Ваисов ҚР әділет вице-министрі болып тағайындалды
Сурет: telegram/UKIMET
Сондай-ақ әділет вице-министрі болып Ботагөз Жақселекова тағайындалды
Астана. 14 ақпан. KAZAKHSTAN TODAY - Қазақстан Республикасы Үкіметінің қаулысымен Даниель Мерейұлы Ваисов Қазақстан Республикасының әділет вице-министрі қызметіне тағайындалды. Бұл туралы ҚР Үкіметінің Баспасөз қызметі хабарлайды.
Даниель Ваисов 1979 жылы Алматы қаласында дүниеге келген.
"Әділет" жоғары құқық мектебін, Нархоз университетін, И.М. Губкин атындағы Ресей мемлекеттік мұнай және газ университетін бітірген.
Еңбек жолын 2001 жылы ҚР Мемлекеттік кіріс министрлігінде жеке келісім-шарт негізінде оператор болып бастаған.
2022 жылғы наурыз-қазан аралығы - ҚР Мемлекеттік кіріс министрлігі Салық төлеушілермен жұмыс департаменті Cалық төлеушілермен жұмыс жөніндегі басқарма Салық төлеушілермен жұмыс істеудің тиімді әдістерін әзірлеу және енгізу бөлімінің бас маманының м. а., Салық заңнамасын түсіндіру басқармасы Салық заңнамасын түсіндіру бойынша жұмысты ұйымдастыру бөлімінің бас маманы.
2002-2003 жылдары - ҚР Қаржы министрлігі Салық комитеті Салықтық бақылау басқармасы Мәжбүрлеп өндіріп алу бөлімінің бас маманы.
2003-2010 жылдары - "ҚазМұнайГаз" ҰК" АҚ-та Халықаралық келісім-шарттар департаментінің заңгері, Құқықтық қамтамасыз ету департаментінің аға заңгері, Халықаралық келісім-шарттар департаментінің бас заңгері, Халықаралық келісім-шарттар департаментінің I санатты заңгері.
2010-2020 жылдары жеке меншік коммерциялық құрылымдарда жұмыс істеді.
2020 жылғы қаңтардан бастап қазіргі уақытқа дейін "Бәйтерек" ұлттық басқарушы холдингі" АҚ Сатып алуды бақылау жөніндегі орталықтандырылған қызметінің басшысы болып жұмыс істеді.
Сондай-ақ, Қазақстан Республикасы Үкіметінің қаулысымен Ботагөз Шаймарданқызы Жақселекова Қазақстан Республикасының әділет вице-министрі қызметіне тағайындалды.
Ботагөз Жақселекова 1980 жылы Қостанай облысында туған.
А. Байтұрсынов атындағы Қостанай мемлекеттік университетін, Exeter University, Ресей Федерациясы Президентінің жанындағы Ресей халық шаруашылығы және Мемлекеттік қызмет академиясын бітірген.
Еңбек жолын ҚР Әділет министрлігі Кадр жұмысы басқармасының маманы қызметінен бастаған.
2002-2007 жылдары - ҚР Әділет министрлігі құрылымында түрлі қызметтерді атқарды.
2007-2012 жылдары - ҚР Әділет министрлігінің Заңнама департаменті директорының орынбасары.
2012-2013 жылдары - ҚР Әділет министрлігінің Мемлекеттің мүліктік құқықтарын қорғау департаментінің бас сарапшысы.
2013-2015 жылдары - республикалық бюджеттің атқарылуын бақылау жөніндегі Есеп комитетінің заң бөлімі меңгерушісінің орынбасары, меңгерушісі.
2015-2017 жылдары "СК-Фармация" ЖШС Стратегиялық даму және қоғаммен байланыс бөлімінің басшысы, Стратегия, талдау және халықаралық қатынастар департаментінің басқарушы директоры, директоры болып жұмыс істеді.
2017-2018 жылдары - ҚР Денсаулық сақтау министрлігінің Медициналық қызметке ақы төлеу комитетінің төрағасы.
2018-2019 жылдары - "Әлеуметтік медициналық сақтандыру қоры" КЕАҚ басқарма төрағасының орынбасары.
2019-2020 жылдары - Қазақстан Республикасы Денсаулық сақтау министрлігінің жауапты хатшысы.
2021 жылғы сәуірден бастап қазіргі уақытқа дейін жеке меншік коммерциялық құрылымдарда жұмыс істеді.
Бұған дейін Евгений Кочетов ҚР ақпарат және қоғамдық даму вице-министрі қызметіне тағайындалғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар ел банктерінде 5 триллион теңгеден астам қаражатты шетел валютасында сақтайды
Бүгінде теңгенің әлсіреп тұрғаны анық, осы орайда халықтың шетел валютасындағы салымдарына шолу жасадық. Ағымдағы жылдың 1 қарашасындағы жағдай бойынша жеке тұлғалардың ел банктеріндегі шетел валютасындағы салымдары 5,3 трлн теңгені құрады. Бір жыл ішінде бұл сома өзгере қойған жоқ, ал жыл басынан бері тіпті 3%-ға кеміді, деп хабарлайды Ranking.kz.
Десек те, көрсеткіштің төмендеуі бүкіл секторда байқалмады. Жалпы, жыл басынан бері алты банк оң динамика көрсетті, олардың тек үшеуі Қазақстандағы ірі ЕДБ болып табылады.
Еліміздегі үздік банктердің арасында жыл басынан бері халықтың шетел валютасындағы салымдарының ең жоғары өсімі Bereke Bank-те тіркелді: салымдар бірден 30,2%-ға, 65,5 млрд теңгеге дейін артты. Қаржы институтының көрсеткіштеріне қарағанда, ол тек шетел валютасындағы салымдар бойынша ғана емес, сондай-ақ депозиттердің барлық түрлері бойынша да (валютаға қарамастан) үздік көрсеткішке қол жеткізіп отыр.
Екінші орынға Банк ЦентрКредит орналасты, ондағы шетел валютасындағы салымдар 3%-ға көбейді. Үздік үштікті Jusan Bank түйіндеді: жыл басынан бері 1,9%-ға өсім көрсетті.
Жоғарыда аталған банктер ғана үздік нәтиже көрсете алды, еліміздегі қалған ірі банктерде сегмент бойынша салымдардың теріс динамикасы байқалды.
Жалпы алғанда, ҚР ЕДБ-дағы халықтың шетел валютасындағы салымдарының динамикасы әртүрлі факторға байланысты. Біріншіден, мұндай салымдар табыс табудан гөрі жинақтау құралы ретінде қызмет етеді. Тиісінше, халық өнімнің тиімді шарттарына емес, қаржы институтына деген сенімге баса назар аударады. Екіншіден, банктердегі салымдардың динамикасы ұлттық валюта бағамының ағымдағы жағдайына, сондай-ақ халықтың болашақ бағам туралы болжамдарына байланысты.
Естеріңізге салсақ, 2024 жылғы 22 желтоқсандағы жағдай бойынша АҚШ долларының бағамы 523 теңгені құрады - жыл басынан бері ұлттық валюта 15,4%-ға немесе 70 теңгеге жуық шамада әлсіреді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көлік министрлігі авиациялық оқиғаны тергеу жөніндегі Комиссия құрды
Деректерді ұсыну және азаматтық авиациядағы және эксперименттік авиациядағы авиациялық оқиғалар мен инциденттерді тергеу қағидаларына сәйкес Көлік министрлігі авиациялық оқиғаны тергеу жөніндегі Комиссия құрды, деп хабарлайды ҚР Көлік министрлігінің баспасөз қызметінен.
Ведомствоның көліктегі оқиғалар мен инциденттерді тергеу департаментінің қызметкерлері авиациялық оқиға орнында. Тергеп-тексерудің қырдағы кезеңі аясында жұмыстар жүргізілуде.
Қазақстанға Әзербайжан Республикасы Азаматтық авиация мемлекеттік агенттігінің делегациясы , сондай-ақ Azerbaijan Airlines (AZAL) авиакомпаниясының өкілдері келді.
Жұмыстар Әзербайжанның авиациялық билігімен бірлесе жүргізілуде.
Сондай-ақ, Қазақстанға Embraer әуе кемесін өндіруші компания өкілдері және CENIPA (авиациялық оқиғаларды тергеу және алдын алу орталығы, Бразилия) ұшып келеді.
Ақтау қаласына Премьер-Министрдің орынбасары Қанат Бозымбаев бастаған Үкіметтік комиссия құрамында ҚР Көлік министрі Марат Қарабаев, көлік вице-министрі Талғат Ластаев, көліктегі оқиғалар мен инциденттерді тергеу департаментінің директоры Нұржан Малаев, Азаматтық авиация комитетінің төрайымы Салтанат Томпиева, "Қазаэронавигация" РМК бас директоры Нұржан Ахметов келді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтау қаласы маңында болған қайғылы оқиғаның себеп-салдарын тексеру үшін Үкіметтік комиссия құрылды
Үкімет қаулысымен Ақтау қаласы әуежайының маңында болған Az Airlines әуе компаниясының Embraer 190 ұшағының апатқа ұшырау себептерін тексеру бойынша Үкіметтік комиссия құрылды. Тиісті қаулыға Премьер-министр Олжас Бектенов қол қойды, деп хабарлайды Үкіметтің баспасөз қызметінен.
Комиссия құрамына Премьер-министрдің орынбасары, Маңғыстау облысының әкімі, төтенше жағдайлар, көлік, сыртқы істер, ішкі істер, еңбек және халықты әлеуметтік қорғау, денсаулық сақтау министрліктерінің басшылығы, Бас көлік прокуроры кірді.
Комиссияға оқиға орнына дереу ұшып барып, ұшақтың апатқа ұшырау себептерін жан-жақты тексеруді қамтамасыз ету, қаза тапқандардың отбасыларына және зардап шеккендерге алғашқы көмек көрсету шараларын қабылдау тапсырылды.
Қазақстан Үкіметі Әзербайжан Үкіметімен болған оқиғаның себептерін жан-жақты тергеу және алғашқы көмек көрсету бойынша бірлесіп жұмыс істеуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.