24.09.2024, 18:10 4601
Бектенов Мемлекет басшысына жылыту маусымына дайындық барысын баяндады
Достарға айту
Президент Премьер-Министр Олжас Бектеновті қабылдады, деп хабарлайды Ақорданың баспасөз қызметінен.
Мемлекет басшысына барлық өңірде алдағы жылыту маусымына дайындық жұмыстары жүргізіліп жатқаны жөнінде баяндалды. Әлеуметтік нысандардың дайындығы жоғары деңгейде. Тұрғын үйлердің жылыту маусымына әзірлігі бойынша жұмыс 98,3 пайызға орындалды. Электр станцияларына жыл сайын 60 миллион тонна көмір қажет. Қазір оның қажетті қоры бар.
Қасым-Жомарт Тоқаевқа су тасқыны салдарын жою жөніндегі бұған дейін берілген тапсырмаларының орындалу барысы мен келесі жылы су тасқыны жағдайының алдын алу шаралары туралы айтылды. Зардап шеккендердің барлығына әлеуметтік қолдау көрсетіліп, бүлінген дүние-мүлкі үшін өтемақы төленді. Баспанасынан айырылғандарға 5 767 тұрғын үй сатып алынды және 2576 жаңа үй салынды. Ақмола мен Батыс Қазақстан облыстарындағы 104 нысанда жұмыс аяқталуға жақын. Су тасқынына қарсы іс-шаралар жоспары жүзеге асырылып жатыр.
Кездесу соңында Мемлекет басшысы еліміздің өнеркәсіп әлеуетін одан әрі арттыру және инфрақұрылымды жаңғырту жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
24.09.2024, 18:48 3456
ШҚО-да су тасқынына қарсы жұмыстар жүргізілуде
Достарға айту
ШҚО-да су тасқынына қарсы жұмыстар жүргізілуде, деп хабарлайды Шығыс Қазақстан облысы ТЖД баспасөз қызметінен.
Су тасқыны кезеңіне дайындық шеңберінде және облыстың инженерлік жұмыстар жоспарына сәйкес ағымдағы жылы облыстың 13 ауданында су тасқынына қарсы 55 іс-шараны іске асыру жоспарланған.
Бүгінгі таңда облыста 7 іс-шара орындалды, оның екеуі Алтай ауданында, екеуі Зайсан ауданында, екеуі Катонқарағай ауданында және біреуі Риддер қаласында.
Зайсан ауданында Шалқар ауылында 1200 м қорғау бөгеті қалпына келтірілді, Қарабұлақ ауылдық округінің Сатбай ауылында су тасқынына қарсы бөгет жөнделді.
Катонқарағай ауданының Берел ауылында Бұқтырма өзенінің түбін тереңдету мен арнасын тазарту және Коробиха ауылындағы Бұқтырма өзенінде ұзындығы 400 м жағалауды нығайту бойынша ағымдағы жұмыстар аяқталды.
Белая Уба" өзенінің жағасын нығайту, Риддер қаласынан 41 км көпірді жөндеу жұмыстары жүргізілді.
Алтай ауданы Соловьева ауылдық округінің Маяк ауылындағы Орталық көшесіндегі ұзындығы 800 метр су бұрғыш арық тазартылды, ұзындығы 5000 метр Вторушка және Маслянская өзендерінің арнасын тереңдету, каналдарын тазалау, бұталарды кесу жұмыстары жүргізілді.
Сонымен қатар Алтай ауданының Богатырево ауылында ұзындығы 100 метр бөгет жөнделуде, Березовка өзенінің арнасы тазартылды және Соловьево ауылының ауданында ұзындығы 1000 метр бөгетті салу жұмыстары жүргізілуде.
Глубокое ауданында Тарханка ауылының Мехнина және Береговая көшелерінің аумағында Үлбі өзенінде үлкен жұмыстар жүргізілуде, Глубокое кентіндегі Глубочанка өзенінде тазарту, тереңдету және арна түзеу жұмыстары жүргізілуде. Жаңа-Үлбі ауылындағы Жаңа Үлбі өзенінің өткізу қабілетін арттыру үшін Жаңа-Үлбі ауылында Новоя және Береговая көшелерінің тұсында арнаны реттеу жолымен аспалы көпірдің көпір қосылымын қалпына келтіру жұмыстары.
Өрістен еріген суларды Жуковка өзеніне шығару үшін Опытное поле ауылының Заречная көшесінде арық жүйесін тазарту және орнату, көктемде еріген және жаңбыр суларын шығару үшін арық жүйесін орнату және шлюз орнату жүргізілуде. Прапорщиково ауылында Моторный, Сүлейменов, Атамекен, Школьная көшелерінен биік жерлерден еріген және жаңбыр суларын бұру үшін су бұру арналарын орнатылды.
Барлық жұмыстарды меже кезеңінде аяқтау жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 18:41 3746
Алматыда тауға арналған ақпараттық материалдар әзірленді
Достарға айту
Алматы қаласының Туризм басқармасы мен Almaty Tourism Bureau туристер мен қала тұрғындарының тауда қауіпсіздігін қамтамасыз ету мақсатында ақпараттық материалдар әзірледі: тау маршруттарының атласы, тау маршруттарының картасы және "Тау шыңдары мен қауіпсіздік" атты брошюра, деп хабарлайды Алматы қаласы әкімдігінің баспасөз қызметінен.
Тау маршруттарының атласында аймақтағы бес танымал маршрут туралы ақпарат жинақталған. Атласта тек маршруттардың сипаттамасы ғана емес, сонымен қатар жорыққа дайындық бойынша ұсыныстар, қажетті құрал-жабдықтардың болуы, жергілікті жерлерде бағдар алу бойынша кеңестер және қауіпсіздік ережелері берілген. Бұл атлас тау демалысын ұнататындар үшін таптырмас серік болмақ.
Тау маршруттарының картасы Кіші Алматы және Үлкен Алматы шатқалдарының маршруттарын қамтиды. Ол навигацияны ыңғайлы етіп, қажетті шартты белгілерді көрсеткен, бұл туристерге жергілікті жерде оңай бағыт алуға мүмкіндік береді. Аталмыш карта Алматының табиғи сұлулығын тереңірек зерттегісі келетін әуесқойға да, тәжірибелі туристерге де пайдалы болады.
Тау шыңдары мен қауіпсіздік" брошюрасы - тауда қауіпсіз әрекет етуге арналған практикалық нұсқаулық. Онда туристер бетпе-бет келуі мүмкін қауіп-қатерлер қарастырылған. Брошюра біркүндік және көпкүндік жорықтарға арналған тізімді қамтиды, бұл туристерге кез келген сапарға дұрыс дайындалуға көмектеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 18:39 4141
Су тасқынынан зардап шеккен 34 мыңнан астам отбасы 12,6 млрд теңгеге біржолғы төлем алды
Достарға айту
Премьер-Министр Олжас Бектеновтің төрағалығымен өткен Үкімет отырысында су тасқыны салдарын жою жұмыстарын аяқтау мәселесі қаралды. Премьер-Министрдің орынбасары Қанат Бозымбаев су тасқынынан зардап шеккен 34 мыңнан астам отбасы жалпы сомасы 12,6 млрд теңгеге 100 АЕК мөлшерінде біржолғы төлем алғанын хабарлады.
Биылғы су тасқыны 120 мыңнан астам адамның өміріне әсер етті. Мемлекет тарапынан оларға барлық қажетті көмек көрсетілді - баспанасыз қалғандар үшін эвакуациялық пункттер ұйымдастырылды, 34 мыңнан астам адам 12,6 млрд теңгеге 100 айлық есептік көрсеткіш (АЕК) көлемінде біржолғы төлем алды. Бұдан басқа, шамамен 10 млрд теңге көлемінде 150 АЕК есебінде 21 880 отбасына келтірілген материалдық залал өтелді",- деп мәлімдеді вице-премьер.
Оның айтуынша, шағын және орта бизнес субъектілеріне су тасқыны салдарынан келген мүлік шығындарын өтеу ретінде 615 мақұлданған өтінім бойынша 10,2 млрд теңгеден астам қаражат төленген. Айта кету керек, шағын және орта бизнестің шығындарын өтеу қағидаларының қолданылу мерзімі 2025 жылдың сәуіріне дейін ұзартылатын болады.
Агроөнеркәсіптік кешен субъектілеріне жойылған ауыл шаруашылығы дақылдары мен суға кеткен жануарлардың иелеріне шығынды өтеу үшін шамамен 3,15 млрд теңге бөлінді.
Жалғыз баспанасы болып саналатын 17,6 мыңға жуық үй мен саяжай құрылысы су астында қалды. Тәуелсіз бағалау компаниялары мен комиссиялардың жүргізген зерттеуі негізінде 9 156 үйді жөндеуге болатынын, ал 8 447 үй апатты деп танылды.
Жалғыз баспанасы апатты болып танылған тұрғын үй иелеріне көмек көрсету үшін, Мемлекет басшысы оларға жаңа тұрғын үй беру туралы шешім қабылдады. Бұл ауқымды жұмыс бұрын-соңды болмаған қысқа мерзімде жүргізілді. 3,5 айда типтік жобалар бойынша 2576 үй салынды және қайталама нарықта 5767 үй мен пәтер сатып алынды. Сонымен қатар 9156 үй жөнделді", - деді спикер.
Премьер-Министрдің орынбасары Қанат Бозымбаев қазіргі сәтте Атырау, Ақтөбе, Қостанай және Солтүстік Қазақстан облыстарында жұмыс толық аяқталғанын хабарлады. Бүгінгі таңда Ақмола облысында 38 үй, Батыс Қазақстан облысында 28 үйдің құрылысы жүргізіліп жатыр. Аяқтау мерзімі -1 қазан.
Алдағы жылыту маусымына дейін әкімдіктерден барлық салынған үйлерде жылу жүйелерін тестілеу жұмыстарын жүргізуді сұраймын. Өнеркәсіп және құрылыс министрі бұл мәселені бақылауда ұстауы керек. Болашақта су тасқынын болдырмау үшін облыс әкімдері жыл соңына дейін бөгеттер мен гидротехникалық құрылыстарды салу және жөндеу жұмыстарын аяқтауы қажет", - деді Қ. Бозымбаев.
Үкімет отырысында қысқа мерзімде үйлерді сатып алу және салып беру ісінде отандық кәсіпкерлер тарапынан үлкен қолдау көрсетілгені айтылды. Олардың қаржылай қолдауының арқасында 260 млрд теңге демеушілік қаражат тартылды.
Бұл жағдайда бизнес үлкен әлеуметтік жауапкершілік танытты, алайда алдағы уақытта төтенше жағдайлардан зардап шеккендердің шығындарын өтеудің жаңа шаралары мен тетіктерін қарастыру қажет. Республикалық және жергілікті бюджеттердің төтенше жағдайға арналған резервтің төмендетілмейтін соммасын айқындау керек. Мүлікті төтенше жағдайдан міндетті сақтандырудың оңтайлы модельдерін анықтау және табиғи апаттар қаупі бар аймақтарда енгізу бойынша жұмысты бастау қажет. Сонымен қатар catastrophе bond-тар механизмін енгізу керек", - деп атап өтті вице-премьер.
Сондай-ақ отырыста қолданыстағы заңнамаға өзгерістер енгізе отырып, бірқатар мәселелерді нормативтік тұрғыдан реттеу қажеті айтылды. Атап айтқанда тұрақты жұмыс істейтін Республикалық жедел штабын құру, оны өңірлік және республикалық денгейдегі төтенше жағдайлар кезеңінде шешімдер қабылдау, зардап шеккен мүлікті қалпына келтіру, залалды өтеу, ұйымдардың күштерін және олардың мүлкін тарту бойынша өкілеттіктер беру жоспарлануда.
Осы мәселелерді шешу үшін, Төтенше жағдай, Көлік, Өнеркәсіп және құрылыс министрліктеріне, Қаржы нарығын реттеу және дамыту агенттігіне осы жұмысты биыл аяқтауды тапсыруды сұраймын", - деп қорытындылады баяндамасын вице-премьер Қанат Бозымбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 15:52 4821
Қазақстан мен Қытай су тасқынымен бірлесіп күресу жөнінде келісімге келді
Достарға айту
Су ресурстары және ирригация министрлігі Қытай Халық Республикасы Су шаруашылығы министрлігімен су тасқынымен күрес бағытында ынтымақтастық жөніндегі Меморандумға қол қоюды жоспарлап отыр. Министр Нұржан Нұржігітов Үкімет отырысында су тасқынына дайындық барысы туралы баяндады, деп хабарлайды министрліктің баспасөз қызметінен.
Бұдан бөлек, ведомство Ресей Федерациясымен су тасқыны кезеңінде тараптардың іс-қимылын үйлестіру үшін барлық трансшекаралық су ағындары бойынша бірыңғай жұмыс тобын құру туралы уағдаластыққа қол жеткізді.
Тасқын суды жинау және қауіпсіз өткізуді қамтамасыз ету үшін министрлік 2,6 млрд текше метр су сақтай алатын 42 жаңа су қоймасын салуды, жалпы жобалық көлемі 3,7 млрд текше метр болатын 37 су қоймасы мен 14,5 мың шақырым ирригациялық каналды реконструкциялауды жоспарлап отыр. Биыл Түркістан облысында 2 су қоймасының құрылысы басталды. Ақтөбе, Түркістан және Батыс Қазақстан облыстарында 3 су қоймасы кешенді реконструкциядан өтуде. Сондай-ақ, Қазсушар филиалдары су тасқыны кезінде үлкен көлемде су қабылдаған 34 гидротехникалық құрылысты жөндеу жұмыстарын бастады. Батыс Қазақстан және Шығыс Қазақстан облыстарында 95 шақырым каналды механикаландырылған тазалау жұмыстары жүргізілді",- деді министр Нұржан Нұржігітов.
Айта кету керек, су тасқыны жағдайы тек жағымсыз салдарға ғана емес, сонымен қатар су қоймаларына экономика салаларының қажеттіліктері үшін пайдаланылатын 12 млрд текше метрден астам су жинауға мүмкіндік берді.
Мысалы, Қ.Сәтбаев атындағы канал арқылы толтырылатын Астана су қоймасына тасқын суын жинау 2 млрд теңгеден астам қаражатты үнемдеуге мүмкіндік берді.
Сондай-ақ, тасқын көптен бері тіршілік нәрі бармаған жерлерге суды бағыттап, экологиялық жағдайды жақсартуға мүмкіндік берді. Мысалы, Батыс Қазақстан облысының Қамыс-Самар көлдеріне 80 млн текше метр, Ұлытау облысынан Қызылорда облысына 839 млн текше метр су жіберілді. Тарихта алғаш рет Сарысу өзені арқылы Қызылорда облысының көл жүйелеріне су жеткізілді.
Жыл басынан бері Балқаш көліне 12 млрд текше метр, Каспий теңізіне - 7,4 млрд текше метр су жіберілді.
2024 жылғы қыркүйек айының басындағы жедел деректерге сәйкес, су қоймаларынан ауыл шаруашылығында 8,4 млрд текше метр, өнеркәсіпте 3,7 млрд текше метр су пайдаланылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 15:50 6996
Мемлекетке 2022 жылдан бері триллион теңгеден астам қаражат қайтарылды - Антикор
Достарға айту
Мемлекет басшысы Сыбайлас жемқорлыққа қарсы іс-қимыл агенттігінің төрағасы Асхат Жұмағалиды қабылдады, деп хабарлайды Ақорданың баспасөз қызметінен.
Президент Агенттік төрағасының еліміздегі сыбайлас жемқорлыққа қарсы іс-қимыл шаралары туралы есебін тыңдады.
Қасым-Жомарт Тоқаевқа жоғары лауазымды тұлғалардың қатысы бар қылмыстардың жолын кесу жұмыстары жалғасып жатқаны жөнінде мәлімет берілді.
Асхат Жұмағалидың айтуынша, ведомство 2022 жылдан бастап мемлекет пен квазимемлекеттік сектор субъектілеріне 1 триллион 90 миллиард теңге сомасында мүліктік активтер мен қаражаттың қайтарылуын қамтамасыз еткен. Білім беру инфрақұрылымын қолдау қорына 153,3 миллиард теңге аударылған. Осы қаржыға қазірдің өзінде 50-ден астам мектеп ашылған. Сондай-ақ тағы 30 білім ошағын салу жоспарланған.
Мемлекет басшысына бұған дейін берген тапсырмаларының орындалу барысы туралы баяндалды. Атап айтқанда, Агенттік Ұлттық банкпен және Қаржы министрлігімен бірлесіп, "Цифрлық теңге" платформасы арқылы жүзеге асыратын "ақшаны бояу" жобасын іске қосты. Асхат Жұмағали Президент Жолдауында жүктеген міндеттерге сай жол құрылысы мен ауыл шаруашылығы салаларында сыбайлас жемқорлықты жою жұмыстары жүргізіліп жатқанын айтты.
Сонымен қатар "Жайлы мектеп" ұлттық жобасына мониторинг жасалып жатыр. Тексеру барысында қаражатты тиімсіз пайдалануға және нысандарды тапсыру уақытын кешіктіруге себеп болатын сыбайлас жемқорлық тәуекелдері талданады.
Бұдан бөлек, Қасым-Жомарт Тоқаевқа педагогтердің еңбекақы қорынан миллиардтаған қаржы жымқыруға жол берген сыбайлас жемқорлық факторларын жою шаралары туралы айтылды. Биыл Агенттіктің бастамасымен бюджет процестерін автоматтандыруға, Қазынашылықты білім беру мекемелерінің есеп жүйелерімен интеграциялауға, төлем құжаттарына қол қою кезінде биометрияны пайдалануға бағытталған цифрлық шешімдер енгізілді.
Президентке халықаралық қатынастар, кадр саясаты, нормативтік-құқықтық актілер әзірлеу процесі секілді ведомствоның басқа да басты бағыттары бойынша атқарылған жұмыстар туралы ақпарат берілді.
Кездесу соңында Мемлекет басшысы еліміздегі сыбайлас жемқорлықпен күресті күшейту жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 12:44 7261
Қазақстанда 2025 жылдың шілдесінен бастап кассациялық соттар жұмысын бастайды
Достарға айту
Мемлекет басшысы Жоғары сот кеңесінің төрағасы Дмитрий Малаховты қабылдады, деп хабарлайды Ақорданың баспасөз қызметінен.
Кездесуде Жоғары сот кеңесінің қызметін одан әрі жетілдіру мәселелері, атап айтқанда сот корпусын нығайтуға және жаңартуға, Сот төрелігі академиясын дамытуға, сондай-ақ судьялардың тәртіптік жауапкершілігін күшейтуге бағытталған шаралар талқыланды.
Дмитрий Малахов Сот кеңесінің рөлі күшейіп, судьяларға қатысты кадрлық мәселенің барлығы құзыретіне өткендіктен, бизнес-процестер мен конкурстық іріктеулерді цифрландыру мәселесі күн тәртібінде тұрғанын жеткізді.
Президентке кассациялық соттар келесі жылдың 1 шілдесінен жұмысын бастайтыны туралы баяндалды. Оған дейін Кеңес судьяларды іріктеп, сот құрамын жасақтайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 12:41 7466
Қазақстанда 17,2 млн тоннадан астам астық бастырылды
Достарға айту
Бүгінгі таңда негізгі дәнді дақылдар бойынша 11,7 млн гектардан астам дәнді және бұршақты дақылдар жиналды. Орташа өнімділігі 14,7 ц/га болған кезде 17,2 млн тоннадан астам астық бастырылды, деп хабарлайды Ауыл шаруашылық министрлігінің баспасөз қызметінен.
Мәселен, бидай 9,1 млн га алқапқа жиналды, өнімділігі 14,2 ц/га 12,8 млн тонна, арпа - 1,9 млн га, өнімділігі 16,5 ц/га 3,1 млн.тонна, сұлы - 153,9 мың га, өнімділігі 15,6 ц/га 240,6 мың тонна.
Биылғы жылы майлы дақылдар 263,7 мың га алқаптан жиналды, орташа өнімділігі 11,6 ц / га 304,6 мың тонна бастырылды.
76,5 мың гектар алқаптан 233,3 ц/га өнімділік кезінде 1,7 млн тоннадан астам картоп жиналды, көкөніс дақылдары 91,3 мың гектардан 243,9 ц/га өнімділік кезінде 2,2 млн тоннадан астам жиналды.
Бақша дақылдары 94,3 мың га алқаптан жиналды, өнімділігі 258,4 ц/га, жалпы алым 2,4 млн тоннадан асты.
Егін жинау науқанына 149,9 мың трактор, 37,6 мың астық жинайтын комбайн, 14,9 мың Орақ және 195 мың бірлік басқа техника жұмылдырылды.
Естеріңізге сала кетейік, көктемгі егіс және егін жинау жұмыстарын жеңілдетілген қаржыландыру көлемі 580 млрд.теңгені құрады, бұл өткен жылдармен салыстырғанда 3 есе көп.
Егін жинау науқанын өткізудің барлық мәселелері ерекше бақылауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
24.09.2024, 12:37 6141
Тоқаев ҚМА жаңадан тағайындалған төрағасына бірқатар тапсырмалар берді
Достарға айту
Қасым-Жомарт Тоқаев Қаржылық мониторинг агенттігінің төрағасы Жанат Элимановты қабылдады, деп хабарлайды Ақорданың баспасөз қызметінен.
Кездесуде Мемлекет басшысына Көлеңкелі экономикаға қарсы іс-қимыл жөніндегі кешенді жоспардың жүзеге асырылу барысы баяндалды.
Жанат Элиманов Заңсыз кірістерді жылыстатуға қарсы іс-қимыл жөніндегі ұлттық жүйенің FATF ұсынымдарына сәйкестендірілгенін айтты.
Президент Агенттіктің жаңадан тағайындалған төрағасына көлеңкелі экономика деңгейін төмендетуге және қаржы саласының ашықтығын қамтамасыз етуге бағытталған бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
24.09.2024, 12:41Қазақстанда 17,2 млн тоннадан астам астық бастырылды 24.09.2024, 12:44 6991Қазақстанда 2025 жылдың шілдесінен бастап кассациялық соттар жұмысын бастайды24.09.2024, 15:50 6726Мемлекетке 2022 жылдан бері триллион теңгеден астам қаражат қайтарылды - Антикор24.09.2024, 12:37 6086Тоқаев ҚМА жаңадан тағайындалған төрағасына бірқатар тапсырмалар берді24.09.2024, 12:33 4581Жамбыл облысының полиция бастығы мен оның орынбасарлары тексеруден кейін қызметтерінен босатылды
19.09.2024, 14:47 69551Атырау облысындағы жолдарды қалпына келтіруге үкімет резервінен шамамен 5,9 млрд теңге бөлінді19.09.2024, 14:44 69241Елімізде жыл басынан бері 60-қа жуық есірткі зертханасы жойылды19.09.2024, 14:27 69156Қазақстан Республикасы Жоғары Сот Кеңесінің Төрағасы лауазымынан босатылды20.09.2024, 13:11 62491Қазақстандағы денсаулық сақтау саласына жұмсалатын шығындардың азаюы байқалуда20.09.2024, 16:34 62231Елге тұрақты энергияның баламалы көзі қажет - Бектенов
28.08.2024, 18:38 117921Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11674639 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 112526Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 108296Алматыда бейбіт жиындар мен шерулер өткізу орындары өзгерді29.08.2024, 16:57 108166Алматыда қала арқылы өтетін негізгі өзендерде көшкін қаупінің картасы әзірленеді