"Қазақтелекомның" 2022 жылғы табысы 634 млрд теңгеге жетті
Таза пайда 128 млрд теңгеден асып, бір жыл ішінде 32%-дан астам өсті
Астана. 28 ақпан. KAZAKHSTAN TODAY - Өткен жылы "Қазақтелекомның" кірісі 7%-ға артып, 2021 жылдың қорытындысы бойынша 594 млрд теңгеге қарағанда 634 млрд теңгеге өсті, ал таза пайда 128 млрд теңгеден асып, бір жыл ішінде 32%-дан астам өсті, деп хабарлайды компанияның баспасөз қызметі.
Айта кетейік, кірісті ұлғайтуға компаниялар тобы ұсынатын қызметтердің тіркелген және мобильді сегменттерінде қол жеткізілді. Бұдан басқа, EBITDA көрсеткіші (пайыздарды, салықтарды, тозуды және есептелген амортизацияны төлеу бойынша шығыстар шегерілгенге дейінгі пайда көлемі) 2022 жылы да алдыңғы ұқсас кезеңмен салыстырғанда 3%-ға өсті (2022 жылы 285 млрд теңге, 2021 жылы 278 млрд теңге). EBITDA бойынша рентабельділік 45%-дан төмен болмайтын деңгейде сақталып келеді", - деп хабарлады компанияда.
Компанияда атап өткендей, 2022 жыл жалпы ел үшін де, компания үшін де оңай болған жоқ. Қиындықтар тек қаңтардағы оқиғалармен шектеліп қалмады, сыртқы жағымсыз әсер іс жүзінде былтыр жыл бойына жалғасты - бірақ бұған қарамастан, компания оларды еңсере алды және шоғырландырылған есептен көріп отырғандай, қаржылық-шаруашылық қызмет жағынан барлық көрсеткіштер бойынша айтарлықтай нәтижелерге қол жеткізді.
Ағымдағы жылы "Қазақтелеком" алға өршіл жоспарлар мен ірі жобаларды қойып отыр - компания республика бойынша 2200-ден астам көппәтерлі тұрғын үйлерде талшықты-оптикалық байланыс желілерін салуға және 110 мыңға жуық пәтерді жоғары жылдамдықты интернетпен және басқа да заманауи цифрлық қызметтер мен сервистермен қамтамасыз етуге ниетті.
Оптикалық желіні дамытумен қатар, дәстүр бойынша өз инфрақұрылымымыздың басқа сегменттерін салуға, жаңғыртуға және қайта құруға инвестицияларды ұлғайтуды жоспарлап отырмыз. Біз әрқашан өз бағытымыз бен миссиямызға адал болдық: байланыс және цифрландыру секілді стратегиялық маңызды бағыттарда мемлекет пен қазақстандықтардың сенімдісеріктесі болып келеміз", - деп атап өтті "Қазақтелеком" АҚ Басқармасының төрағасы Қуанышбек Есекеев.
Сонымен қатар, ағымдағы жылы компанияның аса маңызды жобаларының бірі 5G желісінің құрылысы деп айтуға болады: өткен жылдың желтоқсан айында "МТС" ЖШС және "Кселл" АҚ операторларының консорциумы тиісті жиіліктерді бөлу бойынша аукцион жеңімпазы атанды.
Конкурс шарттары бойынша бұл компаниялар 2027 жылға дейін бүкіл ел бойынша 7 мыңнан астам бесінші буын байланыс стандартының базалық станцияларын орналастыруы тиіс және оның 486-сы Астана, Алматы және Шымкент қалаларында ағымдағы жылы пайдалануға беріледі. "Қазақтелеком" консорциумның қос қатысушыларының да бас компаниясы ретінде бұл жобаны тұрақты бақылауда ұстайды", - деп атап өтті компанияда.
Бұдан бөлек, "Қазақтелеком" ағымдағы жылы "AzerTelecom"-мен бірлесе отырып, "Әзербайжан-Қазақстан" бағыты бойынша Каспий теңізінің түбімен талшықты-оптикалық желі құрылысын көздейтін халықаралық күрделі жобасын жүзеге асырады.
Компанияның ағымдағы жылға арналған жобалар портфеліне қазақстандық абоненттерді деректерді таратудың ADSL ескірген технологияларынан оптикаға ауыстыруға арналған ауқымды жобасы да кірді, ол Республиканың 9 қаласында 25 мыңнан астам пайдаланушыға жағымды әсер етеді.
Сондай-ақ, ірі телеком - оператор көпқабатты үйлердің тұрғындарын GPON технологиясы бойынша жоғары жылдамдықты интернетпен, жеке сектор мен қалаға жақын маңдағы елді мекендердің тұрғындарын FWA-тіркелген сымсыз байланыс технологиясы бойынша интернетпен қамтамасыз ете отырып, өзінің желілік инфрақұрылымын ұлғайтуды жалғастырады. "Қазақтелеком" алдағы екі жыл ішінде республика бойынша FWA технологиясы арқылы қазіргі заманғы телекоммуникациялық қызметтер мен сервистерді 160 мыңға жуық жеке үйді қосу үшін 300-ден астам базалық станция салу жоспары бар. Компания өткен жылы қол жеткізілген қаржылық табыстар осы жоспарларды іске асыру үшін сенімді негіз болатынын айтады.
Қазақстандықтарды, мемлекетті және бизнесті барлық заманауи телекоммуникациялық қызметтер мен сервистермен қамтамасыз ету - біздің компаниямыздың әрқашан басым міндеті болған және болып қала береді және менеджмент ағымдағы жылға жоспарланған жобалардың маңыздылығын жақсы түсінеді, өйткені олардың табысты жүзеге асуы арқылы біздің байланыс саламыз ғана емес, тұтастай алғанда еліміз қарышты дамиды. Сапалы телеком-қызмет жеделдетілген цифрландыру есебінен экономикадағы, өнеркәсіптегі, медицинадағы, білім берудегі трансформациялық процестерге жаңа серпін бере алатынына сенімдімін. 2023 жылы біз абоненттеріміз үшін барлық сегменттерде телекоммуникациялық қызметтердің үздік провайдері болып қалу үшін бар күш-жігерімізді жұмсаймыз және өткен жылы қол жеткізілген қаржылық табыстар осы жоспарларды іске асыру үшін сенімді негіз болады", - деп атап өтті "Қазақтелеком" АҚ бас қаржы директоры Людмила Атамұратова.
Компанияда атап өткендей, қазіргі уақытта "Қазақтелеком" телекоммуникацияның ішкі нарығының барлық сегменттерінде: тіркелген телефония, интернетке кең жолақты қолжетімділік, ұялы байланыс, ақылы теледидар және IT-өнімдер саласында қызметтер мен сервистердің кең спектрін ұсына отырып, Қазақстанның телекоммуникациялық нарығының сөзсіз көшбасшысы болып отыр.
Естеріңізге сала кетейік, бұған дейін қазақстандық операторлар ЕАЭО елдерінде роумингтің жойылуына қарсы болған болатын. Олар өз ұстанымдарын роумингте әділ тарифті енгізу олардың кірістерінің төмендеуіне әсер ететіндігімен түсіндірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда Венчурлық инвестициялар қорлары қоры құрылады
Премьер-министр Олжас Бектенов венчурлық қаржыландыру саласындағы жетекші сарапшылар, қазақстандық бизнес-қоғамдастық өкілдері және халықаралық әріптестермен кездесу өткізді. Талқылаудың басты тақырыбы жаһандық капиталды тартуға, стартап-экожүйені дамытуға және Қазақстанның өңірлік технологиялар мен инновациялар орталығы ретіндегі ұстанымын нығайтуға бағытталған Венчурлық инвестициялар қорлары қорын құру болды, деп хабарлайды Үкіметтің баспасөз қызметінен.
Диалогқа шақырылған Стэнфорд университетінің профессоры және венчурлық инвестиция бойынша танымал сарапшы Илья Стребулаев, Andreessen Horowitz серіктесі Малика Аубакирова және Lightspeed Venture Partners серіктесі Ғалым Иманбаев, сондай-ақ DCVC инвестициялар жөніндегі директоры Анна Фокина инновацияларды дамытудағы өз тәжірибелерімен бөлісті. Сарапшылар Қазақстанға елеулі прогреске қол жеткізу үшін әлемдік жетекші венчурлық инвестициялар қорларымен ынтымақтастықты нығайту маңызды екенін атап өтті, бұл инвестицияларды басқарудың озық технологиялары мен озық тәжірибелеріне қол жеткізуді қамтамасыз етуге мүмкіндік береді. Олар жаһандық капиталды тарту үшін құқықтық инфрақұрылымды нығайтып, стартаптарды дамытудың кейінгі кезеңдерінде қолдауға жағдай жасау қажеттігін атап өтті.
Цифрлық даму, инновациялар және аэроғарыш өнеркәсібі министрі Жаслан Мәдиев Қазақстан өңірдің барлық венчурлық мәмілелерінің 70%-дан астамын қамтамасыз етіп, Орталық Азияда көшбасшылық ұстанымды иеленіп отырғанын атап өтті. Соңғы бес жылда еліміздегі венчурлық капитал көлемі алты еседен астам өсіп, $80 млн-ға жетті.
Қордың құрылуы Қазақстанның инвестициялар мен технологиялардың халықаралық экожүйесіне интеграциялануына бағытталған елдің венчурлық капитал нарығын дамытудың жаңа кезеңін білдіреді.
Венчурлық инвестициялар қорлары қоры орта мерзімді перспективада жетекші әлемдік, өңірлік және қазақстандық венчурлық қорларға бағытталатын $1 млрд жеке инвестицияларды тартуға бағытталған. Бұл тиімді әртараптандыруды, экономиканы трансформациялау үшін қажетті жаһандық құзыреттер мен аса маңызды технологияларға барынша қол жеткізуді қамтамасыз етуге мүмкіндік береді. Бүгінгі таңда қордың бастапқы капиталын қалыптастыруға қазақстандық ірі бизнес өкілдерінен $100 млн-нан астам сомаға өтінімдер жиналды.
Қор жұмысында жасанды интеллект, цифрлық денсаулық сақтау және басқа да негізгі технологиялық салаларды қосқанда, перспективалы бағыттарға ерекше назар аударылатын болады. 2030 жылға қарай әлемдік жасанды интеллект нарығы $827 млрд-қа дейін өседі деп болжануда, бұл саланы инвестициялар үшін басым бағыттардың біріне айналдырады.
Премьер-министр Олжас Бектенов Венчурлық инвестициялар қорлары қорын құру озық технологияларға қолжетімділікті ашып қана қоймай, Қазақстанның халықаралық стартаптар мен технологиялар хабы ретіндегі ұстанымын нығайтады деп атап өтті.
Президент Қасым-Жомарт Тоқаев атап өткендей, біз білім мен инновацияға негізделген экономика құрып жатырмыз. Бүгінде Қазақстанда IT секторы белсенді дамып келеді, цифрлық қызметтер экспорты артып, жас мамандар ел ішінде де, шетелде де сұранысқа ие болып отыр. Біздің басты міндетіміз - өзіміздің таланттарымызды сақтап қалуға және жаңа дарындарды тартуға жағдай жасау, стартаптарды дамытудың барлық кезеңінде қолдау және Қазақстанға жаһандық құзыреттерді тарту", - деп атап өтті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Euronews-тің өңірлік кеңсесінің салтанатты ашылуы өтті
Астанада Euronews телеарнасының өңірлік кеңсесі салтанатты түрде ашылды, деп хабарлайды ҚР Мәдениет және ақпарат министрлігінің баспасөз қызметінен.
Ашылу салтанатында сөз сөйлеген ҚР Мәдениет және ақпарат министрі Аида Балаева Euronews кеңсесінің ашылуы Қазақстанның ақпарат саласы үшін маңызды оқиға екенін атап өтті. Министр бұл тек географиялық ауқымды кеңейту емес, сондай-ақ Қазақстанның бай мәдени мұрасын, заманауи жетістіктерін әлемге көрсетуге берілген жаңа мүмкіндік екенін айтты.
Мемлекет басшысы қазақстандық мәдениетті, туристік және инвестициялық әлеуетті халықаралық деңгейде таныстыруды тапсырған болатын. Менің ойымша, бұл кеңсенің ашылуы осы жұмыстарға жаңа серпін беретіні сөзсіз. Бұл кеңсе мәдениеттер арасындағы диалог алаңына айналып, жаңа идеялар мен креативті шешімдерді ілгерілетуге үлес қосады. Бұл бастама арқылы тек өзара түсіністікті арттыратын ғана емес, жаһандық медиа кеңістікті байытатын жобалар дүниеге келетініне сенімдімін", - деді министр.
Бірлескен ынтымақтастық аясында Euronews 39 миллионнан астам көрерменді қамтыған Көшпенділер ойындарының материалдарын трансляциялады.
Сондай-ақ, қазақ халқының мәдени мұрасы мен инвестициялық жобалары туралы 10 бағдарлама, хабарлар мен сұхбаттар жарияланды.
Қазақтар - Ұлы Дала өркениетінің мұрагерлері, Орталық Еуразиядағы көкпаршы көшпенді халықтардың мемлекеттілік дәстүрінің ізбасарлары. Қазақ хандығы 1465 жылы Алтын Орда күйрегеннен кейін құрылып, кейіннен тәуелсіз мемлекет ретінде қазіргі Қазақстан Республикасының қалыптасуына әкелді. Келесі жылы Қазақстан өз тәуелсіздігінің 35 жылдығын атап өтеді. Қазіргі таңда Қазақстан 20 миллион халқы бар әлемдегі ең ірі 40 экономика қатарынан орын алып, көптеген экономикалық және саяси реформалармен үлгі боларлық жолды көрсетіп отыр. Президент Қасым-Жомарт Тоқаевтың жетекшілігімен бірнеше саяси реформалар табысты жүзеге асырылды. Осы өзгерістердің арқасында бүгін тарихи сәт - Астанадағы Euronews кеңсесінің ашылу салтанатына жиналып отырмыз. Біз Қазақстанның экономикасы, мәдениеті және мұрасы туралы халықаралық аудиторияны ақпараттандыруға бағытталған жұмыстарды жалғастырамыз. Қазақстандық кәсіпкерлермен, суретшілермен және таланттармен жұмыс істеп, Қазақстанның жаңа шындығын және жарқын болашағын көрсететін үш түпнұсқалық телешоу әзірлейміз", - деді өз кезегінде "Euronews" Директорлар кеңесінің төрағасы Педро Варгас.
Ынтымақтастықтың маңызды бөлігі - Euronews academy жобасын жүзеге асыру. Оның аясында отандық журналистерге шетелдік спикерлердің қатысуымен офлайн тренингтер мен мастер-класстар ұйымдастырылатын болады. Бұл қазақстандық БАҚ өкілдерінің кәсіби дағдыларына оң әсерін тигізеді.
Қазіргі уақытта 20 жобаны іске асыру бойынша жұмыс жүргізілуде. Олардың қатарында мәдениет, өнер және өмір салты туралы "Modern Nomads" шоуы, бизнес пен экономикаға арналған өңірлік шоу - "East-West Connect", сондай-ақ өңірлік тұлғалармен сұхбаттар - "Voices from Central Asia" жобалары бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 11 айда мұнай өндіру 80,5 млн тоннаны құрады
2024 жылға арналған мұнай өндіру жоспары 90,3 млн тоннаны құрайды (2023 жылғы деңгейге 100,4%). Осы жылдың 11 айының қорытындысы бойынша мұнай өндіру 80,5 млн тоннаны құрады, бұл жоспардан 1,8 млн тоннаға аз (82,3 млн тоннаға белгіленген мақсаттан 97,8%), деп хабарлайды Үкіметтің баспасөз қызметінен.
2024 жылғы қаңтар-қарашада Қазақстанда мұнай өңдеу көлемі 16,7 млн тоннаны құрады, бұл жоспардың 102%-ын құрайды (жоспар - 16,4 млн тонна). 2024 жылдың қорытындысы бойынша мұнай өңдеу көлемі 17,9 млн тоннаға дейін ұлғаяды деп күтілуде, бұл 2023 жылмен салыстырғанда 1,1%-ға артық. Мұнай өнімдерін (бензин, дизель отыны, мазут, авиакеросин, битум) өндіру 2024 жылғы қаңтар-қарашада 13,1 млн тоннаны немесе жоспарлы көрсеткіштің 100%-ын құрады.
Елімізде мұнай өңдеу саласын дамыту 2024-2040 жылдарға арналған Тұжырымдаманы бекіту арқылы қолдау татпы, бұл аталған саланың Қазақстанның экономикалық өсуі үшін стратегиялық маңызын атап көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан 2025 жылға арналған ОПЕК+ келісіміне адалдығын растайды
Қазақстан 2025 жылға арналған ОПЕК+ келісіміне адалдығын растайды, деп хабарлайды ҚР Энергетика министрлігінің баспасөз қызметінен.
Жақында ірі мұнай кен орындарында жүргізілген жөндеу жұмыстары мұнай өндірудің ағымдағы деңгейін арттыру үшін техникалық мүмкіндіктерді күшейтуде. Алайда, Қазақстан мұнай өндіруді 2025 жылға арналған ОПЕК+ келісімі бойынша өз міндеттемелері мен ұсынылған өтемақы жоспарына сәйкес жүзеге асыруды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда зәйтүн зәйтүн майын өндіру зауытын іске қосылады
2023 жылы қазақстандық "QVM Technology", "Ordabasy Group" және "Ервира" компаниялары грузиялық "Olive Georgia" компаниясымен бірлесіп, Жетісу, Түркістан және Маңғыстау облыстарында зәйтүн ағаштарының көшеттерін тәжірибелік отырғызу туралы келісімге қол қойды, деп хабарлайды Қазақстан Республикасы Ауыл шаруашылығы министрлігінің баспасөз қызметінен.
Алғашқы 6080 көшет отырғызылды. Алдын ала мәлімет бойынша, көшеттердің 99,7%-ы жақсы өміршеңдік деңгейін көрсетті. Алғашқы өнімді 5 жылдан кейін жинау жоспарланып отыр.
2024 жылдың көктемінде Испания мен Түркиядан әкелінген көшеттер отырғызылды.
2025 жылдың соңына дейін қазақстандық компаниялар 1000 гектар аумаққа зәйтүн ағаштарының көшеттерін отырғызуды жоспарлап отыр.
Жоба аясында ғылыми қолдау көрсету қарастырылған: Испанияның Кордова университетінің профессоры Пабло Мореллоның жетекшілігімен топырақ, климат және метеорологиялық деректерді жинау және талдау жүргізілетін болады.
QVM Technology" ЖШС 2030 жылға қарай зәйтүн өңдеу және зәйтүн майын өндіру зауытын іске қосуды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.