Астанада есірткі заттарын жарнамалауға жəне таратуға қарсы күрес үшін Smart Astana қосымшасында "Есірткіге жол жоқ" қызметі іске қосылды, деп хабарлайды елорда әкімдігінің ресми сайты.
Бұл қызмет тұрғындарға есірткі граффитиі жəне белгілері сияқты заң бұзушылық жағдайлары туралы жедел хабарлауға, кейіннен ақпаратты құқық қорғау органдарына беруге мүмкіндік береді.
Қызметті пайдалану жəне есірткі заттарының жарнамасы мен айналымына қарсы күресте көмек көрсету үшін мынадай қадамдарды орындау қажет:
1. App Store немесе Google Play арқылы "Smart Astana" қосымшасын орнатыңыз жəне тіркеуден өтіңіз.
2. Негізгі беттегі қолданбада "Танымал" бөлімін таңдаңыз.
3. "Есірткіге жол жоқ" бөліміне өтіп "өтініш жіберу" таңдаңыз.
4. Өтініш нысанын толтырыңыз: телефон нөмірі, Т.А.Ə., мекенжай (көше, үй нөмірі), Өтініш мəтінін көрсетіңіз, сондай-ақ заң бұзушылықты дəлелдейтін фотосуреттерді немесе бейнематериалдарды тіркеңіз.
5. Өтінішті жіберіңіз, ақпарат дереу қаралып жəне тиісті шаралар қабылдау үшін Астана қаласы ПД жергілікті полиция қызметінің (ЖПҚБ) басқармасына автоматты түрде жіберіледі.
Айта кетейік, өтініштер толықтай жедел өңделіп, ал заң бұзушылықтың əрбір фактісі бойынша заңнамаға сəйкес ден қою шаралары қабылданады.
Қала тұрғындарын "Есірткіге жол жоқ" қызметін белсенді пайдалануға, сол арқылы қоғамдық қауіпсіздікті қамтамасыз етуге жəне есірткі қылмысына қарсы іс-қимылға жəрдемдесуге шақырамыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.