Қызылордада адамды ұрлап әкеткен ҰҚТ мүшелеріне қатысты үкім шығарылды

05.06.2025, 09:33 2551

Шетелге стратегиялық маңызды шикізатты заңсыз әкету әрекеттері тоқтатылды

Шетелге стратегиялық маңызды шикізатты заңсыз әкету әрекеттері тоқтатылды. Бұл туралы ҚР ІІМ ұйымдасқан қылмысқа қарсы күрес департаментінің өкілі Қуандық Алпыс мәлімдеді, - деп хабарлайды Polisia.kz.

Экономикалық қауіпсіздікті қамтамасыз етуге бағытталған мемлекеттік саясатты іске асыру аясында Ішкі істер министрлігі қара және түсті металл сынықтарын ел аумағынан заңсыз шығару арналарының жолын кесу бойынша жүйелі жұмыстарды жалғастыруда.

Осылайша, Жетісу облысында полиция департаментінің жедел қызметкерлері экономикалық тергеу департаменті және кеден қызметімен бірлесіп, стратегиялық маңызды шикізат - қорғасынның ірі партиясын заңсыз әкетуге жол бермеді. 60 тоннадан астам қорғасын тиелген екі жүк көлігі тоқтатылды, оның нарықтық құны 60 миллион теңгеден асады. Жүк заңсыз экспортқа жіберілмек болған.

Қылмыстық схеманы ұйымдастырған барлық тұлғаны анықтап, ұстау бойынша жедел іс-шаралар жүргізілуде.

Бұған дейін осындай фактілер еліміздің басқа өңірлерінде де анықталған болатын:

Солтүстік Қазақстан облысында "жоғары легирленген болат" түрінде қара металл сынықтарын шетелге шығарып жіберуге тырысқан ЖШС-нің заңсыз әрекеті тоқтатылды. Шамамен 1 мың тонна металл сынығы, соның ішінде көршілес мемлекетке жөнелтуге дайын 7 вагон табылды.

Маңғыстау облысында Каспий маңы елдерінің біріне металл сынығын теңіз арқылы жөнелту арнасы анықталды. ЖШС аумағынан 400 тоннадан астам қара металл сынығы табылып, оның ішінде екі контейнер экспортқа дайындалып қойылған. Аталған барлық фактілер бойынша кінәлі тұлғалар заңнамаға сәйкес жауапкершілікке тартылды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.06.2025, 18:13 10461

Қазақстаннан Германия мен Нидерландыға металл сынықтары заңсыз тасымалдаған топ құрықталды

Көлік прокуратурасы органдары Нидерланды мен Германияға қара және түсті металл сынықтарын заңсыз экспорттау фактілерін анықтады, деп хабарлайды мекеменің баспасөз қызметінен.

Анықталғандай, Астана қаласындағы Кедендік ресімдеу орталығында (КРО) пайдаланылған құбырларды экспорттауға арналған кедендік декларациялар ТН СЭҚ кодын бұрмалау арқылы ресімделген. Бұл факт кеден сарапшыларының қорытындысымен расталды. Қазақстан Республикасы Индустрия және құрылыс министрінің 2023 жылғы 18 қазандағы №34 бұйрығына сәйкес, мұндай бұйымдарды экспорттауға тыйым салынған.

Құқық бұзушылыққа жол берген екі заңды тұлғаға қатысты прокурорлық ден қою шаралары қабылданды. Олар Қазақстан Республикасының Әкімшілік құқық бұзушылық туралы кодексінің 545-бабы бойынша әкімшілік жауапкершілікке тартылды.

Бірінші сатыдағы сот оларды кінәлі деп танып, 20 айлық есептік көрсеткіш (АЕК) мөлшерінде айыппұл салды.

Сот актілері заңды күшіне енген жоқ.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.06.2025, 14:18 15211

Қостанайда 16 жастағы есірткі тасымалдаушы бас бостандығынан айырылды

Қостанайда кәмелетке толмаған есірткі курьері бас бостандығынан айырылды, - деп хабарлайды Polisia.kz.

Өткен жылдың күзінде 25 синтетикалық есірткі дозасын алып жүрген жерінен ұсталған 16 жастағы колледж студентіне қатысты айыптау үкімі шығарылды.

Жасөспірім есірткі қылмыстық желісінің қызметіне қатысып, "таратушы" деп аталатын рөл атқарған. Сот оны кінәлі деп танып, 6 жыл 8 ай мерзімге бас бостандығынан айыру жазасын тағайындады.

Үкім заңды күшіне енді.

Қостанай облысы полиция департаментінің мәліметінше, жастар арасындағы есірткі қаупімен күрес - құқық қорғау органдары жұмысының басты бағыттарының бірі. Бұл бағыттағы жұмыс педагогтармен, медицина қызметкерлерімен, еріктілермен және белсенді азаматтармен тығыз байланыста жүргізіледі.

Жасөспірімдердің есірткі саудасына тартылуын алдын алу және оны ерте анықтау мәселесіне ерекше назар аударылады. Осы жылдың басынан бері өңір аумағында 400-ден астам есірткіге қарсы іс-шара ұйымдастырылып, оларға 5 мыңнан астам жасөспірім қатысқан.

Полицияның жүйелі жұмысының нәтижесінде шамамен 2,5 келі синтетикалық есірткі - бұл 5 мың бір реттік доза - заңсыз айналымға түспей, тәркіленді.

Полиция ата-аналарды, мұғалімдерді және барлық бейжай қарамайтын азаматты жасөспірімдердің мінез-құлқына мұқият болуға, күдік туындаған жағдайда көмек сұрауға шақырады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.06.2025, 14:02 16131

Мүлікті сату кезінде салық төлемеу фактісі бойынша Маңғыстау облысында қылмыстық іс қозғалды

Мүлікті сату кезінде салық төлемеу фактісі бойынша Маңғыстау облысында қылмыстық іс қозғалды, деп хабарлайды Маңғыстау облысының прокуратурасының баспасөз қызметінен.

Маңғыстау облысының прокуратурасымен салық заңнамасының сақталуына талдау жүргізілді. Мүліктік табыстан 218 миллион теңге көлемінде салық төлеуден жалтару фактісі анықталды.

Салық кодекстің 330-бабына сәйкес, жеке тұлғаның салық салынатын мүліктік кірісіне Қазақстан Республикасындағы мүлікті өткізу кезінде құн өсімінен түсетін кіріс жатады.

Алайда заң талаптары мен салық органы жолдаған хабарламаларға қарамастан, салық төлеуші салықтық тексеру нәтижесінде есептелген соманы төлеу жөніндегі міндеттемесін орындамаған.

Аталған факті бойынша облыс прокуратурасымен Қылмыстық кодекстің 244-бабы бойынша қылмыстық іс қозғалып, тергелуде.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.06.2025, 13:23 16666

Алматыда жаңа туған сәбиді сату әрекеті тоқтатылды

Алматы қаласы бойынша ҰҚКД және қалалық ПД ұйымдасқан қылмысқа қарсы күрес басқармасы қызметкерлері жаңа туған сәбилерді сатумен айналысқан қылмыстық топтың әрекетін әшкереледі, - деп хабарлайды Polisia.kz.

Бар деректерге сәйкес, бұл қылмыстық тізбек соңғы бірнеше жыл бойы әлеуметтік желілер арқылы ұйымдастырылып келген.

Қаскөйлердің негізгі мақсаты - әлеуметтік жағынан осал топтағы әйелдерден, соның ішінде шетел азаматтарынан туған сәбилерді сатып алуға ниетті адамдарға заңсыз жолмен беруді ұйымдастыру болған.

Жедел іс-шаралар барысында жаңа туған ұл баланы қомақты ақшаға сату әрекеті құжатталған.

Ақша беру кезінде күдіктілер қылмыс үстінде ұсталды.

Сәби мемлекет қамқорлығына беріліп, тиісті мекемеге орналастырылды.

Аталған дерек бойынша қылмыстық іс қозғалды. Күдіктілер қамауға алынды. Тергеу амалдары жүргізілуде, сондай-ақ елдің басқа өңірлерінде осыған ұқсас эпизодтардың болуы мүмкіндігі тексерілуде.

Бұл - бір реттік әрекет емес. Мұнда тұрақты, тіпті өңіраралық байланыстары бар тізбектің бар болуы мүмкін екенін жоққа шығармаймыз. Барлық қатысы бар адамды анықтау жұмыстары жалғасуда. Балаларға, әсіресе жаңа туған сәбилерге қатысты заңсыз әрекеттер - бұл ерекше қатыгез және ауыр қылмыс. Мұндай әрбір дерек заң аясында әділ бағасын алады", - деді Алматы қалалық полиция департаменті бастығының бірінші орынбасары Куатбек Науатов.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.06.2025, 10:38 16436

Қазақстанның бірқатар өңірлерінде бизнесті басып алумен айналысқан ҚҰТ мүшелері ұсталды

Алматы қаласында Ұйымдасқан қылмысқа қарсы күрес басқармасы және Ұлттық қауіпсіздік комитеті департаментінің қызметкерлері прокуратураның үйлестіруімен жүргізілген жедел-іздестіру іс-шаралары барысында қылмыстық топқа қатысы бар жеке күзет мекемесінің заңсыз әрекетін әшкерелеп, жолын кесті, - деп хабарлайды Polisia.kz.

"Тергеу барысында қылмыстық элементтердің шағын және орта бизнес нысандарын толық бақылауға алу мақсатында ойын-сауық орындарының басшылары мен қызметкерлеріне физикалық және моральдық қысым көрсетіп, заңсыз әрекеттер жасағаны анықталды. Кейіннен олар кәсіпкерлік нысандарын күшпен басып алып, сол жерлерде "қауіпсіздік" қызметін жүзеге асырған. Қылмыстық топ мүшелері Алматы қаласында, Жетісу, Түркістан, Маңғыстау, Жамбыл және Алматы облыстарында ұсталды. Барлығы қылмыстық топтың 20 мүшесі құрықталды. 40-тан астам тінту жүргізіліп, жеті атыс қаруы тәркіленді, оның ішінде үш кесілген мылтық, Макаров тапаншасы, Калашников автоматы және 100-ден астам оқ-дәрі алынды, - деді ІІМ ұйымдасқан қылмысқа қарсы күрес департаментінің өкілі Қуандық Алпыс.

Бұзақылық, бопсалау, адам ұрлау, өз бетінше билік жүргізу және денсаулыққа зиян келтіру фактілері бойынша қылмыстық істер тергелуде.

Топтың жетекшісі мен қатысушыларына қатысты ұйымдасқан қылмыстық топ құру, оған басшылық ету және қатысу деректері бойынша сотқа дейінгі тергеу басталды.

Фигуранттардың басқа да ұқсас қылмыстарға қатысы бар-жоғы тексерілуде. Ішкі істер министрлігі атап өтеді: бизнеске қысым көрсету және оған қылмыстық араласу әрекеттерінің барлық фактілері мемлекет бақылауында.

Кез келген заңсыз әрекет заң шеңберінде қатаң түрде тоқтатылады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

03.06.2025, 14:50 29656

Іздеуде жүрген алаяқ Албанияда ұсталды

Албания астанасы Тиранада Қазақстан ІІМ Интерпол Ұлттық орталық бюросының сұрауы бойынша ірі көлемде алаяқтық жасағаны үшін халықаралық іздеуде жүрген қазақстандық азамат ұсталып, қамауға алынды, - деп хабарлайды Polisia.kz.

2023 жылы ер адам Алматы қаласында жеке мектеп ашып, жоғары оқу орындарына түсу үшін ақылы дайындық курстарын ұсыну арқылы 10 азаматты алдады.

Жалпы шығын 10,5 млн теңгені құрады.

ІІМ алаяқтар оқыту курстарын жарнамалауда төмен баға, эксклюзивті оқыту әдістері мен үздік оқытушылар құрамын ұсынатынын еске салады.

Алаяқтық курстардың негізгі белгілері:

- лицензия мен ресми тіркеудің болмауы;

- оқытушылар мен бағдарлама туралы ашық ақпарат жоқ;

- келісімшартсыз толық төлемді талап ету;

-тәуелсіз платформаларда ұсыным мен пікірлердің болмауы.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

03.06.2025, 10:20 30066

8 мыңнан астам салымшы және 21 млрд теңге: Алматы облысында қаржы пирамидасы анықталды

ҚМА Алматы облысы бойынша департаменті "Amanat Drive" атауымен қаржы пирамидасының қызметін әшкереледі, деп хабарлайды ҚР ҚМА баспасөз қызметінен.

Қаржы пирамиданың ұйымдастырушылары азаматтарға пайызсыз бөліп төлеу арқылы жылжымайтын мүлік пен автокөлік сатып алуды ұсынған.

Алайда бұл міндеттемелер толық орындалмаған, ал мүлік туыстары мен жақындарына берілген.

Нәтижесінде қаржы пирамидасы 8 мыңнан астам салымшыны тартқан, олардың жалпы салған қаражаты 21 млрд теңгеден асқан.

Қылмыстық жолмен алынған кірістерді заңдастыру мақсатында, қаржы пирамиданың ұйымдастырушысы бірнеше деңгейлі заңсыз схема жасаған. Ол өз бақылауындағы заңды тұлғаларды - "Алло, не керек", "i-m@rketing", "Gold SapaPremium" ЖШС - пайдаланған.

Аталған компаниялар жалған жеткізушілер ретінде көрсетіліп, жарнама қызметтері, жылжымайтын мүлік пен көлік нарығына талдау мен болжау жүргізу секілді қызметтерді орындаған болып көрінген. Осы жалған шарттар негізінде 1,8 млрд теңгеден астам қаражат қолма-қол ақшаға айналдырылып, сыртқа шығарылған.

Қылмыстық кірістер есебінен жеке тұрғын үйлер, астанада пәтерлер, сондай-ақ HUMMER H2 және Lexus LX570 маркалы қымбат автокөліктер сатып алынған. Бұл мүліктер мүмкін болатын тәркілеуден жасырыну мақсатында сенімді адамдардың атына рәсімделген.

Сот санкциясымен аталған мүлікке және тұтыну кооперативінің шоттарына тыйым салынды.

Қаржы пирамиданың бас ұйымдастырушысы қамауға алынды.

Тергеу амалдары жалғасуда.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Қызылордада адамды ұрлап әкеткен ҰҚТ мүшелеріне қатысты үкім шығарылды

тақырып бойынша жаңалықтар

Ең көп оқылғаны

Өзекті

Денсаулық сақтау министрлігі Жеке емшара кабинеттерін бақылауды күшейтеді