Мемлекет басшысы Солтүстік Македония Республикасының Президентіне көңіл айту жеделхатын жолдады
Мемлекет басшысы Солтүстік Македония Республикасының Президентіне көңіл айту жеделхатын жолдады, деп хабарлайды Ақорданың баспасөз қызметінен.
Қасым-Жомарт Тоқаев Кочани қаласында болған өрттен көптеген адамның қаза тапқаны туралы суыт хабарды терең күйзеліспен қабылдағанын жеткізді.
Мемлекет басшысы Қазақстан халқының және жеке өз атынан Солтүстік Македония Президенті Гордана Силяновска-Давковаға және жақындарынан айырылған отбасыларға көңіл айтып, жарақат алған азаматтардың тезірек сауығып кетуіне тілектестік білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Шідерті өзенінің деңгейі күрт көтерілді: жағдай ТЖМ бақылауында
Батыс Қазақстан облысының Сырым ауданында қардың қарқынды еруі нәтижесінде Шідерті өзенінің деңгейі күрт көтерілді, деп хабарлайды Қазақстан Республикасы Төтенше жағдайлар министрлігінің баспасөз қызметінен.
Ақсай-Жымпиты автожолының 27-ші шақырымында, Аралтөбе ауылының жанында су негізгі өткелді жөндеу кезінде салынған уақытша көпірдің айналасындағы топырақты шайып кетті.
Жағдай ТЖМ-нің тұрақты бақылауында. Жергілікті атқарушы органдар мен полиция департаменті қызметкерлерінің кезекшілігі ұйымдастырылды.
ҚР ТЖМ 20982 әскери бөлімінің әскери қызметшілерінің күшімен өзен деңгейі төмендегеннен кейін уақытша көпірді нығайту үшін инертті материалдары бар қаптар толтырылып жатыр.
Жергілікті тұрғындар жедел хабардар етілді, елді мекендерге қауіп жоқ.
Қазіргі уақытта Бөрлі ауданы Ақсай қаласы жағынан баламалы жол жүру жолдары бар.
Қалпына келтіру жұмыстары су деңгейі төмендегеннен кейін бірден басталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Хромтаудағы шахтадағы жарылыс салдарынан төрт адам зардап шекті
Дөң тау-кен байыту комбинатына қарасты "Болашақ" шахтасының кен өндіру блогында ауа кеңістігінің қысқа мерзімді тұтануынан төрт қызметкерді әртүрлі дәрежедегі күйік шалды, деп хабарлайды Қазхромның баспасөз қызметінен.
Зардап шеккендер ауруханаға жеткізілді. Тексерістен кейін бір қызметкер үйіне қайтарылды. Екі қызметкер стационарлық емделуде, тағы бір адам жан сақтау бөлімінде жатыр.
Компания зардап шеккендерге барлық қажетті көмекті көрсетеді. Барлық қызметкер жер бетіне шығарылды.
Инциденттің себептері анықталып, жою жұмыстары аяқталғанша шахтадағы кен өндіру жұмыстары тоқтатылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтөбеде мұзда қатып қалған жылқы құтқарылды
Ақтөбеде мұзда қатып қалған жылқы құтқарылды, деп хабарлайды Қазақстан Республикасы Төтенше жағдайлар министрлігінің баспасөз қызметінен.
Бүгін Ақтөбе қаласының тұрғындары Елек өзенінің бойындағы кешкі серуендеу кезінде тек басы мұздың үстінде көрініп тұрған жылқыны байқады. Жанашыр куәгерлер құтқарушыларға 112 нөмірі бойынша хабарласты.
Жедел-құтқару жасағының қызметкерлері жолдың жоқтығына байланысты айтарлықтай қашықтықты жаяу жүріп өтіп, трос арқылы жануарды мұзға көтеруге тырысты, бірақ мұз оның салмағын көтере алмады.
Содан кейін кәсіби құтқарушылар биеге жағаға дейін жол ашуға шешім қабылдады. Үш сағаттық уақытты қажет еткен жұмыс ақталды - жануар құтқарылып, жақын маңдағы шаруашылықтың жылы қорасына орналастырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ТЖМ құтқарушылары өрттен 15 газ баллонды алып шықты
ТЖМ құтқарушылары өрттен 15 газ баллонды алып шықты, деп хабарлайды министрліктің баспасөз қызметінен.
Бүгін Тараз қаласындағы пластикалық бұйымдар шығаратын цехта өрт оқиғасы орын алды. От 15 шаршы метр алаңды шарпыды .
Өрт сөндірушілер жедел түрде оқиға орнына жетіп, 100 литрлік 15 газ баллонын қауіпсіз жерге шығарып, өрттің таралуына жол бермей, толығымен сөндірді.
Өрт салдарынан жану өнімдерімен уланған 1972 жылы туған ер адамға Апатттар медицина орталығының мамандары көмек көрсетті. Зардап шегуші ауруханаға жатудан бас тартты
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Жомарт" кенішіндегі шахта-проходкалау тресінде орын алған төтенше жағдай туралы хабарлайды
17 ақпанда Ұлытау облысы Жаңаарқа ауданында орналасқан "Қазақмыс корпорациясы" ЖШС "Жомарт" кенішінде тау жынысы опырылып түсті, деп хабарлайды компаниның баспасөз қызметінен.
Оқиға салдарынан жеті жұмысшы үйіндінің арғы жағында қалды. Кабельдердің үзілуіне байланысты қазіргі уақытта жұмысшылармен байланыс жоқ.
Оқиға орнында іздестіру-құтқару жұмыстары жүргізілуде. Оған ТЖД-ның 21 қызметкері мен 7 техника бірлігі жұмылдырылған, сондай-ақ "Серіктес" АҚҚ-ның 2 бөлімшесі құтқару жұмыстарына тартылған.
Құтқару операциясының барысы туралы қосымша ақпарат беріледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ТЖМ құтқарушылары жоғалған жасөспірімдерді тапты
ТЖМ құтқарушылары жоғалған жасөспірімдерді тапты, деп хабарлайды министрліктің баспасөз қызметінен.
Бүгін Алматы облысы Іле Алатауы тауында «Лесной» асуында Букреев шыңынан түсу кезінде 15-16 жастағы 4 жасөспірім адасып, құтқарушылардың көмегіне жүгінді.
Тез арада ТЖМ «РЖҚЖ» жедел тобы шақырту орнына шықты. Құтқарушылар теңіз деңгейінен 3010 метр биіктікте адасып қалған жасөспірімдерді тауып, қажетті көмек көрсетті.
Құтқарушылар оларды таудан түсіріп, полиция қызметкерлерінің қатысуымен ата-аналарына тапсырды. Медициналық көмекке ешкім мұқтаж болған жоқ.
Жасөспірімдердің ата-аналары құтқарушыларға алғыстарын білдірді
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.