Қорғаныс министрлігінде Жамбыл облысындағы оқ-дәрілері бар әскери қоймадағы жарылыстың себептерін анықтау үшін арнайы комиссия құрылды
Қорғаныс министрлігінде арнайы комиссия құрылып, олар Қорғаныс министрінің басшылығымен Төтенше жағдайлар министрімен бірге әскери-көлік авиациясының ұшағымен 22.00 шамасында Жамбыл облысына ұшып кетті", - деп хабарлады Қорғаныс министрлігінде.
Оқиға орнында Қорғаныс министрінің, Төтенше жағдайлар министрінің, Жамбыл облысы әкімінің, мемлекеттік органдардың жедел штаб басшыларының қатысуымен кеңес өткізілді. Оқиға салдарын жою бойынша барлық мемлекеттік органдардың, оның ішінде Қарулы Күштер бөлімшелерінің, төтенше жағдайлар департаментінің, ішкі істердің, әкімдіктің, медициналық мекемелердің іс-қимылдары үйлестірілді.
Әскери қызметкерлер ұшқышсыз ұшу аппараттарының бөлімшелері арқылы қоймадағы жағдайды бақылауды, оқиға аймағын қоршауды ұйымдастырды. Сонымен қатар, Қорғаныс министрі "Оңтүстік" өңірлік қолбасшылығы әскерлерінің қолбасшысымен бірге бронды техникамен қойма аумағына кіріп, өрттің таралу динамикасы мен алғашқы салдарын тексерді. Жамбыл облысы әкімінің басшылығымен жедел штаб жұмысы ұйымдастырылды", - деп атап өтті ведомствода.
ҚР Қорғаныс министрлігі хабарлағандай, 2021 жылғы 26 тамызда сағат 19.00 шамасында Жамбыл облысы Байзақ ауданында орналасқан әскери бөлімдегі инженерлік оқ-дәрілер қоймасынан өрт шықты.
Өрттің алғашқы минуттарынан бастап дабыл бойынша әскери бөлімнің өрт сөндіру командалары көтерілді, олар шынжыр табанды және дөңгелекті өрт сөндіру техникамен өртті оқшаулауға кірісті. Жамбыл облысы бойынша ТЖД-дан өрт сөндірушілер шақыртылды.
Өрттің шығу себебі әлі анықталған жоқ. Өрт тез арада инженерлік оқ-дәрілер сақталатын қоймаларға таралды.
Инженерлік оқ-дәрілер – бұл табиғи (жартастар, таулар), сол сияқты салынған (ғимараттар, құрылыстар) әртүрлі объектілерді бұзуға арналған құрылғылар. Оларды жаудың техникасы мен адам күшін жою үшін де қолдануға болады. Бұлар – зарядтар, фугастар жеке құрамға қарсы және танкке қарсы миналар, тротил және басқа да жарылғыш заттар.
Өртті оқшаулау мүмкін болмай ол басқа қоймаларға таралды. Өрт салдарынан инженерлік оқ-дәрілердің бірнеше жарылысы орын алды.
Оқиға куәгерлерінің жазған видеоларында аспандағы қою түтін іздері қоймада сақталған сигналдық патрондардың жануынан орын алуы ықтимал.
Инженерлік оқ-дәрілер қоймасының артиллериялық және реактивті оқ-дәрілер қоймасынан айырмашылығы онда снарядтар сақталмайды. Өрт пен жарылыс кезінде олар қатты соққы толқынын, ауқымды жалын мен дыбыстық дүмпулер тудырады. Алайда сонымен бірге оқ-дәрілердің ірі бөлшектері, фрагменттері мен қалдықтары жан-жаққа ұшқан жоқ.
19.15-тен бастап әскери қалашықтың 16 үйінің тұрғындарын эвакуациялау басталды. Содан кейін оқиға орнынан 3 шақырым қашықтықта орналасқан 3 елді мекеннің тұрғындарын эвакуациялау ұйымдастырылды. Мерзімді әскери қызметтегі әскери қызметшілер Жамбыл облысының әскери бөлімдеріне жөнелтілді.
Уақыт өте келе жарылыстар тоқтады, алайда өрт жалғасуда. Сонымен қатар, бірқатар инженерлік оқ-дәрілер мен жарылғыш заттар жанып, жарылыс, дүмпулер, ауқымды жалын мен қатты дыбыстық әсер тудыруы ықтимал", - деп нақтылады Қорғаныс министрлігінде.
Әскери бөлім мен инженерлік оқ-дәрілер қоймасы 1972 жылдан бері бар. Арыс қаласындағы өрт салдарын жойғаннан кейін 2019 жылдан бастап осы қоймаға инженерлік оқ-дәрілердің бір бөлігі шығарылды. Бұл оқ-дәрілер қоймасында алыс қашықтықтағы іс-қимылға арналған снарядтар жоқ. Инженерлік оқ-дәрілер қоймаларда сақталады. Онда жер асты қоймалары жоқ. Аталған әскери бөлімде оқ-дәрілердің басқа түрлері (артиллериялық, реактивті, зениттік, зымырандық, атыс) сақталмайды, деп хабарлады ведомствода.
Жамбыл облысының әкімі Бердібек Сапарбаев Байзақ ауданындағы жағдай толық бақылауда екенін атап өтті.
Қазіргі таңда Байзақ ауданындағы жағдай толығымен бақылауда. Өңірдің төтенше жағдайлар, құқық қорғау және медицина саласының өкілдері жұмылдырылды. Апат аумағынан эвакуацияланған тұрғындар үшін облыс орталығынан 400-ден астам жатын орын дайындалды. Қосымша 1000-ға жуық орынды дайындау мүмкіндігі қарастырылған", - деп жазды Бердібек Сапарбаев өзінің Facebook-тегі парақшасында.
Ол жарылыс салдарын жою бойынша жұмыстар жүргізіліп жатқанын атап өтті.
Менің басшылығыммен құрылған жедел штаб барлық қажетті шараларды орындауда. Зардап шеккендер медициналық көмек көрсетілетін Тараз қалалық және аудандық ауруханаларына жеткізілді. ҚР Қорғаныс және Төтенше жағдайлар министрлерімен бірлесіп тиісті шешімдер қабылдануда. Баршаңызды тек ресми деректерге сенуге, жалған ақпарат таратпауға шақырамын", - деді әкім.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ШҚО-да мерзімді қызметтегі сарбаз қаза тапты
Ағымдағы жылғы 7 қарашада Шекара қызметі Шығыс Қазақстан облысы бойынша департаментінің мерзімді қызметтегі әскери қызметшісі қаза тапты, деп хабарлайды ҰҚК баспасөз қызметінен.
Алдын ала мәлімет бойынша өлім себебі - суицид.
Полиция органдары Қылмыстық кодекстің 105-бабы 1-бөлігі бойынша сотқа дейінгі тергеп-тексеруді бастады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді, - деп хабарлайды Polisia.kz.
6 қарашада Ақмола облысында ауа райының нашарлауына байланысты автожолдардың бірнеше учаскелерінде қозғалысқа шектеулер енгізілген.
Жолда оқыс оқиғалардың алдын алу мақсатында полицейлер көліктерге жол бастап жүрді. Полицейлер жүргізушілерге колоннада жүру ережелерін, белгіленген жылдамдық режимі мен аралықты сақтау қажеттілігін түсіндірді.
Нәтижесінде Астана қаласынан Щучинск қаласына дейін 150 көлік, оның ішінде 100 жеңіл және 50 жүк көлігін ертті.
Щучинск қаласынан Астана қаласына 574 көлік, оның ішінде 360 жеңіл және 214 жүк көлігінің қауіпсіздігі қамьамасыз етілді. Патрульдік полицейлер колонналар құруды және жол бойында көлік құралдарын алып жүруді жалғастырып жатыр.
Полиция жүргізушілерден ауа райы нашарлаған кезде елді мекендерден тыс жерлерге шықпауды ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атыраудағы сауда орталықтарының өрт болды
Атыраудағы сауда орталықтарының өрт болды, деп хабарлайды Атырау облысы ТЖД баспасөз қызметінен.
2024 жылғы 27 қазанда сағат 18:37 шамасында Атырау қаласы Б. Құлманов көшесінің бойында орналасқан сауда ойын-сауық кешенінің бірінде түтін шыққаны туралы шақырту түсті.
Атырау облысы ТЖД күштері дереу оқиға орнына жетіп, 80 адамды оның ішінде 45 баланы қауіпсіз жерге эвакуациялады.
Алдын ала мәліметтер бойынша өрт балаларға арналған киім дүкенінің қоймасынан басталған.
Оқиға орнында штаб құрылып, өртті сөндіру жұмыстары жүргізілді.
Өрт сағат 21:58-де оқшауланып, сағат 22:50 де толықтай жойылды.
Өрттің жалпы ауданы шамамен 1000 шаршы метрді құрады.
Өрттің шығу себептері алдын ала болжам бойынша тоқ желісінің қысқа тұйықталуы.
Өртті сөндіруге Атырау облысы ТЖД 2 шақырту бойынша күштер тартылып, жалпы саны 92 жеке құрам және 12 бірлік техника жұмылдырылды.
Сонымен қатар оқиға орнында Департаменттің психолог мамандары эвакуацияланған адамдарға және кәсіпкерлерге психологиялық көмек көрсетті. Жедел жәрдемнің 2 бригадасы, "Апаттар медицинасы орталығы" ММ 4 қызметкері, Полиция департаментінің 50 қызметкері, 23 бірлік техникасы және шұғыл әрекет ету мекемелері жұмыс жасады.
Орын алған өрт оқиғасына байланысты, 27 қазаннан бастап Атырау облысы ТЖД дағдарыс орталығында 45-14-75 нөмірі арқылы қауырт желі іске қосылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Саран" шахтасында жазатайым оқиға болды
Саранская" шахтасында орын алған апаттың салдарынан 3 адам зардап шеккендігін тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда, деп хабарлайды ҚР ЕХӘҚМ баспасөз қызметінен.
2024 жылдың 14 қазанында сағат 23:00-де "Qarmet" АҚ Көмір департаментіне қарасты "Саранская" шахтасында апат болды. 41К-7В ұзын қабырғасының төменгі түйіспесінде жұмыс істеу кезінде металл бекіткіш профилін жылжытқан кезде үстіңгі бөліктерден тау жыныстарының бір бөлігі аршылып, жұмысшылар жарақат алған: тау-кен тазарту жұмысшысы Д.Сембеков (1988 ж.т.), кен шебері А. Григорьевич (1989 ж.т.) және тау-кен механизаторы А.Рудия (1983 ж.т.).
Апат салдарынан компания қызметкерлері түрлі дене жарақаттарын алған. Оларға алғашқы медициналық көмек көрсетіліп, зардап шеккендер проф. Х.Ж. Мақажанов атындағы облыстық травматология және ортопедия атындағы облыстық орталыққа жеткізілді. Дәрігерлер тексергеннен кейін Д.Сембеков пен А.Григорьевич еңбекке жарамсыздық парағын ашпай үйлеріне жіберілді. А.Рудий қазір жансақтау бөлімінде жатыр.
Жазатайым оқиғаны тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда. Оқиғаның мән-жайы мен себептері тергеу барысында анықталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Өрт сөндірушілер жарылыстың алдын алды
Өрт сөндірушілер жарылыстың алдын алды, деп хабарлайды ҚР ТЖМ баспасөз қызметінен.
Ақтөбе облысы гарнизонның диспетчеріне Мұғалжар ауданындағы Қандыағаш қаласында жеке меншік үйдің бірінің ауласында орналасқан гараждан өрт шыққаны туралы хабарлама келіп түсті.
Шақырту орнына дереу бағытталған өрт есептортарының құрамында болған №8 өрт сөндіру бөлімінің бөлімше командирі азаматтық қорғау аға сержанты Шамаков Данат пен өрт сөндіруші-құтқарушы азаматтық қорғау кіші сержанты Самрат Мейрамбек өртке оранған құрылыстан 2 газ баллоны мен жанармайы бар канистрды жедел түрде шығарып, жарылыстың алдын алды.
Оқиға салдарынан ешкім зардап шеккен жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 2 балдық жер сілкінісі болды
ҚР ТЖМ "Сейсмологиялык зерттеу институты" ЖШС сейсмикалық станциялар желісімен 2024 жылғы 17 қазан Астана уақытымен 03 сағат 23 мин жер сілкінісі тіркелді, деп хабарлайды ҚР ТЖМ баспасөз қызметінен.
Жер сілкінісінің эпицентрі Қытай аумағында Алматы қаласынан оңтүстік-шығысқа қарай 264 км жерде орналасқан.
Сезілетіндігі туралы мәліметтер: Алматы қ. 2 балл
Зардап шеккендер мен қираулар туралы мәлімет түскен жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанай облысында болған өрт кезінде бір отбасының бес баласы қаза тапты
Қостанай облысында болған өрт кезінде бір отбасының бес баласы қаза тапты, деп хабарлайды ҚР Төтенше жағдайлар министрлігінің баспасөз қызметінен.
Бүгін таңғы сағат 04.29-да Қостанай облысы Жітіқара қаласында жеке тұрғын үйден өрт шығып, салдарынан шатыры опырылып түскен. Оқиға орнына 7 минут ішінде құтқарушылар келіп жеткенше, үй толығымен отқа оранған. Өрт сөндірушілер тез арада өртті сөндіріп, үйінділерді тазартуға кірісті. Сағат 06:08-де өрт оқшауланып, толығымен сөндірілді.
Апат кезінде үйде ересектердің қарауынсыз 2011, 2016, 2018, 2019, 2022, 2023 ж. кәмелетке толмаған балалар болған. Өкінішке қарай үйінділерді тазарту барысында бес баланың өлі денесі табылды. Балалардың үлкені, 2011 жылы туылған бала ғана аман, зардап шекпеген.
Алдын ала мәлімет бойынша, балалардың анасы кешкісін құрбысына кеткен, ал әкелері түрмеде отыр.
Қазір оқиғаның себептері анықталуда. Өрт-техникалық зерттеу жұмыстары жүргізіледі.
Апаттар медицинасы орталығы филиалының психологтары туыстарына қажетті психологиялық көмек көрсетуде.
Жергілікті атқарушы органдар тарапынан барлық қажетті көмек, соның ішінде материалдық көмек те беріліп жатыр.
Қостанай облысының әкімдігі туыстары мен жақындарына қайғырып көңіл айтады.
ТЖМ тұрғындардан кәмелетке толмаған балаларды қараусыз қалдырмауды сұрайды!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қарағанды облысында дала өртін сөндіру барысында өрт сөндіруші қаза тапты
6 қазанда Қарағанды облысында Қарқаралы ауданындағы дала өртін сөндіру барысында өз қызметтік міндетін атқару кезінде 24-өрт сөндіру бөлімінің аға өрт сөндіруші-құтқарушысы 1991 жылы туған Хали Хайрат қаза тапты, деп хабарлайды ҚР Төтенше жағдайлар министрлігінің баспасөз қызметінен.
Сержант азаматтық қорғау органдарында 2014 жылдан бастап жұмыс істеген.
Оқиғаның мән-жайы анықталуда. Сотқа дейінгі тергеу басталды.
Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетуде.
Қазақстан Республикасы Төтенше жағдайлар министрлігі өрт сөндірушінің туыстары мен жақындарына көңіл айтады!
ТЖМ қаза тапқан өрт сөндірушінің отбасына жан-жақты көмек пен қолдау көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.