Прокурорлар 7 мың қорап пиротехникалы бұйымдарды тәркіледі

06.05.2025, 10:36 4306

ҰҚК терроризмді насихаттады және діни алауыздық тудырды деген күдіктілерді ұстады

2025 жылғы сәуірде ҰҚК прокуратура органдарының үйлестіруімен Астана қаласы, Абай, Ақтөбе және Түркістан облыстарындағы діни радикалдардың әрекетінің жолын кесті, деп хабарлайды ҰҚК-нің баспасөз қызметінен.

Терроризмді насихаттап, діни алауыздықты қоздырды, оның ішінде әлеуметтік желілер арқылы деген күдікпен 4 қазақстандық ұсталды, олардың біреуі бұрын соттылы болған.

Тұрғын үйлерін тінту барысында заттай дәлелдемелер алынды.

Қылмыстық кодекстің 174 және 256-баптары бойынша сотқа дейінгі тергеп-тексерулер жүргізілуде.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.

Бұдан бөлек, ҰҚК бұрын тергеген қылмыстық істер бойынша сот Ақтөбе, Қарағанды және Түркістан облыстарының 3 тұрғынына қатысты айыптау үкімдерін шығарды.

Сотталғандар әлеуметтік желіде және айналасында терроризм мен діни экстремизм идеологиясын таратқан.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

05.05.2025, 11:23 17261

Жетісу облысында ауыл шаруашылығы техникасын басқаруға заңсыз куәлік беру фактілері анықталды

Жетісу облысында ауыл шаруашылығы техникасын басқаруға заңсыз куәлік беру фактілері анықталды, деп хабарлайды ҚР Бас прокуратурасының баспасөз қызметінен.

Заң және Тәртіп" қағидатын іске асыру аясында жол қозғалысы қауіпсіздігі саласындағы бұзушылықтарды анықтау және жолын кесу жұмыстары жүргізілуде.

Ақсу ауданының прокуратурасы көлік құралдарын басқару құқығын заңсыз беруден туындаған бұзушылықтарды анықтады.

Ақсу аудандық ауыл шаруашылығы бөлімінің лауазымды тұлғасы Қазақстан Республикасының "Жол қозғалысы туралы" Заңының талаптарын бұза отырып, бұрын сот шешімімен көлік құралдарын басқару құқығынан айырылған 3 тұлғаға тракторшы-машинист куәлігін заңсыз берген.

Қадағалау актісін қарау нәтижелері бойынша барлық 3 куәлік тәркіленіп, күші жойылды, мемлекеттік қызметке кір келтіретін теріс қылық жасағаны үшін кінәлі тұлғаға қызметке толық сәйкес еместігі туралы жарияланды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

05.05.2025, 10:23 17846

Алматы облысының прокуратурасы айыппұл тұрағында тәркіленген мүлікті тонау фактісін анықтады

Алматы облысы прокуратурасымен жүргізілген тексеру нәтижесінде айып тұрағындағы тәркіленуде тұрған мүліктерді тонау фактісі анықталды, деп хабарлайды Алматы облысының прокуратурасының баспасөз қызметінен.

Атап айтқанда жалпы құны 100 млн теңгеден астам тұратын "Volvo FH" маркалы жүк көлігі әкімшілік іс бойынша тәркіленіп, мемлекет кірісіне өндірілуі керек болған. Алайда сақтауда тұрған кезде аталған жүк көлігі бөлшектеліп, ұрланған.

Сонымен қатар, тәркіленуге жататын басқа да мүлікті жасыру фактісі ашылды. Қылмыстық іс аясында құны 8 млн теңге болатын "Mercedes E350" маркалы көлік күдіктінің әкесіне сақтауға берілген. Кейіннен сот бұл көлікті мемлекет пайдасына өндіру туралы шешім шығарған.

Бірақ соттың шешіміне қарамастан, күдіктінің әкесі сақтау міндетін орындаудан бас тартып, көлікті жасырып қойған.

Анықталған бұзушылықтар туралы сотқа дейінгі тергеу органдарына түпкілікті шешім қабылдау үшін құжаттар жолданды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.05.2025, 18:20 44186

Атырауда синтетикалық есірткі таратпақ болған жасөспірім ұсталды Ақпарат көзі Polisia.kz сайтында: https://polisia.kz/atyrauda-sintetikalyq-esirtki-taratpaq-bolghan-zhasospirim-ustaldy/

https://polisia.kz/atyrauda-sintetikalyq-esirtki-taratpaq-bolghan-zhasospirim-ustaldy/

Атырауда синтетикалық есірткі таратпақ болған жасөспірім ұсталды, - деп хабарлайды Polisia.kz.

Атырау қаласында есірткі қылмысына қарсы іс-қимыл бағытында жүргізілген жедел іс-шаралар барысында полицейлер 17 жастағы Қызылорда облысының тұрғынын қолға түсірді.

Кәмелетке толмаған жасөспірім қаланың көшелерінің бірінде синтетикалық есірткі заттарын таратып жүрген жерінен ұсталған.

Жеке тінту кезінде тәртіп сақшылары оның жанынан қара түсті изолентаға оралған, әрқайсысы 1 грамм салмаққа жуық 25 бума тауып, тәркіледі.

Сараптама нәтижесінде алынған заттың жалпы салмағы 24,7 граммды құрайтын "Альфа-PVP" синтетикалық есірткі заты екені анықталды.

Қазіргі таңда күдікті соттың қаулысымен тергеу изоляторына қамауға алынды. Аталған факті бойынша ҚР Қылмыстық кодексінің 297-бабы 3-бөлігі 3-тармағына сәйкес (Аса ірі көлемде есірткі заттарын өткізу мақсатында сақтау және тарату) сотқа дейінгі тергеп-тексеру амалдары жүргізіліп жатыр.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.05.2025, 18:15 44561

Сәуір айының басынан бері Алматыда мопед жүргізушілері 2600-ден астам жол ережесін бұзған

Сәуір айының басынан бері Алматыда мопед жүргізушілері 2600-ден астам жол ережесін бұзған, деп хабарлайды қалалық полиция департаментнің баспасөз қызметінен.

Мопедтерді пайдалануға қойылатын жаңа талаптар күшіне енгеннен бері (осы жылдың 5 сәуірінен бастап) Алматыда мопед жүргізушілері жасаған 2 мың 600-ден астам жол қозғалысы Ережесін бұзу дерегі тіркелген.

800-ден астам мотокөлік мамандандырылған айыппұл тұрағына қойылды.

Құқық бұзушылықтарды анықтау шаралары Ішкі істер министрі жариялаған Алдын алу жылында жүзеге асырылған "Қауіпсіз жол" жедел-профилактикалық іс-шарасы аясында жүргізілуде.

Жергілікті полиция қызметінің күшейтілген патрульдік полиция жасақтары қала көшелерінде тіркеусіз, сақтандырусыз және жүргізуші куәлігінсіз мопед жүргізу деректерін күн сайын тіркеуде.

Мопедтерді пайдалануға қойылатын жаңа талаптар күшіне енген сәттен бастап біз оң динамикаға куә болдық: құжаттарын рәсімдеп, тіркеп жатқан азаматтар көбейіп келеді. Дегенмен, Заңды елемейтіндер әлі де бар. Азаматтарды мотокөліктерін дер кезінде заңдастыруға шақырамыз. Бұл тек заң талабы ғана емес, сонымен қатар жеке қауіпсіздік мәселесі. Тіркеу жалғасуда және әркім өз мопедін қолданыстағы ережелерге сәйкес келтіруге мүмкіндігі бар", - деді, Алматы қалалық ПД Жергілікті полиция қызметі Басқармасының бастығы Серік Шумаев.

Мемлекет Басшысы бекіткен "Заң және тәртіп" қағидаты аясында Алматы полициясы жол қозғалысына қатысушылар арасында тәртіпті жақсартуға және автокөліктердің қатысуымен болатын жазатайым оқиғаларды азайтуға бағытталған мақсатты профилактикалық іс-шараларды жалғастырады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.05.2025, 15:09 44911

Ақтөбе облысында жер қойнауын пайдаланушылар жер заңнамасын өрескел бұзды

Ақтөбе облысының Мұғалжар ауданында жер қойнауын пайдаланушылар тарапынан жер заңнамасының өрескел бұзылуы анықталды, деп хабарлайды Қазақстан Республикасы Ауыл шаруашылығы министрлігінің баспасөз қызметінен.

ҚР АШМ Жер ресурстарын басқару комитетінің Ақтөбе облысы бойынша жер ресурстарын басқару департаменті жүргізген жоспардан тыс тексеру барысында, жауапкершілігі шектеулі серіктестіктің лицензиясы мен жер учаскесіне қатысты құжаттарсыз жер қазу жұмыстарын жүргізгені белгілі болды.

Кен орнында шамамен 10 гектар аумақта, тереңдігі 5 метрге дейін жететін көлемді жұмыстар жүргізілген. Бұл ретте топырақ жамылғысын сақтау талаптары сақталмаған. Құнарлы топырақ қабаты алынбай, құрылыс құмымен араласып кеткен, бұл оның жойылуына әкеп соқтырған. Мамандар мұндай жерлерді қалпына келтіру көп уақыт пен шығынды қажет ететінін атап өтті.

Сонымен қатар, кен орнына апаратын жол заңсыз түрде шамамен 1 гектар ауыл шаруашылығы мақсатындағы жер арқылы төселгені анықталды. Бұл да жерді нысаналы мақсатта пайдалануға қойылатын талаптардың бұзылуы болып табылады.

Барлық заңбұзушылықтар фото және видео материалдармен расталып, тексеру актісіне тіркелді.

Тексеру нәтижелері бойынша ЖШС-нің әрекеті жерді бүлдіру ретінде сараланып, заңды тұлғаға 700 АЕК көлемінде айыппұл салынды. Сондай-ақ үш ай мерзім ішінде заң бұзушылықтарды жою туралы міндетті нұсқама берілді.

Нұсқаманың орындалуы уәкілетті органның бақылауында.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

02.05.2025, 09:48 50831

Шымкентте жүргізуші куәлігін заңсыз берудің схемасы анықталды

Қаржылық мониторинг агенттігінің Шымкент қаласы бойынша департаменті прокуратураның үйлестіруімен жүргізуші куәліктерін жүйелі түрде заңсыз берумен айналысқан ұйымдасқан қылмыстық топтың әрекетін тоқтатты, деп хабарлайды ҚР ҚМА баспасөз қызметінен.

Тергеу барысында 2023-2024 жылдар аралығында "Азаматтарға арналған үкімет" мемлекеттік корпорациясының №2 мамандандырылған халыққа қызмет көрсету орталығының басшылығы Ж.Р. Мурашимов пен бірге бірқатар лауазымды тұлғалар жүргізуші куәліктерін алу рәсімін теориялық және практикалық емтихандардан өтпей заңсыз алу схемасын ұйымдастырғаны анықталды.

Аталған "қызмет" үшін азаматтардан 150 мыңнан 400 мың теңгеге дейін ақша алынған.

Нәтижесінде 500-ден астам адам заңсыз жолмен жүргізуші куәлігін алған.

Қазіргі таңда тергеу аясында 200 млн теңгеден астам сомаға бағаланған күдіктілердің мүлкіне - 2 жеке үй, 2 пәтер, 2 жер телімі және 10 автокөлікке тәркілеу мақсатында тыйым салынды.

Соттың санкциясымен 12 күдіктіге қатысты қамауға алу түріндегі бұлтартпау шарасы қолданылды.

Қылмыстық іс бойынша сотқа дейінгі тергеу жалғасуда.

ҚР Қылмыстық-процестік кодексінің 201-бабына сәйкес өзге ақпарат жариялауға жатпайды.

Айта кету керек, жүргізуші куәліктерін белгіленген тәртіпті айналып өтіп алу - қоғамдық қауіпсіздікке тікелей қатер төндіреді.

Бұл Шымкент қаласында соңғы жылдары жиілеген жол-көлік оқиғаларынан да байқалады. 2022 жылы мұндай оқиғалар саны 398 болса, 2024 жылы 878-ге дейін жеткен.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.04.2025, 18:13 68991

Қазақстанда жыл басынан бері 66 млн алаяқтық қоңырау тоқтатылды

2025 жылғы наурыздан бастап жеке үй-жайларда есірткіні медициналық мақсаттан тыс пайдаланғаны үшін жауапкершілікті енгізетін әкімшілік құқық бұзушылық туралы кодекске түзетулер күшіне енді. Мұндай бұзушылық үшін айыппұлдар 40-тан 80 АЕК-ке дейін, ал қайталап бұзған жағдайда 20 тәулікке дейін қамауға алуды қарастырады, деп хабарлайды Үкіметтің баспасөз қызметінен.

ІІМ деректері бойынша жыл басынан бері заңсыз айналымнан 3 тоннадан астам есірткі, оның ішінде 251 кг синтетика тәркіленді. Бұдан басқа, 69 нарколаборатория, оның ішінде 5 синтетикалық есірткі өндірісі жойылды. Есірткі бизнесінің қаржылық ағынына қарсы күресте шамамен 850 млн теңгеге 8 мыңға жуық шот бұғатталды.

Қазақстанда цифрлық саладағы құқық бұзушылықтарға қарсы күрес аясында Киберқылмысқа қарсы іс-қимыл департаменті жұмысын бастады. Негізгі жетістіктердің бірі 66 млн алаяқтық қоңыраулардың алдын алу болды - бұл 2024 жылмен салыстырғанда 25%-ға артық, 14 мың заңсыз сайт анықталып, бұғатталды. Киберқылмыстың ашылуы 2024 жылғы 28,4%-дан 38,9%-ға дейін артты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Прокурорлар 7 мың қорап пиротехникалы бұйымдарды тәркіледі

тақырып бойынша жаңалықтар

Ең көп оқылғаны

Өзекті

Кеден қызметтері бойынша мәселелерге жедел әрекет ету үшін "қызыл түйме" жүйесі енгізілді