Алматыда екі жолаушы такси жүргізушісіне қатысты агрессия танытқаны үшін жауапқа тартылды
Алматыда екі жолаушы такси жүргізушісіне қатысты агрессия танытқаны үшін жауапқа тартылды, деп хабарлайды Алматы сотының баспасөз қызметінен.
Алматы қаласының соттарында биыл сәуір айында такси жүргізушісі В. мен жолаушылар Т. мен К. арасындағы қақтығысқа қатысты екі іс қаралды.
Іс материалдарына сәйкес, Т. көліктің артқы орындығында отырып, салонда темекі шегіп отырған. Жүргізушінің ескертуіне ол агрессивті жауап берген - балағат сөздер айтып, жүргізушіні желкеден ұрған. Сот Т.-ны ҚР Қылмыстық кодексінің 109-1-бабы 1-бөлігімен (денсаулыққа жеңіл зиян келтіру) кінәлі деп танып, 12 тәулікке қамаққа алуды және жәбірленушінің азаматтық талабын ішінара қанағаттандырып, 100 000 теңге мөлшерінде моральдық шығын өндіруді шешті.
Екінші жолаушы К., көліктің алдындағы орнында отырып, жүргізушімен тағы да қақтығысқа түсіп, балағат сөздер қолданған. Ол ҚР Әкімшілік құқық бұзушылық кодексінің 434-бабы 1-бөлігімен (кішігірім хулигандық) жауапқа тартылды. Сот К.-ға 15 тәулікке әкімшілік қамау жазасын тағайындады.
Екі сот актісі заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Абай облысында күдіктіден 100 келіден астам марихуана мен 7 келі гашиш тәркіленді
Абай облысында полицейлер өзге облыстың тұрғынынан 100 келіден астам марихуана мен 7 келіден астам гашиш тәркіледі, - деп хабарлайды Polisia.kz.
Қарасора - 2025" және "Дәрмек" жедел-профилактикалық іс-шаралары аясында Абай облысының полицейлері Алматы облысының 33 жастағы тұрғынының тұрғылықты жерін тінту барысында өсімдік тектес жасыл түсті зат салынған төрт қап пен ұнтақ тәріздес жасыл түсті зат салынған полимерлік пакет тапты.
Сот-наркологиялық сараптама қорытындысына сәйкес, тәркіленген заттар - жалпы салмағы 105 келіден астам кептірілген марихуана және 7 келіден астам гашиш екені анықталды.
Тергеу барысында күдікті өз кінәсін мойындап, жабайы қарасораны өзі жинап, кептіріп, кейін сату мақсатында сақтағанын айтты.
Қазіргі уақытта ол уақытша ұстау изоляторына қамалды. Аталған дерек бойынша сотқа дейінгі тергеп-тексеру жүргізіліп жатыр.
Полиция есірткінің заңсыз айналымына қатысты құқық бұзушылықтарды анықтау және жолын кесу бойынша кешенді шараларды жалғастыруда және азаматтарды мұндай деректер туралы "102" нөміріне хабарлауға шақырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Таразда түзеу мекемесіне есірткі алып кірмек болған күдікті ұсталды
Таразда түзеу мекемесіне есірткі алып кірмек болған күдікті ұсталды, - деп хабарлайды Polisia.kz.
Тараз қаласында Қазақстан Республикасы ІІМ Ұлттық ұланының 5513 әскери бөлімінің сарбаздары темір торға есірткі өткізу әрекетіне тосқауыл қойды.
Оқиға №59 түзеу мекемесінің бақылау-өткізу пунктінде болған.
Келушілерді тексеру кезінде аға нұсқаушы Нұрбахыт Есенгелдиевтің қарауындағы Зара қызметтік иті күдікті иісті сезген. Төрт аяқты сақшы ішінде есірткі оралған бумалары бар аяқ киімді нұсқап, нақты белгі береді.
Әскери қызметшілер болған жағдай туралы кезекші бөлімге жедел баяндады.
Оқиға орнына жедел-тергеу тобы шақырылды. Ұландық жауынгерлердің кәсібилігінің арқасында тыйым салынған заттарды өткізу әрекеті тоқтатылды.
Күдікті ұсталып, мән-жайды одан әрі анықтау үшін құқық қорғау органдарының қызметкерлеріне берілді. Қазіргі уақытта аталған факт бойынша тексеру жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркістан облысында қылмыстық топ жанармай өнімдерін жасырын тоннель арқылы шекарадан өткізумен айналысқан
Түркістан облысы прокуратурасының үйлестіруімен, Қаржылық мониторинг агенттігінің және Ұлттық қауіпсіздік комитетінің облыстық департаменттері бірлесіп, Өзбекстан құқық қорғау органдарының қолдауымен жанармай өнімдерін жасырын тоннель арқылы шекарадан өткізумен айналысқан халықаралық қылмыстық топтың әрекетін әшкереледі, деп хабарлайды агенттіктің баспасөз қызметінен.
Тергеу барысында анықталғандай Қазақстан мен Өзбекстан арасындағы шекараға жақын аумақта топ мүшелері 450 метрлік жерасты тоннелін қазған.
Қылмыстық схема 2 ай бойы жұмыс істеген. Осы уақыт ішінде шетелден қаржыландырылып отырған жанар-жағармай материалдарын тасымалдауға арналған логистикалық бағыттар мен жасырын шығару арнасы құрылған.
Операция барысында Өзбекстан тарапы да өз аумағында дәл осындай шаралар жүргізген.
Нәтижесінде қылмыстық әрекетке қатысы бар барлық тұлғалар анықталды. Қазақстан Республикасының 5 азаматы күдікті ретінде танылды.
Қазіргі уақытта тергеу аяқталып, қылмыстық іс сотқа жолданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жарты жыл ішінде есірткіге қатысты 4 мыңға жуық құқықбұзушылық анықталған
Ішкі істер органдары "Заң мен Тәртіп" қағидаты бойынша есірткі қылмыстарын анықтау мен жолын кесуді жалғастыруда, - деп хабарлайды Polisia.kz.
Биыл алты айда 4000-ға жуық есірткіге қатысты құқықбұзушылық тіркелді, оның 1800-і ауыр және аса ауыр қылмыстар. Ұйымдасқан қылмыстық топ құру және басқару фактілері бойынша 21 қылмыстық іс қозғалды, оның ішінде екеуі трансұлттық сипатта. 11 көшбасшы және 43 қатысушы ұсталды.
Заңсыз айналымнан алты тоннадан астам есірткі заттары тәркіленді. Мұның ішінде тәркіленген синтетиканың көлемі екі есеге өсіп, 570 кг құрады. 103 есірткі зертханасының қызметі тоқтатылды.
Есірткі заттарын егудің 218 фактісі және 63 контранбанда фактісі анықталды. Жастар арасында танымал есірткі сайттарын бұғаттау үш есеге артты. Олардың саны 17 мыңнан асады.
Сонымен қатар күмәнді операцияларға қатысы бар 24 мың шот бұғатталды, оларда 2,4 млрд теңге жинақталған.
Есірткі профилактикасы ерекше назарда.
11 мыңнан астам есірткіге қарсы іс-шара өткізіліп, оған бір миллион жастар мен жасөспірімдер қатысты.
Есірткі қылмысына қарсы күрес қоғамдық қауіпсіздік пен болашақ ұрпақты қорғау мақсатында күшейтілген тәртіпте жалғасатын болады", - деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ресейден Қазақстанға 13 мың вейп тасымалдамақ болғандар құрықталды
ҚМА Ақтөбе облысы бойынша Департаменті Шекара қызметімен бірлесіп вейптерді заңсыз тасымалдау әрекетін тоқтатты, деп хабарлайды ҚР ҚМА баспасөз қызметінен.
Жайсан-автомобиль" шекаралық өткізу пунктінде Ресей Федерациясынан келе жатқан екі жүк көлігі ұсталды.
Тексеру барысында тыйым салынған өнімдердің ірі партиясы анықталды:
- 13 мың электрондық тұтыну жүйесі (вейп);
- 2 мың дана вейпке арналған сұйықтық;
- 14 мың дана шылымсыз темекі өнімдері.
Аталған факті бойынша екі азаматқа қатысты сот үкімі шығарылды. Олар 6 ай мерзімге бас бостандығынан айырылды.
Жалпы құны 26 млн теңге құрайтын вейптер тасымалданған көлік құралдары тәркіленді.
Сот үкімі заңды күшіне енген жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.