрылыссервис" ЖШС жүргізген техникалық зерттеу нәтижесінде тірек конструкциялардан жарықтар анықталып, инженерлік жүйелер - жылу және сумен жабдықтау желілері - толық тозғаны және қалпына келтіруге келмейтіні белгілі болды. Нысан санитариялық, өртке қарсы және құрылыс нормаларына сәйкес келмейді.
Алматы қаласындағы Балалар үйі қазіргі заман талабына сай емес: бір бөлме бір уақытта асхана, акт залы және спортзал ретінде пайдаланылған. Бұл санитарлық және педагогикалық талаптарға қайшы келіп, балалардың толыққанды дамуына шектеу қояды.
Қонаев қаласындағы жаңа ғимаратта функционалды аймақтарға бөлу қарастырылған: кіші және ересек топтар үшін бөлек асханалар, жеке спортзал мен акт залы, кең ойын, қоғамдық және демалыс аймақтары бар. Мекеме санитариялық, құрылыс және білім беру стандарттарына сәйкес салынған. Бұл балаларға қауіпсіз, жайлы өмір сүру, сапалы білім алу және жан-жақты дамуға мүмкіндік береді.
2025 жылғы 9 шілдедегі Алматы облысы әкімінің №207 қаулысы және 2025 жылғы 10 шілдедегі білім басқармасының №494-н бұйрығына сәйкес тәрбиеленушілерді кезең-кезеңімен 180 орындық жаңа Балалар үйіне көшіру жұмыстары басталды. Нысан жеке инвестициялар есебінен салынып, мемлекет меншігіне сыйға берілген. Ғимарат балалар мекемелеріне қойылатын барлық қазіргі талаптарға толық сай келеді.
Бірінші кезекте 1-4 сыныпта оқитын 44 бала көшіріледі. Жоғары сынып тәрбиеленушілерін көшіру білім беру үдерісінің тұрақтылығы мен әлеуметтік бейімделуін қамтамасыз ету мақсатында кезең-кезеңімен жүргізіледі.
Қазіргі таңда мекемеде 171 бала тәрбиеленіп жатыр, оның ішінде 125-і - жетім балалар, 46-сы - өмірлік қиын жағдайға тап болғандар. Мекемеде 85 қызметкер жұмыс істейді, оның 42-сі - педагогтер.
Әлеуметтік желілерде тараған жалған ақпараттарға байланысты білім басқармасы келесі түсініктемені береді:
• Барлық тәрбиеленушілер, тұрғылықты мекенжайына қарамастан, тегін медициналық қызметпен қамтамасыз етіледі және белгіленген тәртіппен тұрғын үй алу кезегіне қойыла алады;
• Мекеме орналасқан жердің батпақ екені туралы ақпарат шындыққа жанаспайды;
• Көшіру балалардың құқықтарын шектемейді және олардың өмір сүру жағдайларын нашарлатпайды.
Қонаев қаласындағы жаңа мекемеге көшіру балалардың қауіпсіздігін, сапалы білім мен медициналық қызметке қол жеткізуін, сондай-ақ қолайлы тұрмыс жағдайын қамтамасыз етуге бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы әкімі Дархан Сатыбалды ҚХР-ның ҚР-дағы Төтенше және Өкілетті Елшісімен кездесті
Алматы қаласының әкімі Дархан Сатыбалды Қытай Халық Республикасының Қазақстан Республикасындағы Төтенше және Өкілетті Елшісі Хань Чуньлин мырзамен кездесті. Басқосу барысында өзекті мәселелер мен екіжақты ынтымақтастықты одан әрі дамыту мүмкіндіітепі талқыланды. Сонымен қатар кездесуге ҚХР-дың Алматыдағы Бас консулы Цзян Вэй де қатысты, деп хабарлайды Алматы қаласының әкімдігінің баспасөз қызметінен.
Дархан Сатыбалды Алматы мен Қытай арасындағы өзара тиімді әріптестікті нығайтудың маңызын атап, әсіресе сауда, өнеркәсіп және инвестиция сынды басым салалардағы серіктестікке тоқталды.
Достық қарым-қатынасымыздың арқасында Алматы мен Қытай арасындағы тауар айналымы дәстүрлі түрде жоғары деңгейде сақталып келеді. Қытайдың үлесіне Алматының жалпы сыртқы сауда айналымының 32,9%-ы тиесілі. Биыл қаңтар-мамыр айлары аралығында қала мен ҚХР арасындағы тауар айналымы 3,4 млрд АҚШ долларынан асты", - деді әкім.
Кездесуде өнеркәсіптік кооперация жайына де ерекше назар аударылды. Қала басшысы Алматыда автомобиль кластерін құру бағытында белсенді жұмыс жүргізіліп жатқанын, оның мегаполистің индустриялық өсімінің негізгі қозғаушы күштерінің біріне айналып келе жатқанын айтты.
Бүгінде Алматының Индустриялық аймағында қытайлық серіктестердің қатысуымен ауқымды жоба жүзеге асырылып отыр. Changan, Chery және Haval маркаларындағы көпбрендті автозауыт іске қосылмақ. Кәсіпорын жылына 90 мың жеңіл автокөлік шығара алады. 2028 жылға қарай өндіріс көлемін жылына 220 мың автокөлікке дейін ұлғайту жоспарланып отыр", - деді шаһар басшысы.
Сонымен қатар әкім туристік және көлік байланыстарын кеңейтудің маңызды екенін атап өтті. Қазіргі таңда Алматы Бейжің, Үрімжі, Сиань, Ханчжоу, Санья, Гуанчжоу және Инин секілді Қытайдың ірі қалаларымен тікелей әуе рейстері арқылы байланысқан. Жуырда China Eastern Airlines әуе компаниясының Шанхай - Алматы бағытындағы жаңа рейсі ашылды.
Өз кезегінде Қытай Халық Республикасының Төтенше және Өкілетті Елшісі Хань Чуньлин мырза екіжақты ынтымақтастықты одан әрі кеңейтуге мүдделі екенін білдіріп, Алматы мен Қытай қалалары арасындағы серіктестіктің жоғары әлеуетін атап өтті.
Мемлекеттеріміздің көшбасшыларының стратегиялық басшылығы аясында іскерлік ынтымақтастық тұрақты оң қарқын көрсетіп отыр. Былтыр елдеріміз арасындағы тауар айналымы 43,8 миллиард АҚШ долларына жетіп, алдыңғы жылмен салыстырғанда 6,8% артты. Жалпы алғанда, біз Қазақстанмен сауда, инвестиция, туризм, мәдениет және денсаулық сақтау салаларындағы әріптестікті одан әрі нығайтуға дайынбыз", - деді Елші.
Кездесу қорытындысы бойынша тараптар экономикалық және гуманитарлық байланысты одан әрі дамытуға бағытталған ортақ бастамаларды іске асыруға өзара дайын екенін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Моңғолия Президентін Наадам мерекесімен құттықтады
Қасым-Жомарт Тоқаев Моңғолия Президенті Ухнаагийн Хурэлсухті Наадам мерекесімен құттықтады, деп хабарлайды Ақорданың баспасөз қызметінен.
Мемлекет басшысы мейірімділік пен қайырымдылық құндылықтарын дәріптейтін тарихы терең бұл мейрамда Моңғолия халқының береке-бірлігі арта беруіне тілектестік білдірді.
Сондай-ақ достас екі ел арасында қалыптасқан өзара құрмет пен стратегиялық серіктестік ортақ игілік үшін одан әрі беки түсетініне кәміл сенетінін жеткізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Үкімет Ақтау жылу желілерін қайта жаңартуға 3,6 млрд теңге бөлді
Маңғыстау облысы Ақтау қаласындағы 9,2 шақырым магистральдық жылу желілерін реконструкциялау жұмыстарын аяқтауға Үкімет резервінен шамамен 3,6 млрд теңге бөлінді. Премьер-министр Олжас Бектенов тиісті қаулыға қол қойды, деп хабарлайды Үкіметтің баспасөз қызметінен.
Жалпы құны 13,8 млрд теңге болатын бұл жобаны іске асыру 2024 жылы басталды.
Бүгінде жоба аясында екі құбырлы жүйемен 5,5 шақырым жылу желісі тартылды. Ескі болат құбырлар бөлшектеліп, олардың орнына 530 мм-ден 1020 мм-ге дейінгі диаметрлі көбікті полиуретан оқшаулағышпен жабдықталған заманауи құбырлар орнатылып жатыр. Сондай-ақ 2024-2025 жылғы жылыту маусымында анықталған 375 ақау толығымен жөнделді.
Ақтау қаласының жылу желілерінің жалпы ұзындығы 562 шақырым. Тозу деңгейі - 79%. Аталған жоба іске асырылғаннан кейін желілердің тозу деңгейі 75%-ға дейін қысқарады. Бұл тұрғындарды жылыту маусымында үздіксіз жылумен қамтамасыз етуге, ыстық су жеткізу өткізу қабілетін арттыруға және пайдалану шығындарын азайтуға мүмкіндік береді.
Алдағы уақытта "Энергетика және коммуналдық секторды жаңғырту" ұлттық жобасын жүзеге асыру аясында 2025-2029 жылдарға арналған қаржыландыру көлемін айқындай отырып, 2029 жылға дейін 175 шақырым жылу желілері мен жылумен жабдықтау көздерін реконструкциялау және салу жоспарланып отыр. Жоба желілердің тозуын азайтуға және инвестиция тарту арқылы коммуналдық қызметтердің сапасын арттыруға бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.