Қазақстан мен Қытай жаңа халықаралық білім беру бағдарламасын іске қосты
Қазақстан мен Қытай жаңа халықаралық білім беру бағдарламасын іске қосты, деп хабарлайды ҚР Ғылым және жоғары білім министрілігінің баспасөз қызметінен.
Қытайдың Солтүстік-Батыс политехникалық университетінің (СБПУ) ҚазҰУ базасындағы филиалы талапкерлерден құжаттар қабылдауда.
Филиал бакалавриат түлектеріне бүгінде өзекті саналатын "Электроника және коммуникациялық технологиялар", "Материалтану және инженерия" және "Компьютерлік ғылымдар мен технологиялар" мамандықтарын меңгеруді ұсынады.
Естеріңізге салсақ, ҚР Президенті Қасым-Жомарт Тоқаевтың 2023 жылы мамырда Қытайға жасаған мемлекеттік сапары аясында ҚХР Солтүстік-Батыс политехникалық университетінің (СБПУ) Қазақстандағы филиалын ашу туралы келісімге қол қойылды. Келісім негізінде Әл-Фараби атындағы Қазақ ұлттық университетінде 12 қазанда ҚХР Солтүстік-Батыс политехникалық университетінің филиалы ашылды.
СБПУ техникалық бейіндегі Қытайдың жетекші жоғары оқу орындарының бірі. Оқу орны Academic Ranking of World Universities 2023 халықаралық рейтингінің топ-200 енсе, THE 2023 рейтингінде топ-600 (317-ші орын) және U.S.NEWS 2023 халықаралық рейтингінде 253-ші орынды иеленеді.
Сонымен қатар филиалда "5G/5.5G коммуникациялық технологиялары" зертханасы ашылды. Заманауи зертхана телекоммуникациялық байланыс жүйелерінің мамандарын оқытуға, жаңа технологияларды игеруге, интернет жылдамдығын жетілдіруге, 6G желісін желісін енгізуге мүмкіндік береді.
Осы жылдың шілде айында ҚазҰУ мен СБПУ бірлескен микроспутниктік ғылыми зерттеулер жүргізу туралы келісімге қол қойды. Жоба ғарышты зерттеуге, білікті мамандарды даярлауға және ортақ спутниктерді дамытуға жол ашады.
Филиалда магистратураның бірінші жылын студенттер Қазақстанда, екінші жылын Қытайда оқиды. Оқуын аяқтаған соң жастар екі жоғары оқу орнының ҚазҰУ мен СБПУ қос дипломын алады. Филиал түлектері халықаралық технологиялық компанияларда жұмыс істей алады. Бүгінде көптеген қытайлық өндірушілер Қазақстанда өкілдіктерін ашуда. Осы ретте ҚазҰУ және СБПУ дипломдары жас мамандарға Huawei және ZTE сынды ҚХР ірі компанияларына жұмысқа орналасу кезінде артықшылықтар мен мүмкіншіліктер мол болмақ.
Оқуға түсушілер кешенді тестілеуден (КТ) өтуі қажет. Грант иегерлері автоматты түрде қабылданады. Грант иеленбеген, бірақ 75 балдан жоғары бал жинаушылар әңгімелесуден өтуге мүмкіндік алады. Филиал студенттеріне қосымша стипендиялар беріледі. Құжаттарды қабылдау уақыты 20 тамызға дейін жалғасады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Көлік министрлігі мен Атырау мұнай және газ университеті арасында ынтымақтастық туралы меморандумға қол қойылды
ҚазжолҒЗИ" ұйымдастырған "Инновациялар және кадрлар: Батыс Қазақстандағы жол инфрақұрылымын дамыту перспективалары" семинары аясында Қазақстан Республикасының Көлік министрлігі мен Сафи Өтебаев атындағы Атырау мұнай және газ университеті арасында өзара ынтымақтастық туралы меморандумға қол қойылды, деп хабарлайды министрліктің баспасөз қызметінен.
Меморандум автожол саласында білікті мамандардың тапшылығы мәселесін шешуге бағытталған.
Меморандумның негізгі мақсаты - мамандарды кәсіби даярлау деңгейін арттыру. Тараптар университет оқытушыларының теориялық білімін және Көлік министрлігі қызметкерлерінің тәжірибесін біріктіре отырып, автожол саласында заманауи талаптарға сәйкес жұмыс істеуге қабілеті бар кадрларды даярлауды көздеп отыр. Сонымен қатар келісім аясында ғылыми зерттеулер жүргізу, көлік құрылысы бойынша білім беру бағдарламаларын әзірлеу, сонымен қатар студенттерді, магистранттарды және докторанттарды ғылыми-зерттеу қызметіне және практикалық оқуға белсенді тарту көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның ірі мектептерінде стоматология кабинеттері ашылады
ҚР Оқу-ағарту министрінің шақыруымен ҚР Денсаулық сақтау министрі Ақмарал Әлназарова елордалық білім беру ұйымдарының директорларымен кездесті. Мақсаты - екі жақты ынтымақтастық мәселелерін талқылау және балалар мен жасөспірімдердің денсаулығын жақсартуға бағытталған бірлескен жобаларды іске асыру, білім беру ұйымдарында медициналық қызметті ұйымдастыру, инклюзивті кабинеттер, сондай-ақ педагогтердің денсаулығын сақтау, психологтардың біліктілігін арттыру мәселелері, деп хабарлайды Қазақстан Республикасының Оқу-ағарту министрлігіның баспасөз қызметінен.
Ғани Бейсембаевтың айтуынша, Мемлекет басшысының тапсырмасымен өткен жылдан бастап бірінші рет 1,7 млн оқушылар үшін мектептерде тегін тамақтандыру ұйымдастырылды. Бұған дейін Министрлік білім беру ұйымдарындағы балалардың тамақтану стандарттарын қайта қарау бойынша жұмыс жүргізген болатын. Ас мәзірін өңірлерде өндірілген отандық өнімдерді пайдалана отырып әзірлеу туралы норма енгізілді. Сонымен қатар, өңірлерде бракераждық комиссиялар құрылды, олардың құрамына ата-аналар, қоғам белсенділері, сондай-ақ мектеп әкімшілігі мен медицина қызметкерлері ене алады. Бракераждық комиссиялардың мониторингтік топтарының қызмет тәртібі туралы заңнамалық нормалар белгіленді.
Балаларымыздың қауіпсіздігін қамтамасыз ету - білім беру процесінің әрбір қатысушысының алдында тұрған бірінші кезектегі маңызды міндет. Біз сауықтыру-педагогикалық бағытқа баса назар аудара отырып, "салауатты өмір салтын" ұстануымыз керек және сапалы тамақтануды ұйымдастыру, балалардың білім алудағы нәтижелілігін арттыруға ықпал ететін оның ажырамас бөлігіне айналуы тиіс. Әрбір мүдделі тараптың, әсіресе, кәсіпкерлердің өз жауапкершілігін сезінуі маңызды. Тамақтану мәдениетін қалыптастыруға, санитарлық, гигиеналық талаптардың сақталуына, дұрыс тамақтануды насихаттауға көңіл бөлінуі керек. Денсаулық сақтау министрлігімен бірлескен жұмыс бұл мақсаттарды жүзеге асыруда негізгі рөлге ие", - деп атап өтті оқу-ағарту министрі.
Сонымен қатар министр санитарлық-эпидемиологиялық шаралар мен кейбір нормативті-құқықтық актілерді қайта қарау мәселесіне тоқталды. Денсаулық сақтау министрлігінің қолдауымен балалардың денсаулығын нығайту бойынша бірлескен жоба аясында келесі жылдан бастап ірі мектептерде стоматология кабинеттері ашылады.
Сондай-ақ №95 мектеп-лицейі мен №84 "Кәусар" бөбекжай-балабақшасында және Астана қалалық мамандандырылған балалар үйінде болды. Кездесу соңында елордалық мектеп педагогтері Денсаулық сақтау министрі Ақмарал Әлназароваға балалардың әл-ауқаты мәселесіне қамқорлығы үшін алғыстарын білдірді. Естеріңізге сала кетейік, сапалы тамақтануды ұйымдастыру үшін мектеп асханаларына санитарлық-эпидемиологиялық талаптардың сақталуына мониторинг жүргізілуде. Ол мектептегі тамақтану қауіпсіздігін қамтамасыз ету және бұрын орын алған келеңсіз жағдайларға жол бермеу шараларын күшейтуге бағытталған. Еліміз бойынша облыстық басқармалар мен аудандық білім бөлімдерінің жанынан барлығы 222 ведомствоаралық сараптамалық топ құрылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елімізде STARLINK спутниктік интернеті 1 798 мектепте орнатылды
Цифрлық инфрақұрылымды дамыту бойынша белсенді жұмыс жүргізілуде, деп хабарлайды ҚР Оқу-ағарту министрлігінің баспасөз қызметінен.
Бүгінгі таңда STARLINK спутниктік интернеті 1 798 мектепте орнатылған, бұл қосылу жылдамдығын 3 есеге арттыруға мүмкіндік берді.
81 мектепте интернетке қосылу жұмыстары аяқталуда. Өткен жылдың басынан бастап қамту 19%-дан 89,5%-ға дейін артты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Жайлы мектеп": Атырау облысында алғашқы екі мектеп ашылды
Бүгін қалада "Жайлы мектеп" ұлттық жобасы аясында салынған екі мектеп пайдалануға берілді. Алмалы ауылдық округі Береке ауылында 1200 орындық №47 орта мектеп, Сарыөзек ықшамауданында 300 орындық №46 орта мектеп ашылды,- деп хабарлайды облыс әкімінің баспасөз қызметі.
Білім ордаларының ашылу салтанатына облыс әкімі Серік Шәпкенов қатысып, тұрғындарды жаңа мектептердің ашылуымен құттықтады.
Мемлекет басшысы Қасым-Жомарт Кемелұлы Тоқаев орта білімнің сапасы табысты ұлт болудың тағы бір маңызды шарты екенін айтып, әр оқушының сапалы білім алуына, жан-жақты дамуына қолайлы жағдай жасауды тапсырды. Бүгін есігін ашатын білім ордасында шәкірттердің барлық пәнді оқып-үйренуіне, ұстаздардың шығармашылықпен айналысуына толық жағдай жасалды. Бұл мектепте мұғалім мен оқушының, мектеп пен ата-ананың байланысы артып, білімді де талантты, санасы сергек, ойы ұшқыр, бәсекеге қабілетті жас ұрпақ тәрбиеленіп шығарына сенім мол",-деді С.Шәпкенов.
Жаңа мектептерде екі ауысымда оқитын 3000 балаға 120-дан астам ұстаз білім береді.
Баласын мектепке жетектеген ата-аналардың арасында Береке ауылының тұрғыны Ханшайым Көпбергенова бар. Ол сегіз немересін де №47 білім ордасына орналастырыпты. Әжейдің қуанышында шек жоқ, себебі енді немерелері заманауи жарақталған мектепте білім алады.
Бүгін көптен күткен мектеп ашылды. Оның құрылысы басталып, аяқталғанға дейін куә болдық. Енді балаларды қабылдап жатыр. Мен де, басқа ата-аналар да дән ризамыз, себебі бұған дейін немерелерім осы ауылдағы мектепте оқыды, бірақ орын саны тапшы еді. Бүгін сол мәселе шешілгендей, жаңа мектепке орналасып жатырмыз. Балаларымыздың зейіні ашылсын. Еліміздің мақтанышы болсын",-деді Х.Көпбергенова.
Мектептерге Жедел басқару орталығына қосылған бейнебақылау камералары орнатылып, ерекше білім беруді қажет ететін балалар үшін кедергісіз орта қалыптастырылды. Бастауыш және жоғарғы сынып оқушылары үшін бөлек блоктар салынған.
Мектеп аумағы 2 жүгіру жолағымен, баскетбол, волейбол алаңдарымен, теннис кортымен, ойын және workout алаңдарымен жабдықталған.
Мектеп ғимаратында 2 спорт зал, бастауыш және жоғары сынып оқушыларына арналған екі асхана, 260 орындық акт зал және кітапхана бар.
Сонымен қатар психолог, логопед, медициналық кабинеттерімен, заманауи үлгідегі оқу сыныптарымен, физика, химия зертханаларымен және STEM кабинеттерімен жарақталған.
Жайлы мектеп" ұлттық жобасы аясында осы жылдың соңына дейін тағы үш мектеп пайдалануға беріледі.
2025 жылдың аяғында жайлы мектептердің саны 12-ге жетіп, 12 мыңнан астам оқушы сабаққа барады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.