Дағдарысқа қарсы қаражатты жұмсау мемлекеттік аудитінің нәтижелері бойынша 5 қылмыстық іс қозғалды
Аудиторлық іс-шаралардың қорытындылары бойынша процессуалдық шешім қабылдау үшін сомасы 10 639,3 млн.теңге болатын 28 материал құқық қорғау органдарына жолданып, 5 материал бойынша қылмыстық іс қозғалған, қалған материалдар қарастырылу және тергеу сатысында жатыр", - деп хабарлайды Ішкі мемлекеттік аудит комитетінің баспасөз қызметі.
Сондай-ақ, аудиторлық іс-шаралар қорытындысы бойынша анықталған бұзушылықтар мен кемшіліктердің себептерін жоюға, сондай-ақ аудит объектілері қызметінің тиімділігін арттыру мен жетілдіруге бағытталған 26 ұсыным берілді. Анықталған бұзушылықтардың барлық фактілері бойынша аудит объектілеріне анықталған бұзушылықтарды жою және оларға жол берген тұлғалардың жауапкершілігін қарастыру туралы нұсқамалар жолданды.
Қазақстан Республикасының Әкімшілік құқық бұзушылық туралы Кодексіне сәйкес 31 лауазымды тұлға сомасы 22,9 млн. теңге айыппұл көлемінде әкімшілік жауапкершілікке тартылып, ол толығымен бюджетке төленді. Бұзушылықтарға жол бергені үшін 481 кінәлі тұлға тәртіптік жауапкершілікке тартылған", - деп хабарлады ведомствода.
2020 жылы Мемлекет басшысының тапсырмасына сәйкес ҚР Қаржы министрлігінің Ішкі мемлекеттік аудит комитеті сыйақы мөлшерлемесін субсидиялау және несие бойынша кепілдік беру, "Қарапайым заттар экономикасы" бағдарламасы, 42 500 теңге мөлшерінде төлемдер, "Ауыл - Ел бесігі" арнайы жобасы, азық-түлік және тұрмыстық жиынтықпен қамтамасыз ету, тұрғындардың коммуналдық төлемдерін өтеу, денсаулық сақтау жүйесінің қызметкерлерін ынталандыру, медициналық ұйымдарға ақы төлеу, Нұр-Сұлтан, Алматы және Шымкент қалаларында 3 медициналық модульдік кешендер құрылысы, ішкі істер органдарының қызметкерлері мен әскери қызметкерлерге сыйақы төлеу, байланыс қызметтерімен және ведомствоаралық ақпараттық жүйелердің жұмыс істеуін қамтамасыз ету, азық-түлік және арнайы мүлік сатып алу, палаталық қалашықты жабдықтау, блокпостардағы қауіпсіздікті қамтамасыз ету, жылу түсіргіштер сатып алу, сот сараптамасы объектілерін салу, зираттары бар крематорийлер салу, сот сараптамалары жөніндегі қызметтер, ақпараттық-түсіндіру жұмыстарына арналған дағдарысқа қарсы шараларды жүзеге асыруға бөлінген 700 млрд.теңгеге жуық қаражаттың пайдаланылуын қамти отырып, аудиторлық іс-шаралар жүргізді.
Аудиторлық іс-шаралар нәтижелері бойынша келесі бұзушылықтар анықталды:
- "Ауыл-Ел бесігі" бойынша – құрылыс жұмыстарының орындалмаған көлеміне төлем, сараптама жүргізбей автожолдарға жөндеу жүргізу, коммуналдық меншікке жатпайтын объектілерді жөндеу;
- денсаулық сақтау жүйесінің қызметкерлерін ынталандыру және медициналық ұйымдарға ақы төлеу бойынша – қызметкерлерге ынталандырушы төлемдерді негізсіз есептеу, төлеу және тарифтерді қолдану, емделмеген емделушілер үшін төлем жасау, сондай-ақ, техникалық ерекшелікке сәйкес келмейтін және артық бағамен құрылғыларды жеткізу, көрсетілмеген қызметтерді өтеу;
- тұрғындардың коммуналдық төлемдерін өтеу – жергілікті атқарушы органдар алушылардың санын асыра көрсетуі, коммуналдық шығындарды өтеу сомасын нормадан артық негізсіз есептеу және төлеу, азаматтардың арнайы категориясы тізіміне кірмейтін тұлғаларға төлем жасау, қайтыс болған адамдардың есеп-шоттарына қаражат аудару, коммуналдық қызметтерді жеткізушілер алған қаражатты тұтынушылардың есеп-шоттарына уақытында аудармауы;
- азық-түлік және тұрмыстық жиынтықпен қамтамасыз ету бойынша – бірнеше категорияларға жататын тұлғаларға ақша қаражатын (азық-түлік жиынтығының құнын өтеу түрінде) негізсз аудару, азаматтардың арнайы категориясы тізіміне кірмейтін тұлғаларға төлем жасау, азаматтардың жекелеген категорияларына тиесілі төлемдерді жасамау.
Сонымен қатар, ағымдағы жылы Жұмыспен қамту жол картасы (ЖҚЖК) шеңберінде бөлінетін қаражаттың пайдаланылу тиімділігіне мониторинг жүргізу бойынша жұмыс аясында Комитет камералдық бақылау жүргізу жұмыстарын жалғастыруда, сондай-ақ ЖҚЖК іске асырумен байланысты заңды және жеке тұлғалардың өтініштері негізінде аудиторлық іс-шаралар жүргізілуде.
Мысалы, 2021 жылғы 14 мамыр жағдайы бойынша 2020-2021 жылдары жүзеге асыруға көзделген барлық ЖҚЖК жобаларынан жалпы сомасы 185,3 млрд. теңге болатын 170 жоба бойынша мемлекеттік сатып алулар аяқталған, оның ішінде камералдық бақылаумен жалпы сомасы 86,4 млрд. теңге болатын 64 жоба бойынша бұзушылықтар анықталды. Қалған жобалар бойынша мемлекеттік сатып алулар хабарландыру (өтініштер қабылдау, өтініштерді қарастыру)сатысында жатыр немесе хабарланбаған (бюджет қаражаты бөлінбеген, ЖСҚ пысықтауға жіберілген, мемсараптама өтпеген), немесе сатып алулар жүргізуден бас тартылған ("Мемлекеттік сатып алу туралы" ҚРЗ-ң 5-бабының 13-тармағы)", - деді комитетте.
Бұл ретте, әлеуетті өнім берушінің өтінімін заңсыз өткізу, заңсыз қабылдамау, шартты жеңілдіктерді қолданбау немесе дұрыс қолданбау мемлекеттік сатып алуды жүргізу барысында жол берілетін негізгі заңнама бұзушылықтары болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ШҚО-да мерзімді қызметтегі сарбаз қаза тапты
Ағымдағы жылғы 7 қарашада Шекара қызметі Шығыс Қазақстан облысы бойынша департаментінің мерзімді қызметтегі әскери қызметшісі қаза тапты, деп хабарлайды ҰҚК баспасөз қызметінен.
Алдын ала мәлімет бойынша өлім себебі - суицид.
Полиция органдары Қылмыстық кодекстің 105-бабы 1-бөлігі бойынша сотқа дейінгі тергеп-тексеруді бастады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді, - деп хабарлайды Polisia.kz.
6 қарашада Ақмола облысында ауа райының нашарлауына байланысты автожолдардың бірнеше учаскелерінде қозғалысқа шектеулер енгізілген.
Жолда оқыс оқиғалардың алдын алу мақсатында полицейлер көліктерге жол бастап жүрді. Полицейлер жүргізушілерге колоннада жүру ережелерін, белгіленген жылдамдық режимі мен аралықты сақтау қажеттілігін түсіндірді.
Нәтижесінде Астана қаласынан Щучинск қаласына дейін 150 көлік, оның ішінде 100 жеңіл және 50 жүк көлігін ертті.
Щучинск қаласынан Астана қаласына 574 көлік, оның ішінде 360 жеңіл және 214 жүк көлігінің қауіпсіздігі қамьамасыз етілді. Патрульдік полицейлер колонналар құруды және жол бойында көлік құралдарын алып жүруді жалғастырып жатыр.
Полиция жүргізушілерден ауа райы нашарлаған кезде елді мекендерден тыс жерлерге шықпауды ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атыраудағы сауда орталықтарының өрт болды
Атыраудағы сауда орталықтарының өрт болды, деп хабарлайды Атырау облысы ТЖД баспасөз қызметінен.
2024 жылғы 27 қазанда сағат 18:37 шамасында Атырау қаласы Б. Құлманов көшесінің бойында орналасқан сауда ойын-сауық кешенінің бірінде түтін шыққаны туралы шақырту түсті.
Атырау облысы ТЖД күштері дереу оқиға орнына жетіп, 80 адамды оның ішінде 45 баланы қауіпсіз жерге эвакуациялады.
Алдын ала мәліметтер бойынша өрт балаларға арналған киім дүкенінің қоймасынан басталған.
Оқиға орнында штаб құрылып, өртті сөндіру жұмыстары жүргізілді.
Өрт сағат 21:58-де оқшауланып, сағат 22:50 де толықтай жойылды.
Өрттің жалпы ауданы шамамен 1000 шаршы метрді құрады.
Өрттің шығу себептері алдын ала болжам бойынша тоқ желісінің қысқа тұйықталуы.
Өртті сөндіруге Атырау облысы ТЖД 2 шақырту бойынша күштер тартылып, жалпы саны 92 жеке құрам және 12 бірлік техника жұмылдырылды.
Сонымен қатар оқиға орнында Департаменттің психолог мамандары эвакуацияланған адамдарға және кәсіпкерлерге психологиялық көмек көрсетті. Жедел жәрдемнің 2 бригадасы, "Апаттар медицинасы орталығы" ММ 4 қызметкері, Полиция департаментінің 50 қызметкері, 23 бірлік техникасы және шұғыл әрекет ету мекемелері жұмыс жасады.
Орын алған өрт оқиғасына байланысты, 27 қазаннан бастап Атырау облысы ТЖД дағдарыс орталығында 45-14-75 нөмірі арқылы қауырт желі іске қосылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Саран" шахтасында жазатайым оқиға болды
Саранская" шахтасында орын алған апаттың салдарынан 3 адам зардап шеккендігін тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда, деп хабарлайды ҚР ЕХӘҚМ баспасөз қызметінен.
2024 жылдың 14 қазанында сағат 23:00-де "Qarmet" АҚ Көмір департаментіне қарасты "Саранская" шахтасында апат болды. 41К-7В ұзын қабырғасының төменгі түйіспесінде жұмыс істеу кезінде металл бекіткіш профилін жылжытқан кезде үстіңгі бөліктерден тау жыныстарының бір бөлігі аршылып, жұмысшылар жарақат алған: тау-кен тазарту жұмысшысы Д.Сембеков (1988 ж.т.), кен шебері А. Григорьевич (1989 ж.т.) және тау-кен механизаторы А.Рудия (1983 ж.т.).
Апат салдарынан компания қызметкерлері түрлі дене жарақаттарын алған. Оларға алғашқы медициналық көмек көрсетіліп, зардап шеккендер проф. Х.Ж. Мақажанов атындағы облыстық травматология және ортопедия атындағы облыстық орталыққа жеткізілді. Дәрігерлер тексергеннен кейін Д.Сембеков пен А.Григорьевич еңбекке жарамсыздық парағын ашпай үйлеріне жіберілді. А.Рудий қазір жансақтау бөлімінде жатыр.
Жазатайым оқиғаны тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда. Оқиғаның мән-жайы мен себептері тергеу барысында анықталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өрт сөндірушілер жарылыстың алдын алды
Өрт сөндірушілер жарылыстың алдын алды, деп хабарлайды ҚР ТЖМ баспасөз қызметінен.
Ақтөбе облысы гарнизонның диспетчеріне Мұғалжар ауданындағы Қандыағаш қаласында жеке меншік үйдің бірінің ауласында орналасқан гараждан өрт шыққаны туралы хабарлама келіп түсті.
Шақырту орнына дереу бағытталған өрт есептортарының құрамында болған №8 өрт сөндіру бөлімінің бөлімше командирі азаматтық қорғау аға сержанты Шамаков Данат пен өрт сөндіруші-құтқарушы азаматтық қорғау кіші сержанты Самрат Мейрамбек өртке оранған құрылыстан 2 газ баллоны мен жанармайы бар канистрды жедел түрде шығарып, жарылыстың алдын алды.
Оқиға салдарынан ешкім зардап шеккен жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 2 балдық жер сілкінісі болды
ҚР ТЖМ "Сейсмологиялык зерттеу институты" ЖШС сейсмикалық станциялар желісімен 2024 жылғы 17 қазан Астана уақытымен 03 сағат 23 мин жер сілкінісі тіркелді, деп хабарлайды ҚР ТЖМ баспасөз қызметінен.
Жер сілкінісінің эпицентрі Қытай аумағында Алматы қаласынан оңтүстік-шығысқа қарай 264 км жерде орналасқан.
Сезілетіндігі туралы мәліметтер: Алматы қ. 2 балл
Зардап шеккендер мен қираулар туралы мәлімет түскен жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанай облысында болған өрт кезінде бір отбасының бес баласы қаза тапты
Қостанай облысында болған өрт кезінде бір отбасының бес баласы қаза тапты, деп хабарлайды ҚР Төтенше жағдайлар министрлігінің баспасөз қызметінен.
Бүгін таңғы сағат 04.29-да Қостанай облысы Жітіқара қаласында жеке тұрғын үйден өрт шығып, салдарынан шатыры опырылып түскен. Оқиға орнына 7 минут ішінде құтқарушылар келіп жеткенше, үй толығымен отқа оранған. Өрт сөндірушілер тез арада өртті сөндіріп, үйінділерді тазартуға кірісті. Сағат 06:08-де өрт оқшауланып, толығымен сөндірілді.
Апат кезінде үйде ересектердің қарауынсыз 2011, 2016, 2018, 2019, 2022, 2023 ж. кәмелетке толмаған балалар болған. Өкінішке қарай үйінділерді тазарту барысында бес баланың өлі денесі табылды. Балалардың үлкені, 2011 жылы туылған бала ғана аман, зардап шекпеген.
Алдын ала мәлімет бойынша, балалардың анасы кешкісін құрбысына кеткен, ал әкелері түрмеде отыр.
Қазір оқиғаның себептері анықталуда. Өрт-техникалық зерттеу жұмыстары жүргізіледі.
Апаттар медицинасы орталығы филиалының психологтары туыстарына қажетті психологиялық көмек көрсетуде.
Жергілікті атқарушы органдар тарапынан барлық қажетті көмек, соның ішінде материалдық көмек те беріліп жатыр.
Қостанай облысының әкімдігі туыстары мен жақындарына қайғырып көңіл айтады.
ТЖМ тұрғындардан кәмелетке толмаған балаларды қараусыз қалдырмауды сұрайды!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қарағанды облысында дала өртін сөндіру барысында өрт сөндіруші қаза тапты
6 қазанда Қарағанды облысында Қарқаралы ауданындағы дала өртін сөндіру барысында өз қызметтік міндетін атқару кезінде 24-өрт сөндіру бөлімінің аға өрт сөндіруші-құтқарушысы 1991 жылы туған Хали Хайрат қаза тапты, деп хабарлайды ҚР Төтенше жағдайлар министрлігінің баспасөз қызметінен.
Сержант азаматтық қорғау органдарында 2014 жылдан бастап жұмыс істеген.
Оқиғаның мән-жайы анықталуда. Сотқа дейінгі тергеу басталды.
Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетуде.
Қазақстан Республикасы Төтенше жағдайлар министрлігі өрт сөндірушінің туыстары мен жақындарына көңіл айтады!
ТЖМ қаза тапқан өрт сөндірушінің отбасына жан-жақты көмек пен қолдау көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.