Астанада 280 жүк көлігінің жүргізушісі салмақ нормасын бұзған
Астанада 280 жүк көлігінің жүргізушісі салмақ нормасын бұзған, деп хабарлайды Көлік министрлігінің баспасөз қызметінен.
Елордада көліктік бақылау күшейтілді. Астанаға кіретін барлық жүк көліктері автоматты түрде өлшеуден өтеді.
Өткен айдан бастап елорданың негізгі кіреберістерінде жол сапасын қамтамасыз ету мақсатында ауыр жүк көліктерінің салмағын өлшейтін автоматтандырылған жүйелер іске қосылды. Осылайша, қыркүйектің ортасынан бүгінге дейін 280 жүк көлігінің жүргізушісі салмақ нормасын бұзған. Айыппұлдың жалпы сомасы 100 миллион теңгеден асты. Жүк тасымалдайтын компанияларға хаттама жіберілді.
Инертті жүкті тасымалдайтын әрбір үшінші самосвал жүргізушісі рұқсат етілген норманы сақтамай, нормадан тыс жүк тасымалдауда. Ауыр жүк көліктеріне тиелген жүк нормадан 2-3 есе асып түседі. Рұқсат етілген норма 25 тонна болса, іс жүзінде 40-60 тонна тасымалданады. Біз жүк көлігі жүргізушілерін және барлық тасымалдаушыларды рұқсат етілген салмақ нормаларын қатаң сақтауға шақырамыз. Негізгі міндет - жолдардың мерзімінен бұрын тозуын болдырмау", - деп атап өтті ҚР Көлік министрлігі Автомобиль көлігі және көліктік бақылау комитетінің қызметкерлері.
Осылайша, көлік құралдарының рұқсат етілген массасы төменде келтірілген нормадан (тоннамен) аспауы тиіс:
-үш осьті (М3 санатындағы буынды автобустарды қоспағанда) - 25 тонна;
- төрт осьті, оның ішінде екі басқарылатын осі бар - 32 тонна;
- бес осьті - 38 тонна;
- алты немесе одан да көп осьтері бар - 44 тонна.
Айыппұлдардың мөлшері оське шаққандағы салмақтың арту дәрежесіне байланысты және кәсіпкерлік түріне байланысты - шағын, орта немесе ірі - 40 АЕК-тен (147 мың 680 теңге) 1000 АЕК-ке (3 млн 692 мың теңге) дейін құрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы прокуратурасы өз-өзіне қол жұмсау контентінің қолжетімділігін шектеді
Бас Прокурордың тапсырмасын орындау мақсатында Алматы қаласының прокурорлары күйзелістік контенті бар Telegram-арнасын бұғаттау шараларын қабылдады, деп хабарлайды Алматы қаласының прокуратурасының баспасөз қызметінен.
Тексеру барысында 67 оқырман әкімшіліктен суицидке бағытталған рөлдік командалар алғаны анықталды.
2024 жылы 23 қыркүйекте сот, Алмалы ауданы прокурорының деструктивті чатқа тыйым салу туралы талабын қанағаттандырды. Сот шешімі дереу Мәдениет және ақпарат министрлігіне орындауға жолданды.
Алматы прокуратурасы ата-аналарға интернетті қолдануда жауаптылықпен қараудың маңыздылығын еске салады, күдікті контент анықталған жағдайда құқық қорғау органдарына жүгіну қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жетісу облысында атыс қаруын өткізу арнасы жойылды
А.ж. 20 қыркүйегінде ҰҚК Жетісу облысы бойынша департаменті облыстық прокуратура және полиция органдарының көмегімен жергілікті тұрғындар ұйымдастырған атыс қаруын өткізу арнасының жолын кесті, деп хабарлайды ҰҚК баспасөз қызметінен.
Қазақстанның 3 азаматы ұсталып, олардан 5 атыс қаруы және әр түрлі калибрдегі 128 патрон алынды.
2 бірлік қарудың 2022 жылғы "қаңтар" оқиғасы кезінде қару сататын дүкендерден ұрланғаны белгілі болды.
Қылмыстық кодекстің 287-бабы 4-бөлігі бойынша сотқа дейінгі тергеп-тексеру жүргізілуде. Ұсталған адамдардың өзге де қылмыстарға қатыстылығы анықталуда.
Қылмыстық-процестік кодекстің 201-бабына сәйкес өзге ақпарат жария етуге жатпайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шығын жарты миллиард теңгеге жуық: БҚО-да жосықсыз құрылыс салушылар бас бостандығынан айырылды
Орал қаласы прокуратурасы мемлекеттік айыптаушысының табанды ұстанымының нәтижесінде екі айыпталушының аса ірі көлемде алаяқтық әрекеттер жасағаны үшін кінәсі толығымен дәлелденді, деп хабарлайды Батыс Қазақстан облысының прокуратурасының баспасөз қызметінен.
Сотта айыпталушылар жәбірленушілермен азаматтық-құқықтық қарым-қатынастың бар екенін алға тартып, кінәсін мойындамады.
Алайда сот айыпталушыларды кінәлі деп тауып, 6 және 7 жылға бас бостандығынан айырды.
Осылайша, жалған құрылыс салушылар өз міндеттемелерін орындағысы келмей, азаматтардан ақша алу үшін алдамшы схемаларды қолданған.
Қылмыстық мақсатқа жету үшін олар әлеуметтік желілерде, сондай-ақ әртүрлі интернет-жарнама платформаларында таунхаустар салуды ұсынатын ақпаратты орналастырған.
Кәсіпкерлік қызметтің көрінісін жасай отырып, сотталушыларда жер телімдері жоқ бола тұра тұтынушылардан қаражат алып, кейіннен сенім білдірген азаматтарға құрылыс келісімшартының орындалуына сендірді.
Қаражатты алған құрылыс салушылар келісім-шартта белгіленген мерзімде тұрғын үй салуға уәде беріп, бірақ іс жүзінде ол ұзақ уақыт бойы орындалмай, жаңылыстыруды жалғастырды.
Алайда тұрғын үй құрылысы басталмай, 32 жәбірленушіге 490 888 000 теңге көлемінде шығын келтірілді, ол сот үкімімен жәбірленушілердің пайдасына толық көлемде өндірілді.
Ағымдағы жылы елімізде тұрғын үй сатып алу кезінде қолайлы жағдайларды уәде етіп, өз міндеттемелерін орындамай, азаматтарды жаңылыстыратын құрылыс салушылардың жосықсыз әрекеттерінің көбеюі байқалады.
Мұндай әрекеттер тұтынушылардың құқықтарын бұзып қана қоймай, экономикаға айтарлықтай зиян келтіреді.
Қазақстан Республикасы Қылмыстық кодексінің 190-бабына сәйкес, алаяқтық, соның ішінде жылжымайтын мүлік саласындағы алаяқтық қылмыстық құқық бұзушылық болып табылады.
Батыс Қазақстан облысының прокуратурасы азаматтарды мұқият болуға, құрылыс салушылардың беделін тиянақты тексеруге және кез келген күдікті әрекеттер туралы хабарлауға шақырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұлытау облысында бірнеше қылмыстық топ ұсталды
Ішкі істер министрлігі қала құраушы кәсіпорындардағы жедел жағдайды тұрақты түрде бақылауда ұстайды және олардың қызметіне кедергі келтіретін адамдардың заңсыз әрекетінің жолын кесу бойынша шаралар қабылдайды, - деп хабарлайды Polisia.kz.
Соңғы айда Ұлытау облысында осындай бірнеше топтарды ұстау жүзеге асырылды.
Ұйымдасқан қылмысқа қарсы күрес бөлінісінің қызметкерлері "Қазақмыс корпорациясы" ЖШС қауіпсіздік қызметімен бірлесіп, қымбат металл қорытпаларын ұрлауды жолға қойған қылмыстық топ әрекетінің жолын кесті. Топқа аталған кәсіпорынның қызметкерлері де кірген. Күдіктілер кәсіпорыннан 6,5 млн теңге өнімін ұрлау кезінде ұсталды. Қазіргі уақытта олардың басқа қылмыстарға қатысы бар-жоғы тексерілуде. Сондай-ақ полиция 2022 жылдың наурыз айында жергілікті кәсіпкерден 20 млн теңге бопсалаған тағы бір топ мүшелерін құырқтады. Жәбірленушіні жалдамалы пәтерге алдап алып келіп, физикалық күш қолданып, қару-жарақпен қорқыту арқылы ақша талап еткен. Сонымен қатар 2018 жылы орын алған жергілікті тұрғынды өлтіруге оқталу әрекеті әшкереленді. Жергілікті криминалитеттен құралған қылмыстық топ анықталды. Оған қатысушылар қазіргі уақытта басқа қылмыстар жасағаны үшін жазасын өтеп жатыр. Кісі өлтіруге оқталу әрекеті жасалған тапанша тәркіленді. Көрсетілген фактілер бойынша барлығы 17 адам ұсталып, ішкі істер органдарына жеткізілді. 20-дан астам тінту шаралары өткізілді, нәтижесінде 5 атыс қаруы, оқ-дәрілер, пышақтар және экстремистік сипаттағы діни әдебиеттер тәркіленді. Барлық факті бойынша сотқа дейінгі тергеу жүргізілуде. Өңірлерде қылмыстық топтардың қызметіне жол бермеу жұмыстары жалғасуда", - деді ІІМ ұйымдасқан қылмысқа қарсы күрес департаментінің басқарма бастығы Қуандық Алпыс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.