Nusuk цифрлық платформасы Мекке мен Мединаға сапарларды жоспарлауға көмектеседі
Сауд Арабиясы бүкіл әлемнің құлшылық етушілерін қолдауға арналған "Nusuk" атты интеграцияланған мемлекеттік цифрлық платформаны іске қосты.
Сурет: Nusuk
Қажылық және Умра министрі Тауфик әл-Рәбианың сөзіне қарағанда, аталған жобаның Қазақстанды да қамтуы Президент Қасым-Жомарт Тоқаевтың осы елге жасаған сапары қаншалықты жемісті болғанын көрсетеді.
Қазақстан мен Сауд Арабиясының арасындағы қарым-қатынас өте қарқынды дамып келеді. Бізді жоғары мәртебелі Президент мырзаның екі ай бұрын Сауд Арабиясына жасаған сапары қуантты. Бұл сапар өте жемісті болып, көптеген келісімге қол қойылды. Келешекте бұл келісімдер екі ел қарым-қатынасына серпін береді деп ойлаймыз. Қазақстан мен Сауд Арабиясының арасындағы қарым-қатынастың тығыз екенін айта отырып, мен Қажылық және Умра министрі болып тағайындалғаннан кейінгі екінші сапарымды сіздерге жасап отырғанымды атап өткім келеді. Яғни, бұл менің осы лауазымдағы екінші сапарым болып тұр. Сондай-ақ, екі елдің тығыз байланысының бір мысалы ретінде Қазақстан азаматтарының Сауд Арабиясына сайт арқылы немесе Сауда Арабиясының Елшілігіне бару арқылы электронды виза алып, қажылық жасай алатынын келтіруге болады", - дейді министр.
Сонымен қатар, доктор Тауфик әл-Рәбиа екі елдің арасында тікелей әуе рейстерін ашу арқылы Nusuk жобасын қолданушы қазақстандықтардың сапарын одан әрі жеңілдете түсу жоспарда бар екенін жеткізді.
Бұл істе біз Қазақстан Үкіметімен бірге бүкіл шараларды қарастырып жатырмыз. Fly Nas компаниясымен келіссөз жүріп жатыр. 2023 жылы осы бағытта жаңалық болады. Бірақ бұл біз әуе тасымалында тек Fly Nas компаниясымен ғана әріптестік орнатамыз деген сөз емес. Есігіміз бәріне ашық – Сауд Арабиясының компанияларына да, Қазақстан компанияларына да ашықпыз. Келешекте Қазақстан мен Сауд Арабиясының қалалары арасында әуе тасымалын дамытуды жоспарлап отырмыз. Бүгін мен Қазақстанның Индустрия және инфрақұрылымдық даму министрімен кездесу өткіздім. Сол кезде осы мәселені талқыладық. Сондай-ақ біз екі елдің әуе компанияларының әріптестігін дамыту, екі елдің арасында тікелей әуе қатынасын орнату мәселелерін сөз еттік. Министр мырза бұл идеяны қолдап, келешекте міндетті түрде аталған мәселені зерделеп, тікелей әуе қатынасын енгізетінін мәлім етті", - деді Сауд Арабиясының өкілі.
Қажылық және Умра министрінің айтуына қарағанда, пандемия алдында Қазақстан азаматтарына Сауд Арабиясының электронды визасын беру жолға қойыла бастаған. Енді аталған жобаны Nusuk мемлекеттік платформасының аясында өрістетудің мүмкіндігі туып отыр.
Электронды визаны бірнеше минуттың ішінде алуға болады. Кейінгі уақытта Қазақстаннан келетін туристердің саны артып отыр. Жыл басынан бері Сауд Арабиясына сіздердің елден келген құлшылық етушілердің саны 36 мыңға жетті. Жоғары мәртебелі король Салман бен Әбделазиз Әл Саудтың Үкіметі корольдігіміздің екі қасиетті қаласы Мекке мен Мединаға, басқа да қалаларымызға бүкіл әлемнен келушілерді тартуға үлкен мән береді. Сондықтан біз бүкіл мұсылмандарды, сондай-ақ Қазақстанның барша азаматтарын өз елімізде көргіміз келеді. Nusuk мемлекеттік платформасын Умра сапарын қалай орындауға болатынын сипаттайтын орын деуге болады. Сондай-ақ жаңағы айтып отырған электронды визаны қалай алуға болатыны, қосымша қандай жерлерге саяхат жасауға болатыны туралы толыққанды ақпарат табуға болады. Бұл – барша әлем жұртына арналған платформа. Бірақ оның іске қосылатыны туралы мәлімет осы жерде тұңғыш рет жарияланып отыр. Nusuk мемлекеттік платформасы қазір Умра сапарын жасауға және Мекке мен Мединаға саяхат жасауға арналып отыр. Ал Қажылық үшін басқа платформа мен басқа бағдарламалар бар", - деп түсіндірді доктор Тауфик әл-Рәбиа.
Айта кету керек, бұл Nusuk платформасы Сауд Арабиясының туризм жөніндегі басқармасымен бірлесе отырып, Visit Saudi экожүйесі шеңберінде қызметтердің толық ауқымын ұсыну үшін, соның ішінде визалар, рұқсаттар, брондау процестері мен рәсімдерін жеңілдету үшін іске қосылған. Сонымен қатар Мекке мен Мединаға келетін мұсылмандардың тәжірибесін жақсарту мен байыту үшін түрлі пакеттер мен бағдарламаларды ұсынады.
Сонымен қатар, Nusuk мемлекеттік платформасында Сауд арабиясындағы қызықты нысандарға баруды сапалы жоспарлап, көлік іздеу, маршрут түзу қызметтерін, интерактивті карталарды пайдалануға болады.
Платформа қызмет көрсетуші ұйымдарға да өз қызметтерін Умрада құлшылық етушілерге электронды түрде ұсынуға мүмкіндік береді. Сол арқылы жеке секторға қолдау көрсетедi. Ал қажылықты жоспарлау бағдарламасының қызметтерi Nusuk платформасына толықтай ауыстырылғанға дейiн Maqam платформасында көрсетіледі.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматының Алатау ауданында жаңа денешынықтыру-сауықтыру кешені ашылды
Алматының Алатау ауданында жаңа денешынықтыру-сауықтыру кешені ашылды, деп хабарлайды Алматы қаласы әкімдігінің баспасөз қызметінен.
Денешынықтыру-сауықтыру орталығы балалар мен жастарға арналған түрлі спорт секцияларын ұсынады. Орталықта күн сайын екі ауысымда 196 адам айналыса алады. Онда спорт, бокс және хореографиялық және үстел ойындары залы бар. Нормативтерге сәйкес орталық киім-кешек және душ бөлмелерімен, сондай-ақ мүмкіндігі шектеулі азаматтарға бейімделген санитарлық тораптармен жабдықталған.
Аралау қорытындысы бойынша Ерболат Досаев бірқатар тапсырмалар берді: атап айтқанда, ол салынған денешынықтыру-сауықтыру кешендері отбасылық-бағдарланған болуы тиіс, ол үшін спорт мектептерінің тәрбиеленушілері ғана емес, сондай-ақ жақын маңдағы аудандардың тұрғындары мен ерекше қажеттіліктері бар қала тұрғындарының қолжетімділігі қамтамасыз етілуі үшін кестені оңтайландыру қажет екенін атап өтті. Келушілердің ыңғайлылығы мен жайлылығын қамтамасыз ету үшін әкім сенбі және жексенбіде ДСК-ін қолжетімді етуге бұйрық берді.
2025 жылы біз денешынықтыру-сауықтыру кешенін толықтыратын, оны жабық үй - жайлармен ғана емес, спортпен айналысуға арналған ашық алаңмен де қамтамасыз ететін заманауи футбол алаңын саламыз", - деді Ерболат Досаев.
Жалпы Алматыда төрт ДСК (Ақжар, Шұғыла, Саялы шағын ауданы және "Авиатор" стадионы) және ерекше қажеттіліктері бар адамдарға арналған спорт орталығын салуға жобалық-сметалық құжаттама әзірленуде.
Өткен жылдың қорытындысы бойынша негізгі көрсеткішке қолжеткізілді - ден шынықтырумен және спортпен тұрақты түрде айналысатын халықты қамту 42%-ды (924 мың қала тұрғыны) құрады. Ағымдағы жылдың соңына қарай жүргізіліп жатқан жұмыстарды ескере отырып, бұл көрсеткішті 46% - ға дейін жеткізу жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқу жылы басталғаннан бері елімізде 106 жаңа мектеп ашылды
Оқу жылы басталғаннан бері өңірлерде 150 мың оқушыға арналған 106 жаңа мектеп есігін айқара ашты, деп хабарлайды Оқу-ағарту министрлігінің баспасөз қызметі.
Оның ішінде 90 мыңға жуық оқушы 33 жайлы мектепте білім алуда. Олар бастауыш және жоғарғы сыныптарға арналған жеке блоктармен, заманауи техникалық қауіпсіздік құралдарымен, ерекше білім беру қажеттіліктері бар балаларға арналған кедергісіз ортамен, бірнеше спорт залдарымен, заманауи пәндік кабинеттермен қамтылған. Мемлекет басшысы бастамашылық еткен "Жайлы мектеп" ұлттық жобасы аясында 2025 жылдың соңына дейін қазіргі заманғы форматтағы 217 мектепті пайдалануға беру жоспарлануда.
Сондай-ақ сыбайлас жемқорлықтан түскен қаражат есебінен білім беру инфрақұрылымын қолдау қорының желісі бойынша тағы 18 мектеп ашылды. Қалған 55 мектеп республикалық және жергілікті бюджет қаражаты есебінен, сондай-ақ инвестициялар тарту есебінен ашылады. Бұл бағыттағы жұмыстар жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Оқушыларға арналған "Қауіпсіз интернет" республикалық байқауы басталды
Қазақстан Республикасы Оқу-ағарту министрлігінің "Өркен" ҰҒПБМ мектеп оқушыларына арналған "Қауіпсіз интернет" республикалық байқауын бастайды, деп хабарлайды Қазақстан Республикасының Оқу-ағарту министрлігінің баспасөз қызметінен.
Байқаудың мақсаты - балалар мен жасөспірімдердің интернеттегі қауіпсіз мінез-құлық дағдыларын қалыптастыру, онлайн-қатерлерден қорғау және сауаттылықты арттыру.
Байқау оқушыларға интернетті қауіпсіз пайдаланудың негізгі ережелерін көрсететін бейнероликтер жасау арқылы өздерінің шығармашылық қабілеттерін көрсетуге мүмкіндік береді. Бұл бейнематериалдарда жеке деректерді қорғау бойынша кеңестер, кибербуллингтің алдын алу әдістері, сондай-ақ онлайн-контентке аналитикалық және сыни көзқарастың болуы маңызды", - деді "Өркен" ҰҒПИБД президенті Есенғазы Иманғалиев.
Байқауға өтінімдер мен бейнероликтерді қабылдау биылғы жылдың 25 қарашасына дейін жалғасады. Байқау аяқталғаннан кейін қатысушылардың жұмыстарын сараптама комиссиясы бағалайды. Байқау жеңімпаздары желтоқсан айында жарияланады және интернетке қауіпсіз орта қалыптастыруға қосқан үлестерін растайтын дипломдармен марапатталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ерекше білім беру қажеттіліктері бар балалардың 84%-ы арнайы қолдаумен қамтылған
Ерекше білім беру қажеттіліктері бар балалардың 84%-ы арнайы қолдаумен қамтылған, деп хабарлайды Қазақстан Республикасының Оқу-ағарту министрлігінің баспасөз қызметінен.
Психологиялық-педагогикалық қолдаумен қамтуды ұлғайту үшін мемлекеттік тапсырысты орналастыру механизмі енгізілді. Нәтижесінде балаларды арнайы біліммен қамту 84%-ға жетті. Бұл туралы Оқу-ағарту министрі Ғани Бейсембаев ҚР Үкіметінің отырысында айтты.
Бүгінгі таңда мемлекеттік тапсырысты орналастыру механизмі бес өңірде: Алматы, Шымкент, Солтүстік Қазақстан, Жетісу және Қарағанды облыстарында іске асырылуда. Бұл өңірлерде 2 мың бала қамтылды.
Арнайы ұйымдар желісі ұлғайып келеді. Олардың саны 496-ға жетті, бұл өткен жылмен салыстырғанда 21 бірлікке көп. Алайда, ПМПК және түзету кабинеттерінің желісі еліміздің бірқатар өңірлерінде қосымша ұлғайтуды талап етеді. Бұл Алматы, Шымкент, Абай, Түркістан, Қарағанды және Қостанай облыстары.
Ерекше білім беру қажеттіліктері бар балаларды қолдау мемлекеттік саясаттың маңызды бағыттарының бірі болып табылады, осыған байланысты білім берудің қолжетімділігін қамтамасыз ету, оңалту және арнайы қолдау қызметтерін көрсету сапасын арттыру үшін заңнаманы жетілдіру жөніндегі жұмыс жалғастырылатын болады", - деді Ғани Бейсембаев.
Скрининг нәтижелерімен алмасу үшін министрлік Денсаулық сақтау министрлігінің дерекқорымен интеграция жүргізеді, сондай-ақ ПМПК-ға жазылу автоматтандырады. Оқу-әдістемелік кешендер әзірленуде, оқулықтар кезең-кезеңімен әзірленуде, педагогтер әдістемелік құралдармен қамтамасыз етілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаевқа Қазақстанда жасанды интеллект технологияларын дамыту жөнінде мәлімет берілді
Мемлекет басшысы G42 компаниясының басқарма төрағасы Пенг Сяоны қабылдады, деп хабарлайды Ақорданың баспасөз қызметінен.
Қасым-Жомарт Тоқаевқа Қазақстанда жасанды интеллект технологияларын дамыту бойынша бұған дейінгі кездесулерде қол жеткізілген уағдаластықтарды жүзеге асыру барысы жөнінде мәлімет берілді.
Сонымен қатар Smart City жүйесін енгізу бағытында ынтымақтастықтың перспективасы талқыланды. Жоба заманауи технологиялық шешімдердің көмегімен қала тұрғындарының өмір сүру сапасын жақсартуға бағытталған.
Кездесуде инновациялық технология және "ақылды" инфрақұрылым салаларында Қазақстан мен G42 компаниясы арасындағы ықпалдастықты кеңейтудің тың мүмкіндіктері қарастырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.