Теміртау мен Шахтинск энергия көздерінің жағдайы бойынша қауіпті аймақта
Өңірде желілер мен энергия көздерін жаңарту бойынша жол картасы әзірленеді
Сурет: Depositphotos
Қарағанды. 15 желтоқсан. KAZAKHSTAN TODAY - Қарағанды облысының энергия көздері жабдықтарының жағдайы жоғары тозумен сипатталады. Теміртау, Шахтинск қалалары қауіпті аймақта тұр. Бұл туралы облыс әкімі Ермағанбет Бөлекпаев мәлімдеді, деп хабарлайды Қарағанды облысы әкімдігінің баспасөз қызметі.
Тұрғын үй-коммуналдық шаруашылығы бүгінде бүкіл инфрақұрылымның әлсіз буыны болып табылады. Облыстың жеті энергия көзінің негізгі жабдықтарының жағдайы қазандықтардың - 75%-ға, турбиналардың - 70%-ға жоғары тозуымен сипатталады. Теміртау, Шахтинск қалалары қауіпті аймақта тұр. Осыған ұқсас жағдай жылу желілерінде орын алуда. Коммуналдық ұйымдардың инвестициялық бағдарламалары мәселені шешпейді", - деді Ермағанбет Бөлекпаев.
Ол тұрғын үй-коммуналдық шаруашылық пен тіршілікті қамтамасыз ету нысандарын жаңарту және тозуын азайту бойынша Жол картасын әзірлеуді тапсырды. Әр елдімекен бойынша сипаттама болуы керек.
Бұған дейін хабарланғандай, Қазақстанда 2023-2037 жылдар аралығында жылу желілерін кезең-кезеңімен жаңғырту жоспарлануда. Бірінші кезеңде, яғни 2023 жылдан 2030 жылға дейін ұзындығы 1,6 мың шақырым жылу желілерін ауыстыру жоспарланып отыр, бұл тозу деңгейі 75%-дан астам желілер. Талап етілетін инвестициялар көлемі - 538 млрд теңге. Екінші кезеңде, 2030-2037 жылдар аралығында тозу деңгейі 50%-дан 74 %-ға дейінгі жылу желілерін ауыстыру жоспарлануда. Мұндай желілердің ұзындығы 3,7 мың шақырымды құрайды. Талап етілетін инвестициялар көлемі - шамамен 1,2 трлн теңге.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚТЖ және РЖД 2025-2027 жылдарға арналған стратегиялық ынтымақтастық бойынша іс-қимыл жоспарын бекітті
ҚТЖ және РЖД 2025-2027 жылдарға арналған стратегиялық ынтымақтастық бойынша іс-қимыл жоспарын бекітті, деп хабарлайды "Қазақстан темір жолы" ҰК" АҚ баспасөз қызметінің баспасөз қызметінен.
Алматы қаласында "ҚТЖ" ҰК" АҚ және "РЖД" ААҚ стратегиялық ынтымақтастық жөніндегі бірлескен жұмыс тобының XV отырысы өтті. Делегацияларды "ҚТЖ" ҰК" АҚ Басқарма төрағасының орынбасары Әнуар Ахметжанов және "РЖД" ААҚ бас директорының бірінші орынбасары Сергей Павлов басқарды.
Тараптар өзара іс-қимылдың өзекті мәселелерін талқылап, бірлескен жұмыс қорытындысын шығарды. "Солтүстік - Оңтүстік" ХКД шығыс бағыты бойынша халықаралық теміржол тораптары арқылы контейнерлік тасымалдардың өсуі байқалды: 2025 жылдың бірінші тоқсанында көлемі 63% ұлғайды және 1 мың ЖФЭ асты.
Маркетингтік кезеңде (2024 ж. қыркүйек - 2025 ж. сәуір) ресейлік және балтық порттарына 650 мың тоннадан астам астық жөнелтілді. ҚХР-РФ-ҚХР бағыты бойынша контейнерлерді тасымалдау қаңтар-наурыз айларында 30% өсіп, 132 мың ЖФЭ жетті.
Бірінші тоқсанның қорытындысы бойынша Ресей аумағы арқылы транзитпен 2,3 млн тоннадан астам қазақстандық көмір тасымалданды, бұл 2024 жылдың сәйкес кезеңімен салыстырғанда 44,5% артық. Экспорттық көмірдің негізгі көлемі Ресей порттары арқылы өтті: 1,3 млн тонна - Балтық порттары арқылы, 900 мың тонна - Азов-Қара теңіз бассейні порттары арқылы (өткен жылмен салыстырғанда бес есе өсті). Кездесуде тараптар қазақстандық көмірді Ресей порттарына жеткізуді ұлғайту туралы келісті.
Отырысқа қатысушылар 2023-2024 жылдарға арналған стратегиялық ынтымақтастықтың негізгі бағыттары бойынша іс-шаралар жоспарының орындалғанын атап өтіп, 2025-2027 жылдарға арналған жаңа жоспарды бекітті.
Отырыс қорытындысы бойынша хаттамаға қол қойылды. Келесі отырыс 2025 жылдың екінші жартыжылдығында Ресейде өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Франция Балқашты сақтау бойынша мастер-жоспар әзірлейді
Қазақстан мен Франция Балқашты сақтау бойынша мастер-жоспар әзірлейді, деп хабарлайды ҚР Су ресурстары және ирригация министрлігінің баспасөз қызметінен.
Алматыда "Балқаш көлі экожүйесін сақтау бойынша мастер-жоспар әзірлеу" тақырыбында екі күндік семинар басталды. Жиында Су ресурстары және ирригация министрлігінің Ақпараттық-талдау орталығы құжатты дайындауға арналған Жол картасын таныстырды.
Жол картасында Іле-Балқаш бассейнінің жер үсті және жер асты су ресурстарының жай-күйі мен сапасын кешенді түрде зерттеу, Балқаш көлінің деңгейін бақылауға арналған цифрлық платформа құру, су нысандарын автоматтандыру және цифрландыру, сондай-ақ басым гидротехникалық құрылыстарды дамыту шаралары қарастырылған.
Бұдан бөлек, Іле-Балқаш бассейнінің су ресурстарын ұтымды және тиімді пайдалану бойынша шаралар, сондай-ақ ҚХР-мен бірлесіп су қорғау және тұрақты пайдалану мәселелері бойынша іс-шаралар әзірленген.
Балқаш көлінің бассейні бойынша зерттеу жұмыстары Францияның Даму агенттігі (AFD), Францияның Геологиялық және тау-кен зерттеулер бюросы (BRGM) және қазақстандық мамандармен бірлесіп жүргізіледі. Қазіргі уақытта француз тарапы қажетті мәліметтерді жинау үстінде. Атап айтқанда, BRGM сарапшылары Балқаш бассейніндегі ұңғымаларды, гидробекеттерді және суармалы жерлерді аралап, далалық зерттеу жұмыстарын жүргізуді жоспарлап отыр.
Алматыда өтіп жатқан семинарды Су ресурстары және ирригация министрлігі "Қазақмыс корпорациясы" ЖШС-нің қолдауымен ұйымдастырды. Іс-шараға министрлік пен басқа да мемлекеттік органдардың өкілдері, халықаралық ұйымдар мен Францияның Алматыдағы Бас консулдығының өкілдері, сондай-ақ ғалымдар мен сарапшылар қатысып жатыр.
Балқаш көліне қатысты мәселелер ұзақ уақыт бойы жүйесіз, бөлек-бөлек шешіліп келді. Енді осы саладағы жұмыстарды жүйелі және келісілген деңгейге көшіру үшін Балқаш көлін сақтау мен қорғау жөніндегі мастер-жоспар әзірлеуді бастадық. Бұл құжат бассейннің су ресурстарын басқаруда табиғат, экономика және қоғам мүдделерінің тепе-теңдігіне негізделген тұтас, саларалық тәсілді қалыптастыруда маңызды кезең болады. Мастер-жоспарды әзірлеу үшін су, экология, энергетика, ауыл шаруашылығы және Іле-Балқаш өңірінің әлеуметтік-экономикалық дамуы сынды барлық негізгі бағыт бойынша кешенді зерттеу мен талдау қажет. Бүгін ұсынылған Жол картасы осы мақсатта дайындалды", - деді Су ресурстары және ирригация бірінші вице-министрі Болат Бекнияз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанаға қазақстандық ҰОС жауынгерлерінің сүйектері жеткізілді
Қазақстан Қарулы күштері әскери-көліктік авиациясының ұшағы Ұлы Отан соғысы жылдарында қаза тапқан қазақстандық жауынгерлер Оразғали Айболанұлы Белубаев пен Петр Капитонович Оконечниковтың мүрделерін Мәскеуден Астанаға жеткізді, деп хабарлайды Қазақстан Республикасы Қорғаныс министрлігінің баспасөз қызметінен.
Қарулы күштердің Ұлттық әскери-патриоттық орталығында марқұмдардың сүйегін туыстарына табыстау рәсімі өтті. Іс-шараға Ресей мен Беларусьтің Қазақстандағы елшіліктерінің өкілдері, әскери қызметшілер, Қарулы күштердің ардагерлері, құрмет қарауыл ротасының сарбаздары, "Жас сарбаз" әскери-патриоттық қозғалысының тәрбиеленушілері, колледж студенттері және қаза тапқан жауынгерлердің туыстары қатысты.
Қорғаныс министрінің тәрбие және идеологиялық жұмыстар жөніндегі орынбасары генерал-майор Шайх-Хасан Жазықбаев атап өткендей, ҚР Қорғаныс министрлігі, "Атамның аманаты" ҚБ, Қазақстан мен шет елдердің іздестіру жасақтары соғыс жылдарында хабар-ошарсыз кеткен жауынгерлердің тағдырын анықтау жұмыстарын жалғастыруда.
Іздеу жасақтарының еңбегінің арқасында 80 жылдан кейін соғыс кезінде із-түзсіз кеткен батырлардың есімдері қайта оралып жатыр. Табылған әрбір сарбаз - туысқандар мен ұрпақтардың жұбанышы", - деп атап өтті генерал-майор Шайх-Хасан Жазықбаев.
Атамның аманаты" ҚБ басқарма төрағасы Мұрат Молдағалиев Екінші дүниежүзілік соғыс кезінде 271 мыңнан астам қазақстандық хабар-ошарсыз кеткенін атап өтті. Оразғали Белубаев пен Петр Оконечниковқа дейін олардың бірлестігі 19 қазақстандық жауынгердің сүйегін туған Отанына жеткізіп, әскери құрметпен жерлеуді ұйымдастырды.
Іс-шараны ұйымдастырушылар мен іздеушілерге қаза тапқан жауынгерлердің туыстары алғысын білдірді.
Менің ағам Петр Оконечников ұшқыш болды. 19 жасында қаза тапты. Тіпті, отбасын құруға да үлгермеді. Әкемнің айтуы бойынша, анасы бұл қайғыны көтере алмай, бірнеше жылдан кейін қайтыс болыпты. Ағамыз әкесінің, яғни менің атамның қасына жерленеді. Соғыста қаза тапқан жауынгерлерімізге туған жерден топырақ бұйырғанына қуаныштымын", - деді Петр Капитоновичтің немере інісі Игорь Оконечников.
Мұрат Молдағалиевтің айтуынша, қызыләскер Оразғали Белубаевты Ресейдегі Новгород облысының Соболево ауылында іздеу жұмыстары барысында "Находка" жасағының мүшелері тапқан. Оның жанынан белдіктер, ілгектер, қалта пышағы және медальон табылыпты. Соның арқасында оның 1908 жылы туғаны анықталды. 1941 жылдың жазында Семей облысының Өрнек колхозынан майданға шақырылған екен. 1943 жылы тамызда Новгород облысы Старая Русса дервенясы үшін болған шайқаста қаза тапқан. Оразғали Белубаевтың сүйегі Абай облысы Зубайыр ауылында қайта жерленетін болады.
8-ші авиация полкінің бортрадисі сержант Петр Оконечниковтың сүйегі Ресей Географиялық қоғамы мен Ресей Федерациясы Қорғаныс министрлігінің Аляска - Сібір әуе трассасының нысандарын зерттеу экспедициясы кезінде табылған.
Петр Оконечников 1924 жылы дүниеге келген. Ол Шығыс Қазақстан облысы Зырян ауданы Кутиха ауылының тумасы. 1943 жылы 28 тамызда "Дуглас" Си-47 ұшағында жауынгерлік тапсырманы орындау барысында апатқа ұшырады. Мүрденің жанынан ұшу карталары, сондай-ақ № 9248726 нөмірлі қазақ тілінде толтырылған комсомол билеті табылған. Петр Оконечников Шығыс Қазақстан облысы Алтай қаласында қайта жерленеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысының әкімі Тоқаевқа Қонаев және Алатау қалаларының дамуы туралы баяндады
Мемлекет басшысы Алматы облысының әкімі Марат Сұлтанғазиевті қабылдады, деп хабарлайды Ақорданың баспасөз қызметінен.
Қасым-Жомарт Тоқаевқа Алматы облысының 2025 жылдың бірінші тоқсанындағы әлеуметтік-экономикалық дамуы туралы есеп берілді.
Марат Сұлтанғазиев экономиканың негізгі секторларында өсім байқалатынын баяндады. Атап айтқанда, өнеркәсіптік өндіріс көлемі 507,9 миллиард теңгені, ауыл шаруашылығы өнімі 97,4 миллиард теңгені құраған. Шағын және орта бизнес субъектілерінің саны 146,2 мыңға жетіп, 7,7 пайызға артқан.
Президентке жыл басынан бері 12 жаңа өнеркәсіп жобасының іске қосылғаны туралы мәлімет берілді. Оның ішінде "GALANZ bottlers" өндіріс алаңының кеңеюі, "Бартоғай ГЭС-28" және Шарын өзеніндегі шағын ГЭС каскадының құрылыстары сияқты ауқымды жобалар бар. Жалпы, өңірде құны 2,4 триллион теңгені құрайтын 122 жоба жүзеге асырылып жатыр. Нәтижесінде 36 776 жұмыс орны ашылады.
Мемлекет басшысына Қонаев және Алатау қалаларын дамыту барысы жөнінде айтылды. Жаңа бас жоспарға сәйкес, облыс орталығында "Smart Qonaev" қаланы басқарудың бірыңғай жүйесі енгізілуде. Алатау қаласының бас жоспарына түзетулер жасау және көлік-инженерлік инфрақұрылымды жобалау жұмыстары басталды.
Облыс әкімінің айтуынша, "Жайлы мектеп" ұлттық жобасы аясында 17 білім ордасының құрылысы қолға алынған. Бұдан бөлек, өңірдегі үш ауысымды оқу мәселесін шешу үшін мемлекет-жекеменшік әріптестік негізінде 19 мектеп салу жоспарланған. 2025-2027 жылдары 91 оқу ошағында күрделі жөндеу жұмыстары жүргізіледі.
Мемлекет басшысы Қонаев және Алатау қалаларын, жалпы Алматы агломерациясын дамытуға қатысты барлық белгіленген мақсаттарды сапалы әрі уақтылы орындаудың маңызын атап өтті. Президент индустриалды аймақтар мен Аlatau АЭА-ның әлеуетін нығайтуға, сондай-ақ коммуналдық және елді мекендердегі жолдардың құрылысына баса мән беруді тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Ұлы Отан соғысының ардагерлеріне 5 млн теңге төленеді
Алматы қалалық мәслихатының VIII шақырылымының кезектен тыс XXIX сессиясында депутаттар қала әкімі Ерболат Досаевтың Ұлы Отан соғысының 80 жылдығына орай ардагерлерге берілетін біржолғы төлем мөлшерін 5 миллион теңгеге дейін ұлғайту туралы бастамасын қолдады, деп хабарлайды Алматы қаласының әкімдігінің баспасөз қызметінен.
Бұл әлеуметтік қолдау шарасы Ұлы Отан соғысының ардагерлеріне ғана қатысты (ҰОС қатысушылардың, мүгедектердің).
Сондай-ақ, депутаттар Ерболат Досаевтың тыл еңбеккерлеріне берілетін төлемді 100 мың теңгеге дейін арттыру туралы ұсынысын мақұлдады.
Алматы қаласының әкімі Ерболат Досаевтың тапсырмасына сәйкес, Ұлы Отан соғысындағы Жеңістің 80 жылдығында біржолғы әлеуметтік көмектің мөлшері арттырылады: 21 ҰОС ардагеріне - 1 миллионнан 5 миллион теңгеге дейін, 6 149 тыл еңбеккеріне - 50 мыңнан 100 мың теңгеге дейін", - деп түсіндірді Алматы қаласы Жұмыспен қамту және әлеуметтік бағдарламалар басқармасының басшысы Бауржан Жаубасов.
Шешімді барлық депутаттар бірауыздан қолдады.
Төлемді қаланың аудан әкімдіктері "Азаматтарға арналған үкімет" мемлекеттік корпорациясы" КЕАҚ-ның Алматы қаласы бойынша екінші деңгейдегі банктердегі шоттарына берген тізімдеріне сәйкес өтінішті талап етпей аударады.
Айта кетейік, бүгінде Алматыда Ұлы Отан соғысының 21 ардагері мен 6149 тыл еңбеккері тұрады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 610 млрд теңгеге жуық активтер қайтарылды
Түркістан облысы Ордабасы ауданы Темірлан ауылында жаңа музыкалық өнер мектебінің құрылысын бастау шеңберінде уақыт капсуласын салу рәсімі өтті, деп хабарлайды Қазақстан Республикасы Бас прокуратурасының баспасөз қызметінен.
Іс-шараға облыс әкімі және прокуроры, Бас прокуратура өкілі, ауылдың ақсақалдары мен құрметті тұрғындары қатысты.
Аталған мектептің құрылысы - Мемлекет Басшысының тапсырмасына сәйкес қайтарылған капиталды халық игілігі үшін тиімді пайдалану аясында Үкіметпен мақұлданған алғашқы әлеуметтік жобалардың бірі.
Салтанатты рәсім барысында қатысушылар жергілікті тұрғындарды құрылыс жұмыстарының басталуымен құттықтап, бұл мектептің іске қосылуы елде жүргізіліп жатқан активтерді қайтару жұмыстарының нақты нәтижесін халық өз көзімен көруге мүмкіндік беретініне сенім білдірді.
Жергілікті ақсақалдың батасынан кейін қатысушылар болашақ ұрпаққа арналған уақыт капсуласын салды.
Айта кетейік, бұған дейін ауылда 1974 жылы салынған, қазіргі таңда апатты жағдайда тұрған музыкалық мектеп жұмыс істеп келген болатын.
Құны 890 млн теңге тұратын 300 оқушыға арналған жаңа мектеп көршілес ауылдардың оқушыларын да қабылдай алатын болады.
Бүгінге мемлекет пайдасына жалпы сомасы шамамен 610 млрд теңге көлемінде активтер қайтарылды, оның ішінде 506 млрд теңге - ақшалай қаражат, 103 млрд теңге - мүлік.
Мемлекет Басшысының тапсырмасына сәйкес Үкімет арнайы мемлекеттік қордан білім беру, денсаулық сақтау, спорт және коммуналдық инфрақұрылымды жаңғырту салаларында 280 әлеуметтік нысанның құрылысын қаржыландыру үшін қаражат бөлді.
Аталған жобалар елді мекендерді дамытуға бағытталған кешенді тәсілдің бір бөлігі болып табылады және өмір сүру үшін қолайлы жағдайларға тікелей әсер ететін маңызды инфрақұрылымды ілгерілетуге серпін беруге арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында қайтарылған активтер есебінен сумен жабдықтау жүйесін салуға 1 млрд теңгеден астам қаржы бөлінді
Ақмола облысындағы Қосшы және Макинск қалаларының тұрғындарын сумен қамтамасыз ету үшін Арнаулы мемлекеттік қордан қаражат бөлу туралы шешім қабылданды, деп хабарлайды Үкіметтің баспасөз қызметінен.
Қосшы қаласында су құбыры жүйесінің құрылысын аяқтауға 476,7 млн теңге бөлінді. Жобаны іске асыру нәтижесінде халық 100% орталықтандырылған сумен қамтылады. Қазіргі таңда шамамен 50 шақырым құбыр тартылған. Жалпы, желілердің ұзындығы 64,1 шақырым болады деп жоспарланып отыр. Нысанды жыл соңына дейін тапсыру көзделген. Қолданыстағы инженерлік желі 30 мың тұрғынға есептелген. Ал ресми деректерге сәйкес, бүгінде Қосшыда 50 мыңнан астам адам тіркелген. Қаланың бас жоспарына сәйкес, 2038 жылға қарай тұрғындар саны 150 мыңнан асады деп болжануда.
Макинск қаласында су құбыры желілерін қайта жаңарту жұмыстары жүргізілуде. Жоба бойынша 72,7 шақырым желі тарту қарастырылған. Бұған дейін бөлінген қаражат есебінен бүгінде 45 шақырым бойынша жұмыс аяқталған. Арнаулы мемлекеттік қордан бөлінген 606,4 млн теңге жобаны толық аяқтап, халқы 18 мыңнан асатын қаланы орталықтандырылған сумен қамтамасыз етуге мүмкіндік береді.
Заңсыз шығарылған активтерді қайтарудан түскен қаражатты әлеуметтік мәселелерді шешуге бағыттау туралы Мемлекет басшысының тапсырмасын орындау әлеуметтік инфрақұрылымды жаңғыртудың тиімді тетігіне айналды. Бүгінгі таңда Арнаулы мемлекеттік қордан білім беру, денсаулық сақтау, спорт, әлеуметтік қамсыздандыру, инженерлік желілер мен су құрылыстарын жаңарту сияқты салалардағы 280-ге жуық жобаны іске асыруға қаражат бөлінді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.