Төтенше жағдайлар министрлігі мен Өнеркәсіп және құрылыс министрлігінде кадрлық өзгерістер орын алды
Төтенше жағдайлар министрлігі мен Өнеркәсіп және құрылыс министрлігінде кадрлық өзгерістер орын алды Тоқаев қазақ-корей іскер топтарының дөңгелек үстеліне қатысты
Мемлекет басшысы жоғары деңгейдегі келіссөздерден кейін Корея мен Қазақстанның ірі компаниялары басшыларының жиынына қатысты. Қазақстан Президенті жиынға қатысушыларға Президент Мун Чжэ Инмен өткен мемлекетаралық келіссөздердің негізгі қорытындылары туралы айтып берді. Қасым-Жомарт Тоқаев Оңтүстік Кореяның Қазақстан үшін аса маңызды стратегиялық әріптес екеніне тоқталды.
Соңғы 15 жылда Сіздің еліңізден келетін тікелей инвестиция көлемі 6 миллиард доллардан асты. Қазақстанда кореялық капитал салынған 550-ден астам кәсіпорын табысты жұмыс істеп жатыр. Олардың қатарында Samsung, Hyundai, Lotte, Posco, KNOC және басқа да жетекші корпорациялар бар. Осы компаниялардың қатысуымен жалпы құны 2,5 миллиард доллардан асатын 24 ірі жоба жүзеге асырылды. Әсіресе, кореялық SK Engineering & Construction компаниясының қатысуымен жүзеге асырылып жатқан Үлкен Алматы айналма тасжолының (БАКАД) құрылысын айтуға болады", – деді Қасым-Жомарт Тоқаев.
Сонымен қатар Мемлекет басшысы автомобиль жасау, тұрғын үй құрылысы, металлургия және ауылшаруашылығы сияқты салаларда жалпы құны 1,5 миллард доллардан асатын келешегі зор үміт күттіретін 16 инвестициялық жобаның іске асырылатыны туралы айтты.
Президент экономикалық ынтымақтастықты арттыруға жаңа мүмкіндіктердің бар екеніне назар аударды. Қасым-Жомарт Тоқаев инновациялар мен жаңа технологияларға негізделген экономиканы қалыптастыруға басымдық берілетінін атап өтті.
Қайта өңдеу өнеркәсібіндегі жоғары технологиялы өндіріс, сондай-ақ, Индустрия 4.0 технологияларына стратегиялық тұрғыдан мүдделіміз. Оңтүстік Корея экономиканы цифрландыру бойынша әлемдік көшбасшы және 5G желілері саласында үздік болып танылды", – деді Президент.
Сонымен қатар, Мемлекет басшысы Қазақстанда инновациялық технологияларды дамыту үшін заманауи инфрақұрылым бар екенін атап өтті.
Біз компьютерлік техника, желілік жабдықтар, деректерді өңдеу орталықтары бойынша бірлескен өндірістік жобалар ашуға мүдделіміз. Қазақстан 5G желісін өрістету бағытында жұмыс істеп жатыр. Ірі қалаларда алғашқы сынақтар өткізілді. Корея компанияларын елімізде 5G жобаларын іске асыру үдерісіне қатысуға шақырамын", — деді Президент.
Қасым-Жомарт Тоқаев жер қойнауын пайдалану саласының зор мүмкіндіктерін пайдалануға шақырды. Қазақстанда жер аумағының 25 пайызына ғана геологиялық зерттеу жүргізілгенін айтты. Бұл ретте, Мемлекет басшысы асыл және түсті металдарды өндіру бойынша бес дайын жобаның бар екенін атап өтіп, корей компанияларын Қазақстанның жер қойнауын бірлесіп игеруге шақырды.
Қазақстан Президенті кореялық әріптесімен әңгіме барысында біздің елдегі табиғи ресурстарға бірлесіп зерттеу жүргізу туралы ұсыныс айтқанын, кейін табиғи байлықты игеру барысында корей компанияларына құқықтық басымдық берілуі мүмкін екенін жеткізді.
Президент өз сөзінде Қазақстанда баламалы және жаңартылатын қуат көздерін дамытуға басымдық берілетінін атап өтті. Мемлекет басшысы жел және күн энергиясын пайдаланудың әлеуеті зор екенін айтып, корей компанияларына осы саладағы инвестициялық мүмкіндіктерді қарастыруды ұсынды. Одан бөлек, Қасым-Жомарт Тоқаев форумға қатысушыларды Қазақстанда Корея технологиялары бойынша ядролық отынды бірлесіп өндіруге, сондай-ақ, қалдықтарды энергетикалық жою саласындағы жобаларды іске асыруға шақырды.
Қасым-Жомарт Тоқаев Оңтүстік Кореямен машина жасау саласындағы ынтымақтастықты жоғары бағалап, бұл елдің ірі компанияларының қатысуымен автомобиль жасау саласы Қазақстан экономикасының қарқынды дамуына үлес қосқанын атап өтті. Осыған байланысты Президент автомобильдер желісін ұлғайтуға және өндіріс орындарын арттыруға әзір екенін мәлімдеді.
Мемлекет басшысы кореялық компаниялармен бірлесіп мұнай-газ өнеркәсібіне арналған жабдықтар мен қосымша бөлшектердің, сондай-ақ, жаңа технологиялар негізінде ауылшаруашылығы өнімдерін терең қайта өңдеу бойынша өндіріс ашуға мүдделі екенін айтты. Сонымен қатар, Қасым-Жомарт Тоқаев Қазақстан арқылы Азиядан Еуропаға жүк тасымалдау және корей экспортын Еуразиялық экономикалық одақ нарығына да әртараптандыру мүмкіндіктеріне тоқталды.
Президент инвесторларға арналған институционалдық ортаны қалыптастыру туралы айта келе, "Kazakh Invest" ұлттық компаниясының, арнайы экономикалық және индустриалдық аймақтардың, сондай-ақ, "Астана" Халықаралық қаржы орталығының әлеуетін пайдалануға шақырды.
Мемлекет басшысы сөзін қорытындылай келе аталған іс-шара екі ел арасындағы сауда-экономикалық өзара іс-қимылды тереңдетуге жасалған нақты қадам екенін айтты.
Қасым-Жомарт Тоқаев кореялық кәсіпкерлермен нақты жұмыс істеу үшін Премьер-Министрдің орынбасары Роман Склярдың жетекшілігімен арнайы жұмыс тобын құру туралы шешім қабылдағанын айтты. Президент ірі инвестициялық, институционалдық, инфрақұрылымдық жобаларды жүзеге асыруды және оған жеке мониторинг жүргізуді өз бақылауына алатынын атап өтті.
Дөңгелек үстелдегі әңгімені KITA Корея Халықаралық сауда ассоциациясының төрағасы Кристофер Ку жүргізіп отырды. "Самұрық-Қазына" ҰӘҚ" АҚ төрағасы, Корея Республикасының сауда, индустрия және энергетика министрі, сондай-ақ, Samsung Electronincs, Doosan Heavy Industries&Construction, Hyundai Engineering & Construction, Dongil Construction, Lotte Confectionery, BC Card, Seegene Medical Foundation, Korea Health Industry Development Institute (KHIDI), Dongkwang Trading Corporation және Kolon World Investment корей компанияларының басшылары сөз сөйледі.
Жиынға Қазақстан тарапынан Президент Әкімшілігінің басшылығы, Үкімет мүшелері, "Астана" Халықаралық қаржы орталығының, "ҚазТрансГаз", Kazakh Invest, "Қазақтелеком", Kaspi.kz және басқа да компаниялардың басшылары қатысты.
Дөңгелек үстел қорытындысы бойынша жалпы сомасы 1,7 миллиард АҚШ доллары болатын 34 келісімге қол қойылды. Оның 21-і коммерциялық және 13-і коммерциялық емес құжат. Корей технологиясын тартуға басымдық беретін бірлескен инвестициялық жобаларда жоғары тиімділігі мен өндірістің экологиялық тазалығына басты мән берілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда мәдениет қызметкерлеріне арналған алғашқы оңалту орталығы ашылды
Қазақстанда мәдениет қызметкерлеріне арналған алғашқы оңалту орталығы ашылды, деп хабарлайды "Самұрық-Қазына" АҚ баспасөз қызметінен.
Самұрық-Қазына" қорының қолдауымен ашылған оңалту орталығында "Астана Опера" қызметкерлері ұзақ уақытқа созылатын қажырлы еңбектен кейін денсаулықтарын қалпына келтіре алады.
Бұл - балет әртістерінің, оркестр мүшелерінің, Орталық Азиядағы ең ірі театр қызметкерлерінің шығармашылық мүмкіндіктерін қолдау үшін маңызды қадам. Орталықта кәсіби көмек қолжетімді болып, маңызды мәселе шешіледі", - деді "Самұрық-Қазына" басшысы Нұрлан Жақыпов орталықтың ашылу рәсімінде.
Жыл сайын профилактика және оңалту бағдарламасы бойынша 600 адамға, атап айтқанда, балет әртістері, оркестр мүшелері және "Астана Опера" театрының өндірістік цех қызметкерлеріне қызмет көрсетіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мас жүргізуші - қылмыскер!
Батыс Қазақстан облысы Орал қаласы прокуратурасының бастамасымен сотталғандардың қайталанатын қылмыс жасауына жол бермеу мақсатында сотта бұрын көлік жүргізу құқығынан айырылған сотталғандардың қатысуымен үлгі ретінде ашық сот отырысы өтті, деп хабарлайды Батыс Қазақстан облысының прокуратурасының баспасөз қызметінен.
Қазақстан Республикасының заңнамасында әкімшілік жауапкершілікпен қатар мас күйінде көлік жүргізгені үшін қылмыстық жауапкершілік те қарастырылған.
Қазақстан Республикасы Қылмыстық кодексінің 346-бабына сәйкес көлік құралдарын басқару құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы не көлік құралын басқаруды осындай адамға беру, сол сияқты осындай адамның көлік құралын басқаруына лауазымды адамның немесе көлік құралы меншік иесінің не иеленушісінің жол бергені үшін көлік құралын басқару құқығынан өмір бойына айырумен 10 жылға дейін бас бостандығынан айырумен жазаланады.
Оқиғаларды талдау жүргізушілердің заңсыз әрекеттері қасақана жасалғанын көрсетті.
Алдын алу шаралары мен ескертулерге қарамастан, жүргізушілердің заңсыз әрекеттері толастамай тұр.
Биылғы жылы 163 жүргізуші сотталды, олар көлік құралын басқару құқығынан айыру туралы сот шешіміне қарамастан, масаң күйінде қайтадан көлікті басқарған.
Мысалы, азамат "З" масаң күйінде көлік жүргізгені үшін алынбаған және өтелмеген соттылық кезінде мас күйінде көлікті қайтадан жүргізген.
Айыптау үкіміне мемлекеттік айыптаушының принципиалды ұстанымы және сотталушының кінәсі туралы сотқа ұсынған бұлтартпас дәлелдері ықпал етті.
Сот оны кінәлі деп тауып, басқару құқығынан өмір бойына айыра отырып 4 жылға бас бостандығынан айыру жазасын тағайындап, жазасын қылмыстық-атқару жүйесінің қауіпсіздігі барынша жоғары мекемесінде өтеуді белгіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда ШОБ субъектілері арасында жаңа жылдық үздік безендіруге арналған байқау басталады
Алматы қаласының Кәсіпкерлік және инвестициялар басқармасы шағын және орта бизнес өкілдері арасында қасбеттер мен оларға іргелес аумақтарды үздік жаңа жылдық безендіруге арналған байқаудың басталғанын жариялайды, деп хабарлайды Алматы қаласы әкімдігінің баспасөз қызметінен.
Қатысуға дүкендердің, қоғамдық тамақтану орындарының, қызмет көрсету саласы нысандарының иелері мен Алматының басқа да шағын және орта бизнес өкілдері шақырылады.
Өткізу мерзімі: 26 желтоқсаннан 13 қаңтарға дейін. Байқау қорытындысы 2025 жылдың 14 қаңтарында шығарылады. Байқаудың комиссия құрамына Алматы қаласы Қоғамдық кеңесінің мүшелері, салалық қауымдастықтардың өкілдері мен сарапшылар кіреді.
Жеңімпаздар төрт номинация бойынша анықталады:
Азық-түлік дүкенін үздік безендіру - 1 млн. теңге көлеміндегі жүлде;
Азық-түлік емес дүкенді үздік безендіру - 1 млн. теңге көлеміндегі жүлде;
Қоғамдық тамақтану саласындағы нысанды үздік безендіру - 1 млн. теңге мөлшерінде жүлде;
Қызмет көрсету саласындағы нысанның үздік безендірілуі - 1 млн. теңге көлеміндегі жүлде.
Бас жүлде иегері 2 млн. теңге көлемінде сыйлық алады.
Бизнес нысандарын үздік жаңа жылдық безендіруге арналған байқау ақшалай сыйлық алу мүмкіндігі ғана емес, бұл жаңа жылдық маусымда қаланы жарқын, жайлы әрі тартымды ету мүмкіндігі. Кәсіпкерлердің атсалысуы Алматы тұрғындары мен қонақтарына мерекелік көңіл-күй сыйлайды.
Байқауға қатысу үшін Алматы қаласының Кәсіпкерлік және инвестициялар басқармасына өтінім беру қажет. Өтінімдер электрондық пошта арқылы қабылданады [email protected] осы жылдың 31 желтоқсанына дейін қабылданады. Өтінімге байқауға қатысушыға және оның байқауға ұсынылатын нысанына мінездеме, байқауға қатысушының "Дербес деректер туралы" ҚР Заңына сәйкес дербес деректерді өңдеуге келісімі қоса беріледі. Толық ақпаратты мына телефон нөмірі арқылы алуға болады: +7 747 671 59 96.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 37 халықаралық және 98 өңірлік есірткі арналарының қызметі тоқтатылды
Бас прокуратура есірткі қылмысымен күрес шараларының тиімділігі мәселелері қаралды, деп хабарлады Қазақстан Республикасының Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінде Бас прокуратура басшысы Берік Асылов.
Қазақстан Республикасының Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінде есірткі қылмысымен күресудің қосымша шаралары әзірленді.
Іс-шараға Президент Әкімшілігінің өкілдері, мемлекеттік органдардың басшылары және басқа да мүдделі тараптар қатысты.
Президент жариялаған "Заң және Тәртіп" тұжырымдамасын жүзеге асыру аясында есірткінің заңсыз айналымына қарсы күрес азаматтардың қауіпсіздігін нығайтудағы және қоғамның тұрақтылығы үшін жағдай жасаудағы негізгі салаға айналуда.
Қадағалау органының басшысы Б.Н. Асылов атап өткендей, мемлекеттік аппарат нашақорлықпен күресуде және есірткі бизнесіне қарсы жан-жақты жұмыс жүргізуде, оның ішінде Нашақорлыққа және есірткі бизнесіне қарсы күрестің 2023 - 2025 жылдарға арналған кешенді жоспары аясында да.
Биылғы жылдың 11 айында 8 мыңнан астам есірткі қылмысы анықталған, оның 2,2 мыңға жуығы сату фактісі бойынша.
4 мыңнан астам адам қылмыстық жауапкершілікке тартылса, соның ішінде 1083 адам есірткіні сатқандары үшін.
37 халықаралық және 98 аймақтық есірткіні жеткізу арналарының жолы кесілген.
Прокуратураның бастамасымен елімізде "Нашақорлыққа жол жоқ" акциясы өткізіліп жатыр, оның аясында 47 мыңнан астам граффити жойылған, есірткіні жарнамалау және оны насихаттау бойынша төрт есе көп қылмыстық істер қозғалған (111-ден 426-ға дейін).
36 есірткіні жарнамалаушы ұсталған.
Бас Прокурордың айтуы бойынша, ақпараттық технологияларды қолдану және халықаралық ынтымақтастықты дамыту арқасында есірткі бизнесін ұйымдастырушыларды белсендірек анықтай бастады.
Мысалы, Қазақстан мен ТМД елдерінде есірткі сататын бір ғана интернет-дүкенде ұйымдастырушылар мен есепшілерді қосқанда 23 қатысушы ұсталған. Құны 90 миллион теңгені құрайтын мүлік тәркіленген.
Павлодарда есірткі өндірісімен айналысқан екі шетелдіктің қызметі тоқтатылған. Оларда Қазақстан мен ТМД елдерінде жұмыс істейтін, айналымы 100 миллион АҚШ долларынан асатын бірнеше есірткі дүкендерінің крипто әмияндары анықталған.
Үйлестіру кеңесі елімізде Ұлттық Таргетинг орталығын Бас прокуратураның Құқықтық статистика және арнайы есепке алу комитетінің негізінде құру жобасының барысын қарастырды.
Бас Прокурор бұл орталықтың қызметі синтетикалық "шөпті" өндіруге арналған өнеркәсіптік химиялық заттарды әкелу мен пайдалануын бақылауды күшейтуге бағытталғанын атап өтті.
Прекурсорлардың айналымын бақылау үшін уәкілетті органдардың дерекқорларымен біріктірілетін ақпараттық жүйе әзірленуде.
Кездесу нәтижесінде есірткі бизнесін ұйымдастырушыларды анықтау үшін ақпараттық технологияларды кеңінен қолдануға, қаржылық тергеуді белсенді пайдалануға, шет ел азаматтарының заңсыз әрекеттерін алдын алу шараларын жүзеге асыруға, ойын-сауық мекемелерінің есірткі саудасы үшін жауапкершілігін арттыруға және т.б. бағытталған шешімдер әзірленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан президенті жұмысшы мамандықтар жылын жариялау туралы Жарлыққа қол қойды
Қазақстан президенті жұмысшы мамандықтар жылын жариялау туралы Жарлыққа қол қойды, деп хабарлайды Ақорданың баспасөз қызметінен.
Жұмысшы мамандықтарының беделін арттыру және техникалық және кәсіптік білім беру жүйесінің реформасын жүзеге асыру мақсатында ҚАУЛЫ ЕТЕМІН:
1. 2025 жыл Жұмысшы мамандықтарының жылы деп жариялансын.
2. Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын.
3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
4. Осы Жарлық қол қойылған күнінен бастап қолданысқа енгізіледі", деп көрсетілген жарлық мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.