21.10.2024, 11:28 31346
Арал теңізіне 200 млн текше метр су жіберілді
Достарға айту
Қызылорда облысының шаруалары су үнемдеу технологияларын енгізудің нәтижесінде 200 млн текше метрге жуық су үнемдеді. Бұл су Арал теңізіне жіберілді, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Айта кетейік, биыл өңірдің дихандары 55 мың гектар күріш алқабында су үнемдеу технологияларын қолданды. Айта кету керек, Қызылорда облысындағы күріш алқаптарының жалпы ауданы 84 мың гектар.
Осылайша, 2024 жылғы суару маусымында теңізге шамамен 1 млрд текше метр су жіберілді, бұл өткен жылмен салыстырғанда 3 есе көп.
Жыл басынан бері Солтүстік Аралға шамамен 2 млрд текше метр су жіберілді. Бүгінгі таңда теңіздегі судың жалпы көлемі 22 миллиард текше метрге жетті.
Су дипломатиясы мен Орталық Азиядағы әріптестерімізбен тығыз жұмыстан бөлек, Арал теңізіне су жіберуге үнемді технологияларды енгізу де маңызды рөл атқарады. Оларды қолдану жүздеген млн текше метр су үнемдеуге және оны теңізге бағыттауға мүмкіндік береді. Ол үшін біз шаруалардың су үнемдеу технологияларын енгізуге жұмсаған шығындарын субсидиялау көлемін 50%-дан 80%-ға дейін ұлғайттық. Алдағы үш жылда су үнемдеу технологияларымен суармалы суды пайдаланатын шаруа қожалықтары үшін субсидия мөлшері 50%-дан 85%-ға дейін ұлғаяды",- деді Су ресурстары және ирригация министрі Нұржан Нұржігітов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
22.10.2024, 14:08 366
Ойын бизнесін және лотереяны реттеу комитеті онлайн қабылдауды іске қосты
Достарға айту
ҚР Туризм және спорт министрлігі Ойын бизнесін және лотереяны реттеу комитеті азаматтармен жедел өзара іс-қимыл жасауға арналған онлайн қабылдау бөлімін іске қосты. Жаңа сервис бейіндік мәселелерді талқылау және туындайтын проблемаларды шешу үшін Комитетпен тікелей байланыс орнатуға мүмкіндік береді, деп хабарлайды министрліктің баспасөз қызметінен.
Өтініш беру жолдары:
1. Электронды өтініш. Жүйе өтінішіңіздің мекенжайға жетуіне 100% кепілдік береді және оны жіберу кезеңінен бастап жауапты алуға дейін өтінішті қарау мәртебесін қадағалауға мүмкіндік береді.
2. Қабылдауға жазылу. Ыңғайлы онлайн жазылу бөлімі өтініш берушіге арналған қадамдық нұсқаулықты ұсынып, Комитет басшылығымен кездесуді рәсімдеу үдерісін жеңілдетеді.
Онлайн қабылдау азаматтардың өтінішімен жұмыс істеу барысында ашықтық пен жеделдікті арттыруға, сондай-ақ ойын бизнесі мен лотерея қызметі саласындағы өзара іс-қимылды жақсартуға бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.10.2024, 14:01 656
Неонаталдық хирургия бөлімшесінде 40-қа жуық нәрестегеота жасалды
Достарға айту
Шымкент қалалық перинаталдық орталығында алғаш рет неонаталдық хирургия бөлімшесі ашылды. Осының арқасында мамандар енді перзентхананың қабырғасында өмірдің алғашқы күндерінде ауыр аурулары, туа біткен даму кемістіктері бар балаларға шұғыл хирургиялық көмек көрсете алады.
Бөлімшені жарақтандыру үшін сәбилерге күрделі операциялар жүргізуге қажетті заманауи техника мен жабдықтар сатып алынды.
Сондай-ақ құрамында неонаталдық хирург, анестезиолог-реаниматолог, неонатолог-реаниматолог бар мамандар штаты жасақталған.
Неонаталдық хирургия бөлімшесі ашылғаннан бері орталықтың дәрігерлері 40-қа жуық нәрестенің өмірін сақтап қалды, деп хабарлайды ҚР Денсаулық сақтау министрлігінің баспасөз қызметінен.
Шымкентте 2024 жылдың 9-шы айының қорытындысы бойынша қалада сәбилер өлімінің деңгейі 30%-ға төмендеді. Бұл медициналық ұйымдардағы отбасын жоспарлау кабинеттеріндегі медицина қызметкерлерінің белсенділігін көрсетеді.
Мемлекет басшысының тапсырмасын орындау үшін Шымкент қаласында ана мен бала денсаулығын жақсарту денсаулық сақтау саласындағы басым бағыттардың бірі болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.10.2024, 13:57 811
Су министрлігі гидротехникалық құрылыстарда көп факторлы зерттеу жүргізіп жатыр
Достарға айту
Су ресурстары және ирригация министрлігі жыл басынан бері 63 гидротехникалық құрылыста көп факторлы зерттеу жүргізді. Нұржан Нұржігітов министрліктің аппарат кеңесінде су тасқынына дайындық жұмыстарын пысықтады, деп хабарлайды министрліктің баспасөз қызметінен.
Көп факторлы зерттеу - нысандарды қауіпсіз пайдалануды қамтамасыз ету және апаттардың алдын алу үшін жүргізіледі. Бүгінгі таңда министрлік мамандары "Қазсушар" филиалдары мен жергілікті атқарушы органдарға анықталған кемшіліктерді жою, жөндеу жұмыстарын жүргізу және мемлекет меншігіне қайтару бойынша өз қорытындыларын берді.
Ведомство жыл соңына дейін тағы 19 нысанда көп факторды зерттеу жүргізуді жоспарлап отыр. Айта кету керек, жаңа Су кодексінің жобасына сәйкес, елімізде гидротехникалық нысандар әр 5 жыл сайын көп факторлы зерттеуден өтуге міндеттеледі.
Министрлік әзірлеген Су шаруашылығын дамытудың кешенді жоспарына сәйкес 2024-2028 жылдар аралығында республика бойынша 557 нысанда көп факторлы зерттеу жүргізу жоспарланып отыр. Оның ішінде, келесі жылы 105 гидротехникалық нысан тексерістен өтеді. Көп факторлы зерттеу қорытындысы бойынша күрделі жөндеуді қажет ететін нысандарды қалпына келтіру жоспарын қабылдау қажет. Бұл жұмысты бассейндік инспекциялар жергілікті атқарушы органдармен бірлесе орындауы тиіс",- деді Су ресурстары және ирригация министрі Нұржан Нұржігітов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.10.2024, 13:22 1711
Қазақстан мен ЕЭК кедендік цифрландыру және бақылау саласындағы ынтымақтастықты нығайтуда
Достарға айту
ҚР қаржы вице-министрі Ержан Біржанов Еуразиялық экономикалық комиссияның Кедендік ынтымақтастық жөніндегі Алқа мүшесі (Министрі) Р.В. Давыдовпен кездесті, деп хабарлайды ҚР Қаржы министрлігінің баспасөз қызметінен.
Кездесу барысында Тараптар Еуразиялық экономикалық одақ шеңберіндегі кедендік ынтымақтастықтың негізгі бағыттарын - өткізу бекеттерін жаңғыру, кедендік рәсімдерді цифрландыру, навигациялық пломбалар қолдану, тауарлардың кедендік құнын анықтау, мемлекеттік кірістер органдарының бақылау шараларын қабылдау мәселелерін талқылады.
Министрлік ЕАЭО мүше мемлекеттердің уәкілетті органдарымен тестілеу жүргізу нәтижесі бойынша "Кадағалау паспортының" функционалымен таныстырды.
Тараптар кедендік және салықтық әкімшілендіруді цифрландыру саласындағы үздік тәжірибелермен алмасуға дайындығын растады.
Тараптар ЕАЭО шеңберінде өзара іс-қимылдың ағымдағы әлеуетін арттыру және тұрақты негізде бірлескен кездесулер (консультациялар) өткізу қажеттілігі туралы келісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.10.2024, 13:09 2136
Алматыда "Халық қатысатын бюджет" үздік жобаларына дауыс беру басталды
Достарға айту
2024 жылдың 22 қазаны мен 1 қарашасы аралығында "Халық қатысатын бюджет" бағдарламасы аясында Алматы қаласын абаттандыру жобалары бойынша онлайн дауыс беру өтеді. Тұрақты тұруға ықтиярхаты бар қаланың әрбір ересек тұрғыны өздеріне ұнайтын жобаларды қолдау мүмкіндігіне ие, деп хабарлайды Алматы қаласы әкімдігінің баспасөз қызметінен.
Дауыс беру budget.open-almaty.kz порталында жүзеге асырылады. Порталдың негізгі бетінде қатысушыларға үштен аспайтын жобалық ұсынысты таңдауға және электрондық цифрлық қолтаңбаны (ЭЦҚ) немесе SMS-кодты пайдалана отырып дауыс беруді растауға мүмкіндік беретін "Дауыс беру" опциясы бар.
Мегаполис тұрғындарынан барлығы 6118 өтініш келіп түсті, олардың ішінде 1402 дауыс беруге рұқсат берілді. Ең көп дауыс жинаған жобаларды аудан әкімдіктері 2025 жылы іске асырады.
Халық қатысатын бюджет" бағдарламасы туралы кеңесті немесе ақпаратты аудан әкімдіктерінен, сондай-ақ Алматы Open Almaty Қоғамдық қабылдау бөлмесінен 224 39 29 телефоны арқылы алуға болады (ішкі тел. 203).
Алматы әкімі Ерболат Досаевтың тапсырмасы бойынша "Халық қатысатын бюджет" бағдарламасын қаржыландыру 2024 жылы 18,8 млрд теңгеге өскенін (2023 жылы - 12,9 млрд) еске салайық. Ағымдағы жылы аудан әкімдіктері 2023 жылғы жеңімпаз жобаларды жүзеге асыруды жалғастыруда, бүгінде 261 жоба жүзеге асырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.10.2024, 12:42 2571
Мемлекетке қайтарылған қаражат есебінен Түркістан және Ақмола облыстарында әлеуметтік нысандар салынад
Достарға айту
Ақмола облысының Зеренді ауылында құны 2,1 млрд теңге болатын спорт кешенін және Түркістан облысының Темірлан аулында 890 млн теңге сомаға музыка мектебін салу жөніндегі алғашқы екі әлеуметтік жобаны іске асыруға Арнаулы мемлекеттік қордан қаражат бөлу туралы шешім қабылдады, деп хабарлайды Үкіметтің баспасөз қызметінен.
Бұл бастамалар тұрғындарды білім беру және спорттық қызметтермен қамтуды арттыру үшін ауылдық жерлерде әлеуметтік инфрақұрылымды дамытуға бағытталған.
Мәселен, Ақмола облысының Зеренді ауылында ауданы 6 мың м2 асатын, бір ауысымда 80 адамды қабылдайтын спорт кешенін салу жоспарланып отыр. Нысан белсенді тұрғындарға бос уақытытын тиімді өткізуге мүмкіндік береді - ауданда 14,5 мыңнан астам адам жүйелі түрде спортпен шұғылданады. Жобаға сәйкес, орталықта күрес, бокс, шаңғы тебу сынды спорт түрлерімен айналысу үшін жабдықталады, 2 жаттығу залы қажетті құрал-жабдықтармен қамтылады. Сондай-ақ кешенде спортшыларды жаттықтыру мен сауықтыру жұмыстарын сапалы әрі тиімді жүзеге асыру үшін қажетті құрал-жабдық және басқа да қосалқы үй-жайлар қарастырылған.
Түркістан облысындағы Темірлан аулында 300 орындық жаңа өнер мектебін салу жоспарланып отыр. 1974 жылы қабырғасы каркастан салынған қазіргі ғимарат заманауи санитарлық және өрт қауіпсіздігі талаптарына сай емес, күрделі жөндеуге жарамайды. Соған қарамастан бүгінгі таңда кешен жұмыс істеп тұр - орталықта 420-ға дейін бала оқиды, бұл оның қазіргі қабылдау мүмкіндігінен 2 есеге артық, 45 мұғалім сабақ береді. Жаңа жоба ауылда өнер саласында қосымша сапалы білім алуға жағдай жасайдыі. Балалар жайлы ортада музыкамен, хореографиямен айналысуға мүмкіндік алады.
Бүгінгі таңда Арнаулы мемлекеттік қорда 177 млрд теңге жинақталған. Бұл қаражаттың барлығы әлеуметтік және инфрақұрылымдық нысандар салуға, басқа да әлеуметтік маңызды мақсаттарға, соның ішінде денсаулық сақтау, білім беру, бұқаралық спорт және өзге салалардағы жобаларды іске асыруға бағытталады.
Заңсыз иемденілген активтерді мемлекетке қайтару мәселелері жөніндегі комиссияны ҚР Премьер-министрі басқарады, жұмыс органы - ҚР Бас прокуратураның Активтерді қайтару жөніндегі комитеті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
21.10.2024, 15:33 30911
Мүгедектігі және асыраушысынан айырылған қазақстандықтарға 516,7 млрд теңге көлемінде жәрдемақы төленді
Достарға айту
Жыл басынан бері мүгедектігі бойынша және асыраушысынан айырылу жағдайы бойынша мемлекеттік әлеуметтік жәрдемақыларды (бұдан әрі - МӘЖ) төлеуге республикалық бюджеттен 457,1 млрд теңге жұмсалды. Бұған қосымша Мемлекеттік әлеуметтік сақтандыру қорынан (бұдан әрі - МӘСҚ) еңбекке қабілеттілігінен айырылу және асыраушысынан айырылу бойынша шамамен 59,6 млрд теңге сомасына әлеуметтік төлемдер жүзеге асырылды, деп хабарлайды ҚР ЕХӘҚМ баспасөз қызметінен.
2024 жылғы 1 қазандағы жағдай бойынша мүгедектігі бойынша МӘЖ алушылар саны шамамен 541,2 мың адамды, асыраушысынан айырылу жағдайы бойынша - шамамен 157,9 мың адамды құрайды.
Мүгедектігі бойынша мемлекеттік әлеуметтік жәрдемақылардың мөлшері мүгедектіктің тобына және себебіне, сондай-ақ тиісті қаржы жылына арналған "Республикалық бюджет туралы" заңда белгіленген ең төмен күнкөріс деңгейінің шамасына байланысты болады.
Асыраушысынан айырылу жағдайы бойынша мемлекеттік әлеуметтік жәрдемақылардың мөлшері қайтыс болған асыраушының асырауындағы адамдардың санына, қайтыс болу себептеріне және ең төмен күнкөріс деңгейіне байланысты болады.
Бұдан басқа, міндетті әлеуметтік сақтандыру жүйесіне қатысушыларға әлеуметтік тәуекелдер туындаған жағдайда МӘСҚ-тен әлеуметтік төлемдер жүзеге асырылады. Мәселен, 2024 жылғы 1 қазандағы жағдай бойынша 98,7 мың адам еңбек ету қабілетінен айырылу бойынша әлеуметтік төлем, ал 65,4 мыңға жуық отбасы асыраушысынан айырылу бойынша әлеуметтік төлем алды.
Төлемдердің мөлшері жеке және мыналарға байланысты: соңғы 2 жылда МӘСҚ-ға әлеуметтік аударымдар жүргізілген орташа айлық табыс, еңбекке қабілеттілігінен айырылу коэффициенттері, асырауындағы адамдар саны, міндетті әлеуметтік сақтандыру жүйесіне қатысу өтілі және табысты ауыстыру.
Бұл төлемдер республикалық бюджеттен төленетін ұқсас жәрдемақыларға қосымша жүзеге асырылады.
2024 жылғы 1 қаңтардан бастап мүгедектігі бойынша және асыраушысынан айырылу жағдайы бойынша мемлекеттік әлеуметтік жәрдемақылардың мөлшері ең төмен күнкөріс деңгейінің ұлғаюына байланысты 7%-ға өсті. ҚР Үкіметінің шешімі бойынша еңбекке қабілеттілігінен айырылу және асыраушысынан айырылу бойынша МӘСҚ-дан төленетін төлемдердің мөлшері де 7%-ға артты.
Мысалы, 2024 жылғы 1 қаңтардан бастап жалпы аурудан мүгедектігі бойынша МӘЖ мөлшері 1-топ үшін - 95 496 теңгені, 2-топ үшін - 76 397 теңгені, 3-топ үшін 52 089 теңгені құрайды.
2024 жылғы 1 қазандағы жағдай бойынша еңбекке қабілеттілігінен айырылу бойынша әлеуметтік төлемдердің орташа мөлшері 58 849 теңгені, асыраушысынан айырылу бойынша - 62 763 теңгені құрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
21.10.2024, 15:25 31141
Ішкі көшіп-қонушылар мен қандастарды қоныс аудару қағидалары өзгереді
Достарға айту
Қазақстан Республикасының Еңбек және халықты әлеуметтік қорғау министрлігі азаматтарды еңбек күші артық өңірлерден еңбек күші тапшы өңірлерге ерікті түрде қоныс аудару мәселелерін реттеу саласындағы қолданыстағы НҚА-ға түзетулер топтамасын әзірледі, деп хабарлайды ҚР ЕХӘҚМ баспасөз қызметінен.
Қандастар мен қоныс аударушыларды қабылдаудың өңірлік квотасына енгізу қағидаларын бекіту туралы" Қазақстан Республикасы Денсаулық сақтау және әлеуметтік даму министрі міндетін атқарушының
2016 жылғы 15 қаңтардағы № 20 бұйрығына және "Жұмыс күшінің ұтқырлығын арттыру үшін адамдардың ерікті түрде қоныс аудару қағидаларын бекіту туралы" Қазақстан Республикасы Премьер-Министрінің орынбасары-Еңбек және халықты әлеуметтік қорғау министрінің 2023 жылғы 22 маусымдағы № 234 бұйрығына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрі бұйрығының жобасы жария талқылау үшін "Ашық НҚА" порталында 2024 жылғы 5 қарашаға дейін орналастырылды.
Аталған түзетулер топтамасы анықталған проблемалық мәселелер мен Қазақстан Республикасы Бас прокуратурасының ұсынымдарын ескере отырып әзірленді.
Атап айтқанда, мынадай өзгерістер көзделеді:
1) мансап орталықтар қызметкерлерінің қоныс аударушы немесе қандас ұсынған құжаттарды, экономикалық мобильділік сертификаты бойынша ақшалай төлемді пайдалана отырып сатып алынатын жылжымайтын мүлік объектісі бойынша мәліметтерді олардың толықтығы мен дұрыстығы тұрғысынан, толық және мұқият қарау үшін мәміле объектісіне бару жолымен салыстырып тексеруді жүзеге асыруы;
2) сатып алынатын жылжымайтын мүліктің құнын бағалау нәтижелеріне шағымдану бойынша еңбек мобильділігі орталықтарының құқығын кеңейту;
3) қоныс аударушының немесе қандастың бұдан бұрын экономикалық мобильділік сертификаты арқылы сатып алынған тұрғын үйді сатып алу ниеті болған жағдайда экономикалық мобильділік сертификатын беруден бас тарту бойынша қосымша негізді бекіту;
4) қоныс аударушылардың қоныстану аумағынан тыс жерлерде еңбек қызметін жүзеге асыру құқығын алып тастауын қоздейді.
Сонымен қатар қандастар мен қоныс аударушыларды қабылдаудың өңірлік квотасына енгізу және ерікті қоныс аударуды мемлекеттік қолдау шараларын көрсету жөніндегі мемлекеттік көрсетілетін қызметтерді
2025 жылғы наурыздан бастап автоматтандыру жоспарланып отырғанын хабарлаймыз. Осылайша, көрсетілетін қызметті алушылардың мансап орталықтардың қызметкерлерімен байланысы жойылады, бұл сыбайлас жемқорлық тәуекелдерін барынша азайтуға мүмкіндік береді.
Осы мемлекеттік қызмет түрлерін цифрландыру қоныс аударуға қатысушылар мен еңбек мобильділігі орталықтары арасындағы шарттық міндеттемелердің орындалуына нақты мониторингті қамтамасыз етеді.
Бұйрық жобасын қабылдау теріс әлеуметтік-экономикалық және/немесе құқықтық салдарға алып келмейді.
Құжатпен толығырақ "Ашық НҚА" порталында сілтеме бойынша танысуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
22.10.2024, 12:42Мемлекетке қайтарылған қаражат есебінен Түркістан және Ақмола облыстарында әлеуметтік нысандар салынад 22.10.2024, 13:09 2071Алматыда "Халық қатысатын бюджет" үздік жобаларына дауыс беру басталды22.10.2024, 13:22 1646Қазақстан мен ЕЭК кедендік цифрландыру және бақылау саласындағы ынтымақтастықты нығайтуда22.10.2024, 12:36 1201ҚМА: Есірткі сатумен байланысты схемаларда жалпы айналымы 22 млрд теңге болатын 30 мың банк картасы пайдаланылған22.10.2024, 13:57 801Су министрлігі гидротехникалық құрылыстарда көп факторлы зерттеу жүргізіп жатыр
17.10.2024, 20:16 98311ҚР Әділет министрлігі цифрлық жобаларды таныстырды17.10.2024, 20:08 98311Мемлекет басшысы № 23 жаңа өрт сөндіру бөліміне барды17.10.2024, 20:01 98016Мемлекеттік бюджетке 14,9 трлн теңге түсті18.10.2024, 19:13 94456Алматы облысы прокурорының орынбасары мен Талғар ауданының прокуроры лауазымдарынан босатылды18.10.2024, 18:19 93846Қазақстанда шетел жоғары оқу орындарымен Стратегиялық әріптестік жөніндегі кеңес құрылды
26.09.2024, 18:14 101351Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды17.10.2024, 20:08 98311Мемлекет басшысы № 23 жаңа өрт сөндіру бөліміне барды17.10.2024, 20:16 98311ҚР Әділет министрлігі цифрлық жобаларды таныстырды17.10.2024, 20:01 98016Мемлекеттік бюджетке 14,9 трлн теңге түсті26.09.2024, 16:35 96811«Бауырына салу» фильмі «Оскарға» ұсынылды