Қылмыскерлердің қаңтар айындағы тәртіпсіздіктер кезінде ұрланған 2 мыңнан астам қаруы бар
Сурет: Depositphotos
Бүгінгі таңда қылмыскерлердің қолында ауқымды арсенал - ұрланған қарудың 2 мыңнан астам бірлігі, оның ішінде 30 граната атқыш, 2 оқ атқыш, 122 автомат пен 379 тапанша қалуда, бұл дегеніміз – үлкен қауіп, өйткені қылмыскерлер кез келген уақытта оны бейбіт азаматтарға қарсы пайдалана алады. Осы бағыттағы жұмыс жалғасуда және министрліктің ерекше бақылауында", - деп Орталық коммуникациялар қызметінде өткен брифингте ҚР ІІМ Тергеу департаментінің бастығы Санжар Әділов мәлімдеді.
Ол ұрланған мүлікті, сондай-ақ заңсыз сақтаудағы және тіркелмеген қаруды анықтау және алып қою бойынша қарқынды жұмыс жалғасып жатқанын атап өтті.
Жүйелі жұмыстың нәтижесінде полиция қызметкерлері Алматы қаласы, Алматы және Жамбыл облыстарында қару мен арнайы құралдар сақталатын жасырын орындары анықталуда.
Биыл 1 маусымда Тараз қаласында полиция қызметкерлері шағын аудандардың біреуінде гараждардың арасында толық оқжатары бар Макаров тапаншасы, револьвер, аңшылық мылтық және жарық-дыбыс гранатасы болған заңсыз сақтау орнын тапқан. Осы жылдың 7 маусымында Тараз қаласында полиция қызметкерлері құрылыс объектісінде 2 аңшылық мылтық, шолақ аңшылық мылтық және жарақаттайтын тапанша салынған полиэтилен пакетін тапқан", - деді полковник.
Сол күні аталған қалада бағбандық қоғамның аумағында құрылыс плиталарының астынан "Макаров" тапаншасы, жарақаттайтын тапанша, аңшылық мылтық пен жас ағызғыш тітіркендіру әрекеті бар граната, түтікшелері бар "Ф-1" гранатасы мен калибрі 5,45 мм 30 оқ тауып алды.
Қазіргі уақытта қабылданған шаралардың нәтижесінде қарудың 1626 бірлігі табылып алынды, бұл 10 граната атқыш, 6 оқ атқыш, 160 автомат, кесілген қарудың 113 бірлігі, 361 тапанша мен 253 граната, 41,1 мыңнан астам оқ-дәрі.
Санжар Әділовтың ақпараты бойынша, мысалы: ағымдағы жылғы мамырда Талдықорған қаласында "Қайнар АКБ" ЖШС-дан қорғасын құймаларын ұрлауда күдіктінің біреуі тұратын үйді тінту барысында оқ-дәрісі бар "Макаров" тапаншасы табылып алынды.Сондай-ақ күдікті Талдықорған қаласындағы Қаратал өзенінде "Макаров" тапаншасын, 4 толық оқжатары бар Калашников автоматы мен 1 сүңгі пышағын тығып қойған жерді көрсетті.
Екінші күдіктінің үйінде 5 "Макаров" тапаншасы мен оқ салынған 10 оқжатар, "Калашников" автоматы және оған 2 сүңгі пышақ табылды.
Осы жылы 19 маусымда Талдықорған қаласында полиция қызметкерлері жергілікті тұрғынды ұстады, оның бақшасында "Макаров" тапаншасы, "МР-654К" тапаншасы, "РГД-5" гранатасы, калибрі 9 мм 16 оқ, калибрі 7,62 мм 5 оқ табылып алынды.
Сонымен бірге азаматтармен түсіндіру жұмысының нәтижесінде қарудың 212 бірлігі ерікті түрде берілді.
Ішкі істер министрлігі өз құзыреті шегінде қаңтардағы оқиғалар бойынша қылмыстық істерді тергеуді жалғастыруда. Бүгінгі таңда ішкі істер органдары тергеушілерінің өндірісінде 56 күдіктіге қатысты 553 қылмыстық іс бар. Жеке басын сипаттайтын деректерді және жасалған қылмысқа қатыстылығын ескере отырып, ішкі істер органдары бойынша 255 күдікті қамақтан босатылды, оларға қатысты қоғамнан оқшаулаумен байланысты емес бұлтартпау шаралары таңдалды", - деді Санжар Әділов.
Одан басқа, соттың үкімі бойынша, 332 сотталушы қамақтан босатылды.
Бүгінгі таңда өндірістегі қылмыстық істер бойынша 14 адам қамауда қалуда, оның ішінде Алматы қаласы бойынша – 8, Алматы облысы – 3 және Жамбыл облысы – 3, олардың барлығы ауыр қылмыстарды жасауда күдікті.
Ішкі істер органдарының тергеушілері 565 айыпталушыға қатысты 344 қылмыстық істі айыптау актісімен сотқа жолдады.
Осындай істердің негізгі бөлігін бөтеннің мүлкін ұрлау жөніндегі істер құрайды – 257, қаруды заңсыз сақтау – 37, қаруды ұрлау – 18, айдап кету – 5 және т.б.
Соттар 382 адамды соттады, оның ішінде 46 адам бас бостандығынан айыруға сотталды, осы адамдар бұрын сотталған және кінәсін мойындамаған, келтірілген залалды өтемеген.
Қолданыстағы қылмыстық заңнамаға сәйкес кінә мойындалған және тергеуде іс-қимыл жасалған жағдайда сот жасалған қылмыс үшін санкцияда көзделген жазаның жартысынан аспайтын жазаны тағайындайды.
Сонымен бірге, оның айтуынша, адамдардың басым бөлігі бас бостандығын шектеуге сотталды – 330, олар шынайы өкініп, залалды өтеді.
Сот ауырлығы орташа және онша ауыр емес қылмыстық істер бойынша 12 адамға қатысты істерді тараптардың татуласуына байланысты тоқтатты.
Сотқа жіберілген істер бойынша жәбірленушілерге полиция қызметкерлерінің ұрланған мүлікті тауып алуы және алып қоюы, сондай - ақ айыпталушылардың сотқа дейінгі тергеу және сот тергеуі сатысында залалды өтеуі есебінен 100 млн теңгеден астам сомаға залал өтелгенін атап өткім келеді", - деп толықтырды ІІМ Тергеу департаментінің бастығы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Электр жабдықтау станциядағы өрттің салдарынан Аягөз қаласының біраз бөлігі жарықсыз қалды
18.12.2024 жылы сағат 23.30-да Аягөз ауданының 101 төтенше жағдай желісіне "Біріккен энергосервистік компаниясы" АҚ-на қарасты электр жабдықтау станциясының ( подстанция) жанып жатқаны туралы хабарлама келіп түсті, деп хабарлайды Абай облысы әкімдігінің баспасөз қызметінен.
Өрт сөндіруге 4 өрт сөндіру көлігі, 15 қызметкер жұмылдырылды.
Жүргізілген жұмыстың нәтижесінде сағат 23:59-да өрт оқшауланды. Зардап шеккендер жоқ.
Қазіргі уақытта өрттің шығу себебі анықталуда.
Қалпына келтіру жұмысы нәтижесінде Мамырсу ауылдық округі және Аягөз қаласынан басқа барлық ауылдық округтер электр энергиямен толығымен қамтамасыз етілді.
Қала бойынша бірінші кезекте орталықтандырылған 6 жылу қазандығын іске қосу қолға алынды. Қазір олардың 5 уі жұмыс істеп тұр. 1 -ін іске қосу жүзеге асырылуда. Тұрғындарға электр қуатын беру жұмысымен "Біріккен энергосервистік компаниясы" АҚ қызметкерлері айналысуда.
БЭСК" АҚ Үржар, Жарма аудандары мен Өскемен және Семей қалаларынан келген 7, сондай-ақ Аягөзден 3 бригада жөндеу жүргізуде. Қалпына келтіру жұмысына барлығы 30-ға жуық маман жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сарыағашта ЖКО салдарынан 20-дан астам өнеркәсіптік кәсіпорын мен 7 мыңға жуық жеке үй газсыз қалды
Ағымдағы жылдың 10 желтоқсанында сағат 22:05-те "QazaqGaz Aimaq" АҚ Сарыағаш аудандық газ шаруашылығының авариялық-диспетчерлік қызметінің пультіне Сарыағаш қаласы, Шымкент көшесі (республикалық маңызы бар тас жолы) мекенжайы бойынша газ құбырының зақымдалғаны және газдың шығуы туралы өтінім келіп түсті.
Оқиға орнына авариялық бригада 10 минуттан кейін, сағат 22:15-те келді. Мамандардың анықтауынша, апаттың себебі BMW маркалы автокөліктің жоғары қысымды жер үсті газ құбырына соғылуы болған. Автокөлік соққысының салдарынан екі жерде газ құбыры толықтай істен шықты, сондай-ақ 40 қума метрден астам газ құбыры деформацияланды, деп көрсетілген компанияның хабарламасында.
Авариялық бригада газдың шығуын жедел түрде оқшаулап, ысырманы жауып, сүргі салынды, ықтимал салдардың алдын алды. Сондай-ақ, оқиға жөнінде техникалық акт жасалды.
Апат салдарынан:
21 өнеркәсіптік кәсіпорын;
153 коммуналдық-тұрмыстық кәсіпорын;
6 821 жеке сектор абоненті газбен жабдықтаусыз қалды.
Оқиға орнына полиция қызметкерлері шақырылды.
Зақымдалған газ құбырын қалпына келтіру жұмыстары дереу басталды. Оқиға орнына "QazaqGaz Aimaq" АҚ авариялық-қалпына келтіру қызметінің 40-тан астам қызметкерден тұратын жеті бригада жұмылдырылды.
11 желтоқсанда сағат 03:00-ден 03:30-ға дейін зақымданған учаскедегі тарату газ құбырларының герметикалығына тексеру жұмыстары жүргізілді.
Ең алдымен стратегиялық маңызы бар объектілерге (аурухана, емхана, мектептер, балабақшалар және жергілікті полиция ғимараты) газбен жабдықтау қалпына келтірілді.
Түнгі уақытты және газ қауіпі бар жұмыстарды күндізгі уақытта жүргізу қажеттілігін ескере отырып, сағат 09:00-де жеке сектор мен кәсіпорындарды қайта қосу бойынша ауқымды жұмыстар басталды.
2024 жылғы 11 желтоқсан сағат 13:00-ге дейін газбен жабдықтау толығымен қалпына келтіріледі деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанайда сауда үйінде өрт шықты
Өрт сөндірушілер кәсіпкерлердің мүлкін өрттен құтқарды, деп хабарлайды ҚР ТЖМ баспасөз қызметінен.
Бүгін Қостанайда Складская көшесіндегі сауда қатарында екі дүкен шатырының жануы орын алып, павильондардың бір-біріне жақын орналасуына байланысты өрттің таралу қаупі төнді.
Жақын тұрған сауда нүктелерін оқпандармен салқындата отырып, өрт сөндірушілер өртті жойып, кәсіпкерлердің мүлкін өрттен құтқарды. Зардап шеккендер жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түнде Алматыды жер сілкінді
ҚР ТЖМ "Ұлттық ғылыми Сейсмологиялық зерттеу Орталығы" ЖШС сейсмикалық станциялар желісімен 2024 жылғы 28 қарашадағы Астана уақытымен 01 сағат 32 мин 39сек жер сілкінісі тіркелді, деп хабарлайды Алматы қаласы ТЖД.
Алайда шкала бойынша анықталғандығы туралы мәліметтер 2 балл құрады
Жер сілкінісінің эпицентрі Қытай аумағында Алматы қаласынан өңтүстік-шығысқа қарай 318 км жерде орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ШҚО-да мерзімді қызметтегі сарбаз қаза тапты
Ағымдағы жылғы 7 қарашада Шекара қызметі Шығыс Қазақстан облысы бойынша департаментінің мерзімді қызметтегі әскери қызметшісі қаза тапты, деп хабарлайды ҰҚК баспасөз қызметінен.
Алдын ала мәлімет бойынша өлім себебі - суицид.
Полиция органдары Қылмыстық кодекстің 105-бабы 1-бөлігі бойынша сотқа дейінгі тергеп-тексеруді бастады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді, - деп хабарлайды Polisia.kz.
6 қарашада Ақмола облысында ауа райының нашарлауына байланысты автожолдардың бірнеше учаскелерінде қозғалысқа шектеулер енгізілген.
Жолда оқыс оқиғалардың алдын алу мақсатында полицейлер көліктерге жол бастап жүрді. Полицейлер жүргізушілерге колоннада жүру ережелерін, белгіленген жылдамдық режимі мен аралықты сақтау қажеттілігін түсіндірді.
Нәтижесінде Астана қаласынан Щучинск қаласына дейін 150 көлік, оның ішінде 100 жеңіл және 50 жүк көлігін ертті.
Щучинск қаласынан Астана қаласына 574 көлік, оның ішінде 360 жеңіл және 214 жүк көлігінің қауіпсіздігі қамьамасыз етілді. Патрульдік полицейлер колонналар құруды және жол бойында көлік құралдарын алып жүруді жалғастырып жатыр.
Полиция жүргізушілерден ауа райы нашарлаған кезде елді мекендерден тыс жерлерге шықпауды ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атыраудағы сауда орталықтарының өрт болды
Атыраудағы сауда орталықтарының өрт болды, деп хабарлайды Атырау облысы ТЖД баспасөз қызметінен.
2024 жылғы 27 қазанда сағат 18:37 шамасында Атырау қаласы Б. Құлманов көшесінің бойында орналасқан сауда ойын-сауық кешенінің бірінде түтін шыққаны туралы шақырту түсті.
Атырау облысы ТЖД күштері дереу оқиға орнына жетіп, 80 адамды оның ішінде 45 баланы қауіпсіз жерге эвакуациялады.
Алдын ала мәліметтер бойынша өрт балаларға арналған киім дүкенінің қоймасынан басталған.
Оқиға орнында штаб құрылып, өртті сөндіру жұмыстары жүргізілді.
Өрт сағат 21:58-де оқшауланып, сағат 22:50 де толықтай жойылды.
Өрттің жалпы ауданы шамамен 1000 шаршы метрді құрады.
Өрттің шығу себептері алдын ала болжам бойынша тоқ желісінің қысқа тұйықталуы.
Өртті сөндіруге Атырау облысы ТЖД 2 шақырту бойынша күштер тартылып, жалпы саны 92 жеке құрам және 12 бірлік техника жұмылдырылды.
Сонымен қатар оқиға орнында Департаменттің психолог мамандары эвакуацияланған адамдарға және кәсіпкерлерге психологиялық көмек көрсетті. Жедел жәрдемнің 2 бригадасы, "Апаттар медицинасы орталығы" ММ 4 қызметкері, Полиция департаментінің 50 қызметкері, 23 бірлік техникасы және шұғыл әрекет ету мекемелері жұмыс жасады.
Орын алған өрт оқиғасына байланысты, 27 қазаннан бастап Атырау облысы ТЖД дағдарыс орталығында 45-14-75 нөмірі арқылы қауырт желі іске қосылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Саран" шахтасында жазатайым оқиға болды
Саранская" шахтасында орын алған апаттың салдарынан 3 адам зардап шеккендігін тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда, деп хабарлайды ҚР ЕХӘҚМ баспасөз қызметінен.
2024 жылдың 14 қазанында сағат 23:00-де "Qarmet" АҚ Көмір департаментіне қарасты "Саранская" шахтасында апат болды. 41К-7В ұзын қабырғасының төменгі түйіспесінде жұмыс істеу кезінде металл бекіткіш профилін жылжытқан кезде үстіңгі бөліктерден тау жыныстарының бір бөлігі аршылып, жұмысшылар жарақат алған: тау-кен тазарту жұмысшысы Д.Сембеков (1988 ж.т.), кен шебері А. Григорьевич (1989 ж.т.) және тау-кен механизаторы А.Рудия (1983 ж.т.).
Апат салдарынан компания қызметкерлері түрлі дене жарақаттарын алған. Оларға алғашқы медициналық көмек көрсетіліп, зардап шеккендер проф. Х.Ж. Мақажанов атындағы облыстық травматология және ортопедия атындағы облыстық орталыққа жеткізілді. Дәрігерлер тексергеннен кейін Д.Сембеков пен А.Григорьевич еңбекке жарамсыздық парағын ашпай үйлеріне жіберілді. А.Рудий қазір жансақтау бөлімінде жатыр.
Жазатайым оқиғаны тексеру үшін Мемлекеттік еңбек инспекциясы комитетінің Қарағанды облысы бойынша департаменті комиссия құруда. Оқиғаның мән-жайы мен себептері тергеу барысында анықталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.