26.09.2024, 13:49 5516
Астанада есірткі жарнамаларын өшіру іс-шарасы өтті
Достарға айту
Елорданы Алматы ауданында құқық бұзушылықтың алдын алу іс-шарасы өтті, деп хабарлады Астана әкімдігінің ресми сайты.
Рейдтік іс-шараны Алматы ауданының әкімдігі, прокуратурасы және полиция басқармасы ұйымдастырды. "Жастар ресурстық орталығы" коммуналдық мемлекеттік мекемесіне қарасты волонтерлер де көмекке келді.
Бүгінгі іс-шараның нақты бағыты - наркотикалық және синтетикалық заттардың жарнамасын жою. Яғни, аудандағы үйлер мен мекемелердің қабырғаларына, тротуарлар мен жолға жазылған, наркотикалық және синтетикалық заттардың жарнамасы болуы мүмкін түрлі граффити, QR-кодтар, жазбалар, суреттер өшірілді. Әр нүктелерге барып, суреттер мен жазбаларды өшіруге бізге волонтерлер де қол ұшын беруде. Қазіргі кезде жазбалар мен суреттердің полиция анықтаған 15-ке жуық түрі белгілі. Бұндай белгісі бар граффити, QR-кодтарды бірден өшіреміз. Сондай-ақ басқа да сызбаларды тазалаймыз, өйткені бұл вандализмге жатады", - деді Алматы ауданы әкімдiгi ішкі саясат бөлімінің басшысы Айбын Айдынұлы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
26.09.2024, 16:33 4921
Абай және Қызылорда облыстарының аграршылары өз өнімдерін Астанадағы жәрмеңкеде ұсынады
Достарға айту
Осы демалыс күндері, 28-29 қыркүйекте Астанада Абай және Қызылорда облыстарының тауар өндірушілерінің қатысуымен ірі ауыл шаруашылығы жәрмеңкесі өтеді, деп хабарлайды елорда әкімдігінің ресми сайты.
Екі облыстың аграршылары Астанаға нарықтық бағадан төмен бағамен 830 тоннадан астам жоғары сапалы ауыл шаруашылығы өнімін әкеледі. Сатылатын тауарлар тізімінде: ет, күріш, балық, көкеністер мен жемістер, өсімдік майы, сүт өнімдері, бал, қымыз, шұжық өнімдері, бақша дақылдары, ас тұзы, сондай-ақ сүт және кондитерлік өнімдер бар.
Жәрмеңкені өткізу барысында елорда тұрғындары мен қонақтары Абай және Қызылорда облыстары әртістерінің қатысуымен ойын-сауық концерттік бағдарламасын тамашалай алады. Ауылшаруашылық жәрмеңкесі сағат 9.00-ден 18.00-ге дейін ашық болады.
Естеріңізге сала кетейік, биыл жәрмеңке "Қазанат" ипподромына қарама-қарсы, Қарқаралы тас жолы, 1-де өтеді. Елорда тұрғындары мен қонақтарына ыңғайлы болуы үшін оны өткізу кезеңінде № 18, 37, 303 және 323 автобус маршруттары жүреді.
Жәрмеңкелер әр демалыс күндері 27 қазанға дейін өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
25.09.2024, 18:30 10886
Қорғаныс министрлігінің әскери дәрігері ұшақта жолаушының өмірін сақтап қалды
Достарға айту
Қорғаныс министрлігінің әскери дәрігері ұшақта жолаушының өмірін сақтап қалды, деп хабарлайды ҚР Қорғаныс министрлігінің баспасөз қызметінен.
ҚР Қорғаныс министрлігінің басшылығы бұл оқиға жайлы Құрлық әскерлері әскери институтының бастығы генерал-майор Бауыржан Ибатулиннің блогына келіп түскен хаттан білді.
Хат авторы Шолпан И. жоғары оқу орнының медицина қызметінің бастығы подполковник Ахмаджан Төленовке шын жүректен ризашылығын білдірген. 9 қыркүйекке қараған түні А. Төленов түріктің Анталья қаласынан Алматыға ұшып бара жатқан ұшақ бортында оған шұғыл медициналық көмек көрсеткен.
Шолпанның айтуынша, ұшақта ол өзін нашар сезінген. Әйел стюардессаларды шақыратын түймені басып үлгергенімен, есінен танып қалған.
Мені ұшақтың дәлізіне жатқызды. Есімді жиғанда ең бірінші ер адамның көмек көрсетіп жатқанын сезіндім. Ол менің басымды қозғалтпай, мұрнымның астындағы нүктені басты. Содан соң менен хал-жайымды сұрады. Осы кезде мен қауіптің сейілгенін түсіндім. Өзімді қауіпсіз сезініп, тынышталдым", - деді Шолпан.
Бұл процеске сол рейспен ұшқан кардиолог та қосылды. Дәрігерлер әйелдің есін жиғызып, қан қысымын өлшеп, қажетті дәрі-дәрмектер берген.
Шолпан И. өз жазбасында есін жиып, үйіне аман-есен ұшып жетуге көмектескен кәсіби мамандардың дер кезінде көрсеткен көмегін ерекше атап өткен.
Әйел ес-түссіз халде болды. Денесі құрысып, суық тер шығып, бозарып кетті. Тағы бір жолаушының көмегімен біз оның миына дұрыс қан баратындай және тыныс жолдары ашылатындай етіп жатқыздық. Қажетті көмек беріп, есін жиғыздық. Денені дұрыс жатқызу және мұрынның астындағы жүйке шоғыры орналасқан нүктені басу тез арада есін жидыруға мүмкіндік берді", - деп нақтылады әскери дәрігер.
Ахмаджан Төленов - жалпы тәжірибелік хирург. Ол Оңтүстік Қазақстан мемлекеттік медицина академиясын бітіріп, орталық аудандық ауруханада қабылдау бөлімінің меңгерушісі болып жұмыс істеген. Қарулы күштердің Шымкент, Гвардейск гарнизондарында қызмет атқарған ол оқу-жаттығуларда өзін білікті маман ретінде көрсете білді. Сондықтан мұндай сәтте қалай әрекет ету керектігін жақсы біледі. Ол өзінің қауырт жағдайдағы іс-әрекетін кәсіби және адамгершілік парызы деп санайды.
Әскери институт басшылығы жоғары қолбасшылыққа әскери қызметшіні марапаттау туралы қолдау хат жіберді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 18:44 15061
Астанада жылыту маусымы басталды
Достарға айту
Сыртқы ауа температурасының төмендеуін ескере отырып, әкімдік 2024-2025 жылыту маусымының басталуы туралы қаулы қабылдады, деп хабарлайды Астана қаласы әкімдігінің баспасөз қызметінен.
24 қыркүйектен бастап тұрғын үйлерге кезең-кезеңімен жылу беру басталды. Барлық нысандарды толық қосу екі-үш күн ішінде жоспарланып отыр.
Бұған дейін әлеуметтік нысандар олардың өтінімдері бойынша (мектептер, балабақшалар, емханалар) жылытуға қосылған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 16:17 20401
Қазақстандық ата-аналармен балалардың қауіпсіздігін қамтамасыз ету мәселелері талқыланады
Достарға айту
23-27 қыркүйек аралығында еліміздің барлық мектептерінде балалардың қауіпсіздігіне арналған ата-аналар жиналысы өтеді. Жиналыста ата-аналардың бала өміріндегі, сондай-ақ онлайн кеңістіктегі қауіпсіздігіне қатысты жауапкершілігі туралы сөз қозғалады, деп хабарлайды Қазақстан Республикасының Оқу-ағарту министрлігінің баспасөз қызметінен.
Ата-аналарға қауіп-қатерлерді дер кезінде қалай анықтау және оларды болдырмау үшін қандай шаралар қолдану керектігі туралы қадамдық ұсынымдар беріледі. Олардың ішінде - баланың мінез-құлқын бақылау, әлеуметтік желілердегі белсенділік мониторингі, мектеп ортасындағы құрдастарымен қарым-қатынасы кіреді. Бұдан бөлек, мамандар баламен тұрақты қарым-қатынас жасаудың, ашық диалог үшін сенімді орта құрудың және ата-аналардың баласының өміріне ұдайы қатысуының маңыздылығына назар аударды.
Бала қауіпсіздігі ата-ана, педагог, әрбір ересек адам үшін басымдыққа ие болуы тиіс. Баламен ашық диалог құру, оның өміріне ұдайы қатысып отыру, цифрлық құрылғыларды бақылау және баламен қауіпсіздік тақырыбында әңгімелесу - бұл проблемалардың алдын алуға көмектесетін негізгі қадамдар. Ата-аналардың міндеті тек баланың жүріс-тұрысын бақылап қана қоймай, сонымен қатар өз баласымен оны әрқашан тыңдауға және көмектесуге дайын екенін білдіретін сенімді қарым-қатынас қалыптастыру. Бала біздің болашағымыз, олардың саламаттылығын сақтау тікелей бізге байланысты", - деп атап өтті ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.
Естеріңізге сала кетейік, биылғы оқу жылынан бастап білім беру ұйымдарында апта сайын сынып сағаттары аясында "Қауіпсіздік сабақтары" өтуде, сабақ кезінде интернеттегі тәуекелден қорғану, өзін-өзі сақтау дағдыларын дамыту және түрлі қауіп-қатерлер жағдайында дұрыс әрекет ету тақырыптары қамтылуда. Сондай-ақ балалар мен ата-аналар және педагогтер үшін психологиялық, құқықтық және әдістемелік кеңес алуға болатын психологиялық қолдау орталықтары ашылды. Ал балаларға жасалған қатыгездікке куә болсаңыз, тәулік бойы қызмет ететін "111" нөміріне хабарласуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 14:26 20186
Бердібек Соқпақбаевтың 100 жылдығына орай жазушының зағип жандарға арналған кітабының тұсаукесері өтті
Достарға айту
Бердібек Соқпақбаевтың 100 жылдығына орай жазушының зағип жандарға арналған кітабының тұсаукесері өтті, деп хабарлайды ҚР Мәдениет және ақпарат министрлігінің баспасөз қызметінен.
Алматыдағы Зағип және нашар көретін азаматтарға арналған республикалық кітапханада балалар жазушысы, ақын Бердібек Соқпақбаевтың туғанына 100 жыл толуына орай "Балалар әдебиетінің бәйтерегі" атты халықаралық онлайн конференция өтті.
Оған Қазақстан, Ресей, Өзбектан, Қырғызстан, Татарстан зағип және нашар көретін азаматтарына арналған арнайы кітапханалар қатысты. Жиында жазушы шығармашылығының өміршең тұстары, кейіпкерлерінің ерекше портреті жайлы пікірлер айтылды.
Конференция аясында "Бердібек Соқпақбаев - балалар әдебиетінің атасы" атты көрме ашылып, оның нүктелі-бедерлі қаріпте басылып шыққан туындылары таныстырылды.
Сондай-ақ, Бердібек Соқпақбаевтың нүктелі-бедерлі қаріпте және аудио форматында жарыққа шыққан "Балалық шаққа саясат" кітабының тұсауы кесілді.
Сонымен қатар Қазақ зағиптар қоғамының көркемөнерпаздар ұжымы мүшелері және кітапхана оқырмандарының қатысуымен Бердібек Соқпақбаевтың "Ана жүрегі" әңгімесінен театрландырылған қойылым көрсетілді.
Айта кетейік, Бердібек Соқпақбаевтың 100 жылдығы ЮНЕСКО-ның атаулы күндері тізбесіне енгізілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 14:12 20556
Алматыда толып тұратын қоқыс жәшіктерін тазалау үшін қосымша патруль енгізіледі
Достарға айту
Алматыда "Алматы - біздің ортақ үйіміз" қалалық науқаны және "Таза Қазақстан" республикалық бағдарламасы аясында қоқыс жәшіктерін тазалауды бақылау бойынша жаңа шаралар енгізілуде, деп хабарлайды Алматы қаласы әкімдігінің баспасөз қызметінен.
Коммуналдық инфрақұрылымды дамыту басқармасы мониторинг нәтижесінде аузы-мұрнынан шығып толып жататын 52 учаскені анықтады. Бұл мәселені шешу үшін санитарлық тазарту қызметінің жұмысын бақылау күшейтілді.
Қоқыс жәшіктерін тазалау бойынша қосымша патрульдік маршруттар енгізілді. Күн сайын сағат 12:00-ден 20: 00-ге дейін екі қызметкері бар жүк көліктері жұмысқа шығады. Жауапты тұлғалар нақты аумақтарға тағайындалады, бұл туындаған түйткілді мән беріп, тездетіп шешуге жол ашады.
Бүгінде қалада 33 мыңға жуық қоқыс жәшігі бар, шаһарды 1 300-ге жуық адам және 1 000-нан астам техника тазалайды. Дизайн кодқа сәйкес, жаңа, сыйымдылығы үлкен қоқыс жәшіктерін сатып алу жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 13:49 20786
Almaty Marathon 2024: 29 қыркүйекте Алматыдағы жолдардың бір бөлігі жабылады
Достарға айту
29 қыркүйекте сағат 6:20-ден 12:30-ға дейін марафон қашықтығы өтетін жерлерде жол қозғалысы ішінара жабылады. Спортшылар қашықтықты өткеннен кейін жолдар ашылады, деп хабарлайды Алматы қаласы әкімдігінің баспасөз қызметінен.
Марафонның сөресі мен мәресі Республика алаңында орналасады, сондықтан Сәтбаев көшесінің бойында Желтоқсан көшесінен Назарбаев даңғылына дейін екі жолақ 28 қыркүйек сағат 6:00-ден 29 қыркүйек сағат 18:00-ге дейін жабылады.
29 қыркүйек:
Назарбаев даңғылының бойында Сәтбаев көшесінен әл-Фараби даңғылына дейінгі көлік қозғалыс сағ. 6:25-тен 09:35-ке дейін толығымен жабылады. Достық даңғылымен екі бағытқа балама жол жүру бағыты.
Әл-Фараби даңғылының бойында Назарбаев даңғылынан Шашкин көшесіне дейінгі көлік қозғалыс іс-шара күні сағ. 6:30-дан 9:45-ке дейін ішінара жабылады. Әл-Фараби даңғылының оңтүстік жағы автокөлік қозғалысы үшін ашық болады. Батыс бағытта балама жол жүрісі Төле би көшесі мен Абай даңғылы бойында жүзеге асырылады.
Әл-Фараби даңғылының бойында Шашкин көшесінен Саин көшесіне дейін батыс бағытта көлік қозғалыс сағ. 6:35-тен 10:15-ке дейін ішінара жабылады, көшенің оңтүстік жағы автокөлік қозғалысы үшін ашық болады. Абай даңғылы бойынша шығыс бағытта балама жол жүру бағыты орналасқан.
Саин көшесінің бойында әл-Фараби даңғылынан Абай даңғылына дейінгі солтүстік бағытта көлік қозғалыс сағ. 7:00-ден 11:00-ге дейін жабылады, көшенің батыс жағы автокөлік қозғалысы үшін ашық болады. Бауыржан Момышұлы көшесімен солтүстік бағытта балама жол жүру бағыты.
Абай даңғылының бойында Саин көшесінен Розыбакиев көшесіне дейінгі шығыс бағытта көлік қозғалыс сағ. 7:10-нан 11:30-ға дейін жабылады, даңғылдың солтүстік жағы автокөлік қозғалысы үшін ашық болады. Шығыс бағытта әл-Фараби даңғылы, Төле би көшесі, Құрманғазы көшесі, Қабанбай батыр көшесі бойынша балама жол бағытында жүруге болады.
Абай даңғылының бойында Розыбакиев көшесінен Байтұрсынов көшесіне дейінгі көлік қозғалыс сағ. 7:20-дан 12:00-ге дейін толығымен жабылады. Әл-Фараби даңғылындағы балама жол жүру бағыты.
Байтұрсынов көшесінің бойында Абай даңғылынан Сәтбаев көшесіне дейінгі көлік қозғалыс сағ. 7:30-дан 12:15-ке дейін толығымен жабылады.
Сәтбаев көшесінің бойында шығыс бағытта Байтұрсынов көшесінен Желтоқсан көшесіне дейінгі көлік қозғалыс 7:40-тан 12:30-ға дейін толығымен жабылады. Абай даңғылымен батыс бағытта, Төле би көшесімен шығыс бағытта балама жол жүру бағыты ашық.
Шашкин көшесінің бойында әл-Фараби даңғылынан Тимирязев көшесіне дейінгі көлік қозғалыс сағ. 7:30-дан 08:05-ке дейін толығымен жабылады. Марков көшесіндегі балама жол жүру бағыты.
Тимирязев көшесінің бойында Шашкин көшесінен Байзақов көшесіне дейінгі көлік қозғалыс сағ. 7:30-дан 08:15-ке дейін толығымен жабылады. Батыс бағытта Абай даңғылымен, шығыс бағытта әл-Фараби даңғылымен балама жол жүру бағыты.
Байзақов көшесінің бойында Тимирязев көшесінен Құрманғазы көшесіне дейінгі көлік қозғалыс сағ. 7:35-тен 08:50-ге дейін ішінара жабылады. Әуезов көшесімен солтүстік бағытта, Манас көшесімен оңтүстік бағытта балама жол жүру бағыты.
Құрманғазы көшесінің бойында Байзақов көшесінен Байсейітов көшесіне дейінгі көлік қозғалыс сағ. 7:40-тан 08:10-ға дейін ішінара жабылады. Төле би көшесі бойымен шығыс бағытта балама жол жүру бағыты.
Абылай хан даңғылының бойында Құрманғазы көшесінен Абай даңғылына дейінгі көлік қозғалыс сағ. 7:45-тен 09:15-ке дейін ішінара жабылады. Қонаев көшесімен солтүстік бағытта, Достық көшесімен оңтүстік бағытта балама жол жүру бағыты.
Желтоқсан көшесінің бойында Абай даңғылынан Сәтбаев көшесіне дейінгі көлік қозғалыс сағ. 7:50-ден 09:20-ға дейін ішінара жабылады. Достық көшесіндегі балама жол жүру бағыты.
Деректер жүгіру жарысына қатысушылардың қозғалыс уақытын ұтымды бөлуді ескере отырып енгізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 16:45 29341
Алматының ТЖД жылыту маусымының қарсаңында қауіпсіздік шараларын еске салды
Достарға айту
Алматыда төтенше жағдайлар департаменті аудан әкімдіктерімен және басқа да мүдделі органдармен бірлесіп, жылу беру маусымы қарсаңында тұрғындар арасында өрт қауіпсіздігі шараларын түсіндіру бойынша профилактикалық жұмысты жалғастыруда, деп хабарлайды әкімдіктің баспасөз қызметінен.
Осылайша, 15 тамыздан бастап қалада халықтың әлеуметтік осал топтарына бағытталған "Қауіпсіздік үшін - бірге" және "Көмек қолы" акциялары өткізіледі. Акциялар аясында үйлерді тексеру жүргізіледі, демеушілік қаражат есебінен көміртегі тотығы датчиктері орнатылады. Жалпы, 2018 жылдан бастап ХӘОТ санатындағы 1,4 мыңға жуық отбасы үйі көміртегі тотығы датчиктерімен жарақтандырылған.
Сонымен қатар, 152 911 жеке тұрғын үй есепке алынды, оның ішінде қатты отынмен жылытылатын 727 жеке үй ерекше бақылауда. Тұрғын үй ұйымдарының (МИБ, ПИК және т.б.) өкілдерімен бірлесіп жиналыстар өткізіледі, жылыту пештерін пайдалану кезінде өрт қауіпсіздігі ережелерінің сақталуы туралы СМС тарату қамтамасыз етіледі.
Сонымен қатар, ТЖД тұрғын үй секторында мемлекеттік өрт бақылау жүзеге асырылмайтынын еске салды. Өрт қауіпсіздігіне азаматтар ұсынымдар мен жеке сананы сақтаған жағдайда ғана қол жеткізіледі.
Көміртегі тотығы-үнсіз өлтіруші, ол иіссіз және түссіз, сондықтан оны тек датчиктер мен дабылдардың, газды бақылау құралдарының көмегімен анықтауға болады. Көміртегі тотығымен уланудың ең көп тараған себептері-түтін немесе желдету каналдарында тартудың болмауы, байланыстырушы құбырлардың тығыздалмауы, газ аспаптарын пайдалану кезінде терезелердің жабық болуы", - деп атап өтті ведомстводан.
Негізгі ұсыныстар:
- көміртегі тотығы датчиктерін орнатыңыз;
- үйдегі электр сымдарын тиісті күйге келтіріңіз;
- түтін құбырларын, жылыту пештерінің мұржаларын күйеден тазалаңыз, мұржаның тартылуын тексеріңіз;
- ағашты, кірді пештерде, мұржаларда және электр пештерінде кептірмеңіз;
- жабдықты үнемі тексеріп отырыңыз - уақтылы техникалық қызмет көрсету үлкен проблемаларды болдырмауға көмектеседі;
- жылытқыштарды қараусыз қалдырмаңыз - өрттің алдын алу үшін жұмыс ережелерін сақтаңыз;
- мұржалар мен желдетуді тексеріңіз - олар таза және бітелусіз болуы керек;
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
26.09.2024, 13:15Жоғарғы Сот мектептерде орамал тағуға тыйым салуды жойған жоқ 26.09.2024, 13:30 13586Зияткерлік меншік құқығы комитетінің төрағасы тағайындалды26.09.2024, 13:53 13211Алматы прокуратурасы маркетплейстермен ынтымақтастықты бастады26.09.2024, 18:14 12721Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды26.09.2024, 16:23 10486Алматыда тау бөктерінде ТК құрылысы тоқтатылды: жоспардан тыс тексеру жүріп жатыр
20.09.2024, 13:11 62891Қазақстандағы денсаулық сақтау саласына жұмсалатын шығындардың азаюы байқалуда20.09.2024, 16:34 62646Елге тұрақты энергияның баламалы көзі қажет - Бектенов20.09.2024, 16:56 62496Ұлттық статистика бюросы табиғи-экономикалық есепке алу жүйесі бойынша жаңа шоттарды жариялай бастады20.09.2024, 13:08 62446Әбілқасымов Қаржы нарығын реттеу және дамыту агенттігі төрағасының орынбасары болып тағайындалды20.09.2024, 12:58 53551Қазақстанда жыл басынан бері газ жарылыстарынан алты адам қаза тапқан
28.08.2024, 18:38 118296Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11712139 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 112906Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 108681Алматыда бейбіт жиындар мен шерулер өткізу орындары өзгерді29.08.2024, 16:57 108541Алматыда қала арқылы өтетін негізгі өзендерде көшкін қаупінің картасы әзірленеді