01.10.2024, 17:35 9501
Астаналық зейнеткерлер арасында үздік шахматшы анықталады
Достарға айту
Қарттар күніне орай Алматы ауданында орналасқан Астана қаласы әкімдігінің "Белсенді ұзақ өмір сүру орталығы" коммуналдық мекемесінде шахмат турнирі басталды, деп хабарлайды елорда әкімдігінің ресми сайты.
Елордада 2022 жылы ашылған "Белсенді ұзақ өмір сүру орталығында" құрметті еңбек демалысына шыққан егде азаматтар бос уақытын тиімді өткізуге тырысады. Алғашқы жылы 6 мың адам ғана тіркелсе, қазіргі таңда орталыққа келушілердің саны 14 мыңға жуықтайды. Бұл жерде зейнеткерлер әлеуметтік-сауықтыру, әлеуметтік-медициналық, әлеуметтік-экономикалық, әлеуметтік-еңбек, бос уақыт өткізу бағытында әлеуметтік қызмет түрлерін ала алады.
Мерекеге орай, Алматы ауданында шахмат бәсекесінен жеңімпаздарды анықтау мақсатында зейнеткерлер бас қосты. ҚР Еңбек және халықты әлеуметтік қорғау вице-министрі Олжас Анафин қарияларды арнайы құттықтады.
Әкімшілік тарапынан "Белсенді ұзақ өмір сүру орталығының" ашылғаны өте дұрыс болды деп санаймын. Өзім 2022 жылдан бері осы жерге келіп, қатарластарыммен уақыт өткізуге тырысамын. Көптеген үйірмелер бар және осы жерге келгеннің арқасында жаңа қырларымды ашып жатырмын. Шахматпен бала кезден айналысып келемін. Қалалық деңгейдегі жарыстарды жібермеуге тырысамын. Жаттығудың арқасында биыл Senate Open республикалық жарысының жартылай финалына дейін жеттім. Орталықта да мықты шахматшылар бар. Бос уақытымда шахматпен айналысып, жаңа адамдармен танысып жатырмын. Бұдан бөлек, бачата би түрін де меңгерудемін", - деді 73 жастағы Гамиат Насыров.
Шахмат бәсекесінде жүлдегерлер рапид түрі бойынша айналмалы жүйеде белгілі болады. Жалпы қаланың 5 ауданында 180-нен астам зейнеткер шахматты серік еткен.
Зейнеткерлер орталықта тек шахмат қана емес, сондай-ақ, йога, айкөне, компьютерлік сауаттылық, ағылшын тілі және т.б. 22 түрлі үйірмеге қатыса алады.
Астанадағы 5 ауданда орталықтың 5 филиалы бар. Олар Алматы ауданы бойынша Р.Қошқарбаев көшесі, 29/1, Байқоңыр ауданы бойынша Абай даңғылы, 46, Есіл ауданы бойынша Достық кешесі, 13, Сарыарқа ауданы бойынша Бейбітшілік көшесі, 25 және Нұра ауданы бойынша Төле би көшесі, 44 мекенжайында орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
02.10.2024, 17:59 1491
Қазақстанда Атом есімді 5 адам бар
Достарға айту
Қазақстанда Атом есімді 5 адам бар, деп хабарлайды Qazstat.
Соңғы деректерге сәйкес, Қазақстанда Атом есімді 5 адам тұрады. Ең кішісі 3 жаста, ал үлкені - 66 жаста. Бұл есім иелері Ақмола мен Қостанай облыстарында, сондай-ақ Алматы және Астана қалаларында тұрады.
Сонымен қатар құрамында "атом" сөзі бар мынадай есімдер де кездеседі:
- Атомжан - 2 адам
- Атомбек - 6 адам
- Атомвек - 2 адам
- Атомтай - 1 адам
Ескерте кететін жайт, аталған есім иелерінің 80%-ы 47 жастан асқан және олар Қазақстанның 11 өңірінде тұрады. Бұл ретте, елімізде Референдум есімді адам жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.10.2024, 17:56 1626
Астанада Қарттар күніне орай мерекелік іс-шара өтті
Достарға айту
Астана қаласында Байқоңыр ауданының Өндіріс тұрғын алабында Қарттар күніне орай мерекелік іс-шара өтті, деп хабарлайды елорда әкімдігінің ресми сайты.
Белсенді ұзақ өмір сүру орталығы" ұйымдастырған концертте тек ойын-сауық бағдарламасы ғана емес, қала әкімдігіне қарайтын орталықтың ардагерлерге ұсынатын қызметтері туралы да кеңінен түсініктеме берілді. Мәселен, мұнда зейнеткерлер үшін тегін дене шынықтыру, үстел теннисі, қолөнер, хор үйірмесі, тыныс алу гимнастикасы бөлмесі ашылған.
Мерекелік іс-шарада Байқоңыр ауданы "Белсенді ұзақ өмір сүру орталығының" директоры Мұхтар Еркетаев, Қазақстан Республикасына еңбегі сіңген жаттықтырушы Айсұлтан Жақыпбек сөз сөйлеп, зейнеткерлерді мерекемен құттықтады.
Зейнеткерлер егде тартқан шағында қоғамға керексіз болып үйде жалғыз отырып қалмай, ортамен араласып, денсаулығын нығайтып, көңілін көтеру үшін осындай орталықтар ашылып отыр. Ата-әжелер үйде немере баққаны да дұрыс, дегенмен, білім көкжиегін кеңейтіп, жаны мен тәнін шынықтырып, көзқарасын жаңа арнаға бағыттау үшін оларға "Белсенді ұзақ өмір сүру орталығына" келіңіздер" деген кеңес айтар едім", - деді Байқоңыр ауданы "Белсенді ұзақ өмір сүру орталығының" әлеуметтік қызмет көрсету бөлімінің жетекшісі Роза Байсалбаева.
Сондай-ақ, мерекелік іс-шарада осы орталыққа келушілер ән айтып, би билеп, мерекенің көрігін қыздырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.10.2024, 17:33 1901
Алматыда көпбалалы аналар марапатталды
Достарға айту
Алматы қаласының 9 көпбалалы анасы "Алтын алқа" және "Күміс алқа" мемлекеттік наградаларының иегері атанды. Олар Жетісу ауданында тұрады, деп хабарлайды Алматы қаласы әкімдігінің баспасөз қызметінен.
Қазақстан Республикасы Президентінің 2024 жылғы 6 қыркүйектегі №645 Жарлығына сәйкес екі ана "Алтын алқа" алса, тағы жеті анаға "Күміс алқа" берілді.
Біз тәрбиелеп отырған балаларымыз еліміз бен жерімізге қызмет етсе, бұл біздің мақсатымыздың орындалғаны. Әрбір ана балалардың санына ғана емес, олардың тәрбиесінің сапасына да жауап береді, өйткені бұл үлкен жауапкершілік. Қазақстанның болашағы жарқын болсын, балаларымыз денсаулығы мықты болып, еліміз гүлдене берсін!", - деді "Алтын алқа" иегері Аяна Әлішева.
Күміс алқа" иегері, 6 баланың анасы Гүлзана Халбекова да эмоциясын жасырмады.
Мен осы сәтті ұзақ күттім. Өзім көпбалалы отбасында өскенмін, біз анамыздың мейіріміне және әкеміздің қамқорлығына бөленіп өстік. Біздің балаларымыз да бір-біріне қамқорлық пен жақсылық жасайды. Менің ойымша, бейбіт еліміз мен көңілі дархан халқымыздың арқасында балаларымызды бейбітшілік пен келісімде тәрбиелей аламыз. Көпбалалы ана болу бақыт, мен әр отбасыға осындай бақыт тілеймін!", - деді Гүлзана Халбекова.
Жетісу ауданының әкімі Ләззат Жылқыбаева жоғары награда иегерлерін құттықтап, ұлттың дамуына қосқан үлестері үшін алғыс білдірді.
Ауданда барлығы 2 940 көпбалалы ана тіркелген. Бүгінде олардың 154-і "Алтын алқа", 305-і "Күміс алқа" медальдарымен марапатталған. Олардың қатарына тағы 9 әйел қосылды. Көпшілігі білім беру, медицина және басқа да мемлекеттік және жеке құрылымдарда жұмыс істеп, қаланың дамуына зор үлес қосып келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.09.2024, 17:27 14531
Астанада референдум өтетін күні қоғамдық көлікте жол жүру тегін болады
Достарға айту
6 қазанда Қазақстанда АЭС салу мәселесі бойынша республикалық референдум өтеді. Бұл күні Астана автобустарында жол жүру тегін болады, деп хабарлайды елорда әкімдігінің ресми сайты CTS-ке сілтеме жасап.
6 қазанда Республикалық референдум өткізілетін күні қалалық және қала маңындағы маршруттарда жол жүру тегін болады.
Автобустар таңғы сағат 6:00-ден түнгі 23:00-ге дейін жүреді. 7 қазаннан бастап қоғамдық көлік штаттық режимде жұмыс істейтін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.09.2024, 17:19 14746
Алматыда 420 орынды жаңа мектеп салынады
Достарға айту
Алматыда 420 орынды жаңа мектеп салынады, деп хабарлайды Алматы қаласы әкімдігінің баспасөз қызметінен.
Алматы" ӘКК" АҚ еншілес ұйымы, "Almaty Finance" ЖШС Алматы қаласы Наурызбай ауданында жекеменшік жалпы білім беретін мектептің құрылысын қаржыландырды.
Қарыз алушы "Orken Education" ЖШС 200 млн. теңгеге өз қаражаты есебінен құрылыс материалдарын ішінара сатып алуға және кейіннен бірінші қабаттың құрылысына жұмсады. Өз кезегінде, "Almaty Finance" ЖШС оқу орнының құрылысын аяқтауға және жабдықтауға 288 млн.теңге бөлді.
Жобаны қаржыландыру "Almaty Business-2025" кәсіпкерлікті дамытудың өңірлік бағдарламасы шеңберінде жүзеге асырылуда. Несие бойынша сыйақы мөлшерлемесі жылдық 6%, қаржыландыру мерзімі 5 жылды құрайды. Құрылысты аяқтау 2025 жылдың жазына жоспарланған. Ашылғаннан кейін жаңа оқу орнына бір уақытта 420 оқушы келе алады.
Жаңа мектептің құрылысы Наурызбай ауданында мектеп орындарының жетіспеушілігі мәселесін шешуге мүмкіндік береді. Жоба сондай-ақ 50 жаңа жұмыс орнын құруды көздейді. Сонымен қатар, жекеменшік мектептің қызметі есебінен жергілікті бюджетке салық түсімдері ұлғаяды", - деді "Almaty Finance" ЖШС Басқарма төрағасының орынбасары Жұлдыз Игенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.09.2024, 14:25 16446
Қазақстанда 100 жастан асқан 420-дан астам адам бар
Достарға айту
Елімізде 100 жасаған және одан да үлкен жастағы 423 азамат бар. Жасы ең үлкен кейуана Ұлытау облысында тұрады, ақ жаулықты әжеміз биыл 114 жасқа толған туған күнін атап өтті, деп хабарлайды ҚР ЕХӘҚМ баспасөз қызметінен.
Әдетте, ең көп өмір сүретіндер еліміздің оңтүстік өңірінде көбірек деуге болады. Мәселен, Түркістан облысында 100 және одан жоғары жастағы 64 адам бар екенін айта кету керек.
Ұзақ өмір сүрушілер саны бойынша еліміздегі екінші орында ең ірі қаламыздың бірі - Алматы. Қазір Алматы қаласында 100 жастан асқан 48 адам тұрады.
Ұзақ өмір сүретіндер саны бойынша үшінші орында Алматы облысы тұр, онда 100 және одан жоғары жастағы 38 адам тұрады.
Ең қарт қазақстандықтардың үштігіне Ұлытау облысының тұрғыны - 114 жас, Павлодар облысы - 112 жас, Түркістан облысы - 110 жас кірді.
Естеріңізге сала кетейік, жыл сайын бүкіл әлемде, оның ішінде Қазақстанда да 1 қазанда Халықаралық қарттар күні атап өтіледі. Бұл мерекені 1990 жылы 14 желтоқсанда Біріккен Ұлттар Ұйымының Бас Ассамблеясы 45 сессияда жариялады.
Оны өткізудің басты мақсаты - егде жастағы адамдардың мемлекет пен қоғам алдындағы еңбегін құрметтеу және тану, сондай-ақ олардың проблемалары мен қажеттіліктеріне, өмір сүру сапасын арттыру қажеттілігіне назар аудару, оларға жалпыға бірдей қамқорлық көрсету.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.09.2024, 18:17 31191
Астанада Мәуліт кеші өтті
Достарға айту
Бейбітшілік және келісім сарайында Қазақстан мұсылмандары діни басқармасы Астана қаласы өкілдігінің ұйымдастыруымен "Пайғамбар - ізгі қоғам жаршысы" атты Мәуліт кеші өтті, деп хабарлайды елорда әкімдігінің ресми сайты.
Мәуліт кеші Бас мүфти Наурызбай қажы Тағанұлының сөзімен салтанатты түрде ашылды. ҚМДБ төрағасы елорда жұртшылығын Мәуліт айымен құттықтады.
Қасиетті Мәуліт баршамызға мүбарак болғай! Біздің жыл сайын асыға күтетін Мәуліт мерекесінде қауышып, көріскенімізге шын жүректен қуаныштымыз".
Кеште қасиетті Мәуліт жыры оқылып, елдің амандығы үшін дұға жасалды. Сондай-ақ әсерлі жыр - термелер орындалды. Сол сияқты кеш көрермендері үшін арнайы көрме де ұйымдастырылды.
Айтулы кеште белгілі әнші, композитор Құрмаш Махан ән шырқап, "Номад" этно-фольклорлық ансамблі өнер көрсетті.
Сондай-ақ Аstana Musical театрының актерлері түрлі тақырыптарда қойылымдар ұсынды.
Мәуліт кешінің билеттерінен түскен қаражат толықтай қайырымдылыққа арналып, кеш соңында 10 адамға "Мәуліт сыйлығы" берілді.
ҚМДБ осы жылды дін саласында "Ислам және дәстүр құндылығы жылы" деп жариялады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.09.2024, 18:15 31376
Алматыда Almaty Marathon өткізу кезеңінде қоғамдық көлік қозғалысының сызбалары өзгереді
Достарға айту
Алматыда 29 қыркүйекте Almaty Marathon өтеді, осыған байланысты сағат 06.00-ден 12.30-ға дейін 74 автобус маршруттарының сызбалары өзгертіліп, троллейбустардың қозғалысы тоқтатылады, деп хабарлайды әкімшіліктің баспасөз қызметінен.
Әрбір маршруттың қозғалысының уақытша сызбаларымен @AlmatyJoly Telegram-арнасында сілтеме бойынша толық танысуға болады: https://t.me/AlmatyJoly/1369
Еске салайық, 29 қыркүйекте сағат 6:20-дан 12:30-ға дейін марафон қашықтығы өтетін жерлерде жол қозғалысы ішінара жабылады. Қашықтықтан өту барысында спортшылар трассаны ашады.
Марафонның басталуы мен аяқталуы Республика Алаңында болады, сондықтан Сәтбаев көшесі бойымен Желтоқсан көшесінен Назарбаев даңғылына дейін екі жолақ 28 қыркүйек сағат 6:00-ден 29 қыркүйек сағат 22:00-ге дейін жабылады.
29 қыркүйек:
Назарбаев даңғылы бойымен Сәтбаев көшесінен Әл-Фараби даңғылына дейінгі қозғалыс 6:25-тен 09:35-ке дейін толығымен жабылады. Достық даңғылымен екі бағытқа балама жол қозғалысы.
Әл-Фараби даңғылы бойынша Назарбаев даңғылынан Шашкин көшесіне дейінгі қозғалыс іс-шара күні сағат 6:30-дан 9:45-ке дейін ішінара жабылады. Әл-Фараби даңғылының оңтүстік жағы автокөліктің өтуі үшін ашық болады. Батыс бағытта балама жол қозғалысы Төле би көшесі мен Абай даңғылында жүзеге асырылады.
Шашкин көшесінен Саин көшесіне дейін батыс бағытта әл-Фараби даңғылының бойымен қозғалыс ішінара 6:35-тен 10:15-ке дейін жабылады, көшенің оңтүстік жағы көлік қозғалысы үшін ашық болады. Абай даңғылымен шығыс бағытта балама жол қозғалысы.
Саин көшесі бойымен әл-Фараби даңғылынан Абай даңғылына дейінгі солтүстік бағытта қозғалыс таңғы 7:00-ден 11:00-ге дейін жабылады, көшенің батыс жағы автокөлік қозғалысы үшін ашық болады. Бауыржан Момышұлы көшесі бойынша солтүстік бағытта балама жол қозғалысы.
Абай даңғылының шығыс бағытындағы Саин көшесінен Розыбакиев көшесіне дейінгі қозғалыс таңғы 7:10-нан 11:30-ға дейін жабылады, даңғылдың солтүстік жағы автокөлік қозғалысы үшін ашық болады. Шығыс бағытта әл-Фараби даңғылы, Төле би көшесі, Құрманғазы көшесі, Қабанбай батыр көшесі бойынша балама қозғалыспен жүруге болады.
Абай даңғылындағы Розыбакиев көшесінен Байтұрсынов көшесіне дейінгі қозғалыс таңғы 7:20-дан 12:00-ге дейін толығымен жабылады. Әл-Фараби даңғылы бойынша балама жол жүру.
Байтұрсынов көшесі бойынша Абай даңғылынан Сәтпаев көшесіне дейінгі қозғалыс 7:30-дан 12:15-ке дейін толығымен жабылады.
Сәтбаев көшесі бойынша шығыс бағытта Байтұрсынов көшесінен Желтоқсан көшесіне дейінгі қозғалыс 7:40-тан 12:30-ға дейін толығымен жабылады. Батыс бағытта Абай даңғылымен, шығыс бағытта Төле би көшесімен балама жол қозғалысы.
Шашкин көшесі бойынша әл-Фараби даңғылынан Тимирязев көшесіне дейінгі қозғалыс 7:30-дан 08:05-ке дейін толығымен жабылады. Марков көшесі бойынша балама жол қозғалысы.
Тимирязев көшесі бойынша Шашкин көшесінен Байзақов көшесіне дейінгі қозғалыс 7:30-дан 08:15-ке дейін толығымен жабылады. Батыс бағытта Абай даңғылымен, шығыс бағытта әл-Фараби даңғылымен балама жол қозғалысы.
Байзақов көшесі бойынша Тимирязев көшесінен Құрманғазы көшесіне дейінгі қозғалыс ішінара 7:35-тен 08:50-ге дейін жабылады. Әуезов көшесі бойынша солтүстік бағытта, Манас көшесі бойынша оңтүстік бағытта балама жол қозғалсы.
Құрманғазы көшесі бойынша Байзақов көшесінен Байсетов көшесіне дейінгі қозғалыс ішінара 7:40-тан 08:10-ға дейін жабылады. Төле би көшесі бойынша шығыс бағытта балама жол қозғалысы.
Абылай хан даңғылы бойынша Құрманғазы көшесінен Абай даңғылына дейінгі қозғалыс ішінара 7:45-тен 09:15-ке дейін жабылады. Қонаев көшесі бойынша солтүстік бағытта, Достық көшесі бойынша оңтүстік бағытта балама жол қозғалысы.
Желтоқсан көшесі бойынша Абай даңғылынан Сәтпаев көшесіне дейінгі қозғалыс ішінара 7:50-ден 09:20-ға дейін жабылады. Достық көшесі бойынша балама жол қозғалысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
02.10.2024, 14:59Қазақстан Президенті V Дүниежүзілік көшпенділер ойындарының жүлдегерлерін марапаттады 02.10.2024, 17:26 4111Мемлекеттік функцияларды орындауға уәкілеттік берілген адамдарға теңестірілген тұлғалар кәсіпкерлікпен айналыса алады02.10.2024, 17:44 3511Алматы полициясы қызметтің күшейтілген нұсқасына көшірілді02.10.2024, 09:53 3046Ұлытау облысында бірнеше қылмыстық топ ұсталды02.10.2024, 18:17 2756Мүгедектікті белгілеу бойынша 68 мыңнан астам өтінім сырттай форматта қаралды
26.09.2024, 18:14 99256Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды26.09.2024, 16:35 94811«Бауырына салу» фильмі «Оскарға» ұсынылды26.09.2024, 16:23 93796Алматыда тау бөктерінде ТК құрылысы тоқтатылды: жоспардан тыс тексеру жүріп жатыр27.09.2024, 17:57 88991Қазақстан СТОБҮК ұйымына төрағалық етеді27.09.2024, 17:46 81751Астанада қоғамдық көлікке арнап 10 мыңнан астам виртуалды тариф шығарылды
26.09.2024, 18:14 99256Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды26.09.2024, 16:35 94811«Бауырына салу» фильмі «Оскарға» ұсынылды26.09.2024, 16:23 93796Алматыда тау бөктерінде ТК құрылысы тоқтатылды: жоспардан тыс тексеру жүріп жатыр27.09.2024, 17:57 88991Қазақстан СТОБҮК ұйымына төрағалық етеді06.09.2024, 17:38 88306Жамбыл облысында 2,7 мың га пайдаланылмай жатқан жер уческелерін қайтарылды