Қазақстанда бір жыл ішінде ұн 37%-ға қымбаттады
Бірінші сұрыпты ұн келісіне 225 теңгеден сатылды.
НҰР-СҰЛТАН. 17 ТАМЫЗ - Бір жылда елде ұн бағасы 37% қымбаттаған. Бұл туралы Energyprom.kz ресурсы хабарлайды.
2022 жылдың қаңтар-маусым айларында елімізде 1,6 млн тонна бидай ұны өндірілген. Бұл – былтырғы көрсеткіштен 1,5% көп. Өңірлер арасында Қостанай облысы 552,4 мың тонна көрсеткішпен алда тұр. Алғашқы үштікке Солтүістік Қазақстан облысы мен (164,5 мың тонна) мен Шымкент қаласы (141,5 мың тонна) кіріп отыр", - деп жазылған сараптамада.
Қаңтар-мамыр аралығында ұн экспортының ақшалай көлемі бір жыл ішінде 86,8% артып, 292,6 млн доллар болған.
ТМД елдеріне 212,7 мың тонна ұн жіберілді. Бұл – былтырғыдан 15,1% көп. Соның ішінде Өзбекстанға 158 мың тонна ұн жөнелтілген. Бұл – бір жыл бұрынғы көрсеткіштен 17,6% артық", - деп жазады Energyprom.kz.
Ал, ТМД-дан тыс елдердің ішінде Ауғанстанға ең көп ұн экспортталған. 552 мың тоннаның 551,5 мың тоннасы осы елдің үлесінде. Бұл – былтырғыдан 47,1% артық.
Биылғы шілде айында ұн бағасы былтырғыға қарағанда 36,6% өсті. Бірінші сұрыпты ұн келісіне 225 теңгеден сатылды. Ал, жоғары сұрып ұнының бір келісі – 343 теңге. Ірі қалалардың ішінде ең қымбат ұн бағасы Нұр-Сұлтанда (424 теңге), ең арзан баға Павлодарда (222 теңге) тіркелді", - деп жазылған сараптамада.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Қытайға газ жеткізуді ұлғайтады
QazaqGaz және PetroChina 2025 жылғы газ жеткізілімдерінің параметрлеріне түзетулер енгізді, деп хабарлайды “QazaqGaz” ҰК” АҚ баспасөз қызметінен.
QazaqGaz" ҰК" АҚ Басқарма төрағасы Санжар Жаркешов және PetroChina International Директорлар кеңесінің атқарушы төрағасы У Цзюньли табиғи газды сатып алу-сату туралы үш жылдық келісімге толықтыру жасап, қол қойды.
Құжатқа Астанада өтіп жатқан Қазақстан-Қытай бизнес форумы аясында қол қойылды. Құжатта 2025 жылы Қытайға қазақстандық газ экспортының параметрлеріне түзетулер енгізу көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Ұлттық Банкі жылдың басындағы сыртқы борыш сомасын атады
Қазақстан Ұлттық Банкі 2025 жылғы 1 қаңтардағы жағдай бойынша деректерді жариялаудан бастап Қазақстан Республикасының сыртқы борышын алдын ала бағалауды жариялауға кіріседі, деп хабарлайды банктің баспасөз қызметінен.
Сыртқы борыш белгілі уақыттағы өтелмеген резиденттердің бейрезиденттер алдындағы негізгі борышты және/немесе пайызды төлеуді талап ететін нақты және сөзсіз міндеттемелерін білдіреді.
Бұған дейін Қазақстан Ұлттық Банкі Статистикалық ақпараттың шығу кестесіне сәйкес есепті тоқсан аяқталғаннан кейін 90-күні сыртқы борыш бойынша есепті деректерді жариялаған болатын. Енді оған қосымша ҚР сыртқы борышын алдын ала бағалау жарияланатын болады.
Мұндай жарияланымдар тоқсан сайын есепті тоқсаннан кейінгі айдың соңғы күнінде, тиісті кезең үшін төлем балансын алдын ала бағалау туралы ақпарат шығарумен бір мезгілде жүзеге асырылады.
Қазақстан Ұлттық Банкі жарияланатын статистикалық және талдамалық ақпарат көлемін кеңейту бойынша тұрақты жұмыс жүргізіп келеді. Бұл жарияланым елдің сыртқы сектордағы позициясын неғұрлым уақытылы баға беруге мүмкіндік береді және мемлекеттік органдарға, сарапшыларға, зерттеушілерге, рейтингтік агенттіктерге пайдалы болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан ОПЕК+ адалдығын растайды
Қазақстан ОПЕК+ Бірлескен министрлік мониторинг комитетінің кешегі 58-ші отырысы аясында ОПЕК+ келісіміне адалдығын растайды, деп хабарлайды ҚР Энергетика министрдігінің баспасөз қызметінен.
Қазақстан 2025 және 2026 жылдары өз міндеттемелерін орындау және 2024 жылға артық өндірісті өтеу үшін қажетті шараларды қабылдайды.
Теңіз кен орнын кеңейту жөніндегі жобаның іске қосылуына байланысты биыл өндірістің ұлғаюына қарамастан, Қазақстан ОПЕК+ келісімі шеңберінде міндеттемелерді сақтаудың маңыздылығын растайды және халықаралық құқық шеңберінде әріптестермен келіссөздер жүргізетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жылдық инфляция шамамен 9% құрады
Қазақстан Республикасындағы инфляция 2025 жылғы қаңтарда үдеп, бір жылда 8,9% (2024 жылғы желтоқсанда - 8,6%), бір айда - 1,1% құрады (өткен айда - 0,9%), деп хабарлайды Ұлттық статистика бюросының баспасөз қызметінен.
Баға ақылы қызметтерге бір жылда 13,8% (2024 жылғы желтоқсанда - 13,3%), азық-түлік емес тауарларға - 8,4% (2024 жылғы желтоқсанда - 8,3%), азық-түлік тауарларға - 5,8% өсті (2024 жылғы желтоқсанда - 5,5%).
Өткен жылғы қаңтармен салыстырғанда тарифтер суық суға - 43,2%, су бұруға - 26,1%, орталықтан жылытуға - 23,1%, ыстық суға - 21,3%, электр энергиясына - 18,9%, тарату желілері бойынша тасымалданатын газға - 12%, қоқыс шығаруға 10,3% өсті.
Баға кешенді демалыстарды ұйымдастыру қызметтеріне - 26%, байланыс қызметтеріне - 16,8%, денсаулық сақтау қызметтеріне - 12%, шаштараздар мен жеке қызмет көрсету орындары қызметтеріне - 11,9%, жеке көлік құралдарына техникалық қызмет көрсету және жөндеуге - 11,4%, қоғамдық тамақтандыру қызметтеріне - 10,9%, демалыс және спорттық іс-шаралар саласындағы қызметтеріне 9,3%, жоғарылады. Жолаушылар темір жол көлігімен жол жүру - 18,6%, қалалық автобуспен - 10,5%, жолаушылар әуе көлігімен 7,2% қымбаттады. Тұрғын үйді жалға алу төлемі 15,3% өсті.
Баға деңгейі дыбыс-бейне шолу жабдығына - 41,5%, зергерлік бұйымдар және сағаттарға - 24,9%, отандық құрастырма жаңа жеңіл автомобильдерге - 22,9%, киім және аяқ киімге - 10,6%, жиһаз және үйге қажетті заттарға - 10,3%, фармацевтикалық өнімдерге 8,6% өсті. Ағаш - 15,4%, сұйытылған газ баллондағы - 10,2%, тас көмір 8,6% қымбаттады.
Бағаның өсуі картопқа - 59,3%, басты пиязға - 25,1%, минералды және ауыз суға - 16,7%, темекі өнімдеріне - 14,6%, кондитерлік өнімдерге - 13,3%, сары майға - 13%, салқындатылған сусындарға - 12,3%, қайта өңделген және консервіленген балыққа - 11,9%, жеміс және көкөніс шырындарға 11% белгіленді. Бағаның төмендеуі қарақұмық жармасына - 21,6%, сәбізге 5,3% байқалды.
Өңірлер бөлінісінде 2025 жылғы қаңтарда инфляция орташа республикалық деңгейден асатын он екі өңірде қалыптасты, олардың ішінен ең жоғары - Астана қаласында (11,2%), Қарағанды (9,9%), Батыс Қазақстан (9,7%), Солтүстік Қазақстан (9,6%) облыстарында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.