МКК: ТІЖ 2022 жылдың 1 сәуірінен бастап міндетті болады
Пилоттық жоба басталғаннан бері ЕАЭО елдерінен тауарлар импорты кезінде салық төлеушілердің 22% тауарларға ілеспе жүкқұжаттарды рәсімдемегені анықталды.
НҰР-СҰЛТАН. 23 ЖЕЛТОҚСАН - ҚР Мемлекеттік кірістер комитеті ЕАЭО елдерімен өзара саудада экспорттық және импорттық операцияларды жүзеге асыру кезінде тауарларға ілеспе жүкқұжаттарды (ТІЖ) рәсімдеу жөніндегі пилоттық жобаны жүргізу мерзімі 2022 жылғы 1 сәуірге дейін ұзартылғандығы туралы еске салады, деп хабарлайды KAZAKHSTAN TODAY ҚР Қаржы министрлігі Мемлекеттік Кірістер Комитетінің баспасөз қызметіне сілтеме жасап.
Осыған байланысты, Мемлекеттік кірістер комитеті сыртқы экономикалық қызметке қатысушыларды 2022 жылғы 1 сәуірден бастап міндетті рәсімдеуге дайындық мақсатында пилоттық жоба барысында тауарларға ілеспе жүкқұжаттарды рәсімдеуге шақырады.
Пилоттық жоба шеңберінде ЕАЭО елдерімен экспорттық және импорттық операцияларды жүзеге асыру кезінде шекарадан өткенге дейін тауарларға ілеспе жүкқұжаттарды рәсімдеу көзделген. Тауарларға ілеспе жүкқұжаттарды рәсімделуін бақылауды жүзеге асыру мақсатында ЕАЭО елдерімен автомобиль өткізу бекеттерінде мемлекеттік кірістер органдары тауарларға ілеспе жүкқұжаттарды растауды жүзеге асырады", - деп хабарлады ҚР ҚМ МКК.
Салық қызметкерлерінің айтуынша, тауарларға ілеспе жүкқұжаттарды рәсімдеу жөніндегі пилоттық жоба міндетті ресімдеуге жұмсақ көшуді қамтамасыз етуге бағытталғанын атап өткен жөн, бұл салық төлеушілерге тауарларға ілеспе жүкқұжаттармен жұмысқа бейімделуге, есеп жүйелерін қондыруға және контрагенттермен өзара іс-қимыл жасауға мүмкіндік береді.
Мониторинг нәтижелері бойынша пилоттық жоба басталғаннан бері ЕАЭО елдерінен тауарлар импорты кезінде салық төлеушілердің 22% тауарларға ілеспе жүкқұжаттарды рәсімдемегені анықталды", - деп атап өтті ведомствода.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қаңтарда Қазақстанның 14 өңірінде инфляция жеделдеді
Қаңтарда елде жылдық инфляция жеделдеп, 8,9% болды (2024 жылғы желтоқсанда - 8,6%). Жылдық инфляция 14 өңірде қарқын алып, 6 өңірде өзгеріссіз қалды, деп хабарлайды Ұлттық банктің баспасөз қызметінен.
Жылдық инфляцияның ең жоғары мәні Астана қаласында тіркелді.
Қаңтарда азық-түлік тауарларының бағасы ж/ж 5,8%-ға дейін өсті (2024 жылғы желтоқсанда - 5,5%). Осы топтағы тауарлардың бағасы Жетісу облысында (7,9%) макисмалды, Түркістан облысында (3,3%) минималды өсім көрсетті.
Азық-түлікке жатпайтын тауарлар бағасының өсу қарқыны 8,4%-ға дейін жеделдеді (2024 жылғы желтоқсанда - 8,3%). Максимал мән Түркістан облысында (13,1%), минимал мән Павлодар облысында (5,7%) тіркелді.
Қаңтарда ақылы көрсетілетін қызмет бағасының ж/ж өсу қарқыны 13,8%-ға дейін жеделдеді (2024 жылғы желтоқсанда - 13,3%). Сонымен қатар Астана қаласында (17,8%) баға жалпы республикалық деңгейден біршама жоғары, Түркістан облысында (9,3%) айтарлықтай төмен өсті.
Бұл ретте, ел бойынша айлық инфляцияның өсу қарқыны қаңтарда 1,1% болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазатомөнеркәсіп пен Axpo Power AG Швейцарияның атом электр станцияларына уран жеткізу жөніндегі алғашқы келісімшартқа қол қойды
Қазатомөнеркәсіп" ұлттық атом компаниясы" АҚ және швейцариялық Axpo Power AG компаниясы Kernkraftwerk Leibstadt AG (KKL AG) компаниясымен бірлесіп Швейцариядағы Бецнау және Лейбштадт атом электр станциялары үшін қазақстандық табиғи уран концентраттарын жеткізу жөніндегі алғашқы келісімшартқа қол қойды, деп хабарлайды компанияның баспасөз қызметінен.
Қол қою рәсімі Axpo Power AG бас кеңсесінде Қазатомөнеркәсіп делегациясының Швейцарияға сапары аясында өтті.
Біз Қазатомөнеркәсіп пен Axpo арасындағы алғашқы коммерциялық келісімшарт біздің компанияларымыз үшін маңызды ынтымақтастыққа жол ашатынын мақтан тұтамыз. Сату географиясының кеңеюі Қазатомөнеркәсіптің әлемдік нарықта уранның сенімді жеткізушісі ретінде танылуын көрсетеді. Бұл келісімшарт біздің тарату арналарын әртараптандыру стратегиясындағы маңызды қадам. Ол сондай-ақ энергетикалық қауіпсіздік пен декарбонизацияны қамтамасыз етуде шешуші рөл атқарып, біздің әріптестігімізді нығайтуға мүмкіндік береді және Швейцарияның атом энергетикасы үшін табиғи уранды ұзақ мерзімді жеткізуді қамтамасыз етеді", - деді Қазатомөнеркәсіптің коммерция жөніндегі бас директоры Владислав Байгужин.
Әлемдегі ең ірі уран өндіруші Қазатомөнеркәсіппен келісімшартқа қол қою Axpo және KKL AG үшін стратегиялық маңызға ие, өйткені біз отын жеткізілімдерін әртараптандыруды және қауіпсіздікті қамтамасыз етуді жалғастырамыз. Атом энергиясы еліміздің төмен көміртекті энергетикалық стратегиясының негізгі элементі болып табылады, сондықтан сенімді отын жеткізу өте маңызды. Қазатомөнеркәсіпті біздің жеткізушілеріміздің қатарына қосу Швейцарияны тұрақты энергиямен қамтамасыз ету және декарбонизация жөніндегі жаһандық күш-жігерге үлес қосу қабілетімізді нығайтады", - деп атап өтті Axpo Power AG ядролық отын жөніндегі басшысы доктор Бруно Циммерманн.
Швейцарияның ірі энергетикалық компаниясымен келісімшарт жасасу Қазатомөнеркәсіптің Еуропа атом электр станцияларының операторларымен ынтымақтастығының жаңа кезеңін ашып, компанияның әлемдік уран нарығындағы орнын нығайтады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Қытайға газ жеткізуді ұлғайтады
QazaqGaz және PetroChina 2025 жылғы газ жеткізілімдерінің параметрлеріне түзетулер енгізді, деп хабарлайды “QazaqGaz” ҰК” АҚ баспасөз қызметінен.
QazaqGaz" ҰК" АҚ Басқарма төрағасы Санжар Жаркешов және PetroChina International Директорлар кеңесінің атқарушы төрағасы У Цзюньли табиғи газды сатып алу-сату туралы үш жылдық келісімге толықтыру жасап, қол қойды.
Құжатқа Астанада өтіп жатқан Қазақстан-Қытай бизнес форумы аясында қол қойылды. Құжатта 2025 жылы Қытайға қазақстандық газ экспортының параметрлеріне түзетулер енгізу көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Ұлттық Банкі жылдың басындағы сыртқы борыш сомасын атады
Қазақстан Ұлттық Банкі 2025 жылғы 1 қаңтардағы жағдай бойынша деректерді жариялаудан бастап Қазақстан Республикасының сыртқы борышын алдын ала бағалауды жариялауға кіріседі, деп хабарлайды банктің баспасөз қызметінен.
Сыртқы борыш белгілі уақыттағы өтелмеген резиденттердің бейрезиденттер алдындағы негізгі борышты және/немесе пайызды төлеуді талап ететін нақты және сөзсіз міндеттемелерін білдіреді.
Бұған дейін Қазақстан Ұлттық Банкі Статистикалық ақпараттың шығу кестесіне сәйкес есепті тоқсан аяқталғаннан кейін 90-күні сыртқы борыш бойынша есепті деректерді жариялаған болатын. Енді оған қосымша ҚР сыртқы борышын алдын ала бағалау жарияланатын болады.
Мұндай жарияланымдар тоқсан сайын есепті тоқсаннан кейінгі айдың соңғы күнінде, тиісті кезең үшін төлем балансын алдын ала бағалау туралы ақпарат шығарумен бір мезгілде жүзеге асырылады.
Қазақстан Ұлттық Банкі жарияланатын статистикалық және талдамалық ақпарат көлемін кеңейту бойынша тұрақты жұмыс жүргізіп келеді. Бұл жарияланым елдің сыртқы сектордағы позициясын неғұрлым уақытылы баға беруге мүмкіндік береді және мемлекеттік органдарға, сарапшыларға, зерттеушілерге, рейтингтік агенттіктерге пайдалы болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.