18.08.2022, 15:49 32241
Алматы қаласының аудан әкімдіктері өз бюджеттерін алатын болады
Достарға айту
Қала басшысымен кездесуге келген тұрғындардың бірі, Наурызбай ауданындағы баубақша бірлестіктеріндегі проблеманы айтты.
Біріншіден, көше атаулары жоқ, екіншіден, жол жоқ. Көшелер тар болғандықтан қоқыс таситын көліктер кіре алмайды. Бұдан бөлек, бізде су да, жарық та жоқ. Наурызбай ауданы әкімдігі мәселелерді жедел шешетінін білемін, бірақ бұл өзекті проблемалар тек қалалық әкімдік арқылы шешіледі деп ойлаймын", - деді аудан тұрғыны.
Ерболат Досаев 2023 жылдан бастап Алматыдағы аудан әкімдіктерінің өз дербес бюджеті болатынын жеткізді.
Келер жылдан бастап аудан әкімдіктері толыққанды бюджет алады. Күзде өзгерістер болуы керек. Мемлекет басшысы аудандардың өз бюджеті болуы қажет деген идеяны қолдады. Соның арқасында аудандар өз мәселелерін шұғыл шеше алады", - деп жауап берді қала әкімі.
Айтуынша, республикалық маңызы бар қалалар мен елорданың аудан әкімдіктерінің жеке бюджеті жоқ.
Сондықтан электрмен жабдықтау және қоқыс шығару бойынша жауапты адамдарға тапсырма беремін", - деп қосты Ерболат Досаев.
Бұған дейін хабарланғандай, Алматы әкімі "Жайсаң" тұрғын үй кешенін бұзу жағдайына қатысты түсініктеме берген болатын.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
31.05.2024, 13:41 2736
Ақтөбе ауыл шаруашылығы стансасының базасында жылқы шаруашылығы институты құрылады
Достарға айту
Ақтөбе облысына жұмыс сапары кезінде вице-премьер Серік Жұманғарин жергілікті ауыл шаруашылығы тәжірибе стансасына (АШТС) барды, деп хабарлайды Үкіметің баспасөз қызметінен.
Бүгінде бұл Ақтөбе облысының аграрийлері үшін дәнді, жарма, майлы және жемшөп дақылдарының элиталық және бірегей тұқымдарын өндіруге рұқсаты бар аймақтағы жалғыз аграрлық бейіндегі ғылыми-зерттеу мекемесі. Ақтөбе селекциясының сұрыптары Қазақстанның басқа облыстарында және Ресейдің шекаралас аймақтарында да қолданылады.
"Өңір мал азығын дайындауға және мал шаруашылығына маманданған. Біздің сұрыптарды жемге де, дәнді дақылдарға да қолдануға болады, өйткені олар төрт түліктің аузына түскен кезде көп ақуыз әрі жасыл масса бөледі. Біздің тары барлық астық егетін аймақтарда өседі. Мемлекеттік тізілімде тіркелген 20 тары сұрыпының жетеуін ақтөбелік ғалымдар таңдады", - деді АШТС бас экономисі Галина Баранова.
Кәсіпорын қазір қиын жағдайға тап болып, қарыздық міндеттеме арқалап отыр. Осыған байланысты ғылыми әзірлемелерді одан әрі дамыту, қаржыландыру және коммерцияландыру мүмкін емес. Жақын арада кәсіпорынды қалпына келтіру үшін оның базасында жылқы шаруашылығы және жемшөп өндіру институты құрылатын болады.
"Мал шаруашылығы - ауыл шаруашылығының негізгі бағыттарының бірі, біз қазір оған үлкен маңыз беріп отырмыз. Жылқы шаруашылығы институты құрылғаннан кейін Ақтөбе облысы Қостанай, Адай жылқысы сияқты асыл тұқымды, спорттық жылқыларды, сондай-ақ ет бағытындағы жылқыларды зерттейтін әрі дамытатын орталыққа айналады", - деп атап өтті Серік Жұманғарин.
Бүгінгі таңда республикада жылқының 14 тұқымы кездеседі. Ең көп таралғандары - Жабы, Мұғалжар және Көшім жылқысы секілді қазақы тұқым. Олар елдің әртүрлі аймақтарында сәтті өсіріліп жатыр.
Жалпы, жылқы өсіру жыл өткен сайын сұранысқа ие кәсіпке айналуда және жаңа ғылыми әзірлемелер мен патенттер аталған шаруашылықтың дамуына ықпал ете түсері анық.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
31.05.2024, 13:11 2791
Қазақстан Ұлттық Банкі базалық мөлшерлемені 14,50 пайызға дейін төмендетті
Достарға айту
Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 14,50% дейін 25 базистік тармаққа төмендету туралы шешім қабылдады, деп хабарлайды банктің баспасөз қызметінен.
Осы жылдың сәуір айында инфляция болжамдарға сәйкес төмендеді. Инфляцияның орнықты бөлігі баяулағаны байқалды. Бағаның жалпы динамикасына қарамастан, халықтың инфляциялық күтулері су тасқынына және тұрғын үй коммуналдық қызметтер (ТКҚ) реформасының жалғасуына байланысты өсті. Сыртқы инфляциялық жағдай, орталық банктердің тежеу саясаты әсеріне және әлемдік азық-түлік нарықтарындағы баға динамикасына сәйкес нейтралды қалыпта бағалануда. Экономика ішіндегі проинфляциялық қысым фискалдық ынталандыру, ТКҚ реформасы, орнықты ішкі сұраныс себептерінен сақталып отыр.
Ортамерзімді келешекте 5%-дық инфляция бойынша мақсатқа жету ұзақ уақыт бойы ұстамды қатаң ақша-кредит саясатын жүргізуді қажет етеді. Инфляцияның орнықты бөлігінің тұрақты түрде баяулауы базалық мөлшерлемені бұдан әрі байыппен төмендетуге жағдай жасайды. Қазіргі ақша-кредит шарттары инфляциялық үдерістердің баяулау қарқынын бекітуге және инфляциялық күтулерді тұрақтандыруға бағытталған.
Жылдық инфляция 2024 жылғы сәуірде 8,7%-ға дейін баяулап, болжам траекториясына сәйкес келеді. Азық-түліктің сыртқы бағасының қолайлы жағдайына байланысты инфляцияның азық-түлік компоненті бойынша елеулі түрде төмендеуі байқалады. Орнықты сұраныс пен тұтынушылық кредиттеудің жеделдеуіне қарамастан азық-түлікке жатпайтын инфляция да баяулап келеді. Ақылы қызметтер құнының өсуі ТКҚ бағасының қымбаттау әсерінен жеделдеді.
Сәуірде айлық инфляция 0,6% деңгейінде қалыптасып, жалпы алғанда орташа тарихи динамикаға (0,6%) сәйкес келеді. Маусымдық факторлар ескерілмеген және базалық инфляция көрсеткіштері екінші ай қатарынан баяулап отыр. Бұл азық-түлік тауарлары бағасының мейлінше төмен өсуіне байланысты. Ал ТБИ-дің азық-түлікке жатпайтын және сервистік компоненттері нысаналы мәннен жоғары болып қалуда.
Инфляциялық күтулер екі ай төмендегеннен кейін өсті. Респонденттердің пікірінше, бұл су тасқыны жағдайынан тамақ өнімдері бағасының өзгеруіне және ТКҚ реформасының жалғасуына байланысты. Бұл орайда қаржы нарығының кәсіби қатысушылары мен кәсіпорындардың инфляциялық күтулері мейлінше тұрақты болып, инфляцияның төмендеу траекториясына және дайын өнім бағасының баяулауына сәйкес өзгеруде.
Сыртқы инфляциялық жағдай нейтралды қалпында бағаланады. Өсімдік майларын қоспағанда, азық-түліктің барлық түрінің әлемдік бағасы жылдық мәнде төмендеп келеді. Сыртқы ақша-кредит шарттары қатаң болып қалуда: ФРЖ да, ЕОБ да әзірге монетарлық шарттарды жеңілдетуге көшкен жоқ және мөлшерлемелерді шектеуші деңгейде ұстап отыр. Қысқамерзімді келешекте Ресей тарапынан сыртқы инфляциялық қысымның біршама күшеюі байқалады. Алайда, Ресей Федерациясы Орталық банкінің қатаң ақша-кредит шарттарын сақтау бойынша ұстанымын ескере отырып, 2025 жылдың соңына қарай мақсатқа оралады деп күтіледі.
ОПЕК+ мұнай өндіруді қысқарту шешімінің ұзартылуына, АҚШ тарапынан мұнай өндірісінің тұрақтануына және Таяу Шығыстағы геосаяси белгісіздікке байланысты болжамның базалық сценарий 2024 жылы Brent маркалы мұнай бағасын орташа есеппен бір баррель үшін 85 АҚШ долларына дейін көтере отырып қайта қаралды. Ортамерзімді келешекте мұнай өндірудің өсуіне қарай және әлемдік экономиканың даму болжамдарын ескере отырып, мұнай бағасының біртіндеп - 2025 жылы орташа есеппен 80 АҚШ долларына дейін және 2026 жылы 77 АҚШ долларына дейін төмендейді деп күтіледі. Сонымен қатар сценарийде 2024 жылдың ортасына дейін дәнді дақылдардың әлемдік бағасының қысқамерзімді көтерілуі, кейіннен біртіндеп төмендеуі (ФАО астық бағасының индексі) көзделеді. Осы кезеңде астықтың қымбаттау себептері Бразилия мен Ресейдегі қолайсыз күн райына байланысты.
2024 жылға арналған инфляция болжамы - 7,5-9,5% аралығында, 2025 жылға 5,5-7,5% шегінде сақталды. 2026 жылы фискалдық ынталандырудың төмендеуіне және бірқалыпты қатаң ақша-кредит шарттарының толық көрінуіне байланысты инфляция 5% нысанаға жақындап, 5-6% аралығында қалыптасады. Инфляция болжамының негізгі тәуекелдері бюджеттік саясат параметрлерінің белгісіздігіне, реттелетін бағалар саласындағы реформалардың жалғасуына, тұрақталмаған инфляциялық күтулер жағдайында ішкі сұраныс тарапынан қысымның артуына және геосаяси шиеленіске байланысты. Бұл орайда базалық инфляция жалпы инфляция деңгейінен төмен сақталып, 2025-2026 жылдары 5% деңгейінде қалыптасады.
2024 жылға Қазақстан экономикасының өсу болжамы 3,5-4,5% деңгейінде сақталды. Экономиканың өсуі фискалдық ынталандыруға байланысты тұтынушылық кредиттеудің ұлғаюы, шикізаттық емес сектордағы инвестициялық белсенділіктің артуы және халықтың нақты табысының өсуі есебінен қамтамасыз етіледі. Салықтардың жиналу динамикасы мен бюджеттің мұнайға жатпайтын тапшылығының нақты динамикасы ынталандырушы фискалдық саясат тренді сақталғанын көрсетеді. 2025 және 2026 жылдарға арналған болжамдар қайта қаралды. Бұл ТШО-ны кеңейту жобасын іске қосу мерзімін 2025 жылдың екінші жартыжылдығына ауыстыруға байланысты. 2025 жылға күтулер 4,8-5,8%-ға дейін төмендетіліп, 2026 жылы 4,9-5,9%-ға дейін ұлғайтылды.
Ортамерзімді келешекте 5%-дық инфляция бойынша мақсатқа жету ұзақ уақыт бойы ұстамды қатаң ақша-кредит саясатын жүргізуді қажет етеді. Инфляцияның орнықты бөлігінің тұрақты түрде баяулауы базалық мөлшерлемені бұдан әрі байыппен төмендету үшін жағдай жасайды. Қазіргі ақша-кредит шарттары инфляциялық үдерістердің баяулау қарқынын бекітуге және инфляциялық күтулерді тұрақтандыруға бағытталған.
Ұлттық Банк реттелетін бағалар реформасынан болатын тікелей әсерге мөлшерлемені көтерумен жауап бермейді, бірақ қайталама әсерлердің ықпалын мұқият бақылайтын болады.
Болжамның негізгі параметрлері баспасөз релизіне берілген қосымшада келтірілген. Қабылданған шешім мен болжамға түрткі болған факторлар туралы толық ақпарат 2024 жылғы 10 маусымда Ұлттық Банктің ресми интернет-ресурсында Ақша-кредит саясаты туралы баяндамада ұсынылады.
Қазақстан Республикасы Ұлттық Банкінің Ақша-кредит саясаты комитетінің базалық мөлшерлеме бойынша кезекті жоспарлы шешімі 2024 жылғы 12 шілдеде Астана қаласының уақытымен сағат 12:00-де жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
30.05.2024, 18:06 9056
Алатау қаласының АЭА да 383 млрд теңгеге 11 ірі инвестициялық жобаны іске асыру жоспарлануда
Достарға айту
Қазақстан Премьер-Министрі Олжас Бектенов Алматы облысына жұмыс сапары барысында биыл орындалуы тиіс негізгі міндеттермен және Қонаев қаласын дамыту жөніндегі ұзақ мерзімді жоспармен танысты. Үкімет басшысы сондай-ақ Арнайы экономикалық аймақ аумағында ірі жобаларды іске асыру мәселесі бойынша Алатау әкімінің баяндамасын тыңдады.
Президент Қасым-Жомарт Тоқаевтың тапсырмасына сәйкес Қонаевтың дамуы жоғары экологиялық, "ақылды" қала тұжырымдамасына сәйкес келуге тиіс. Үкімет бекіткен Кешенді даму жоспарында 2023-2027 жылдар аралығында 187 іс-шараны жүзеге асыру көзделген. Қаланы абаттандыру, көлік және инженерлік инфрақұрылыммен қамтамасыз ету, әлеуметтік нысандарды салу жөніндегі жобаларды іске асыруға мемлекеттік бюджеттен де, жеке сектор тарапынан да айтарлықтай қолдау көрсетіледі.
Алматы облысының әкімі Марат Сұлтанғазиев баяндағандай, Қонаев қаласында абаттандыру жұмыстары белсенді жүргізілуде. 2023 жылдың қорытындысы бойынша 106 км инженерлік инфрақұрылым, оның ішінде 19 км автожол, 61 км электр беру желілері, 26 км сумен жабдықтау және су бұру желілері жөнделді. Тұрғын үй орамдары қарқынды дамып келеді - 610 пәтерлік 10 үй салынды, 2023 жылы 15 үйдің құрылысы басталды, 2024 жылы 32 үй басталады деп жоспарлануда. Барлығы - 1400 пәтерлік 47 үй. Қазіргі уақытта 13 инвестициялық жоба жүзеге асырылып жатыр. Жалпы пул жобасында 5 мың жұмыс орнын ашумен, капитал салымдарының барлық көлемі 470 млрд теңге болатын 23 перспективалық ұсыныс бар.
Биыл халықтың өсіп келе жатқан қажеттіліктерін ескере отырып, абаттандыру бойынша ауқымды жұмыстар жоспарланған. Олардың ішінде "Алматы-Өскемен" тас жолы құрылысының техникалық-экономикалық негіздемесін әзірлеу, "Жаңа Іле" жаңа шағын ауданында көше-жолдары желісін тарту, жаңа тұрғын алаптарға коммуникациялар жүргізу жұмыстары бар. Алдағы 5 жылда қалада оқушы орындарының, заманауи медициналық мекемелердің, мәдени және спорт нысандарының тапшылығы проблемаларын шешу көзделген. Мәселен, Қонаевта кітапханасы бар 600 орынға арналған Оқушылар сарайы, Спорт сарайы, драма театры салынады. Онкологиялық және перинаталдық блоктары бар көпсалалы аурухана, ауысымда 500 адам қабылдайтын емхана, 200 төсек-орынды инфекциялық аурухана пайдалануға беріледі. Freedom finance туристік саланы дамыту үшін инвестор ретінде әрекет етті: банк жаңа орналастыру объектілерін, қонақ үй кешендерін салу бойынша 6 инвестициялық жобаны жүргізеді. Жалпы, Кешенді жоспар жоғары сапа стандарттарына сәйкес жаңа облыс орталығын дамытуды жеделдетуге мүмкіндік береді.
Үкімет басшысы Алатау қаласының жобасымен танысып, әкім Әркен Өтеновтің Арнайы экономикалық аймақты дамыту перспективасы туралы баяндамасын тыңдады. АЭА аумағында 96,6 мың гектарда жалпы сомасы 383 млрд теңгеге 11 ірі инвестициялық жобаны іске асыру жоспарлануда, бұл 7 мың жұмыс орнын ашуға мүмкіндік береді.
Олжас Бектенов қала әкімшілігіне әлеуметтік, инженерлік және тұрғын үй жобаларын сапалы іске асыруда жауапкершіліктің салмағы ауыр болатынын атап өтті. Үкіметтің қаулысымен Алатау қаласының Бас жоспары бекітілді, оған сәйкес жобалау шеңберінде құрылыстың биіктігі - қаланың орталық бөлігінен оның шекарасына қарай төмендету жолымен қалыптастыру қағидаты көзделген.
Нәтижесінде біз Алматының маңында туристік әлеуетті белсенді арттыра отырып, өнеркәсіптік, білім беру және логистикалық орталыққа айналатын ірі мегаполис құруды қамтамасыз етуіміз керек. Бас жоспардың әрбір тармағының іске асырылуын бақылауда ұстау, сондай-ақ бірінші кезектегі ірі жобаларды рұқсат құжаттамасымен қамтамасыз ету үшін қала аумақтарының егжей-тегжейлі жоспарлау жобаларын әзірлеуді жеделдету қажет", - атап көрсетті Олжас Бектенов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 14:02 17881
Қазақстан тасымалдаушылары жүкті Қытай порттарына дейін жеткізе алады
Достарға айту
Қазақстан тасымалдаушылары жүкті Қытай порттарына дейін жеткізе алады, деп хабарлайды ҚР Көлік министрлігінің баспасөз қызметінен.
Мәжіліс Қазақстан мен Қытай үкіметтері арасындағы халықаралық автомобиль тасымалдары туралы келісімді ратификациялады. Келісім 2023 жылы 17 мамырда Сиань қаласында жасалған.
Құжат аясында екі ел арасында автомобиль көлігімен жасалатын жүк тасымалдау көлемін ұлғайтады. Сондай-ақ Қазақстан мен Қытай арасындағы жүктерді тасымалдау мен олардың аумақтары арқылы үшінші елдерге транзитті реттеуге жол ашады.
Келісім Қазақстан көліктеріне Қытай аумағына, оның ішінде елдің оңтүстік-шығысындағы теңіз порттарына дейін баруға мүмкіндік береді. Бұл өз кезегінде екі елдің шекаралас аймақтарында тауарларды қайта тиеу шығындары мен уақытын қысқартып, импорттық тауарлардың құнына және қазақстандық экспорттаушылардың шығындарына оң әсерін тигізеді. Мұндай шарттар Қазақстандағы қытайлық тасымалдаушыларға да қатысты болады.
Келісім аясында автокөлікпен тасымалдауға электронды рұқсат бланкілерін беру де жоспарланған. Қазір Қытай тарапымен шамамен 120 мың бірлік рұқсат қағазы айырбасталып жатыр. Қағаздан электронды форматқа көшіру қағаз бланкілерін өндіруге қосымша қаржылық шығын мен оларды тарату және бақылау процесіндегі адам күші факторын жояды.
Айта кетерлігі, 2023 жылы бұл бағыттағы қазақстандық тауарлар экспортының көлемі өткен жылмен салыстырғанда 661 пайызға - 44,4 мың тоннадан 338 мың тоннаға дейін өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 13:17 18296
Қазақстан түркі мемлекеттерімен арадағы жүк тасымалын артуды көздеп отыр
Достарға айту
Қазақстанның түркі мемлекеттерімен жүк тасымалы артады, деп хабарлайды төменгі палатаның баспасөз қызметінен.
Мәжіліс түркі мемлекеттері ұйымына мүше елдердің үкіметтері арасындағы халықаралық құрамдастырылған жүк тасымалдары туралы келісімді ратификациялады. Бұл келісім 2022 жылы 11 қарашада Самарқанд қаласында жасалған. Ол Қазақстан, Әзірбайжан, Қырғызстан, Түркия және Өзбекстан арасындағы көлік-транзит әлеуетін және сауда-экономикалық қатынасты одан әрі дамытуға бағытталған.
Келісімге сәйкес түркі мемлекеттері ұйымына мүше елдер арасында теміржол, су және автомобиль көлігімен жасалатын жүк тасымалы көлемі ұлғайтылады. Тараптар өзара ынтымақтасып, жүк тасымалдауды ілгерілетуде қолдау көрсетеді. Осы мақсатта мүдделі мемлекеттік органдар мен ұйымдардың өкілдерінен тиісті мәселелерді талқылап, шешуге жауапты Бірлескен комитет құрылады.
Келісім ратификацияланғаннан кейін тараптар транзиттік тасымалдарға қатысты цифрлық технологияларды енгізу және жүктерді "жіксіз" мультимодальды тасымалдауды қамтамасыз ету бойынша шаралар қабылдай алады. Электронды тауар-көлік жүкқұжаттары мен жол парақтарына көшу мақсатымен автомобиль тасымалдарында көлік құжаттарын басқарудың бірыңғай жүйесі әзірленді. Ол Қазақстан халықаралық жүктерді тасымалдау шарты туралы конвенцияға қосылғаннан кейін электронды халықаралық eCMR-ге көшу құралы болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.05.2024, 12:55 18686
Қазақстанда энергиямен жабдықтаушы ұйымдар электр энергиясы нарығының құрылымынан шығарылады
Реттелетін бағаларға қайта оралу энергиямен жабдықтаушы ұйымдардың тариф белгілеуінің ашықтығын қамтамасыз етуге мүмкіндік береді
Достарға айту
Энергиямен жабдықтаушы ұйымдар электр энергиясы нарығы құрылымынан шығарылады, деп хабарлайды төменгі палатаның баспасөз қызметінен.
«Жылу энергетикасы туралы» заңның ілеспе түзетулеріне екінші оқылымда депутаттар энергетика және жылу энергетикасы саласындағы мемлекеттік бақылауды күшейтуге бағытталған өзгерістер мен толықтырулар енгізді.
Энергиямен жабдықтау саласындағы өнімсіз делдалдарды болғызбау мақсатымен энергиямен жабдықтаушы ұйымдарды электр энергиясы нарығының құрылымынан шығару және олардың функцияларын өңірлік электр желілік компанияларға беру ұсынылды. Реттелетін бағаларға қайта оралу энергиямен жабдықтаушы ұйымдардың тариф белгілеуінің ашықтығын қамтамасыз етуге, электр энергетикасы нарығындағы алыпсатарлықты жоюға, сараланған тарифтерден жоспарлы түрде бас тартуға және әлеуметтік шиеленіске жол бермеуге мүмкіндік береді.
Жүктеменің ең жоғары сағаттарында электр қуаты тапшылығы мәселесін шешу үшін базалық қуатты салуға арналған тендерлік рәсімді өткізу тәртібін жетілдіруге бағытталған ұсыныстар қабылданды. Бұл мемлекеттің электр энергетикасы нарығының инвестициялық тартымдылығын жеткілікті түрде қамтамасыз ететін болады.
Сондай-ақ әлеуетті инвесторларды іріктеу бойынша тендерлерді өткізу рәсімдерін жетілдіруге, жасыл энергетиканы дамытудың гибридті топтық тетігін енгізуге бағытталған және басқа да түзетулер енгізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.05.2024, 13:18 31306
Қазақстанда дизель локомотивтерінің өндірісі 2 есе өсті
Достарға айту
Қазақстанда дизель локомотивтерінің өндірісі 2 есе өсті, деп хабарлайды KazStat.
Осы жылдың алғашқы төрт айында теміржол көлігі өндірісінің едуәір өсімі байқалды. Мәселен, 2024 жылдың қаңтар-сәуір айлары аралығында дизель локомотивтерінің өндірісі 20 бірлікті құрады, бұл өткен жылдың сәйкес кезеңімен салыстырғанда 2 есе көп.
Сонымен қатар, вагондар өндірісі өсті. Осы жылдың алғашқы төрт айында 50 бірлік теміржол, трамвай, өздігінен жүрмейтін, жолаушылар, багаж және басқа да арнайы мақсаттағы вагондар шығарылды, бұл өткен жылдың қаңтар-сәуір айларымен салыстырғанда 8,3 есе көп.
Сондай-ақ, 2024 жылдың қаңтар-сәуір айларында 400 бірлік жүк вагоны өндірілді, ал өткен жылдың тиісті кезеңінде барлығы 9 бірлік вагон өндірілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.05.2024, 13:14 31486
"Бәйтерек" Қазақстанның өңдеу өнеркәсібі жобаларын 1,6 триллион теңгеге қаржыландырды
Достарға айту
Бәйтерек" Қазақстанның өңдеу өнеркәсібі жобаларын 1,6 триллион теңгеге қаржыландырды, деп хабарлайды ҚР Экономика министрлігінің баспасөз қызметінен.
Бүгін Қазақстан Республикасы Үкіметінің отырысында "Бәйтерек" ұлттық басқарушы холдингі" АҚ Басқарма төрағасы Рустам Карагойшин баяндама жасады. Отырыстың негізгі тақырыбы еліміздің өңдеу өнеркәсібін дамыту болды.
Ұсынылған деректерге сәйкес, "Бәйтерек" және оның еншілес ұйымдары, соның ішінде "ҚДБ" АҚ, "ӨДҚ" АҚ, "QIC" АҚ, "Даму" КДҚ" АҚ және "Қазақстанның экспорттық-кредиттік агенттігі (KazakhExport)" АҚ бүгінгі таңда 1,6 триллион теңге сомасына 4,6 мың жобаны қаржыландыра отырып, салаға кешенді қолдау көрсетуде.
Нәтижелерді нақтылай келе, Рустам Карагойшин еншілес құрылымдардың негізгі үлестерін атап өтті:
• Қазақстанның Даму Банкі (ҚДБ) 62 жобаны іске асыруға 824,6 миллиард теңге бөлді.
• Өнеркәсіпті дамыту қоры (ӨДҚ) жалпы сомасы 204,9 миллиард теңгеге 41 лизингтік мәмілені қаржыландырды.
• QIC, тікелей инвестициялар қоры 20 миллиард теңге бөліп, 7 жобаға қолдау көрсетті.
• Қазақстанның экспорттық-кредиттік агенттігі сақтандыру және экспорт алдындағы қаржыландыру құралдары арқылы 465,8 миллиард теңге бөліп, 122 экспорттаушыға қолдау көрсетті.
• Даму кәсіпкерлікті дамыту жөніндегі ұлттық жоба шеңберінде 751 миллиард теңге сомасына 5,6 мың жобаға қолдау көрсетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
31.05.2024, 13:15Тоқаев Алматы әуежайының жаңа халықаралық терминалын аралап көрді 31.05.2024, 13:32 6036Қазақстаннан Еуроодақ елдеріне ұшуға барлық шектеулер алынып тасталды31.05.2024, 13:43 5791Бектенов Алматы облысының өнеркәсіптік және көлік-логистикалық әлеуетімен танысты31.05.2024, 13:18 3056Оңтүстік астананың арнайы ХҚКО басшысының орынбасары алаяқтық деген күдікке ілінді31.05.2024, 13:27 2786Жамбыл облысының прокуратурасы 700 млн теңгеден астам бюджет қаражатының негізсіз жұмсалуын алдын алды
24.05.2024, 20:23 89191"E-Petition.kz" ресми порталында жарияланған қалдықтарды кәдеге жаратуға қатысты петицияны қарауға қажетті қол жиналды24.05.2024, 20:17 89006Су тасқынынан кейін 356 отбасы қираған баспанасының орнына тұрғын үй мен пәтер алды24.05.2024, 20:08 88746Бектенов Ашхабадтағы ТМД үкіметтері басшылары кеңесінің отырысына қатысты24.05.2024, 19:55 82091Біз соғысты тоқтатуға емес, алдын алуға тырысуымыз керек - Тоқаев24.05.2024, 19:49 77461БҚДА "ҚАЗАҚТЕЛЕКОМ" АҚ-ға алдын ала ескерту жолдады
02.05.2024, 16:37 124926Бакуде Түркі мәдениеті мен мұрасы қоры кеңесінің бірінші отырысы өтті02.05.2024, 16:34 121236Елімізде қаржы пирамидалары мен заңсыз ойын бизнесіне қарсы іс-қимыл жөніндегі алдын алу шаралары талқыланды02.05.2024, 12:14 120986Сенат жаңа туған нәрестеге бірден ЖСН беретін заң нормасын мақұлдады02.05.2024, 15:49 118416Туризм және спорт министрі Алматының туристік әлеуетімен танысты02.05.2024, 16:15 118211"ҚазТрансГаз Аймақ" АҚ-ның тұтынушыларына негізсіз есептелген 1,2 млрд. теңге сомасы қайтарылады