Елімізде білім сапасын бағалаудың ұлттық жүйесі енгізілуі мүмкін
Сурет: primeminister.kz
Астанада Оқу-ағарту, Ғылым және жоғары білім министрліктерінің кеңейтілген бірлескен алқа отырысы өтті. Оның жұмысына ҚР Премьер-министрінің орынбасары Тамара Дүйсенова, Парламент депутаттары, салалық ведомстволар, білім басқармаларының басшылары, ұстаздар, сарапшылар мен саланың өзге де мамандары қатысты, деп хабарлайды ҚР Премьер-министрінің баспасөз қызметінен.
Былтыр атқарылған жұмыстардың нәтижелері мен алдағы уақытқа жоспарланған шаралар туралы оқу-ағарту министрі Ғани Бейсембаев пен ғылым және жоғары білім министрі Саясат Нұрбек айтып берді.
Білім беру сапасын арттыру үшін салалық министрліктер сарапшылар қауымымен бірге ауқымды жұмыс атқарып, Ұлттық баяндаманың жобасын әзірледі. Ол білім беру саласындағы қызметкерлер және сарапшылармен талқыланып, қарастырылды.
Баяндама сапалы білім беруге қатысты нақты шараларды ұсынумен шектелмейді. Онда әр мекеменің жұмысынан талап етілетін нақты нәтижелер мен KPI-лар белгіленді. Осыны негізге ала отырып, екі министрліктің Білім беруді дамыту тұжырымдамасына өзгеріс енгізу қажет деп санаймын. Баяндама білім беруді өз алдына дербес мекемелер жиынтығы емес, бірін-бірі толықтыратын көп деңгейлі жүйе ретінде қарастырады. Сондықтан қарастырылған жаңашылдықтар бірізді болып, балабақшадан бастап жоғары оқу орындарына дейінгі кезеңдерді қамтиды", - деп атап өтті Тамара Дүйсенова.
Баяндама аясында қолданыстағы бағалау механизмдерін реттеп, біріздендіріп, білім сапасын бағалаудың ұлттық жүйесін енгізу көзделген. Ол ұстаздардың біліктілігі мен оқу бағдарламасының сапасы туралы нақты жағдайды көрсетуі қажет. Мұндай әдіс білім беру мекемелерінің деңгейін анықтап, әрқайсына қатысты нақты шаралар қабылдауға мүмкіндік береді.
Білім ошақтарындағы үлгерім көрсеткіштерін теңестіру үшін өңірлер 20 нақты жол картасын әзірледі. Бұл шаралар орта білім саласында жүйелі өзгерістерге әкелуі тиіс. Жол карталарының орындалуы үшін оқу-ағарту министрі, әкім орынбасарлары мен білім басқармаларының басшылары тікелей жауап береді", - деді вице-премьер.
Балабақша бүлдіршіннің даму бағыты қалыптасатын орын болғандықтан, бала түрлі ойындар арқылы машықтанып, мектепке мейілінше дайын болып баруы тиіс. Бұл жұмысқа ата-аналардың да араласуы маңызды. Айта кету керек, дамыту шараларымен балабақшаға бармайтындарды да қамту көзделген. Әр өңір өзінің мүмкіндігіне қарай кеңес беру орталықтарын не болмаса балалар мен ата-аналарға арналған оқу курстарын ұйымдастырмақ.
Ал мектеп балалардың бастапқы мүмкіндіктерін теңестіруші орынға айналуы керек. Білім сапасы бірінші кезекте мұғалімге байланысты. Сондықтан кадрларды даярлау және оларды кәсіби тұрғыда дамыту мәселелері ерекше маңызға ие. Қазір елімізде 3 мыңнан астам мұғалім жетіспейді. Екі министрлік алдында бірлесіп, педагогтарды даярлау жүйесін жетілдіру жағын ойластыру және оларды даярлайтын бағдарламалардың сапасын бағалау мақсаты тұр. Болашақ мұғалімдердің негізгі кәсіби білімі және олардың әдістемесі уақыт талабына сай болуы керек. Сондай-ақ вице-премьер қызметтегі ұстаздардың аттестациясына мән беруге шақырды. Оны цифрландырып, ашық әрі объективті болуын қамтамасыз ету керектігіне назар аударды.
Үздік әлемдік тәжірибені ескере отырып, әр 5-7 жыл сайын білімнің мазмұнын жаңғыртып отыратын жүйе қалыптастыру қажеттігі туралы да айтылды. Оқу-ағарту министрлігі мектеп стандартын қайта қарау жұмысын аяқтап, оны 2026 жылдан бастап кезең-кезеңмен енгізе бастауы тиіс. Бұл ретте білім беру процесіне қатысатын барлық тараптың бүкіл инновациялардан хабардар болуын қамтамасыз ету керек.
Білім берудің бірізді әрі үздіксіз тізбегінде техникалық және кәсіптік білім беру мекемелері жұмысшы кадрлар мен орта деңгейлі мамандарды әзірлейтін негізгі нысандар болуы шарт. Бұл ретте микробіліктілікті алу, мойындау ісін қолға алу мақсаты тұр. Ал ЖОО-лар біліктілігі жоғары мамандарды дайындайтын мекемелер болуы тиіс. Ең маңыздысы - оқу бітіріп шыққан түлектер нарық сұранысына сай болуы қажет.
Өңір әкімдері бизнес өкілдерімен бірлесіп, қолданыстағы және болашақтағы кәсіптердің өңірлік картасын ұсынғаны жөн. Білім беру тапсырыстары мен оқу бағдарламалары осы карталарға негізделуі керек. Еңбек және халықты әлеуметтік қамту министрлігіне бұл мәселені өңірлермен бірге мұқият пысықтауды және кадрларға сұраныс туралы нақты болжам жасап, ұсынуды тапсырамын", - деп түйіндеді Тамара Дүйсенова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматының Алатау ауданында жаңа денешынықтыру-сауықтыру кешені ашылды
Алматының Алатау ауданында жаңа денешынықтыру-сауықтыру кешені ашылды, деп хабарлайды Алматы қаласы әкімдігінің баспасөз қызметінен.
Денешынықтыру-сауықтыру орталығы балалар мен жастарға арналған түрлі спорт секцияларын ұсынады. Орталықта күн сайын екі ауысымда 196 адам айналыса алады. Онда спорт, бокс және хореографиялық және үстел ойындары залы бар. Нормативтерге сәйкес орталық киім-кешек және душ бөлмелерімен, сондай-ақ мүмкіндігі шектеулі азаматтарға бейімделген санитарлық тораптармен жабдықталған.
Аралау қорытындысы бойынша Ерболат Досаев бірқатар тапсырмалар берді: атап айтқанда, ол салынған денешынықтыру-сауықтыру кешендері отбасылық-бағдарланған болуы тиіс, ол үшін спорт мектептерінің тәрбиеленушілері ғана емес, сондай-ақ жақын маңдағы аудандардың тұрғындары мен ерекше қажеттіліктері бар қала тұрғындарының қолжетімділігі қамтамасыз етілуі үшін кестені оңтайландыру қажет екенін атап өтті. Келушілердің ыңғайлылығы мен жайлылығын қамтамасыз ету үшін әкім сенбі және жексенбіде ДСК-ін қолжетімді етуге бұйрық берді.
2025 жылы біз денешынықтыру-сауықтыру кешенін толықтыратын, оны жабық үй - жайлармен ғана емес, спортпен айналысуға арналған ашық алаңмен де қамтамасыз ететін заманауи футбол алаңын саламыз", - деді Ерболат Досаев.
Жалпы Алматыда төрт ДСК (Ақжар, Шұғыла, Саялы шағын ауданы және "Авиатор" стадионы) және ерекше қажеттіліктері бар адамдарға арналған спорт орталығын салуға жобалық-сметалық құжаттама әзірленуде.
Өткен жылдың қорытындысы бойынша негізгі көрсеткішке қолжеткізілді - ден шынықтырумен және спортпен тұрақты түрде айналысатын халықты қамту 42%-ды (924 мың қала тұрғыны) құрады. Ағымдағы жылдың соңына қарай жүргізіліп жатқан жұмыстарды ескере отырып, бұл көрсеткішті 46% - ға дейін жеткізу жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқу жылы басталғаннан бері елімізде 106 жаңа мектеп ашылды
Оқу жылы басталғаннан бері өңірлерде 150 мың оқушыға арналған 106 жаңа мектеп есігін айқара ашты, деп хабарлайды Оқу-ағарту министрлігінің баспасөз қызметі.
Оның ішінде 90 мыңға жуық оқушы 33 жайлы мектепте білім алуда. Олар бастауыш және жоғарғы сыныптарға арналған жеке блоктармен, заманауи техникалық қауіпсіздік құралдарымен, ерекше білім беру қажеттіліктері бар балаларға арналған кедергісіз ортамен, бірнеше спорт залдарымен, заманауи пәндік кабинеттермен қамтылған. Мемлекет басшысы бастамашылық еткен "Жайлы мектеп" ұлттық жобасы аясында 2025 жылдың соңына дейін қазіргі заманғы форматтағы 217 мектепті пайдалануға беру жоспарлануда.
Сондай-ақ сыбайлас жемқорлықтан түскен қаражат есебінен білім беру инфрақұрылымын қолдау қорының желісі бойынша тағы 18 мектеп ашылды. Қалған 55 мектеп республикалық және жергілікті бюджет қаражаты есебінен, сондай-ақ инвестициялар тарту есебінен ашылады. Бұл бағыттағы жұмыстар жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқушыларға арналған "Қауіпсіз интернет" республикалық байқауы басталды
Қазақстан Республикасы Оқу-ағарту министрлігінің "Өркен" ҰҒПБМ мектеп оқушыларына арналған "Қауіпсіз интернет" республикалық байқауын бастайды, деп хабарлайды Қазақстан Республикасының Оқу-ағарту министрлігінің баспасөз қызметінен.
Байқаудың мақсаты - балалар мен жасөспірімдердің интернеттегі қауіпсіз мінез-құлық дағдыларын қалыптастыру, онлайн-қатерлерден қорғау және сауаттылықты арттыру.
Байқау оқушыларға интернетті қауіпсіз пайдаланудың негізгі ережелерін көрсететін бейнероликтер жасау арқылы өздерінің шығармашылық қабілеттерін көрсетуге мүмкіндік береді. Бұл бейнематериалдарда жеке деректерді қорғау бойынша кеңестер, кибербуллингтің алдын алу әдістері, сондай-ақ онлайн-контентке аналитикалық және сыни көзқарастың болуы маңызды", - деді "Өркен" ҰҒПИБД президенті Есенғазы Иманғалиев.
Байқауға өтінімдер мен бейнероликтерді қабылдау биылғы жылдың 25 қарашасына дейін жалғасады. Байқау аяқталғаннан кейін қатысушылардың жұмыстарын сараптама комиссиясы бағалайды. Байқау жеңімпаздары желтоқсан айында жарияланады және интернетке қауіпсіз орта қалыптастыруға қосқан үлестерін растайтын дипломдармен марапатталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.