16.07.2024, 19:07 42101
Алматыда оқу жылы басталғанға дейін 7650 орындық алты мектеп өз есігін айқара ашады
Достарға айту
Алматыда оқушы орындарының тапшылығын кезең-кезеңімен төмендету үшін қала әкімі Ерболат Досаевтың тапсырмасы бойынша жаңа білім беру нысандары мен жұмыс істеп тұрған мектептерге қосымша құрылыстар салынуда, жеке инвестициялар есебінен мектептер ашу жоспарлануда, деп хабарлайды қалалық білім басқармасы.
Орын тапшылығын төмендету мақсатында 2024 жылы жергілікті бюджет есебінен Саялы және Зерделі шағын аудандарында 1100 орындық екі мемлекеттік мектептің құрылысын аяқтау жоспарлануда. Құрылыс-монтаждау жұмыстары 2 585 орындық 6 қосымша құрылыс бойынша жүргізілуде (аяқталу мерзімі 2024-2025 жылдар). Ағымдағы жылы 1675 орындық тағы 4 қосымша құрылыстың құрылысын бастау жоспарлануда.
"Жайлы мектеп" ұлттық жобасын іске асыру аясында Алматы әкімдігінің жобалық офисінің қолдауымен 36,8 мың оқушы орнына (бір ауысымда) 22 мектеп салу жоспарланған.
2024 жылдың соңына дейін 32,8 мың орындық 20 мектепті пайдалануға беру жоспарланған. Оның ішінде оқу жылы басталғанға дейін бекітілген кестеге сәйкес 7 100 орындық 5 мектеп (№97, Розыбакиев-Левитан көшесіндегі мектеп, Ақбұлақ ш/а №154 мектеп, "Нұрлы Дала" ТК ауданында, Теректі ш/а) іске қосылады.
2025 жылы тағы 4 мың орындық екі мектеп ашылады деп күтілуде. Осылайша, келесі жылдың 1 қыркүйегіне қарай оқушы орындарының тапшылығы басқарылатын деңгейге дейін 3-4 мыңға төмендейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
06.09.2024, 13:13 1581
Жаңа мектеп оқулықтарының жобалары талқылауға шығарылды
Достарға айту
2025-2026 оқу жылы қолданысқа енгізілетін 4-сыныптарға арналған оқулықтар қоғамдық талқылауға шығарылды, деп хабарлайды ҚР Оқу-ағарту министрлігінің баспасөз қызметінен.
Ол үшін Білім мазмұнын сараптау орталығының сайтындағы "Оқу әдебиеттерін қоғамдық талқылау" бөліміне өту керек", деп нақтылап көрсетті министрліктен.
Талқылауға мұғалімдер, ата-аналар, қоғамдық ұйымдардың өкілдері мен мектеп оқулықтарының сапасына бей-жай қарамайтын барлық азаматтар қатыса алады. Сайтта келесі пәндер бойынша оқулықтардың мазмұнымен танысуға болады: "Орыс тілі" (оқыту қазақ тілінде жүргізілетін мектептер үшін); "Еңбекке баулу", "Бейнелеу өнері", Шет тілдері (ағылшын, неміс, француз), сондай-ақ "Цифрлық сауаттылық" бойынша электронды оқулық нұсқалары.
Барлық келіп түскен сын-ескертпелер, мен оқулықтардың сапасы мен мазмұнын жақсартуға қатысты ұсыныстар сараптама барысында ескеріледі. Талқылау биылғы жылдың 30 қыркүйегіне дейін жалғасады.
Атап өту керек, қолданыстағы заңнама бойынша бүгінде оқулықтар сараптаманың бес кезеңінен өтеді: ғылыми-педагогикалық сараптама, оқулықтарды пилоттық мектептерде сынақтан өткізу, қоғамдық-педагогикалық талқылау, пәндік сарапталық комиссияның қарауы. Қазіргі уақытта аталған оқулықтар қоғамдық талқылаумен қатар, еліміздің бірнеше өңірлерінде 31 пилоттық мектепте сынақтан өтуде.
Ғылыми-педагогикалық сараптамаға ғалымдар мен біліктілік санаты "зерттеуші педагогтен" төмен емес практик-мұғалімдер тартылады. Сарапшылар арнайы оқу курсынан өтіп, сарапшы сертификатын алған және республикалық сарапшылар базасына енген. Осындай жоғары талаптар сынақ және пәндік сарапталық комиссия қатысушыларына да қойылады.
Пәндік сараптама комиссиясының шешімімен сараптаманың барлық кезеңдерінен өткен оқулықтар мектептерде пайдалану үшін және Қазақстан Республикасының Оқу-ағарту министрлігі бекітетін оқулықтар тізбесіне енгізу үшін ұсынылатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
04.09.2024, 15:56 4476
30 жас қазақстандық "Тәуелсіздік ұрпақтары" грантының иегері атанады
Достарға айту
30 жас қазақстандық "Тәуелсіздік ұрпақтары" грантының иегері атанады, деп хабарлайды ҚР Мәдениет және ақпарат министрлігінің баспасөз қызметінен.
ОКҚ-да өткен брифингте "Тәуелсіздік ұрпақтары" жобасының жаңашылдығы мен ережелері туралы айтылды. Оған ҚР Мәдениет және ақпарат министрлігі Жастар және отбасы істері комитетінің төрағасы Қайрат Қамбаров, 2022 және 2023 жылғы "Тәуелсіздік ұрпақтары" грантының иегерлері Жандос Ақтаев және Арайлым Серікбай қатысты.
2021 жылдан бастап "Тәуелсіздік ұрпақтары" гранты Мемлекет басшысының бастамасымен дарынды жастарды мемлекеттік қолдау мақсатында беріліп келеді.
Грант мөлшері - 3 млн теңге. Оған конкурстық негізде 14 жастан 35 жасқа дейінгі (34 жыл қоса алғанда) қазақстандықтар үміткер бола алады.
Брифинг барысында Қайрат Қамбаров волонтерлікті қолдау үшін 2024 жылдан бастап қосымша "Волонтерлік" бағыты қарастырылғанын айтты.
Осылайша, аталған грант 6 бағыт бойынша беріледі. Оның ішінде "Ғылым", "Мәдениет", "Ақпараттық технологиялар", "Бизнес", "Медиа", "Волонтерлік" бағыттары бар.
Конкурсқа өтінімдерді қабылдау 5 тамыздан 6 қазанға дейін жалғасады.
Сондай-ақ, "Тәуелсіздік ұрпақтары" грантының иегерлері өз бастамалары туралы айтып берді.
Мысалы, Жандос Ақтаевтың жобасы қолжетімді тілде халықтың базалық құқықтық сауаттылығын арттыруға арналған ақпараттық контент құру.
2023 жылғы "Тәуелсіздік ұрпақтары" грантының иегері Серікбай Арайлым грант қаражатына "Ғылым" бағыты бойынша заманауи жасыл агротехнологиялар пайдаланылған "EcoTagam" инновациялық отандық экоөнімдер орталығын ашты.
Дарынды жастардың жаңа идеялары мен түрлі жобаларын іске асыру мақсатында "Тәуелсіздік ұрпақтары" гранты 2029 жылға дейін беріледі деп жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.09.2024, 18:14 6936
Астанада тағы 15 мектеп ашылды. Оның 9-ы - жайлы мектептер
Достарға айту
Елордада білім күні 28 000 оқушы орнына арналған 15 жаңа мектеп ашылды. Оның 9-ы "Жайлы мектеп" ұлттық жобасы аясында салынған. Мектептер жаңа технологиялар мен жаңа талаптарға сай жабдықталған, деп хабарлайды Астана қаласы әкімдігінің баспасөз қызметінен.
Жайлы мектептер салудың негізгі мақсаты - оқушыларға арналған жаңа орындар ашу, үш ауысымды оқытуды және оқушы орындарының тапшылығын жою. Естеріңізге сала кетейік, оқу орындары Мемлекет басшысының тапсырмасы бойынша "Жайлы мектеп" ұлттық жобасын іске асыру аясында салынып жатыр.
Оқу орындарының ашылуына ҚР Премьер-Министрінің бірінші орынбасары Роман Скляр, ҚР Премьер-Министрінің орынбасары Тамара Дүйсенова, Астана қаласының әкімі Жеңіс Қасымбек, Оқу-ағарту министрі Ғани Бейсембаев қатысты.
Оқу орындары 15 жаңа жайлы мектеп ашу есебінен екі ауысымда 28 мың оқушы орнын құруға мүмкіндік берді.
Мәселен, 9 жайлы мектеп мына мекенжайларда орналасқан: Көктал елді мекені, Ұлытау-Наурыз көшелерінің қиылысы; А. Байтұрсынов көшесі, №9 үй ауданы ("Highvill" ТК); Тельман елді мекенінің оңтүстік тұсы (Бағыстан); С-189 және 12-207 көшелері (Земляничная көшесі); Төле би және Е758 көшелері (Сеул және Зеленый квартал ТК ауданы); Орынбор және №37 көшелері ("SOHO" ТК ауданы); Мәңгілік Ел даңғылы және Е497 көшесі (мешіт ауданы); Қабанбай батыр даңғылы мен Сығанақ көшесінің қиылысы ("Поколение" ТК); Төле би - 24 көшелері (Барыс Арена).
Елордада қазір 188 мектеп жұмыс істейді, оның 110-ы - мемлекеттік, 71-і - жекеменшік және 7-еуі республикалық мектеп, жалпы 282 150 оқушы қамтылған.
Желтоқсан айында тағы 8 мектеп (6-ауы - жайлы мектеп, 2-еуі - жекеменшік мектеп) пайдалануға беріледі.
Осылайша, 1 қыркүйекте пайдалануға берілген мектептер есебінен үш ауысымда оқитын бес мектептің (№27, 41, 71, 79, 89), тығыздалған төрт (№17, 59, 67, 75) мектептің мәселесі шешілді.
Жаңа оқу жылында Астанада бірінші сыныпқа 28 000 бала барды. Қала мектептерінде барлығы 282 мыңнан астам оқушы оқиды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.08.2024, 12:43 12606
Ғылым және жоғары білім министрлігі қосымша білім беру гранттарын тағайындады
Достарға айту
Қазақстан Республикасы Ғылым және жоғары білім министрлігі қосымша білім беру гранттарын тағайындады, деп хабарлайды министрліктің баспасөз қызметінен.
Білім беру гранттары белгіленген тәртіппен, конкурс негізінде, ең жоғары ҰБТ баллдарына ие болған үміткерлерге білім беру бағдарламаларының тиісті топтарына сәйкес белгіленді.
Барлық грант иегерлері жоғары оқу орындарына қабылдану үшін барулары қажет.
Тізімімен ҚР Ғылым және жоғары білім министрлігінің және Ұлттық тестілеу орталығының Telegram арналарында танысуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.08.2024, 22:33 18446
Тараздық оқушы қалқымалы электр стансасын жасап шығарды
Достарға айту
араздық оқушы "Тәуелсіздік ұрпақтары" жобасы аясында қалқымалы электр стансасын жасап шығарды, деп хабарлайды ҚР Мәдениет және ақпарат министрлігінің баспасөз қызметінен.
Былтырғы "Тәуелсіздік ұрпақтары" жобасының "Ақпараттық технологиялар" бағыты бойынша грант иегері Қанат Тәжіхан "Future Solar Power Plant" жобасын жүзеге асырып, таныстырды. Қанат 18 жаста. Тараз қаласындағы мектептердің бірінде 12-сыныпта оқиды. Болашақта IT инженері болуды жоспарлап отыр.
Оқушы грант қаражаттына қуаттылығы 6,6 кВт болатын Қазақстандағы тұңғыш қалқымалы күн электр станциясын жасаған. Жүйе күн трекерімен және өзін-өзі тазалау функциясымен жабдықталған. Автордың айтуынша, оның жобасы қазақстандық нарықтағы ең тиімдісі.
Қанаттың жобасы қазірдің өзінде Алматы облысының экологиялық аймақтарының бірінде жүзеге асырылуда.
Айта кетерлігі, 2024 жылы "Тәуелсіздік ұрпақтары" байқауы аясында жастардың бастамаларын жүзеге асыруға 3 миллион теңге сомасында 30 грант бөлінеді. Волонтерлік саласын қолдау мақсатында қосымша "Волонтерлік" бағыты қарастырылған.
Қазір "Тәуелсіздік ұрпақтары" байқауына өтінімдер қабылдануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.08.2024, 12:56 22236
"Самұрық-Қазына" АҚ Оралдағы жастарды әлеуметтендіру үшін серіктестерімен бірге креативті хаб құруда
Достарға айту
Самұрық-Қазына" АҚ Оралдағы жастарды әлеуметтендіру үшін серіктестерімен бірге креативті хаб құруда, деп хабарлайды АҚ баспасөз қызметінен.
Орталықта жастар қосымша білім алып, шығармашылық қабілеттерін арттыра алады.
Хабта заманауи қазақ өнерін, инновациялық көркемдік шешімдерді дамыту, сондай-ақ, Қазақстан мен халықаралық қоғамдастық үшін бірегей арт-жобаларды әзірлеу жоспарлануда.
Хаб резиденттері 14 пен 35 жас аралығындағы шығармашылық индустрия саласында жұмыс істейтін жастар, соның ішінде NEET санатынағы жастар, сондай-ақ ерекше қажеттіліктері бар адамдар мен студенттер болады деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.08.2024, 14:30 32886
Астана әкімдігі жоғары оқу орындарына 850-ге жуық грант бөлді
Достарға айту
Астана әкімдігі елорданың жоғары оқу орындарына 850-ге жуық білім грантын бөлді. Гранттар жоғары және жоғары оқу орнынан кейінгі білімі бар кадрларды даярлауға бағытталған. Грант конкурсы бүкіл ел бойынша өткізіледі, деп хабарлайды Астана қаласы әкімдігінің баспаөз қызметінен.
2018 жылдан бастап Астана қаласының әкімдігі педагогикалық, медициналық мамандықтар бойынша, сондай-ақ гуманитарлық бағыт бойынша жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын бөлу жобасын іске асыруда.
Бұл жоба кадр тапшылығы мәселесін шешуге бағытталған. 2024-2028 оқу жылдарына қала әкімдігі жоғары және жоғары оқу орнынан кейінгі білімі бар кадрларды даярлауға 858 білім беру грантын белгіледі.
Астана әкімдігінің білім гранттары еліміздің сегіз жоғары оқу орнында орналастырылды:
1) "Л.Н. Гумилев атындағы Еуразия ұлттық университеті" КЕАҚ;
2) "Астана халықаралық университеті" ЖШС;
3) "А. Құсайынов атындағы Еуразия гуманитарлық институты";
4) "Дене шынықтыру және бұқаралық спорт академиясы" ЖШС;
5) "Ә.Марғұлан атындағы Павлодар педагогикалық университеті" КЕАҚ;
6) "А.Байтұрсынұлы атындағы Қостанай мемлекеттік университеті";
7) "Ұлттық ғылыми онкологиялық орталық" КЕАҚ;
8) "Астана медицина университеті" КЕАҚ.
Білім беру грантына конкурсқа еліміздің түкпір-түкпірінен үміткерлер қатыса алады. Білім беру гранттары иегерлерінің тізімі 25 тамызға дейін жарияланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.08.2024, 14:22 33151
Елімізде ЖОО оқытушылары мен ғылыми қызметкерлердің жалақысы көтеріледі
Достарға айту
Елімізде ЖОО оқытушылары мен ғылыми қызметкерлердің жалақысы көтеріледі, деп хабарлайды ҚР Ғылым және жоғарғы білім министрлігінің баспасөз қызметінен.
Жоғары оқу орындарының профессор-оқытушылар құрамының жалақы мөлшері 160,7 мың теңгеден 350 мың теңгеге дейін, ұлттық жоғары оқу орындарында 228,8 мың теңгеден 400 мың теңгеге дейін өсті.
2023 жылғы 1 қаңтардан бастап ғылыми ұйымдар қызметкерлерінің лауазымдық жалақысы 18%-ға, 2024 жылғы қаңтардан бастап - 18%-ға, 2025 жылғы қаңтардан бастап - 17%-ға ұлғайтылды. 🖇 Бұдан басқа, "Қазақстан Республикасының кейбір заңнамалық актілеріне ғылым және білім беру мәселелері бойынша өзгерістер мен толықтырулар енгізу туралы" Заңда көзделген нормалар шеңберінде ғылыми атақтардың болуы үшін ғылыми қызметкерлерге қосымша ақы мөлшері ұлғайтылды. Бұл заңға Мемлекет басшысы осы жылдың 6 мамырында қол қойды.
Заңға енгізілген түзетулердің бірінші блогы педагогтер мен ғылыми қызметкерлердің материалдық жағдайын жақсартуға бағытталған. Атап айтқанда, белгілі бір ғылыми дәрежесі мен атағы бар педагогтер үшін ай сайын төленетін қосымша ақы мөлшері ұлғайтылды. Мәселен, философия докторы (PhD), бейіні бойынша доктор, ғылым кандидаты ғылыми дәрежесі және қауымдастырылған профессор (доцент) атағы үшін төленетін қосымша ақы 25 АЕК-ті (92 300 теңге) құрайды. Ал ғылым докторы және қауымдастырылған профессор (доцент) ғылыми атағы үшін 42 АЕК (155 064 теңге), философия докторы (PhD), бейіні бойынша доктор, ғылым кандидаты, ғылым докторы дәрежесі және профессор ғылыми атағы үшін 50 АЕК (184 600 теңге) мөлшерінде қосымша ақы төленеді.
Ғылыми дәрежелері мен атақтары үшін осындай ай сайынғы қосымша ақы негізгі жұмыс орнында ғылыми-зерттеу жұмыстарын жүргізетін ғылыми қызметкерлерге де белгіленді.
40 жасқа толмаған дарынды жас ғалымдарға жоғары және (немесе) жоғары оқу орнынан кейінгі білім беру ұйымының эндаумент-қорының инвестициялық кіріс қаражатынан стипендия алу құқығы берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
05.09.2024, 17:33Қазақстандықтарға шиеленістің күшеюіне байланысты Украина аумағынан кетуге кеңес берілді 04.09.2024, 17:19 43291"Самұрық-Қазына" АҚ мен Amazon Kuiper басшылығы ынтымақтастық мүмкіндіктерін талқылады03.09.2024, 18:52 39416Бектенов МЖӘ жобаларын дайындау қорларын құруды тапсырды03.09.2024, 18:45 38676ҚМА "Жайлы мектеп" ұлттық жобасын іске асыру барысына мониторинг жүргізуде06.09.2024, 13:03 33196Үкімет Қашаған кен орнындағы жөндеу жұмыстарының кейінге шегерілгені туралы ақпаратты жоққа шығарды
28.08.2024, 18:38 115181Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11390639 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 109681Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 105446Алматыда бейбіт жиындар мен шерулер өткізу орындары өзгерді29.08.2024, 16:57 105321Алматыда қала арқылы өтетін негізгі өзендерде көшкін қаупінің картасы әзірленеді