Алматыда мүмкіндігі шектеулі балаларға арналған иппотерапия жобасы іске қосылды
Енді қалалық бюджет есебінен жылына 100-ге жуық бала оңалтудан өтеді.
АЛМАТЫ. 5 ШІЛДЕ - Елорда күніне орай Алматыда мүмкіндігі шектеулі балаларды оңалтуға арналған иппотерапия жобасы іске қосылды. Жоба Мемлекет Басшысы Қасым-Жомарт Тоқаевтың аутистік спектрдегі мүгедек балаларға арналған мекемелердің санын ұлғайту туралы тапсырмасына сәйкес Тұңғыш Президент Нұрсұлтан Назарбаев қорының "Қамқорлық" бастамасы аясында жүзеге асырылды, деп хабарлайды KAZAKHSTAN TODAY Алматы қаласы әкімдігінің баспасөз қызметіне сілтеме жасап.
Алматы әкімдігінің баспасөз қызметі хабарлағандай, бүгінгі күнге дейін қалада иппотерапия қызметтерін ақылы негізде жеке мекемелер ғана ұсынған, бұл көптеген қала тұрғындары үшін қолжетімсіз болған. Енді қалалық бюджет есебінен жылына 100-ге жуық бала оңалтудан өтеді.
Жоба психоневрологиялық аурулары, ақыл-ой кемістігі, тірек-қимыл аппараты бұзылған, оның ішінде БЦП, Даун синдромы, аутизм спектрі бұзылған 18 жасқа дейінгі мүгедек балаларды қолдауға және оңалтуға бағытталған.
"Иппотерапия" әдісі алғаш рет 1992 жылы АҚШ-та Американдық иппотерапия қауымдастығының құрылуымен бір уақытта рәсімделді. Бұл бірегей және жаңашыл жоба, оның аясында мүгедектігі бар балаларды аурудың ерте кезеңдерінде сәтті емдеуге болады.
Жобаны Paralympic Sports Association Қоғамдық қоры Алматы қаласының әлеуметтік әл-ауқат басқармасының қолдауымен жергілікті бюджет қаражатынан Мемлекеттік әлеуметтік тапсырыс аясында жүзеге асыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мұқағали Мақатаевтың туған күніне орай ақынның өлеңіне жазылған жаңа ән радиодан шырқалды
Қазақтың көрнекті қаламгері Мұқағали Мақатаевтың туған күніне орай Қазақстан радио арналарының эфирінде ақынның "Махаббатым өзімде" өлеңіне жазылған әннің тұсаукесері өтті, деп хабарлайды ҚР Мәдениет және ақпарат министрлігінің баспасөз қызметінен.
Әннің музыкасын композитор Қадылбек Жағыпаров жазса, оны Темірбек Жүргенов атындағы Қазақ ұлттық өнер академиясының түлегі, жас көрермен музыкалық театрының актрисасы Мақпал Дүйсен орындады.
Музыкалық туындының жарыққа шығуына Қазақстан Республикасының Мәдениет және ақпарат министрлігі қолдау көрсетті.
Әннің премьерасы "Qazaq Radiosy" және "Shalqar Radiosy" радиостанцияларының эфирінде орындалды.
Айта кетейік, биыл Мұқағали Мақатаевтың туғанына 94 жыл толып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұлттық парктегі көлдердің айдындарында көлік құралдарын пайдалануға тыйым салынды
Бурабай" мемлекеттік ұлттық табиғи паркі Қазақстан Республикасы Ауыл шаруашылығы министрінің 2010 жылғы 1 қыркүйектегі № 555 бұйрығымен бекітілген "Жеке тұлғалардың ерекше қорғалатын табиғи аумақтарда болу қағидаларына" сәйкес, Ұлттық парктердің су айдындарында, соның ішінде Бурабай көлінің бетіндегі мұз басқан айдында квадроциклмен жүруге тыйым салынғанын хабарлайды.
Бурабай" МҰТП дирекциясы Ұлттық парк аумағында бизнестің мұндай түрін жүргізуге рұқсат берілмегенін еске салады. Суқоймалардың маңында "Көлге кіруге тыйым салынады" ақпараттық тақталар орнатылған.
Күн сайын Ұлттық парктің инспекторлық құрамы Ақмола облыстық полиция департаменті Бурабай аудандық полиция бөлімінің өкілдерімен бірлесіп, табиғат қорғау заңнамасының бұзылуына жол бермеу үшін рейдтік іс-шаралар өткізеді.
Биыл 1 қаңтар мен 5 ақпан аралығында жалпы қолданыстағы жолдан Бурабай көлінің мұзайдынына квадроциклдер шығып кетуіне байланысты 8 факті тіркелді. Барлық жағдайда көлік құралдары тәркіленіп, иелеріне әкімшілік айыппұл салынды.
Бурабай" МҰТП ұжымы Ұлттық саябаққа келушілерден табиғатқа жанашырлық танытуды, ықтиятпен қарауды сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада 8-9 ақпанда демалыс күнгі жәрмеңке өтеді
Астанада 8-9 ақпанда кезекті қалалық ауыл шаруашылығы жәрмеңкесі өтеді, деп хабарлайды Астана қаласы әкімдігінің баспасөз қызметінен.
Мұнда Қазақстанның түрлі өңірлерінен - Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері ұсынылатын болады.
Қала тұрғындары мен қонақтары жеміс-жидек пен көкеніс, ет, ұн және сүт өнімдерін, кондитерлік өнімдерді, табиғи шырын, жем және т.б. сатып ала алады.
Іс-шаралар Нұрғиса Тілендиев даңғылы, 12а мекенжайы бойынша "Koktal" сауда-ойын-сауық орталығында өтеді.
Жәрмеңке әр демалыс күндері 10:00-ден 22:00-ге дейін жұмыс істейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.