05.09.2024, 17:26 23056
Алматыда кезекті көлік жуу орны бұзылды
Достарға айту
Алматыда кезекті көлік жуу орны бұзылды, деп хабарлайды Алматы қаласы әкімдігінің баспасөз қызметінен.
Алматы қаласының қала құрылысын бақылау басқармасының ақпараты бойынша, Бурундайская көшесі, 91/10 бойынша өзіне-өзі қызмет көрсету автожуу орнын сот заңсыз деп таныған.
Бұған дейін учаскені жалға алушы (жеке тұлға) жол берілген бұзушылықтарды жоюға нұсқама бере отырып, әкімшілік жауапкершілікке тартылған болатын.
Кейінірек басқарма заңсыз тұрғызылған нысанды бұзуға талап арыз берді. Алматы қаласы СМЭС-тің 2023 жылғы 22 желтоқсандағы шешімімен объект өз бетінше салынған деп танылды және бұзу туралы талап-арыздар қанағаттандырылды.
Алматы қалалық сотының ағымдағы жылғы 1 сәуірдегі қаулысымен бірінші сатыдағы шешім өзгеріссіз қалды.
Нысанды бұзуды жалға алушы бүгін Әділет департаментінің сот орындаушыларының көмегімен өз бетінше бастады.
Еске салсақ, Алматы әкімі Ерболат Досаевтың заңсыз құрылысқа бақылауды күшейту жөніндегі тапсырмасы аясында өткен жылдың басынан бері 47 заңсыз нысан, оның ішінде "Мечта", "Khan", "Алма Гарден" тұрғын үй кешендері және басқалары толығымен немесе ішінара бұзылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
16.09.2024, 15:50 1821
Үкіметте азық-түлік қауіпсіздігі мәселелері қаралды
Достарға айту
Үкіметте вице-премьер Серік Жұманғариннің төрағалығымен әлеуметтік маңызы бар азық-түлік өнімдерінің бағасын тұрақтандыру мәселелері бойынша кеңес өтті, деп хабарлайды Үкіметтің баспасөз қызметінен.
Сауда және интеграция министрлігі Қазақстанда жәрмеңкелер мен республикалық көрмелер өткізу стандарттарын әзірлеп, бекітті.
Жәрмеңкелердің барлығы бес түрі анықталды: маусымдық, онда мектеп керек-жарақтары, көмір, шөп және т. б; тақырыптық - отандық тауар өндірушілерді қолдау мақсатында; ауыл шаруашылық - аграрлық өнімді халыққа қолжетімді бағамен сату үшін; бірнеше өңірдің қатысуымен мерекелік және аймақтық мамандандырылған көрмелер.
Әрбір жәрмеңке түріне арналған күнтізбелік кесте және өткізу мерзімі белгіленген. Мысалы, ауыл шаруашылығы жәрмеңкелері аудандарда екі аптада бір реттен кем емес, республикалық және облыстық маңызы бар қалаларда аптасына бір реттен кем емес өткізілуі тиіс. Елордада жәрмеңкелер маусымнан қарашаға дейін өтуі керек. Ұйымдастыру процесі цифрландырылуы қажет, сондықтан барлық ниет білдірушілер онлайн қатысып, өтініш бере алады. Ауыл шаруашылығы, мерекелік және маусымдық жәрмеңкелердегі бағалар нарықтық бағадан төмен белгіленеді", - деп түсіндірді Сауда және интеграция бірінші вице-министрі Айжан Бижанова.
Өз кезегінде Серік Жұманғарин Астана әкімдігіне дәстүрлі күзгі өңірлік жәрмеңкелерді ұйымдастыруды бастауды тапсырды, бұл ретте олардың халық үшін әлеуметтік маңызын атап өтті.
ҚР АШМ мәліметінше, еліміздегі ӘМАТ қорларының көлемі 725,8 мың тоннаны құрайды. Азық-түлік қоры азық-түліктің 29 түрінен құралады, оның ішінде: қой еті, сиыр еті, көкөністер, ашытылған сүт өнімдері, алма, балық, ірімшік, сүзбе және т. б. Өнімдер ӘКК қоймаларында, сауда желілерінде, ауыл шаруашылығы өндірушілерінде және ірі көтерме жеткізушілерде сақталады.
Егін жинау жұмыстарының жалғасуын ескере отырып, негізгі азық-түлік өнімдерімен халықты қамтамасыз етуге жеткілікті қор бар", - деп атап өтті Азат Сұлтанов.
Өткен аптада әлеуметтік маңызы бар азық-түлік өнімдеріне бағаның орташа индексі тұрақты (өсу 0%) болып қалды. Жыл басынан бастап Қазақстанда дефляция - 0,2% деңгейінде сақталуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 15:30 2226
Қызылорда облысында 90 млн теңгеге негізсіз берілген субсидиялар мемлекетке қайтарылды
Достарға айту
Қызылорда облысында 90 млн теңгеге негізсіз берілген субсидиялар мемлекетке қайтарылды, деп хабарлайды Қызылорда облысы прокуратурасының баспасөз қызметінен.
Қызылорда облысының прокуратурасы Қызылорда облысының ауыл шаруашылығы және жер қатынастары басқармасының бюджет қаражатын пайдалану заңдылығын тексерді.
Нәтижесімен агроөнеркәсіптік кешенді дамытудың ұлттық жобасын іске асыруға бөлінген субсидияларды негізсіз беру фактілері анықталды.
Прокурорлық қадағалау актісінің нәтижесінде негізсіз 47 шаруашылыққа берілген 90 млн теңге субсидия мемлекетке кері қайтарылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 15:20 2741
Шымкентте жасөспірімді соққыға жыққан күзетші үш жылға сотталды
Достарға айту
Шымкент қаласының қылмыстық істер жөніндегі ауданаралық сотында сотталушы И.-ге қатысты қылмыстық іс қаралды, деп хабарлайды қалалық соттың баспасөз қызметінен.
Сотталушы И. ҚК-нің 252-бабының 2-бөлігінде көзделген қылмыстық құқық бұзушылық жасағаны үшін, (яғни, жекеше күзет қызметтерi қызметшiлерiнiң өкiлеттiктерiн асыра пайдалануы, қару немесе арнайы құралдар қолданып жасалған немесе ауыр зардаптар келтiрген дәл сол іс-әрекет) айыпталған.
И. "G." жауапкершілігі шектеулі серіктестікте күзетші болып жұмыс істеп жүріп, 2024 жылдың 28 маусым күні сағат 12:30 шамасында өзіне жүктелген күзет аумағының мүлкі мен тыныштығын тексеріп жүріп, жәбірленуші жасөспірім С.-ның "футбол" алаңының қоршауынан асып түскенін көріп, ұстап алып, кешірім сұрағанына қарамастан, қызметтік өкілеттіктерін асыра пайдаланып қызмет барысында берілген арнайы құрал, яғни, "резина таяқшасымен" басы және кеуде тұсынан бірнеше рет ұрып-соғып, денсаулыққа "жеңіл" дәрежелі зиян келтірген.
Сотталушының тағылған айып бойынша кінәсі іс бойынша жинақталған құжаттармен дәлелденеді.
Мемлекеттік айыптаушы сотталушыға қатысты айыпты ҚК-нің 252-бабының 2-бөлігімен кінәлі деп танып, күзет саласында лауазымды қызмет атқару құқығынан 2 (екі) жыл мерзімге айыра отырып, 3 (үш) жыл мерзімге бас бостандығынан айыру жазасын тағайындауды сұрады.
Жәбірленуші өкілі кешірім бергенін, жаза тағайындауды соттың қарауына қалдырды.
Сотталушы кінәсын толық мойындап, бас бостандығынан айырмайтын жаза тағайындауды сұрады.
Жаза тағайындау барысында сотталушының қылмыстық жауапкершілігі мен жазасын жеңілдететін мән-жай ретінде қылмысын мойындап, шын ниетпен өкінуін, жәбірленуші өкілінің кешірім беруін ескерді, ал қылмыстық жауаптылығын ауырлататын мән-жайлар анықталған жоқ.
Сот, И. ҚК-нің 252-бабының 2-бөлігімен кінәлі деп танып, күзет саласында лауазымды қызмет атқару құқығынан 2 (екі) жыл мерзімге айыра отырып 3 (үш) жыл мерзімге бас бостандығынан айыру жазасын тағайындады.
Үкім заңды күшіне енбеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 14:30 3021
Тоқаев Ұлттық қауіпсіздік органдарының ардагерін марапаттады
Достарға айту
Мемлекет басшысы Қасым-Жомарт Тоқаев Халық қаһарманы Сәт Тоқпақбаевқа айрықша ерекшелік белгісі – Алтын жұлдыз бен «Отан» ордендерін салтанатты түрде табыстады, деп хабарлайды Ақорданың баспасөз қызметінен.
«Ақорда» резиденциясында көрнекті мемлекет және қоғам қайраткері, генерал-полковник, ұлттық қауіпсіздік және қорғаныс салаларының ардагері Сәт Бесімбайұлы Тоқпақбаевты «Халық қаһарманы» атағымен, сондай-ақ айрықша ерекшелік белгісі – Алтын жұлдыз бен «Отан» ордендерімен марапаттау рәсімі өтті.
Жиында Президент Қасым-Жомарт Тоқаев арнайы сөз сөйлеп, Сәт Тоқпақбаевты қалың жұртшылық құрметтейтінін, оның еңбек жолы ел өмірімен тығыз байланысты болғанын айтты.
Сіз қастерлі Отанымызға адал қызмет еттіңіз. Енді ғана тәуелсіздік алып, дербес мемлекет болған жылдары аса жауапты міндеттерді атқаруға білек сыбана кірісіп кеттіңіз. Еліміздің тыныштығы мен тұтастығын сақтау үшін орасан зор үлес қостыңыз. Шын мәнінде, мұны нағыз ерлік деп бағалауға болады. Қазір де қоғамға пайдалы істерді атқарып жүргеніңізді біз жақсы білеміз. Еліміздің лайықты азаматысыз", – деді Мемлекет басшысы.
Өз кезегінде Сәт Тоқпақбаев мемлекетіміздің қауіпсіздігі және еліміздің тыныштығы жолындағы еңбегін бағалағаны үшін Қасым-Жомарт Тоқаевқа алғыс айтты.
Әділетті Қазақстан құру ісіндегі зор еңбегіңізді және сүйікті Отанымызды халыққа жайлы елге айналдыру мақсатында жүзеге асырып жатқан саясатыңызды толығымен қолдаймын. Тәуелсіздігіміздің баянды болуы жолында Сізбен әрдайым біргемін! Еліміздің іші даудан, сырты жаудан аман болсын! Отанымызда тыныштық, бірлік, ауызбіршілік әрдайым салтанат құрсын", – деді Сәт Тоқпақбаев.
Салтанатты жиынға Мемлекеттік кеңесші Ерлан Қарин, Президент Әкімшілігінің Басшысы Айбек Дәдебай, Ұлттық қауіпсіздік комитетінің төрағасы Ермек Сағымбаев қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 14:07 4146
ХВҚ Қазақстанмен сындарлы ынтымақтастықты жалғастыруға мүдделі
Достарға айту
Олжас Бектенов пен ХВҚ басқарушы директорының орынбасары Бо Ли қаржы-экономикалық ынтымақтастық мәселелерін талқылады, деп хабарлайды Үкіметтің баспасөз қызметінен.
Қазақстан Премьер-Министрі Олжас Бектенов Халықаралық валюта қоры басқарушы директорының орынбасары Бо Лимен кездесті. Кездесу барысында қаржы-экономикалық саладағы ынтымақтастық мәселелері талқыланды.
Қазақстан - 1992 жылдан бері ХВҚ мүшесі. ХВҚ-мен ұзақмерзімді серіктестік еліміздің экономикалық тұрақтылығын және ұлттық экономиканың сапалы тұрақты өсуін қамтамасыз ету үшін маңызды.
Кездесуге қатысушылар Қазақстан мен ХВҚ арасындағы өзара іс-қимылдың стратегиялық сипатын атап өтті. Ынтымақтастықтың жоғары маңызын құрылымдық реформалар жүргізу, Қазақстанның салық-бюджет саясаты мен қаржы нарығын дамыту жөніндегі бірлескен жұмыстың оң нәтижелері айғақтайды.
Халықаралық қаржылық тұрақтылықты қолдау жөніндегі екіжақты және өңірлік диалогқа өткен жылы Алматы қаласында Кавказ, Орталық Азия және Моңғолия елдері үшін әлеуетті дамыту жөніндегі ХВҚ Өңірлік орталығының ашылуы жаңа серпін берді. Мемлекет басшысының экономиканы жан-жақты жаңғырту бойынша жүргізіп жатқан жүйелі саясатының нәтижесінде биылғы 9 қыркүйекте Moody's рейтингтік агенттігі Қазақстанның егемендік рейтингін тұрақты болжаммен Baa1-ге дейін көтергені атап өтілді. Берілген рейтинг ел тәуелсіздігі жылдары ішіндегі ең жоғарғысы болып саналады және институционалды ортаның үздіксіз жақсарғанын және экономиканы әртараптандыру қарқынының орнықтылығын растайды.
Олжас Бектенов Қазақстан Үкіметі Ұлттық банкпен және Қаржы нарығын дамыту және реттеу агенттігімен бірлесіп сапалы экономикалық өсімге қол жеткізуге бағытталған дәйекті саясат жүргізуге ниетті екенін атап өтті. Ағымдағы реформалар бюджет саясатының, қаржы есептілігінің және салықтық әкімшілендірудің тиімділігін одан әрі арттыруға бағытталған.
Өз кезегінде ХВҚ басқарушы директорының орынбасары Бо Ли ел экономикасын дамыту және халықтың әл-ауқатын жақсарту мақсатында Қазақстанмен тығыз және сындарлы ынтымақтастықты жалғастыруға мүдделілігін атап өтті. Мемлекеттік органдарға көрсетілетін тұрақты консультациялар мен техникалық көмек институционалды негізді нығайтуға, макроэкономикалық және макропруденциялық саясатты жетілдіруге ықпал етеді.
Кездесу қорытындысы бойынша тараптар өзара іс-қимылдың барлық спектрі бойынша әріптестікті нығайту ниетін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 13:29 4766
Тоқаев терроризмге қарсы және сыртқы барлау қызметтерінің басшыларын қызметінен босатты
Достарға айту
ҚР Президенті ҰҚК төрағасының орынбасары - террорға қарсы қызмет бастығы және ҰҚК төрағасының орынбасары - Сыртқы барлау қызметі директорының лауазымдарынан босату туралы өкімдерге қол қойды. Бұл туралы Ақорданың баспасөз қызметі хабарлады.
Мемлекет басшысының өкімдерімен:
Руслан Темірғалиұлы Сейсембаев Қазақстан Республикасы Ұлттық қауіпсіздік комитеті Төрағасының орынбасары - Терроризмге қарсы қызметінің бастығы лауазымынан босатылды;
Асқар Баймерденұлы Әмірханов Қазақстан Республикасы Ұлттық қауіпсіздік комитеті Төрағасының орынбасары - Сыртқы барлау қызметінің директоры лауазымынан босатылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 13:23 5396
"Халық қатысатын бюджет" қарқын алуда
Достарға айту
Халық қатысатын бюджет" қарқын алуда, деп хабарлайды Алматы әкімдігінің баспасөз қызметінен.
Халық қатысатын бюджет" қалалық бағдарламасына өтінімдерді қабылдау 9 қыркүйекте басталды. Бір апта ішінде budget.open-almaty.kz сайтына тұрғындардан 248 өтініш келіп түскен. 2023 жылдың сәйкес кезеңінде 151 ұсыныс түскен.
Ең көп өтінім Алматы қаласының Наурызбай ауданында берілген - 159 жоба. Екінші орында Түрксіб ауданы - 26 ұсыныс.
Көбінесе қала тұрғындары балалар және спорт алаңдарын орнату және ағымдық жөндеу, аулаларды жасылдандыру, сондай-ақ қоғамдық аумақтарды жарықтандыру жобаларын ұсынады.
2025 жылы "Халық қатысатын бюджет" бағдарламасы бойынша идеяларды іске асыру үшін ағымдағы жылдың 25 қыркүйегіне дейін budget.open-almaty.kz порталына өтінім беру қажет. Барлық кәмелетке толған тұрғындар бюджет қаражаты есебінен қаланың аулаларын, көшелері мен аумақтарын абаттандыру бойынша ұсыныстар жасай алады.
Байқау 8 кезеңнен тұрады: өтінімдерді қабылдау, сараптамалық бағалау, авторлардың жобаларды пысықтауы, пысықталған ұсыныстарды қарау, дауыс беру, дауыс беру қорытындыларын шығару, бюджеттік өтінімдерді қалыптастыру, жобаларды іске асыру.
Өтініштерде жобаның атауы мен сипаттамасы, орналасқан жерінің мекен-жайы, болжалды фотосуреттер, сызба немесе эскиз, жобалық ұсыныстың сметасы болуы керек. Бір өтініш 92,3 млн теңгеден (25 мың АЕК) аспауы керек.
Жобалар келесі санаттар бойынша қабылданады: жасылдандыру, тротуарларды жайластыру, тротуарларды, пандустарды, суару арықтарын салу және жөндеу, қоғамдық аумақтарды құру, жөндеу және жарықтандыру, бордюрлерді, брусчаткаларды, тірек қабырғаларды жөндеу, қоқыс алаңдарын жою, қоғамдық орындарда беседкаларды, орындықтарды, қоқыс жәшіктерін, балалар ойындары мен ересектердің демалуына арналған құрал-жабдықтарды жөндеу, аула аумақтарында және қоғамдық орындарда спорт алаңдарын, балалар ойын алаңдарын орнату, жөндеу және жарықтандыру, санитарлық тәртіпті қамтамасыз ету.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 13:18 5651
Еңбек министрлігі Қазақстандағы зейнетақының орташа мөлшерін атады
Достарға айту
Еңбек министрлігі Қазақстандағы зейнетақының орташа мөлшерін атады, деп хабарлайды министрліктің баспасөз қызметінен.
Жыл басынан бері республикалық бюджеттен 2 трлн 488,6 млрд теңге сомасына зейнетақы төленді, оның ішінде базалық зейнетақы төлеуге - 783,6 млрд теңге, ынтымақты зейнетақы төлеуге - 1 трлн 705 млрд теңге қарастырылды.
2024 жылғы 1 қыркүйектегі жағдай бойынша зейнеткерлер саны - 2 млн 405 мың адам.
2024 жылғы 1 қыркүйектегі жағдай бойынша жиынтық зейнетақының орташа мөлшері 131 872 теңгені құрады, оның ішінде ынтымақты зейнетақы мөлшері - 89 275 теңге, базалық зейнетақы - 42 597 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
16.09.2024, 13:18Еңбек министрлігі Қазақстандағы зейнетақының орташа мөлшерін атады 16.09.2024, 13:23 5221"Халық қатысатын бюджет" қарқын алуда16.09.2024, 13:16 4766Астанада жыл басынан бері 215 заңсыз полигон жойылды16.09.2024, 13:29 4591Тоқаев терроризмге қарсы және сыртқы барлау қызметтерінің басшыларын қызметінен босатты16.09.2024, 14:07 3971ХВҚ Қазақстанмен сындарлы ынтымақтастықты жалғастыруға мүдделі
10.09.2024, 14:07 66841Қазақстанда "Шексіз бауырластық-III" көпұлтты оқу-жаттығуы басталды10.09.2024, 14:15 66806Қазақстан мен Орталық Азия елдері қауіпсіздік саласында Қытаймен күш біріктіруде10.09.2024, 13:58 Астықты кептіру үшін фермерлерге 67,7 мың тонна дизель отыны және 5 мың тонна сұйытылған газ бөлінді66796Астықты кептіру үшін фермерлерге 67,7 мың тонна дизель отыны және 5 мың тонна сұйытылған газ бөлінді10.09.2024, 14:22 66626"Самұрық-Қазына" қорында Донор күні өтті10.09.2024, 13:54 66456Президент балаларға арналған IQostanay smart орталығын аралап көрді
28.08.2024, 18:38 116376Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11519139 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 110996Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 106761Алматыда бейбіт жиындар мен шерулер өткізу орындары өзгерді29.08.2024, 16:57 106636Алматыда қала арқылы өтетін негізгі өзендерде көшкін қаупінің картасы әзірленеді