Алматы қаласының атмосфералық ауа сапасына жүргізілген санитариялық-эпидемиологиялық мониторинг көрсеткіштері
Алматы қаласының атмосфералық ауасының ластануының негізгі проблемасы автокөлік шығарындыларымен байланысты
Алматы қаласының санитариялық-эпидемиологиялық бақылау департаменті Алматы қаласының атмосфералық ауасының жай-күйіне санитариялық-эпидемиологиялық мониторингті тұрақты негізде жүргізеді, деп хабарлайды Gov.kz.
Алматы қаласы бойынша автокөліктердің неғұрлым қарқынды қозғалысы бар автомагистральдарда және өнеркәсіптік кәсіпорындардың ықпал ету аймағындағы селетибті аумағында барлығы 79 бақылау нүктесі анықталды.
І жартыжылдықта 6158 сынама зерттелді, оның ішінде зиянды заттардың шекті рұқсат етілген концентрациясының (бұдан әрі - ШРК) артуы 987 сынамасында (16%) анықталды.
Оның ішінде өнеркәсіптік кәсіпорындардың ықпал ету аймағындағы селитебті аумағында санитарлық-химиялық көрсеткіштерге 3062 сынама алынды, оның ішінде 56 сынамада (1,8 %) ШРК артуы қаланың Жетісу және Түрксіб аудандарында мынадай ингредиенттер бойынша анықталды: азот диоксиді - 1,2-2,4 есе; этилмеркаптан - 2,1-19,2 есе; диоксид күкірт - 6,2-7,1 есе; көміртегі оксиді - 1,0-1,2 есе.
Автомагистральдарда санитариялық-химиялық көрсеткіштерге 3096 зерттелді, оның ішінде 931 сынамада (30,1%) ШРК асып кеткені байқалды. ШРК-ның артуы қаланың барлық 8 ауданы бойынша барлық бақылау нүктелерінде мынадай ингредиенттер бойынша анықталды: көміртегі оксиді - 1,0-1,2 есе; көмірсутектер - 1,0-1,3 есе; қорғасын - 1,7-2,5 есе; азот диоксиді - 1,2-2,3 есе; күйе - 1,1-1,5 есе.
Алматы қаласының атмосфералық ауасының ластануының негізгі проблемасы автокөлік шығарындыларымен байланысты, бұл жағдайды құрылыстардың тығыздығын ескере отырып, желдің болмауы күрделендіреді.
Атмосфералық ауаны ластайтын барлық заттар адам денсаулығына азды-көпті теріс әсер етеді. Бұл заттар адам ағзасына негізінен тыныс алу жүйесі арқылы енеді және жоғарғы тыныс жолдарының, жүрек-қан тамырлары жүйесінің және әртүрлі аллергиялық көріністердің дамуына әкеледі.
Атмосфералық ауаның жай-күйіне санитариялық-эпидемиологиялық мониторинг нәтижелері бойынша шаралар қабылдау үшін Алматы қаласы санитариялық-эпидемиологиялық бақылау департаменті ШРК асып кету туралы ақпаратты Алматы қаласының жергілікті атқарушы органына, оның ішінде Қалалық мобилділік басқармасына жіберді.
Біздің қаланың ауа жағдайын жақсарту әрқайсымызға байланысты екенін есте ұстаған жөн. Оңтүстік мегаполистің санитариялық дәрігерлері қоғамдық көлікті пайдалануды, велосипедпен жүруді, тұрмыстық қалдықтарды азайтуды, электр қуатын үнемдеуді және жасыл кеңістікті кеңейтуді ұсынады - мұның бәрі атмосфераға зиянды газдар шығарындыларын азайтады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда жұма күні теледидар мен радио жұмыс істемейді
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 29 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.