23.09.2024, 13:28 2431
ҚР Премьер-Министрінің кеңесшісі тағайындалды
Достарға айту
Қазақстан Республикасы Премьер-Министрінің өкімімен Ермек Боранбайұлы Маржықпаев Премьер-Министрдің кеңесшісі болып тағайындалды, деп хабарлайды Үкіметтің баспасөз қызметінен.
Ермек Маржықпаев 1969 жылы Астана қаласында дүниеге келген.
С. Сейфуллин атындағы Ақмола мемлекеттік педагогикалық институтын, "Тұран" университетін, Көкшетау университетін бітірген.
Әр жылдары түрлі лауазымдарды атқарды.
2019-2023 жылдары Ақмола облысының әкімі болып қызмет етті.
2023-2024 жылдары - ҚР Туризм және спорт министрі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
23.09.2024, 16:44 2961
Тоқаев ҰҚК төрағасының екі орынбасарын тағайындады
Достарға айту
Тоқаев ҰҚК төрағасының екі орынбасарын тағайындады, деп хабарлайды Ақорданың баспасөз қызметінен.
Мемлекет басшысының өкімімен Алмас Тілепбергенұлы Наймантаев Қазақстан Республикасы Ұлттық қауіпсіздік комитеті Төрағасының орынбасары лауазымына, Марат Қабиденұлы Жұмабаев Қазақстан Республикасы Ұлттық қауіпсіздік комитеті Төрағасының орынбасары – Сыртқы барлау қызметінің директоры лауазымына тағайындалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 14:08 1641
Үкімет АӨК қолдау шаралары мен астық жинау науқанының барысын талқылады
Достарға айту
Премьер-Министр Олжас Бектенов өңірлердегі отандық агроөнеркәсіп кәсіпорындары өкілдерімен кеңейтілген форматта кездесу өткізді, онда ауыл шаруашылығы саласын қолдау мәселелері және астық жинау науқанының барысы талқыланды. Мемлекет басшысының "Әділетті Қазақстан: заң мен тәртіп, экономикалық өсім, қоғамдық оптимизм" атты халыққа Жолдауында белгіленген мақсаттарға қол жеткізу жөніндегі шаралар қаралды.
Кездесу барысында АӨК субъектілерін ұзақмерзімді мемлекеттік қолдау тәсілдері қаралды, деп хабарлайды Үкіметтің баспасөз қызметінен.
Мемлекет басшысы өзінің халыққа Жолдауында кәсіпкерліктің дамуы мен оны қолдау шараларына ерекше назар аударды. АӨК-тің тұрақты дамуы - біздің азық-түлік қауіпсіздігіміздің кепілі, сондықтан Үкімет 1 млн-нан астам азаматымыз жұмыспен қамтылған ауыл шаруашылығын қолдау шараларын жалғастыра береді", - деп атап өтті Олжас Бектенов.
Ауыл шаруашылығы министрі Айдарбек Сапаров және Ақмола, Қостанай, Солтүстік Қазақстан, Жамбыл облыстарының әкімдері АӨК-ті мемлекеттік қолдау шараларын іске асыру туралы баяндады.
Президент тапсырмасы бойынша биыл Үкімет көктемгі егіс және астық жинау науқанын оңтайлы жүргізу үшін қажетті жағдайдың барлығын жасады. Саланы жеңілдікпен қаржыландыру көлемі бірінші рет 3 еседен астам ұлғайтылып, рекордтық көрсеткішке, яғни, 580 млрд теңгеге жеткізілді. Бұл қаражат егіншілерді тікелей несиелендіруге, пайыздық мөлшерлемені төмендетуге және форвардтық сатып алуға жұмсалды. Сыйақы мөлшерлемесін төмендету Бәйтерек холдингі коммерциялық қаражатты тарту сатысында жүргізілді. Келесі жылы қайта өңдеу кәсіпорындарын қаржыландыру кезінде осындай тетік іске қосылады. Жалпы, агробизнеске мемлекет тарапынан тұқым материалы мен тыңайтқыш сатып алудан бастап, экспорттық қолдауға дейінгі барлық кезеңде жан-жақты көмек көрсетіледі.
Президент тікелей субсидиялаудан қолжетімді несие беруге көшу арқылы АӨК субъектілерін қаржыландыру көлемін ұлғайту міндетін қойды. 2025 жылдан бастап шаруалар қаржы институттарынан тікелей арзандатылған несие ала алады. Субсидиялау мәселелері толығымен Ауыл шаруашылығы министрлігіне жүктеледі. Осылайша, шаруа субсидия ресімдеу бойынша артық әуре-сарсаңнан құтылады.
Биыл жеңілдетілген несиелеудің рекордтық көлеміне қол жеткізілді. Келесі жылдан бастап саланы қаржыландыру көлемін арттырып, 700 млрд теңгеге дейін жеткізу жоспарланып отыр. Премьер-Министр Олжас Бектенов биылғы желтоқсан айында шаруаларға келесі жылдың алғашқы қаржысы түсуі тиіс екенін атап өтті.
Ауыл шаруашылығы техникасын сатып алуды жеңілдікпен қаржыландыру мәселесіне ерекше назар аударылды. Үкімет биылғы бөлінген қаражат көлемін едәуір ұлғайтты, бұл 2 мыңнан астам ауыл шаруашылығы тауарын өндірушілерге қолда бар паркті жаңартуға мүмкіндік берді. Ел шаруалары 19,5 мың ауыл шаруашылығы техникасын сатып алды, жаңарту деңгейі - 5%-ды құрайды. Бұл көрсеткішті жыл соңына дейін 5,5%-ға, келесі жылы 6,5%-ға дейін жеткізу жоспарлануда. Сонымен қатар отандық нарықтың қажеттіліктерін ескере отырып, ауыл шаруашылығы техникасын шығаратын қазақстандық кәсіпорындардың қуатын арттыру тапсырылды.
Биылғы наурыз айында елімізде отандық тыңайтқыштарды сатып алу үшін аванстық субсидиялау тетігі енгізілді. Көктемгі егіс және егін жинау жұмыстарын мемлекеттік қолдаудың арқасында биыл топыраққа 1,2 млн тонна тыңайтқыш енгізілді, бұл өткен жылғы деңгейден 2 есеге артық. Мемлекет басшысының ауыл шаруашылығы жерлерінің тозуын азайту жөніндегі тапсырмасын ескере отырып, әкімдіктер 2025 жылы тыңайтқыш енгізу көлемін 1,9 млн тоннаға дейін арттыруы қажет.
Отандық тұқым шаруашылығын дамыту мәселесін қарастыру кезінде өсімдік шаруашылығында, әсіресе көкөніс, жеміс және бақша дақылдарына қатысты импорттық тұқым материалдарын пайдалануды қысқартудың маңыздылығы атап өтілді. Ауыл шаруашылығы министрлігіне селекция және тұқым шаруашылығы жүйесін сапалы дамыта отырып, осы мәселемен айналысу тапсырылды. Сондай-ақ отандық тұқым өндірушілердің пайдасына субсидиялау тетігін қайта қарау қажеттігі көрсетілген.
Жиынға қатысушылардың назары өнімді қайта өңдеу және экспорттау арқылы өткізуге аударылды. АШМ деректері бойынша биылғы астық өнімі кем дегенде 20 млн тоннаға жетеді деп күтілуде. "Атамекен" палатасымен Сауда және интеграция министрлігіне дәстүрлі өнімдермен шектелмей, Орталық Азия, Қытай, Ауғанстан және Иран сияқты ауыл шаруашылығы өнімдерінің басым экспорттық нарығын кеңейту, сонымен қатар ЕО елдері, Солтүстік Африка, Оңтүстік-Шығыс Азия және т. б. жаңа бағыттарды пысықтау тапсырылды.
Премьер-Министр еліміздің азық-түлік өнімдерімен өзін-өзі қамтамасыз етуінің маңыздылығын атап өтті. Ауыл шаруашылығы саласын жан-жақты қолдау және оған қолайлы жағдай жасау бағытында қажетті шаралардың барлығын қабылдап жатқанын атап өтті. Сонымен қатар бизнес те ашық әрі адал жұмыс істеуі тиіс. Мемлекеттен бөлінген қаражаттың тиімсіз жұмсалуына жол бермеу үшін 2025 жылы елімізде ауқымды ауыл шаруашылығы санағы жүргізіледі. Ол жер және егіс алқабы, мал басы, ауыл шаруашылығы техникасы мен инфрақұрылым бойынша деректерді өзектендіруге мүмкіндік береді.
Президент Жолдауында ауыл шаруашылығын дамыту, өнімділікті арттыру және ауыл тұрғындарын жыл бойы жұмыспен қамту, саланы тиімді әрі ашық қаржыландыру бойынша нақты міндеттер қойылды. Аталған жұмыс мемлекет пен бизнестің бірлескен тығыз қарым-қатынасы шеңберінде іске асырылуы тиіс. Тек сонда ғана біз жоғары нәтижеге қол жеткіземіз", - деп атап өтті Олжас Бектенов.
Талқылау барысында отандық агро кәсіпкерлер саланы одан әрі дамыту бойынша өз ұсыныстарын айтты, сондай-ақ бірқатар өзекті мәселелерді көтерді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
23.09.2024, 14:07 1831
Мемлекет басшысы Сауд Арабиясы Корольдігінің ұлттық мейрамына орай құттықтау жеделхатын жолдады
Достарға айту
Қасым-Жомарт Тоқаев Қос киенің сақшысы, Сауд Арабиясының Королі Салман бен Әбделазиз Әл Сауд пен Сауд Арабиясының Тақ мұрагері, Премьер-министрі Мұхаммед бен Салман Әл Саудты және барша сауд халқын Ұлттық күнімен құттықтады, деп хабарлайды Ақорданың баспасөз қызметінен.
Президент жеделхатта Сауд Арабиясын саяси тұрғыдан іргесі берік, экономикасын нығайтуда көптеген жетістікке қол жеткізген мемлекет ретінде атап өтті. Сондай-ақ Таяу Шығыс өңіріндегі Қазақстанның сенімді әрі маңызды серіктестерінің бірі екеніне назар аударды.
Мемлекет басшысы екі ел арасындағы дәстүрлі достық пен бауырластыққа негізделген ынтымақтастық одан әрі нығайып, халықтардың игілігі жолында дами беретініне сенім білдірді.
Қасым-Жомарт Тоқаев Қос киенің сақшысы, Сауд Арабиясының Королі мен Тақ мұрагері, Премьер-министрінің жауапты қызметтеріне табыс, ал сауд халқына құт-береке тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 16:56 49491
Ұлттық статистика бюросы табиғи-экономикалық есепке алу жүйесі бойынша жаңа шоттарды жариялай бастады
Достарға айту
Ұлттық статистика бюросы табиғи-экономикалық есепке алу жүйесі бойынша үш жаңа шотты жариялай бастады, бұл табиғи ресурстарды пайдалану және олардың қоршаған ортаға әсері жөніндегі деректерді тереңірек талдауға мүмкіндік береді, деп хабарлайды Qazstat.
Табиғи-экономикалық есепке алу жүйесінің шоттары қоршаған орта активтері қорларының өзгеруін сипаттау үшін қоршаған орта мен экономика арасындағы өзара байланысты түсінудегі көп мақсатты тұжырымдамалық негіз боп есептеледі. Бұған дейін Бюро атмосфераға шығарындылар, қоршаған ортаны қорғауға жұмсалған шығындар және экологиялық салық сияқты үш шот бойынша деректерді ғана жариялап келген.
Үш жаңа шот бойынша деректерді stat.gov.kz сайтындағы "Ұлттық шоттар статистикасы" бөлімінде табуға болады, онда материалдар ағынының шоты, минералды және энергетикалық ресурс активтерін есепке алу мен орман ресурстары бойынша шоттар бар.
Материалдар ағынының шоты табиғи ресурстарды өндіру, олардың саудасы, қалдықтарды жою және шығарындылар туралы түсінік береді. Бұл көрсеткіштер жалпы экологияға түсетін жүктеме мен ұлттық экономикаға әсерін бағалаудағы маңызды жанама көрсеткіштер. Осы шот аясында Орнықты даму мақсаттарының 8.4.2 "Жалпы ішкі материалды тұтыну" индикаторы бағаланды. Қазақстанда бұл көрсеткіш 2021 жылы 623,8 млн тонна болған (ұлттық экономикада қолданылатын материалдар көлемі). Материалдарға биомасса, металл кен, металға жатпайтын минералдар және отын сияқты шикізат пен өнімдер жатады.
Минералды және энергетикалық ресурстар үшін активтерді есепке алу шоты олардың қорлары мен есепті кезеңдер арасындағы қордағы өзгерістер туралы ақпарат береді. Жарияланымда минералды-энергетикалық ресурстардың негізгі түрлері бойынша деректер көрсетілген: көмір, мұнай, газ, темір кені, алтын және т.б. Мысалы, 2022 жылдың соңында көмір қоры 28 908,9 млн тоннаны, мұнай - 2 942,6 млн тоннаны, темір кені - 10 764,6 млн тоннаны, марганец кені - 400,3 млн тоннаны құрады. Жарияланымда 2014-2022 жылдардағы динамиканы көруге болады.
Орман қоры жөніндегі үшінші шотта орман алқаптарының ауданы және оның бір жыл ішіндегі өзгерістері туралы мәлімет береді. Шот негізінен орман алқабында ағаш кесуден не егуден болған өзгерістерді ескереді. 2022 жылдың қорытындысы бойынша Қазақстандағы ормандар мен орманды алқаптардың ауданы 13,7 млн гектарды құрады, оның 5,9% - өсірілген орман, 11,8% - ну орман, 82,3% табиғи түрде жаңаратын ормандар.
Деректер табиғи-экономикалық есепке алу жүйесі бойынша халықаралық нұсқауларға сәйкес, ЭЫДҰ және ЮНЕП сарапшыларының ұсыныстарын ескере отырып құрастырылған. Аталған шоттар жыл сайын жарияланып отыратын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 16:34 49741
Елге тұрақты энергияның баламалы көзі қажет - Бектенов
Достарға айту
Премьер-Министр Олжас Бектенов Ақтөбе облысына жұмыс сапары аясында Президенттің "Әділетті Қазақстан: заң мен тәртіп, экономикалық өсім, қоғамдық оптимизм" атты Жолдауын іске асыру барысын тексерді, деп хабарлайды Үкіметтің баспасөз қызметінен.
Атап айтқанда, Бадамша ауылындағы бірқатар нысандарды көріп, Үкімет басшысы энергетика секторындағы инфрақұрылымдық мәселелерді шешу және білім беру сапасын жақсарту ісімен танысты.
Итальялық ENI энергетикалық компаниясының жел электр стансасына барған кезде Премьер-Министрге "Бадамша", "Бадамша-2" ЖЭС-нің жұмысы туралы баяндалды. Бұл жобаларды іске асыруға 69 млрд теңге жеке инвестиция салынды. Қазіргі уақытта "Бадамша-2" турбиналары Қазақстандағы ең ірісі саналады. Жоба шеңберінде жыл сайынғы электр энергиясын өндіру шамамен 195 ГВт*сағ-ты құрайды, бұл шамамен 37 мың үй шаруашылығының энергия тұтыну көрсеткішіне тең және CO2 қалдықтарын жылына 172 мың тоннаға қысқартуға мүмкіндік береді.
Сонымен қатар Премьер-Министрге "ҚазМұнайГаз" ҰК" АҚ-мен бірлескен жоба - Маңғыстау облысының Жаңаөзен қаласындағы гибридті электр стансасының іске асырылу барысы туралы баяндалды.
Arm Wind өндірістік қуатын тексеру барысында Олжас Бектенов экономикалық тұрақтылықты экологиялық тұрақтылықпен үйлестірудің маңызды екенін баса айтты және көміртексіздендіру мен шығарынды мөлшерінің төмендігін ескере отырып, энергетика инфрақұрылымын одан әрі дамыту қажеттігін атап өтті.
Жалпы, Ақтөбе облысы бойынша тұтынылатын электр қуатыңың орташа мөлшері 947 МВт, оның ішінде жергілікті көздермен генерациялау 496 МВт-ты (52%) құрайды. Электр энергиясының тапшылығы - 451 МВт (48%). Жүктеменің өсу динамикасына, сондай-ақ KEGOC болжамына сүйене отырып, 2028 жылға қарай Ақтөбе облысында электр энергиясын тұтыну көлемі 1 270 МВт-ты құрайды деп жоспарланып отыр.
Жел және күн электр стансалары Қазақстандағы "жасыл" энергия үлесін арттыруға бағытталған жалпы жұмыстың маңызды бөлігі саналады, олар бүгінде еліміздегі жалпы электр энергиясы көлемінің 6%-ын қамтамасыз етеді. Сонымен қатар еліміздегі энергетика секторының 70%-ға жуығы көмір электр стансаларына тәуелді. Өкінішке қарай, елімізде ЖЭО тозуының жоғары деңгейі және қажеттілік көлемінің артуы энергияға тәуелділікке алып келеді. Біз мұны Қазақстанның солтүстік өңірлері мен Ресейден электр қуатын сатып алып отырған Ақтөбе облысының мысалынан көріп отырмыз. Ұзақмерзімді энергетикалық тұрақтылық үшін елімізге энергияның орнықты баламалы көзі қажет", - деп атап өтті Премьер-Министр.
Өздеріңіз білетіндей, 6 қазанда Қазақстанда атом электр стансасын салу бойынша республикалық референдум өтеді. Халық қолдаған жағдайда, атом энергетикасын дамыту елімізді тұрақты әрі экологиялық таза энергиямен қамтамасыз етуге мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 13:11 50221
Қазақстандағы денсаулық сақтау саласына жұмсалатын шығындардың азаюы байқалуда
Достарға айту
Қазақстандағы денсаулық сақтау саласына жұмсалатын шығындардың азаюы мен жеке шығындардың өсуі айқын байқалуда, деп жазады Мәжіліс депутаты Асхат Аймағмбетов телеграмда.
Жоғарғы аудиторлық палата денсаулық сақтау саласына жұмсалатын шығындар туралы аудит жүргізіп, маңызды ақпарат берді:
Денсаулық сақтау шығындарының жалпы ішкі өнімге қатынасы: 2023 жылы 3,57%-ды құрады, ал 2021 жылы - 4,1%, 2022 жылы - 3,7%. Яғни азайды.
ЭЫДҰ елдерімен салыстыру: Қазақстанның денсаулық сақтау шығындары орта есеппен 3 есе төмен, бұл ДДСҰ ұсынған дамушы елдер үшін ең төменгі деңгейден де аз.
Бюджет шығындарының қысқаруы: 2018-2022 жылдар аралығында бюджет шығындарының өсуі байқалған болса, кейінгі жылдары бұл көрсеткіш азайюда.
Жеке шығындар: 2017-2022 жылдар аралығында жеке шығындар екі есе өсіп, 1,5 трлн теңгеге жетті. Бұл ЖІӨ-дегі үлеске шаққанда 1,4%-ды құрады, ал денсаулық сақтауға ағымдағы шығындардан 38%-ды алады.
МӘМС қаржыларының өсуі: 2020-2023 жылдар аралығында МӘМС жүйесіне бөлінген қаражат көлемі 15,4%-дан 23,6%-ға дейін өскен.
Сақтандырылмаған халықтың өсуі: 2022 жылы сақтандырылмаған халықтың саны 3,5 млн адам болса, 2023 жылы бұл көрсеткіш 3,8 млн адамға дейін өсті.
Бұл деректер денсаулық сақтау саласындағы ағымдағы жағдайды айқын көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 13:08 50406
Әбілқасымов Қаржы нарығын реттеу және дамыту агенттігі төрағасының орынбасары болып тағайындалды
Достарға айту
Әбілқасымов Қаржы нарығын реттеу және дамыту агенттігі төрағасының орынбасары болып тағайындалды, деп хабарлайды Ақорданың баспасөз қызметінен.
Мемлекет басшысының өкімімен Тимур Бөкейханұлы Әбілқасымов Қазақстан Республикасының Қаржы нарығын реттеу және дамыту агенттігі Төрағасының орынбасары лауазымына тағайындалды, деп көрсетілген Жарлық мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.09.2024, 12:58 49891
Қазақстанда жыл басынан бері газ жарылыстарынан алты адам қаза тапқан
Достарға айту
Биылғы жылдың басынан бері ҚР ТЖМ Стратегиялық жоспарлау және жедел басқару командалық орталығы газ-ауа қоспасының тарсылы болған 17 оқиғаны тіркеді, онда 6 адам қайтыс болды. Тағы 36 азамат түрлі жарақаттармен ауруханаға жатқызылды, деп хабарлайды ҚР ТЖМ баспасөз қызметінен.
ТЖМ аумақтық бөлімшелері өрт орнынан 961 газ баллонын шығарды. Оның 194-інің сыйымдылығы 50 литр.
2023 жылы баллондардың жарылуы мен газ-ауа қоспасы тарсылы болған 128 оқиға тіркеліп, онда 21 адам қаза тапқанын және 167 адам жарақат алғанын атап өткен жөн.
Газ баллондарының жарылуы мен газ-ауа қоспасы тарсылының негізгі себептері қауіпсіз пайдалану талаптарын және тұрмыстық газ баллоны мен газ жабдығын сақтау ережелерін бұзу, олардың дұрыс жұмыс істемеуі болып табылады.
ТЖМ газ баллондарын пайдалану ережелерін сақтай отырып, өрттің өсуін болдырмауға болатынын атап өтті:
баллондарды тек мамандандырылған пункттерде толтырыңыз. Автожанармай құю станцияларында тұрмыстық газ баллондарын құюға тыйым салынады;
екі қабаттан асатын көпқабатты тұрғын үйлерде газ баллондарын пайдаланбаңыз;
баллон корпусының қызуына жол бермеңіз;
үй-жайда газдың иісі пайда болған кезде газ беру кранын жауып, үй-жайды желдету үшін терезелер мен есіктерді дереу ашу, ашық отты пайдаланбау, электр қуатын қоспау керек;
жұмыс істеп тұрған газ құрылғыларын қараусыз қалдырмаңыз;
балаларға газ құралдарын пайдалануға жол бермеңіз;
газдың шығуын тексеру үшін сабын ерітіндісін қолданыңыз.
Газ жабдықтарын уақтылы тексеру және жөндеу қажет. Ақаулы жылыту аспаптары мен газ жабдықтарын пайдалануға тыйым салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
23.09.2024, 16:44Тоқаев ҰҚК төрағасының екі орынбасарын тағайындады 23.09.2024, 13:28 2466ҚР Премьер-Министрінің кеңесшісі тағайындалды23.09.2024, 14:07 1866Мемлекет басшысы Сауд Арабиясы Корольдігінің ұлттық мейрамына орай құттықтау жеделхатын жолдады23.09.2024, 14:08 1676Үкімет АӨК қолдау шаралары мен астық жинау науқанының барысын талқылады23.09.2024, 13:49 1386Almaty Marathon 2024: 29 қыркүйекте Алматыдағы жолдардың бір бөлігі жабылады
19.09.2024, 14:47 69291Атырау облысындағы жолдарды қалпына келтіруге үкімет резервінен шамамен 5,9 млрд теңге бөлінді19.09.2024, 14:44 68966Елімізде жыл басынан бері 60-қа жуық есірткі зертханасы жойылды19.09.2024, 14:27 68886Қазақстан Республикасы Жоғары Сот Кеңесінің Төрағасы лауазымынан босатылды20.09.2024, 13:08 50441Әбілқасымов Қаржы нарығын реттеу және дамыту агенттігі төрағасының орынбасары болып тағайындалды20.09.2024, 13:11 50256Қазақстандағы денсаулық сақтау саласына жұмсалатын шығындардың азаюы байқалуда
28.08.2024, 18:38 117721Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11654139 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 112326Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 108096Алматыда бейбіт жиындар мен шерулер өткізу орындары өзгерді29.08.2024, 16:57 107961Алматыда қала арқылы өтетін негізгі өзендерде көшкін қаупінің картасы әзірленеді