Алматыда 103 төсек-орындық жатақхана ашылды
Алматыда жеке инвестициялардың есебіне салынған 103 төсек-орындық заманауи жатақхана ашылды. Мұнда студенттерге жайлы бөлмелер, ас бөлмесі, оқуға және демалуға барлық жағдай жасалған. Сонымен қатар, интернетпен (wi-fi) қамтамасыз етілген коворкинг аймағы да қарастырылған, деп хабарлайды Алматы қаласы әкімдігінің баспасөз қызметінен.
Жатақхана керемет! Бөлмелері кең әрі жарық, қажеттінің бәрі бар. Асхана да өте ыңғайлы, тағамдары дәмді. Wifi жылдамдығы да тамаша, сабақ оқуға өте ыңғайлы", - деді жатақхана тұрғыны Ербол Балтабаев.
Алматы қаласы Жастар саясаты басқармасының мәліметінше, оқу жылы басталғанға дейін Алматыда 1920 орындық 6 жатақхана ашылды, ал жыл соңына дейін Алматы қаласы әкімдігінің жобалық кеңсесінің қолдауымен 3105 орындық 4 нысанды пайдалануға беру жоспарланып отыр. 2024 жылы жалпы 5025 орындық 10 нысанды, 2025-2026 жылдары 34 295 орындық 33 нысанды пайдалануға беру көзделген.
Менің жатақханам өте ыңғайлы. Коворкинг аймағы заманауи жабдықтармен қамтылған, сондықтан сабағымды оқып, жобаларымды жасау үшін тамаша орын. Жұмыс істеп отырған кезде басқа студенттермен қарым-қатынас жасап, тәжірибе алмасуға да мүмкіндік бар. Сонымен қатар, жатақханамның аялдамаға жақын орналасуы өте ыңғайлы. Кез келген бағытқа барарда уақытты үнемдеп, қала ішінде еркін қозғала аламыз", - деді студент Әділет Досымбеков.
Естеріңізге сала кетейік, жатақхана құрылысын тиімді үйлестіру үшін студенттік жатақханалар құрылысы бойынша жобалық кеңсе жұмыс істеп тұр. Жобалық кеңсенің негізгі міндеті Алматы қаласында жатақханалар құрылысы бойынша мемлекеттік бағдарламаны іске асыру және студенттерді тұрғын үймен қамтамасыз ету үшін қолайлы жағдай жасау. Жобалық кеңсе ашылғаннан бастап 120 әлеуетті инвестор жүгінді, оның 67-сі қазір жұмысқа кіріскен, бұл қолдау механизмінің тартымдылығын көрсетеді.
Анықтама үшін: +77015282837 - студенттік жатақхана құрылысы бойынша жобалық кеңсенің басшысы Дамир Кутумов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы әкімдігінде реконструкцияланған Құлжа трактісін көрсетті
Алматыда Рысқұлов даңғылынан Бұқтырма көшесіне дейінгі учаскеде Құлжа трактінің жүріс бөлігін рекострукциялау аяқталды. Жол 2,3 км учаскеде 4-тен 6 жолаққа дейін кеңейтілді, бұл оның өткізу қабілетін екі есеге арттырды, деп хабарлайды Алматы қаласы әкімдігінің баспасөз қызметінен.
Қалалық мобилділік басқармасы реконструкцияланған учаскенің барлық ұзындығында жолдың негізін салу, асфальтбетон жабынының төменгі және жоғарғы қабаттарын төсеу бойынша жұмыстар жүргізілгенін хабарлады. Сондай-ақ, жаңа жарықтандыру тіректері орнатылып, уақытша жол белгілері қойылды.
Бұл ретте жолдың шеттерінде тосқауыл қоршауын және жолдың екі жағынан ені 2-ден 3 метрге дейінгі тротуарларды орнату жұмыстары жалғасуда. Жобаны ағымдағы жылдың соңына дейін аяқтау жоспарлануда.
Естеріңізге сала кетейік, мегаполис әкімі Ерболат Досаевтың тапсырмасы бойынша жұмыстар ең аз қозғалыс шектеулерімен жүргізілді. Әр кезеңде екі бағыт бойынша екі жолақты қозғалыс қамтамасыз етілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада кезекті бос жұмыс орындарына арналған жәрмеңке өтеді
Елорданың "Жастар" сарайында 19 қыркүйек күні бос жұмыс орындарына арналған жәрмеңке өтеді, деп хабарлайды елорданың ресми сайты.
Елорданың еңбек мобильділігі орталығы Еңбек күнін мерекелеу аясында бос жұмыс орындары жәрмеңкесін өткізеді. Іс-шара 19 қыркүйекте сағат 15:00-ден 17:00-ге дейін Республика даңғылы, 34 мекенжайындағы "Жастар" сарайында өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.