27.11.2023, 20:15 24106
Полиция жаңа туған сәбилерді сату фактілерін анықтады
Сурет: Polisia.kz
Достарға айту
Елімізде "STOP-трафик" кезекті республикалық жедел-профилактикалық іс-шарасы өткізілді, - деп хабарлайды Polisia.kz.
Операция барысында 39 қылмыс анықталды: ағза саудасының 1 фактісі; еңбекке тарту мақсатында заңсыз бас бостандығынан айырудың 3 фактісі; адам саудасының 7 фактісі; жезөкшелікпен айналысуға тартудың 4 фактісі; притон ұстау және жеңгетайлықтың 24 фактісі.
Алматы облысында ұйымдасқан қылмысқа қарсы күрес басқармасының қызметкерлері жаңа туған баланы сату фактісін анықтады. Облыстың 24 жастағы тұрғыны жүктіліктің жетінші айында әлеуметтік желіде баланы сату туралы хабарландыру жариялап, сатып алушыларды іздеумен айналысқан. Соңында ол балалары жоқ ерлі-зайыптыларды тауып, олармен келісім жасаған. Сатып алушы тарап әйелдің несиелік қарыздарын өтеп бермек болған. Бұл факт "Кәмелетке толмағандар саудасы" бабы бойынша тіркелді, сотқа дейінгі тергеу басталды. Күдікті қамауға алынды. Шымкентте жаңа туған нәрестені саудалаудың тағы бір фактісі тіркелді.
Ұйымдасқан қылмысқа қарсы күрес басқармасының қызметкерлері 23 жастағы жас әйелдің өз баласын сатпақ болып, сатып алушыларды іздеумен айналысқанын анықтады. Ол делдал арқылы басқа облыстың 45 жастағы тұрғынын тапқан. Факт Қылмыстық кодекстің 135-бабы бойынша тіркелді, сотқа дейінгі тергеу басталды. Бала сәбилер үйіне орналастырылды. Күдікті қамауға алынды", - деді ҚР ІІМ ұйымдасқан қылмысқа қарсы күрес департаментінің бастығы Қанат Нұрмағамбетов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
20.09.2024, 16:54 7181
Қазақстанға 6,5 млн қорап темекіні заңсыз әкелмек болғандар ұсталды
Достарға айту
ҚР ҚМА қызметкерлері көлік прокуратурасын үйлестірумен, ҰҚК Шекара қызметі және Маңғыстау облысының МКД қатысуымен Кедендік бақылау аймағынан тыс жасырын өтіп, Түрікменстан аумағынан әкелінген контрабандалық темекі партиясын ұстады, деп хабарлайды агенттіктің баспасөз қызметінен.
Ұсталған автокөліктің жүкқоймасында жолқұжаттарда көрсетілген тауарлардың орнына іс жүзінде темекі кораптары болған.
6,5 млн қорап темекінің кедендік құны 1,5 млрд теңгені, төленбеген кедендік төлемдер мен салықтар 1,8 млрд теңгені құрайды.
Қазіргі уақытта аталған дерек негізінде экономикалық контрабанда бойынша сотқа дейінгі тергеп-тексеру жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 13:01 7531
Астанада есірткі зертханасын ұйымдастырушылар сотталды
Достарға айту
Астанада есірткі зертханасын ұйымдастырушылар сотталды, деп хабарлайды Астана қаласының прокуратурасынан.
Елорда прокуратурасының үйлестіруімен уәкілетті орган есірткі зертханасын анықтады.
Сотқа дейінгі тергеп-тексеру нәтижелері бойынша үш адам сотқа берілді.
Сот тергеуі барысында сотталушының темір контейнерді жалға алғаны анықталды. Осыдан кейін ол қала сыртында құны 2 млн теңге жер телімін сатып алып, аталған контейнерді психотроптық заттарды шығаратын зертхана ретінде жабдықтап, орналастырған.
Кінәлі тұлға қылмыстық әрекетке екі сыбайласын тартқан.
Тергеу барысында астыртын зертханадан алынған 24 кг астам психотроптық заттар жойылды.
Нәтижесінде сот елорданың үш тұрғынын аса ірі көлемде психотроптық заттардың аналогын сату мақсатында заңсыз дайындағаны және сақтағаны үшін кінәлі деп танып, 10 жылдан 11 жыл 3 айға дейінгі мерзімге бас бостандығынан айыру жазасына сотталды.
Үкім заңды күшіне енді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 12:28 7736
Алматы полициясы қаланың кәріз жүйесіне қалдықтарды төгудің 200-ден астам дерегін тоқтатты
Достарға айту
Алматы полициясы қаланың кәріз жүйесіне қалдықтарды төгудің 200-ден астам дерегін тоқтатты, - деп хабарлайды Polisia.kz.
Жергілікті полиция қызметі 2024 жылдың сегіз айының қорытындысы бойынша осындай мәліметтерді ұсынады.
ҚР ӘҚбК-нің 505-бабы (Қаланы абаттандыру қағидаларын бұзу) талаптарына сәйкес, бұл әрекеттер әкімшілік жауапкершілікке және 20 АЕК мөлшерінде айыппұл салуға әкеп соғады.
Естеріңізге саламыз, қалдықтарды ассенизатор көліктері арнайы рұқсат етілген орынға ағызуы керек. Алайда тәжірибе көрсеткендей, қаладағы кәріз бен су айдындарына қалдық суларды төгетін бейқам азаматтар бар. Ал бұл кәріз желілерінің үздіксіз жұмыс істеуі мен қоршаған орта үшін орасан зор шығын, бұл біздің болашақ ұрпағымызға өте зиян", - дейді Алматы қалалық ПД жергілікті полиция қызметі басқармасының бастығы Серік Шумаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 14:29 11366
Павлодарда колледж студенті оқытушыға пышақпен шабуыл жасады
Достарға айту
Павлодар облысының Білім беру басқармасы ағымдағы жылдың 18 қыркүйегінде Павлодар колледжінің 2007 жылғы студенті Павлов көшесіндегі үйдің ауласында педагогті жарақаттағаны туралы хабарлайды.
Колледж әкімшілігі бекітілген алгоритмге сәйкес шараларды ұйымдастырды.
Педагогке медициналық көмек көрсетілді, қазіргі уақытта жағдайы тұрақты.
Болған оқиға бойынша тергеу жұмыстары басталды. Жағдайды анықтау үшін студент полиция қызметкерлерімен қамауға алынды.
Білім басқармасы білім беру ұйымдарының басшыларымен қауіпсіздікті қамтамасыз ету мәселелері бойынша кезектен тыс кеңес өткізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 13:32 11681
Ұлттық Банк телефон алаяқтығының жаңа схемалары туралы ескерту жасады
Достарға айту
Қазақстан Ұлттық Банкі алаяқтық әрекетке тән жаңа схемалар пайда болғанын ескертеді.
Қаскөйлер өзін коммуналдық қызметтің немесе ұялы байланыс операторының қызметкері ретінде таныстырады. Азаматтарға қоңырау шалып, мобильді телефондағы SIM-картаның қолдану мерзімі немесе коммуналдық есептеуіш құралдың пайдалану мерзімі аяқталғанын хабарлайды. Телефонмен әңгіме кезінде азаматтарға олардың қызметін ұзартуға немесе электрондық кезекке тұруға болатынын айтады.
Әрі қарай алаяқтар ұялы телефонға келген хабарламаны өзіне жіберуді, қауіпті сілтемеге өтіп қосымшаны жүктеуді немесе мессенджердегі жаңа функцияларды іске қосуды, я болмаса дербес деректерін хабарлауды сұрайды. Кейін телефонға қосылып алған соң қаскөйлер азаматтың қаражатын ұрлап, SIM-картаның виртуалды көшірмесін қосып алады.
Шоттағы ақшаларды қолды қылғаннан кейін алаяқтар алданған азаматтармен қайта байланысып, өздерін Ұлттық Банктің қызметкері ретінде таныстырады. Сөйтіп екінші деңгейлі банктердің мобильді қосымшаларын орнатып, ақшалай немесе тауарлай кредиттер ресімдейді. Қаскөйлер өз ісінің заңдылығын растау үшін Ұлттық Банк қызметкерінің қолдан жасалған қызметтік куәлігін, Ұлттық Банктің жалған құжаттарын, ақша құралдарын сақтандыру немесе банктік аударымдар жасау үшін хаттар мен реквизиттер ұсынады.
Қазақстан Ұлттық Банкі азаматтарды қырағы болуға және күдік туғызған қоңырауларға сенбеуге, күмәнді сілтемелерге өтпеуге, сондай-ақ бейтаныс адамдардың нұсқауымен HopToDesk, RustDesk, RUDesktop, AnyDesk, TeamViewer сияқты қашықтан басқаратын басқа да қосымшаларды орнатпауға шақырады.
Үшінші тұлғалар тарапынан орындалатын алаяқтық әрекеттерге ұрынып қалмас үшін Ұлттық Банк мемлекеттік органдар мен Ұлттық Банктің қызметкері болып қоңырау шалған адамдармен арадағы байланысты үзуге кеңес береді.
Ұлттық Банктің қызметкерлері аудио және бейнеқоңырау жасамайтынын, жеке тұлғалардың шотына қызмет көрсетпейтінін, ақша құралдарын сақтандырумен айналыспайтынын, сондай-ақ халықпен ақшалай есеп айырыспайтынын қосымша хабарлаймыз.
Егер алаяқтық іс-әрекетке тап болсаңыз, тиісті арызбен Қазақстан Республикасының құқық қорғау органдарына жүгінуге кеңес береміз.
Консультация алу үшін Ұлттық Банктің 1477 қысқа нөмірлі байланыс орталығына хабарласуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 13:26 11861
Бопсалаумен айналысқан 20-дан астам жастар тобын ұсталды
Достарға айту
Қазақстандық полицейлер бопсалаумен айналысқан 20-дан астам жастар тобын ұстады, - деп хабарлайды Polisia.kz.
Ішкі істер министрлігі жастар арасындағы бопсалау фактілерін анықтап, олардың алдын алуды ерекше бақылауда ұстайды. Осы жылы полиция қызметкерлері бопсалаудың 400-ден астам дерегін тіркеді, оның 39-ы мектептер мен колледждерде жасалған.
Оқу орындарында 60 мыңға жуық профилактикалық іс-шара өткізілді, онда бопсалау, буллинг және зорлық-зомбылық көрсетумен байланысты мәселелер талқыланды. Мектептер мен колледждерде анонимді сауалнамалар жүргізіліп, оқушылар арасында бопсалаудың 50-ден астам ықтимал фактісі анықталды. Барлық жағдай тексерілетін болады. Мұндай фактілерді уақытылы анықтап, жолын кесу жасөспірімдер қылмысының алдын алуға ықпал етеді. Жыл басынан бері бопсалаумен айналысатын 23 жастар тобының әрекетіне тосқауыл қойылды.
Мәселен, қыркүйек айында Ақтөбе қаласында ұйымдасқан қылмысқа қарсы күрес басқармасының қызметкерлері колледждің кәмелетке толмаған студентін ұстады. Ол 15 жастағы жасөспірімнен 50 мың теңге көлемінде ақша бопсалаған. Күдікті құрықталып, сотқа дейінгі тергеу басталды. Жамбыл облысында жасөспірім жеке деректерді таратамын деп қорқыту арқылы өз қатарластарынан ақша бопсалаған.
Осындай 8 факт тіркеліп, қылмыстық іс сотқа жіберілді. Петропавл қаласында полиция қызметкерлері жастар тобының мүшелерін ұстады. Олар зорлық-зомбылық пен қорқыту арқылы жәбірленушілерді қарыз рәсімдеуге мәжбүрлеп, кейіннен оны қолма-қол ақшаға айналдырып отырған.
Күдіктілер қамауға алынды.
Естеріңізге сала кетейік, қылмыстың бұл түрі үшін 14 жастан бастап қылмыстық жауапкершілік қарастырылған. Кәмелетке толмағандар арасындағы қылмыстың алдын алу мәселесі үнемі бақылауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.09.2024, 12:12 14096
Астанада бес адам қайтыс болған жатақханадағы өртке қатысты сот үкімі шықты
Достарға айту
Астанада бес адам қайтыс болған жатақханадағы өртке қатысты сот үкімі шықты, деп хабарлайды ҚР Төтенше жағдайлар министрлігінің баспасөз қызметінен.
Астана қаласында барак типіндегі екі қабатты жатақхананың бірінші қабатында өрт болып, салдарынан 3 кәмелетке толмаған бала мен 2 ересек адам қайтыс болды. Жүргізілген сараптама нәтижелері бойынша жәбірленушілердің өлімі көміртегі тотығымен уланудан болғандығы анықталды.
ҚР ТЖМ Анықтау басқармасының ведомстволық бақылауымен Астана қаласы ТЖД анықтаушылары тергеу жүргізді.
Анықталған мәліметтерге сәйкес жатақханадағы бөлмелер жалдау шарттары мен басқа құжаттарды жасамастан жалға берілген. Жатақхана иесі өрт қауіпсіздігі талаптарын сақтауды елемеген.
Осы қылмысты тергеуді жүзеге асырған анықтаушылар дәлелдемелік базаны бекіту және кейіннен материалды сотқа жіберу үшін тергеу әрекеттерінің толық кешенін жүргізді.
Астана қаласы қылмыстық істер жөніндегі мамандандырылған ауданаралық сотының қылмыстық істі қарау нәтижесінде сотталушы Қазақстан Республикасы Қылмыстық кодексінің 292-бабының 3-бөлігімен көзделген қылмыс жасағаны үшін кінәлі деп танылып 5 жылға бас бостандығынан айыру, коммерциялық және басқа да мекемелерде өрт қауіпсізді талаптарын сақтау бойынша басқару функцияларын атқаруға 3 жылға тыйым салу жазасы тағайындалды.
Үкім заңды күшіне енді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
17.09.2024, 14:10 17631
Маңғыстауда Ұлттық спорт түрлері орталығының бас бухгалтері 117 млн теңге жымқырғаны үшін жеті жылға сотталды
Достарға айту
Маңғыстауда Ұлттық спорт түрлері орталығының бас бухгалтері 117 млн теңге жымқырғаны үшін жеті жылға сотталды, деп хабарлайды Маңғыстау облысының прокуратурасының баспасөз қызметінен.
Маңғыстау облысының прокуратурасы бюджет қаражатының жұмсалуының заңдылығын тексеру барысында спорт мекемесінде жымқыру фактісін анықтады.
Ұлттық спорт түрлері орталығының бас есепшісі 2018-2023 жылдар аралығында 117 млн теңге көлеміндегі бюджет қаражатын заңсыз иемденгені анықталды.
Аталған факт облыс прокуратурасымен тергеліп, нәтижесімен қылмыстық іс ҚК-тің 371-бабының 2-бөлігі (салғырттық) және 189-бабы 4-бөлігімен (жымқыру) сотқа жолданды.
Сот үкімімен мекеме басшысы өз мiндеттерiн тиісінше орындамау фактісі бойынша кінәлі деп танылып "ҚР Тәуелсіздігінің отыз жылдығына байланысты рақымшылық жасау туралы" заңға сәйкес қылмыстық жазадан босатылған, бас есепші бюджет қаражатын жымқырғаны үшін 7 жылға бас ботандығынан айырылды.
Сот үкімі заңды күшіне енді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
19.09.2024, 14:27Қазақстан Республикасы Жоғары Сот Кеңесінің Төрағасы лауазымынан босатылды 19.09.2024, 14:44 54761Елімізде жыл басынан бері 60-қа жуық есірткі зертханасы жойылды19.09.2024, 14:47 54546Атырау облысындағы жолдарды қалпына келтіруге үкімет резервінен шамамен 5,9 млрд теңге бөлінді16.09.2024, 15:50 49476Үкіметте азық-түлік қауіпсіздігі мәселелері қаралды16.09.2024, 15:30 49231Қызылорда облысында 90 млн теңгеге негізсіз берілген субсидиялар мемлекетке қайтарылды
28.08.2024, 18:38 117521Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11634139 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 112131Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 107891Алматыда бейбіт жиындар мен шерулер өткізу орындары өзгерді29.08.2024, 16:57 107761Алматыда қала арқылы өтетін негізгі өзендерде көшкін қаупінің картасы әзірленеді